اللي بيحب السرعة يتفضل هنا

**Ralliart** · 23-11-2009 11:56 PM

المشاركة الأصلية كتبت بواسطة khaledmekawy2008

المشكلة دى حصلت معايا وانا عربيتى اوتو 2008 زيك بالظبط وخليجى المهم وانا عالصحراوى مكنتش راضية تزود عن 160 خالص وانا استغربتلها جدا مع انى قبلها بكام اسبوع كنت جايب بيها 195 المهم لقيت الار بى ام عالى والسرعة مش راضية تزيد عن 160 بس اكتشفت انك لازم تريح رجلك من على دواسة البنزين ومتخلكش دايس عليها علطول وخلى العربية براحتها بعد 120 وبعدين زود وريح هتلاقى العربية معاك فله وهتجيب 190 براحتها والله كنت بشد مع جيتا وعدتها على سرعة 170 وجبت 195 وكنت معديها برضه وكمان لازم تكون نوعية البنزين كويسة عشان الموتور يكون مستريح واهم حاجة تكون محافظ عالصيانااااات

كلامك مظبوط 100% واي عربيه حتى لو مانيوال واخدتها كيك داون على كل نقله مش هتجيب توب سبيد حلو
والموضوع ده بيبان في الcvt جداً

**twincam** · 24-11-2009 03:00 AM

انا معايا كريستالة مسقط فيها المكنة ال1500 ال2 كامة مانوال
تجميع ممتاز
بتفصل معايا خامس على 196 بالظبط

**mostafa_9128** · 24-11-2009 04:02 AM

شكرا علي الردود و هحاول اعمل كده
بس بالمناسبة في سؤال صغير يعني ايه كيك داون و دي ممكن تتعمل في الاوتو و المانيوال ولا المانيوال بس

**mohamedway** · 24-11-2009 09:03 AM

المشاركة الأصلية كتبت بواسطة mostafa_9128

شكرا علي الردود و هحاول اعمل كده
بس بالمناسبة في سؤال صغير يعني ايه كيك داون و دي ممكن تتعمل في الاوتو و المانيوال ولا المانيوال بس

http://www.nilemotors.net/Nile/102133-ds.html

هذا الرابط لموضوع هتلاقوا فيه إجابات كتيرة فى هذا الموضوع.

**kholio** · 24-11-2009 03:14 PM

معايا لانسر شارك سبورت ووصلت 220 على طريق العاشر

**khaledmekawy2008** · 24-11-2009 06:45 PM

المشاركة الأصلية كتبت بواسطة kholio

معايا لانسر شارك سبورت ووصلت 220 على طريق العاشر

الشارك ممكن تقفل العداد لانها 2 كامة وموتور مايفيك واى ماتورو مايفيك بيقفل العداد بس عايز يكون متناسب مع وزن العربية واعتقد انك برضه لازم تصبر على العربية عشان تقفلها لان الشارك تقيلة والموتور صغير عليها

**devilishtigers** · 26-11-2009 03:36 PM

المشاركة الأصلية كتبت بواسطة khaledmekawy2008

الشارك ممكن تقفل العداد لانها 2 كامة وموتور مايفيك واى ماتورو مايفيك بيقفل العداد عليها

طيب اللانسر بومة ايه (كامة واحدة ولا كامتين) والموتور نوعه ايه ؟؟؟؟

**khaledmekawy2008** · 26-11-2009 05:51 PM

المشاركة الأصلية كتبت بواسطة devilishtigers

طيب اللانسر بومة ايه (كامة واحدة ولا كامتين) والموتور نوعه ايه ؟؟؟؟

البوما واحد كامة sohc اما الشارك Dohc يعنى 2 كامة ونوع موتور البوما 4G18 لل 1600 و 4G13 لل 1300 سى سى

**Youssef.Awad** · 26-11-2009 08:18 PM

يا حضرات حرااااااااااااام عليكم الأرقام دى والسرعات دى فى شوارع مصر اللى لا تصلح أساسا للسير بسرعات قانونية

وأخرة الجرى وحشة إحنا مش فى سباق
وبعدين ده حفاظا على الناس الآمنة اللى ماشية حواليكم
لو أنت مستغنى عن روحك ولا مش فارقة معاك روحك وشايل كفنك على يدك
حرام عليك تتحمل وتشيل ذنب واحد مجنى عليه ماشى على رجليه ولا حتى راكب عربيته فى أمان
السباقات والدراج والدريفت وغيرها ليها حلبات مخصوصة وتأمينات ووسائل تضمن السلامة لتنفيث الشحنات المدفونة داخل كل واحد

ياريت تفكروا مليون مرة قبل أما تدوسوا بنزين ، إمتى وإزاى هاتدوسوا فرامل
لا ضرر ولا ضرار