اليابانيات, لماذا هن سيئات- الجزء الثانى؟

**Ahmed Anwer** · 08-12-2007 10:36 PM

المشاركة الأصلية كتبت بواسطة karim_monir

كلام غريب قوي يا استاذ احمد
انت جربت الكرولا ولو جربتها قد ايه وجريت بيها قد ايه
انا جيت بالكرولا من مطروح للقاهرة في 3 ساعات وربع ماشي على 180 وماحستيش بالهوا اللي بتقول علية ده الا لو انا مبعرفش حاجة عن العربيات وثباتها رغم ان عربيتي 1300 مانيوال
مين بقي اللي بيعتل ده طب ما تيجي نخلي التجربة عملية ونحمل العربية فول كابستي افراد وشنط ونطلع المطلع اللي انت عايزة ونشوف هاتبقي عملة ازاي
انا عامل بالعربية 13 الف في 5 شهور طوالى ومدينة
وعمري ما حسيتش باللي بتقول علية ده
وامبارح وانا رايح مزارع دينا واسرتي معايا من البوابة للمزارع خدتها في 20 دقيقة بالظبط والمسافة بالملف 55 كيلو ورغم وجود مطبات هواء الا ان العربية كانت في منتهي الثبات رغم اني ما نزلتش عن 160 مطالع ومنحدرات
يا ريت بس نتكلم كلام عن تجربة مش كلام سماع وعربيات بتعوم كاني قاعد في بسين مش طريق صحراوي
---------
نسيت اقوللك اني مش مقتنع قوي بالكرولا 1300 بس على الاقل مش مزعلاني
لكن لو كان فلوس اكتر كنت هاجيب 1600 او 1800
----------

بغض النظر عن الموضوع اساسا يا م / كريم ،،

أنا فعلآ اسف لأقصي درجة إن كنت زعلتك ،،

انا عارف إن الموضوع ده بيبقي سخيف لأقصي درجة لما واحد يجيي بمنتهي البساطة يقولك ايه العربية دي اللي تدفع فيها المبلغ ده ،،

عموما أنا هتعلم إني مكلمش كلام محدد أوي مادام بنتكلم في موضوع عام

علي فكرة أنا جربت الكورولا بس أكيد مش زي حضرتك كانت عندنا في الشركة و بالكتير كانت مشاوير للعاشر و ستة اكتوبر ،،

و عموما إحنا مش في نطاق تقييم عربية ،، لأن أكيد إختيار خبير زي حضرتك ،، إختيار سليم و مدروس ،،

اكرر اسفي و اتمني تقبله

**Ahmed Anwer** · 08-12-2007 10:53 PM

المشاركة الأصلية كتبت بواسطة أبو عبدالله

يا استاذ احمد دي قائمة لأحسن السيارات الأوروبية الصنع مبيعا لهم كمصنعين اوروبيين
وليست أفضل السيارات عموما مبيعا في اوروبا من كل انواع السيارات

حضرتك يا أخ أبو عبد الله ،، استنتجت إن دي قائمة بالسيارات الأوروبية الصنع فقط من ايه ؟؟ ،،

اللينك اللي جبت منه الجدول ده اهه

http://www.finfacts.com/irelandbusin...10008722.shtml

و فيه جدول تاني لأكثر الشركات مبيعا في اوروبا و تويوتا اليابانية ظاهرة في المركز التاسع

يعني الدراسة مش علي العلامات الأوروبية فقط ،،

**PRO-DRIVE** · 08-12-2007 11:01 PM

^^^^^ انتوا كلكم ناسيين ان في جمارك في اوروبا علي السيارات الي مش اوروبيه ؟؟؟

عشان كدا حتكون كامري بسعر باسات او اودي ايه ٤
بالله عليكم حختار مين مثلا ؟؟
فدي اكبر الاسباب في اوروبا :)

**Abu Aly** · 09-12-2007 12:12 AM

المشاركة الأصلية كتبت بواسطة Ahmed Anwer

بغض النظر عن الموضوع اساسا يا م / كريم ،،

أنا فعلآ اسف لأقصي درجة إن كنت زعلتك ،،

انا عارف إن الموضوع ده بيبقي سخيف لأقصي درجة لما واحد يجيي بمنتهي البساطة يقولك ايه العربية دي اللي تدفع فيها المبلغ ده ،،

عموما أنا هتعلم إني مكلمش كلام محدد أوي مادام بنتكلم في موضوع عام

علي فكرة أنا جربت الكورولا بس أكيد مش زي حضرتك كانت عندنا في الشركة و بالكتير كانت مشاوير للعاشر و ستة اكتوبر ،،

و عموما إحنا مش في نطاق تقييم عربية ،، لأن أكيد إختيار خبير زي حضرتك ،، إختيار سليم و مدروس ،،

