ارجو الشرح من الرواد علشان انا وقفت

**samirayad** · 24-11-2009 03:29 PM

المشاركة الأصلية كتبت بواسطة ayabooy

متشكر جدا على الشرح الوافي ده يا كبير
طيب هل لو حطيط زيت بديل العمرة ممكن الدخنة تروح ولا خلاص الموضوع انتهي
علشان انا هايكون عندي الفترة الي جاية شوية شغل ذيادة بالعربية و مستحرم اني اجيب موتور استيراد و اهريه في الفترة ديه

لو يهمك رأيى
فكر أنك تغير طقم شنبر وتعمل روديه وتغير كاوتش صباب للحفاظ على حالة المكنه كبساتم وبلوك من التلف مع الزمن

**aYaBooY** · 24-11-2009 06:34 PM

المشاركة الأصلية كتبت بواسطة samirayad

لو يهمك رأيى
فكر أنك تغير طقم شنبر وتعمل روديه وتغير كاوتش صباب للحفاظ على حالة المكنه كبساتم وبلوك من التلف مع الزمن

اكيد رايك يهمني و يهمني جدا
بس المشكلة اني من يوم ما جبت العربية ديه و كل ما اجيب حاجة مش اصلية اخد فيها درس محترم و اضطر اغيرها بالاصلية
و من ذلك سالت على تكلفة طقم الشنبر و وجد طقم شنبر 1200 جنيه
البستم الواحد 750 طقم الجوانات 1500 جنيه
و ده طبعا غير ان نتيجة التصليح و الخرط مش دايما مضمونة علشان كدة قررت اني اجيب موتور استيراد و ده تمنة 2500 جنيه فاضي
طبعا الاسعار الي كتبتها ليها بدائل ممكن توصل للربع و اقل بس جودتها مش دايما مضمونة

**samirayad** · 24-11-2009 07:49 PM

علشان كدة قررت اني اجيب موتور استيراد و ده تمنة 2500 جنيه

على بركة الله

خليك بأه مع اللى معاك دلوقتى
وأبقى حطله زيت شنبر مع الزيت
لحد ماتخلص عليه

**aYaBooY** · 25-11-2009 10:04 AM

متشكر جدا على اهتمام حضرتك
و كل سنة و انت طيب

**samirayad** · 25-11-2009 10:49 AM

وأنت بالصحه والسلامه
والجميع بخير

**aYaBooY** · 25-11-2009 03:29 PM

معلش انا عاوز اتعبك شوية كمان
انا نزلت دورت العربية مدة 15 دقيقة متصلة على السلانسيه و كبست كبستين صغيرين و مفيش دخنة طلعت هل ده طبيعي
الحاجة التانية ميكانيكي فورد قالي عليها ان المشكلة عندي من كاوتش الصباب هل ممكن شرح للحتة ديه و طريقة علاجها
انا عارف ان طلباتي كترت بس ان الكبير بقي ههه

**samirayad** · 25-11-2009 06:34 PM

انا نزلت دورت العربية مدة 15 دقيقة متصلة على السلانسيه و كبست كبستين صغيرين و مفيش دخنة طلعت هل ده طبيعي

هو كده وحش
دا كده ميت فل وأربعتاشر

نطلع من كده بأيه
أن الحرق الجامد يعنى الكبس الجامد
ممكن يكون هو اللى بيخللى دخنه كتير تطلع من الشكمان

الحاجة التانية ميكانيكي فورد قالي عليها ان المشكلة عندي من كاوتش الصباب هل ممكن شرح للحتة ديه و طريقة علاجها

الحقيقه أنا غير مقتنع كليا بوجهة نظره .....ليه
لأن السحب معاك كويس
والبوجيهات من كلامك بتطلع نظيفه ومعلهاش زيت (مش معرقه زيت )
يبقى الأحتمال الأكبر
أن التفويت عندك خفيف من بين الشنابر وغرف الحريق
مع الكبس الجامد
وأعتقد لو عاملت الموتور بسياسه بدون تحريق جامد
حيقل معاك أستهلاك الزيت

بمعنى أن كل ما تنقل بدرى (متعديش ال 3000 لفه /ق مثلا )
أو أقل بين كل نقله والتانيه
أعتقد حتاخد آداء أفضل من دورة التزييت

وكاوتش الصباب بصوره بسيطه
بيكون موجود أعلى دلايل الصبابات وحابك على كل صباب من حول ساق الصباب من فوق تقريبا
لمنع نزول زيت من منطقة التاكيهات
أثناء حركة الصبابات التردديه لفوق وتحت فى أشواط حريق الموتور

لما بيبوظ الكاوتش بيخللى البوجيهات تعرق زيت وحريق المكنه أى كلام
وممكن تقطع منك أو تبطل كمان لما تكون ماشى وبتهدى على مطب مثلا

**aYaBooY** · 28-11-2009 01:57 AM

المشاركة الأصلية كتبت بواسطة samirayad

هو كده وحش
دا كده ميت فل وأربعتاشر

نطلع من كده بأيه
أن الحرق الجامد يعنى الكبس الجامد
ممكن يكون هو اللى بيخللى دخنه كتير تطلع من الشكمان

طيب فيه علاج للموضوع ده

**samirayad** · 28-11-2009 01:36 PM

المشاركة الأصلية كتبت بواسطة aYaBooY

طيب فيه علاج للموضوع ده

لو عاملت الموتور بسياسه بدون تحريق جامد
حيقل معاك أستهلاك الزيت

بمعنى أن كل ما تنقل بدرى (متعديش ال 3000 لفه /ق مثلا )
أو أقل بين كل نقله والتانيه
أعتقد حتاخد آداء أفضل من دورة التزييت

**sab3aawy** · 29-11-2009 05:52 PM

الزيت بيطلع بكثافة لما تكون مبطل واول ما تدور؟ خصوصا لو بطلت وسبتها اكتر من نص ساعة مثلا؟
لو ده هو الوضع يبقى الموضوع ممكن نعزوه لكاوتش الصباب بالفعل
عموما انا من رأييى لو انت مش جاهز ماديا لأسوأ الاحتمالات متفتحش الموتور، قضيها زيت تقيل وخلاص، بالنسبة لزيت الريسورس (بديل العمرة) فعن تجربة مفعوله قصير الامد جدا، وبعد 10 ألاف كيلومتر تلاقى الموتور دخن تانى، كما ان الأزمة لو هى ازمة كاوتش صباب فمش هيحلها، انت استعمل زيت تقيل وممكن تستعمل معاه زيت شمبر لحدا ما تفتح الموتور وتكون جاهز انك ممكن تغيره لو استلزم الأمر

الموضوع: ارجو الشرح من الرواد علشان انا وقفت

LinkBack

أدوات الموضوع

عرض

-

-

-

-

-

المواضيع المتشابهه

ارجو الرد علشان انا محتاجه

بفضفض معاكم وعاوز ردود علشان انا دماغى وقفت

(1) الرواد : د/ على مشرفه.

اسبوع الرواد

الكلمات الدلالية لهذا الموضوع

المفضلات

المفضلات

ضوابط المشاركة