الموضوع: اللي بيحب السرعة يتفضل هنا

ال١٦٠٠ ١٩٧ ولا ١٦٠؟
الcvt فيه تروس عادي بس مش بتحس بالنقلة عشان قوة الشد لتتغير علي حسب العزم

وخليه يجرب اللي قلتلك عليه وقولي عمل إيه

المشاركة الأصلية كتبت بواسطة bedo13

ال١٦٠٠ ١٩٧ ولا ١٦٠؟
الcvt فيه تروس عادي بس مش بتحس بالنقلة عشان قوة الشد لتتغير علي حسب العزم

الcvt لا يوجد به تروس و لكنه عباره عن سير معدنى بين بكرتين معدنيتين متغيرتين القطر و معامل الإحتكاك بينهم بيبقه عالى جدا لأن السير بيبقه مشدود جدا عشان يقدر ينقل قدرة المحرك للعجل من غير ما يتزحلق و نهاية هذا الفتيس هى إنقطاع هذا السير أو إصابة البكر بالتآكل و ليس له إصلاح (البومه 1600 أتوماتك موديل 2010 نازله إن شاء الله بأتوماتك عادى 4 نقلات زى بتاع ال1300 و لكن يوجد به نظام تحكم تبترونيك).

المشاركة الأصلية كتبت بواسطة fadi ezzat

لأ ياباشا مينفعش تقفلها
فية واحد صنايعى انا عارف اسمة محمد الحداد
معاة لانسر 1300
وجايب بيها 190 وانا كنت معاة

ال1600 مانوال المصرى أخرها 190 كم/س و الخليجى 200كم/س و الأتوماتك مش هتفرق عن كده بردو عشان الcvt فى( السرعات العاليه) بيبقه متفوق فى إخراج قدرة الموتور و ال1300 مانوال ممكن تجيب 180 بس بالعافيه و الأتوماتك ممكن تجيب 170 بس بردو بالعافيه..........

نيجى بقه للأرقام اللى ناس بتقول عليها أكتر من اللى أنا محددها................

ردى عليهم كالآتى:
السرعات اللى أنا كاتبها ده اللى أكيد العربيه ممكن تجيبها فى أغلب الظروف و لكن توجد عوامل تانيه لو فى صالحك ممكن تجيب اكتر......

زى ان الطريق يكون منحدر و لو بسيط.

زى إن إتجاه الهواء يكون معاك.

زى إن البنزين اللى فى العربيه يكون بنزين كويس (و علفكرة لا أقصد رقم الأوكتين بتاع البنزين و لكن المحطة اللى إنت بتمون منها لو كويسه حتى لو هتحط منها 90 هيبقى أداء العربيه حلو و العكس و أنا بأرشح بنزين محطات وطنيه لأنه بيخلى العربيه طلقه لأنه مستحيل يتغش بأى نوع من أنواع الغش لأن هذه المحطات يملكها و يديرها الجيش و عن تجربه)

زى حاجه مهمه جدا وهى ان فيه ناس بتشيل علبة البيئة من الشكمان و ده بيفوق العربيه جامد عن طبيعتها بس طبعا ده تصرف مش صح و لو العربيه فى الضمان تصرف زى ده يخرجها برة الضمان و أكيد الميكانيكى اللى جاب ب 1300 197 كم /س ده شايل علبة البيئة أساسى و كان الطريق مساعده كمان.

المشاركة الأصلية كتبت بواسطة mostafa_9128

واحد صاحبي كان معاه بومه 1300 و 1600 للاتنين اوتو
197 ب 1300 اوتو وده كان اخرها
حاجة بقي غريبة 160 ب 1600 اوتو cvt و العربية كانت بتموت
كان علي طرق العين السخنة وانا كنت معاه

عربيه صاحبك ال1600 فيها حاجه مش طبيعية خالص لان ال160 شيئ طبيعي جداً فيها ومن ساعة ما جبتها وكل ما اسافر بعدي السرعه دي من غير ما آخد بالي أساساً

خليه يجرب تاني ممكن يكون كان في طريق منحدر لفوق او كانت العربيه عايزه سيرفيس وعلى فكره بيفرق جامد البنزين وبالذات البنزينات اللي على الطرق السريعه بتبقى بدائية ومعليهاش رقابه وممكن قوي يغشو البنزين فيها

انا اسف جدا جدا على اللي حصل بس والله النت كان معلق وانا تركت الجهاز ومشيت وكان عندي طفل ربنا يسمحوا كمل الحكاية بالدوس على الكيبورد بس تقريبا كان فرحان ب enter علشان هو الزرار الكبير. انا اسف لتاني مرة على ما حدث.
من اللي الاعضاء كتبوه ان ال 1600 اخرها 190 وممكن اعلى بس لازم تكون الظروف التي تكلم عنها العضو Mohamedway متواجدة.

كنت في 6 اكتوبر وراكب مع واحد معاه لانسر 1600 2006 مانيوال كان بيجري مع باسات العربية ما رضيتش تجيب فوق 170 وكانت بترقص على الطريق لدرجة ان هو قفل زجاج السيارة بتاع العربية كلها علشان التوازن بس بردوا ما كملش بعد 170.
والحكاية دي هي اللي كانت مخوفاني من اللانسر (من جوايا قلت ازاي 1600 ومش قادرة تعدي ال 170 )

هو ليه مش صح أني أشيل علبة البيئة ؟ وهي اصلا مكانها فين ولما بتتشال إيه بيتحط مكانها
هو ممكن اعملها في المازدا٣؟

المشاركة الأصلية كتبت بواسطة bedo13

هو ليه مش صح أني أشيل علبة البيئة ؟ وهي اصلا مكانها فين ولما بتتشال إيه بيتحط مكانها
هو ممكن اعملها في المازدا٣؟

وياريت شرح مبسط ليها (فائدتها - بتتغير مع الصيانة ولا ثابتة - في ضرر على السيارة لما بتتشال)