الموضوع: اليابانيات, لماذا هن سيئات- الجزء الثانى؟

المشاركة الأصلية كتبت بواسطة tutankhamoun

و أوعى مثلا تقولي إن العربية الفيات 131 مثلا أحسن من التويوتا كورولا !!!!!!!

لا معلش يا توت ما تقارنش ال 131 بالكورولا الجديده مثلا.
لا قارنها بالكورولا موديلات السبعينات و التمانينات و شوف مين فيهم احسن.
و لو كانت فيات بتنتج عربيه حاليا مطوره من ال 131 شوف كانت حتبقي منافسه للكورولا ازاي و اكيد كانت حتبقي احسن منها

المشاركة الأصلية كتبت بواسطة se3da

اذاي بيتقارن كرولا الي اغلي واحده 150 الف بجولف اقل شيئ فيها 165 الف
و بعدين العربيات الياباني نازله لمصر مخصوص تقريبا مفيهاش حاجه بالنسبه لبره

اكورولا تتقارن بإيه في فولكس ؟؟

الكورولا compact و الجولف و الأوكتافيا compact
بص علي اللينك ده

http://en.wikipedia.org/wiki/List_of...models_by_type

و إحنا مش في صدد مقارنة لواحد هيشتري ،، وحتي لو قارنتها بالفئات الأقل منها في السيارات الأوروبية هتلاقي السيارات الأوروبية بتتحترم العميل عنها مائة مرة ،

المشاركة الأصلية كتبت بواسطة الريس

رايي المتواضع
الصحيح ان اليابان بدعة و صنعة امريكية فيما بعد الحرب
و الصحيح ان اليابان مرتبطة ارتباطا و ثيقا بالولايات المتحدة يجعلها مجرد تابع لها .. و اغلب الشركات اليابانية تبني مصانع في امريكا برغم ارتفاع كلفة التشغيل (مقارنة بالبرازبل مثلا) لاسباب غير اقتصادية ..
و الصحيح ان تفوق السيارات اليابانية يقع في الفئات العليا حيث لا توجد هذه السيارات عندنا من الاساس .. بينما يتفوق الصانع الاوروبي في السيارات المتوسطة و الصغيرة
و الصحيح انه نتيجة للدعاية المكثفة .. اصبح الياباني يباع بسعر اعلى من سعره الحقيقي ..بناءا على السمعة..
لكن ... غير معقول
ان نقول ان اليابان دولة متخلفة تكنولوجيا .. دي واسعة و مهرهرة شوية
ان السيارات اليابانية غير معمرة .. بل هي معمرة ... ربما اقل من الامريكي و قديم الاوروبي لكن تزال معمرة
انه لايوجد اي ابتكار لليابانيين في سياراتهم .. توجد عشرات الابتكارات .. ربما في فئات اعلى مما نراه نحن

+ 1000

انا متفق مع م / فادي إن العربيات اليابانية لا تستحق كل هذا التهليل و السذاجة في الإعجاب ،،

و متفق معاه إنها مش الأولي غير في امريكا و الشرق الأوسط و افريقيا ،، و السوق الإمريكي هوا اللي يوصل أي شركة إنها تبقي ليها مركز علي مستوي العالم و مش أي سوق غيره

و شايف النتائج اللي وصلها ( رغم إني مبحبش نظرية المؤامرة ) ليها وجهة نظر ،،

أمريكا الجنوبية و الصين ،، فولكس وفيات هما الأعلي

الخليج ، إيران ،، فولكس و بيجو و علي الناحية الآخري من الخليج الياباني و الإمريكي

أوروبا الغربية بإستثناء ،، انجلترا ،، السيارات اليابانية مش محققة نجاحات مبهرة ،، و ده كده ممكن يكون إثبات لنظرية م/فادي في المؤامرة الأمريكية ،، علي أساس إن انجلترا تابع لأمريكا و الجناح الأنجلوساكسوني أكتر من الجناح الأوروبي ،،

كان في واحد صاحبي مع ناس ايطالين و بيكلمهم علي مشكلة فلسطين ،، قالولوا إحنا عارفين كل الكلام ده كويس ،، بس فلوس العالم في ايد امريكا و امريكا مع اسرائيل ،، و إحنا مايهمناش غير مصلحتنا

بس ده برده مايوصلش إن اليابان دولة متخلفة و صناعتها سيئة ،، دي من الدول الصناعية السبع الكبري مهما كان ،،

هيا دي فعلآ مبالغة شوية ،،،

عموما البشر ماتفقوش علي اله واحد ،، فطبيعي ميتفقوش علي نوعية عربيات واحدة ،،

مش عارف الناس زعلانة كده ليه زي ما يكون غلط في البخاري ،،

و علي فكرة أنا بخش علي منتديات عربية و غربية كتير بيهاجموا السيارات اليابانية بمنتهي الضراوة ،،

لسبب واحد مش عشان وحشة و سيئة ،، عشان شايفين إن اسعارها اصبح مبالغ فيها جدا و منتهي السرقة و الإستغلال للسمعة و الجوائزاللي عاملوها في سنين ،، إحنا بس اللي شايفين إنها تستاهل الفلوس دي و اكتر كمان ،،،،،،،

و خرجت من نطاق Value for Money تماما اللي هوا بدايتها ،، جزء كبير من الثمن ،، للإسم و الثقة ،،،

و بعدين الناس اللي بتقارن الفيات القديم بالياباني ،، نسيوا إن كل وقت و ليه اذان ،، زمان كانت العربيات بتجيلها بارومة ،، حد سمع عن عربية موديلات بعد 92 جالها بارومة ؟؟ زمان كانت العربيات الفيات بتسخن و موتورها لازم يتعمله عمرة كل 100 الف ،، بس هيا فين فيات في مصر دلوقتي عشان نعرف نحكم عليها ،،، الصناعة اتطورت عامة ،، بس فيات و فولكس توكيلاتهم في مصر زي الزفت ،،

و مع الرياح الخليجية اتحول هوانا من أوروبي راقي لياباني ..........