اكرر اسفي و اتمني تقبله

استاذ انور .. الاعتذار واجب و حق لمن نسيئ اليهم .. لكن لا ارى موضع للاعتذار الشديد بهذا الشكل فأنت تعبر عن رأيك فى
موضوع مطروح و لم تسئ لاحد و الحديث عن سيارة معينة و قول رأى سلبى فيها لا يدعو و لا يجب ان يدعو لغضب كل انسان
يمتلك نفس السيارة .. الموضوع ليس شخصى .. و لو امتنعنا نقول رأينا فى كل عربية علشان منزعلش س او ص من الناس
يبقى مش حنتكلم عن اى عربية خالص علشان اكيد جميع العربيات موجوده عند اعضاء المنتدى .. انا شخصيا كان عندى ميجان
و بعدين جبت لادا للمدام تتعلم عليها السواقه و تكسر و بعدين هى استولت على الميجان و سابت لى اللادا !! المهم صحيح
عندى اللادا اللى مفيش حد من الاعضاء مش بيتريق عليها لكن لا يمكن ان ازعل من اى كلام عنها رغم ان ليها برضه مميزات من متانة
و سعر العربية و قطع غيارها مالوش مثيل ... و ارجو الا يأخذ الاخ منير كلامى على محمل شخصى انا بتكلم فى العموميات .

**Karim_Monir** · 09-12-2007 09:41 AM

المشاركة الأصلية كتبت بواسطة Ahmed Anwer

بغض النظر عن الموضوع اساسا يا م / كريم ،،

أنا فعلآ اسف لأقصي درجة إن كنت زعلتك ،،

انا عارف إن الموضوع ده بيبقي سخيف لأقصي درجة لما واحد يجيي بمنتهي البساطة يقولك ايه العربية دي اللي تدفع فيها المبلغ ده ،،

عموما أنا هتعلم إني مكلمش كلام محدد أوي مادام بنتكلم في موضوع عام

علي فكرة أنا جربت الكورولا بس أكيد مش زي حضرتك كانت عندنا في الشركة و بالكتير كانت مشاوير للعاشر و ستة اكتوبر ،،

و عموما إحنا مش في نطاق تقييم عربية ،، لأن أكيد إختيار خبير زي حضرتك ،، إختيار سليم و مدروس ،،

اكرر اسفي و اتمني تقبله

ولا اسف ولا حاجة يا استاذ احمد
ولو بتنتقد عربية نقد موضوع عمري ما هازعل لان كل عربية ليا مميزات وعيوب وكل واحد بيحاول ياخد المميزات اللي تناسبة والعيوب اللي ماتزعلهوش على قد ميزانيتة واحتياجاتة
وياما ناس قالت الكرولا بتعو والكرولا شكلها معرفش ايه وصالونها ضيق وانا مقتنع بيها يبقي مازعلش
لكن واحد مثلا يجي يقوللي فتيس الكرولا خشن وبيعض ولا صوتو موترها عالي (رغم انها كاتينة جنزير ومع ذلك صوتها مكتوم) يبقي اكيد واحد مش فاهم وبضر ولا واحد يقول عللى مرسيدس بكل فئاتها ما عدا A انها بتعوم وثبات وحش كدة يبقي مش بنقدم معلومة صحيحة للناس
وشكرا لذوقك وادبك في الحوار ونخلي الموضوع عام

**Karim_Monir** · 09-12-2007 09:45 AM

المشاركة الأصلية كتبت بواسطة Abu Aly

استاذ انور .. الاعتذار واجب و حق لمن نسيئ اليهم .. لكن لا ارى موضع للاعتذار الشديد بهذا الشكل فأنت تعبر عن رأيك فى
موضوع مطروح و لم تسئ لاحد و الحديث عن سيارة معينة و قول رأى سلبى فيها لا يدعو و لا يجب ان يدعو لغضب كل انسان
يمتلك نفس السيارة .. الموضوع ليس شخصى .. و لو امتنعنا نقول رأينا فى كل عربية علشان منزعلش س او ص من الناس
يبقى مش حنتكلم عن اى عربية خالص علشان اكيد جميع العربيات موجوده عند اعضاء المنتدى .. انا شخصيا كان عندى ميجان
و بعدين جبت لادا للمدام تتعلم عليها السواقه و تكسر و بعدين هى استولت على الميجان و سابت لى اللادا !! المهم صحيح
عندى اللادا اللى مفيش حد من الاعضاء مش بيتريق عليها لكن لا يمكن ان ازعل من اى كلام عنها رغم ان ليها برضه مميزات من متانة
و سعر العربية و قطع غيارها مالوش مثيل ... و ارجو الا يأخذ الاخ منير كلامى على محمل شخصى انا بتكلم فى العموميات .

يا استاذ ابو على انا لا اخذ الكلام على محمل شخصي وتقدر ترجع الى ساحة تويوتا ستجد فيها الف نقد للكرولا لم ارد علية لكن لما تقول كلام مش موجود في العربية تبقي بتضر بغيرك وده اللي انت بتقولوة بنفسك
والاستاذ احمد اتكلم على الكرولا بكلام ليس فيها فكان لازم اصحح المعلومة ليه ولغيرة لان ممكن يكون العربية اللي ساقها فيها مشكلة تبقي مش هيا مقياس حكمنا على الموديل كلة
واخيرا انا اسمي كريم مني
ر ولا اخذ اي كلام على محمل شخصي المهم نقد موضوع بناء

**Abu Aly** · 09-12-2007 10:51 AM

يا استاذ كريم شكرا لتفهمك انى ما اقصدش .. المشكلة اللى لاحظتها من مده هنا فى المنتدى هى
حساسية البعض الشديدة لما لا يستوجب الحساسية او الزعل و احيانا سوء فهم للمقاصدو ده حصل معايا قبل كده .. ممكن واحد يقرأ كلام و يفهم منه عكس اللى كان عايز يفوله اللى كاتب ..
و انا كنت عاوز اعفى الاستاذ احمد انور من الحرج الشديد اللى مالوش مبرر زى ما كان واضح فى رسالته الاخيرة لانه ما عملش اكتر من انه قال رأي فى الكورولا .. و المفترض مقدما ان كل رأى يحتمل الصواب و الخطأ و الزعل مرفوع طالما مفيش اساءه للشخص ..انا عن نفسى جربت الكورولا ياريس اتوماتيك و ما عجبتنيش .. ممكن تكون العربية حلوه و انا اللى مش فاهم .. الله اعلم ! فطبعا
ده رأى شخصى .. و شكل 2008 مش عاجبنى كذلك فده ذوقى الخاص .. عندى ميجان اللى عايز يقول فيها اللى قاله مالك فى الخمر مش حازعل و كمان اشكره لانه ممكن ينبهنى لعيب فى العربية لم اكن منتبه له .. و لو لقيت كلامه مش صحيح من واقع خبرتى الشخصية بالعربيه فخلاص
الموضوع منتهى ازعل ليه ؟ فقط ارد لتعريف الناس اللى بتفكر تجيب العربية ديه بأن فى معلومه غلط
علشان ما يعتمدوش على رأى مش سليم صادر عن عدم تجربة فعليه و ده حق الاعضاء على و شكرا ..

**Abu Aly** · 09-12-2007 11:03 AM

فى موضوع تانى اللى هو فتح موضوعين ( نافذتين ) لنفس الموضوع زى الى احنا فيه ( اليابانيات
هل هم سيئات ) .. اذا امكن فنيا ضمهم على بعض لعدم تشتت الاعضاء المداخلة هنا و الا هنا ..

**CryptonX** · 09-12-2007 11:58 AM

الكامري مبيتعش و معظم السيارات اليابانية الكبيرة لا تبيع في اوروبا زي امريكا بسبب
وجود ماركات اوروبية بنفس المستوى و السعر

معظم مواقع الاختبارات الاوروبية بتوصف الكامري بانها " امريكية زيادة "

و اكتر من 80% من الشعب الاوروبي بيفضلوا السيارات الهاتشباك او اللفت باك عن السيدان .

بس لللأسف احنا في مصر هنا , هاتشباك = شباب !

احسن سيارات عائلية في اوروبا بدون ترتيب معين :

فولكسفاجن جولف - فورد فوكاس هاتشباك

حتى الياريس و الكليو و و وووو هاشتباك فقط هي الي بتتباع انما السيدان غير مفضلة نهائي !

حتى الكورولا الي بتتاع هناك , موديل الهاتشباك و الاستيشن منها ( Verso ) بيبيع اكتر بمراحل من السيدان

ممكن لو عملوا كامري سيدان .. تمشي :)

انا ولله ياجماعة بدون مبالغة كنت بتنافش مع صديق انجليزي من كام يوم علي منتديات فيات الانجليزية
بيفكر يشتري Bravo Turbo الي هي 150 حصان و بيقارت بينها و بين العادية ..
في الاخر قرر انه يجيب بونتو .. بقله ليه ؟؟ قالي مش حقدر علي تمن البرافو .. قلتله الفرق مش كبير اوي ..

قالي لآ !!

انا قصدي تمن بنزينها و صيانتها الشهرية مش تمنها هي , تمنها هي سهل و مقدور عليه
انما البونتو حتوفر احتياجي و ضمن مصاريفي الشهرية مش حتزيد كتير عنهم

سيبكم من فيات و من الموديلن .. واحد شاب انجليزي عنده 26 سنة معاه تمن سيارة تربو و سيارة عادية . طبعا بدوم فصال في مصر حنجيب التربو .. علشان شاب وكدة ..
انما فضل البونتو الاصغر و الاضعف توفيرا للمصاريف في الاخر !!

بجد حييته علي تفكيره !!
و عبالنا !