الموضوع: اليابانيات, لماذا هن سيئات- الجزء الثانى؟

هوا فين السيارات الأوروبية في مصر اساسا ؟؟

امبارح كنت في توكيل سيات اللي علي شارع رمسيس

الليون و التوليديو و الألتيا

تحف واقفة الصراحة ،، وسع و جودة صناعة و اشكال خيالية

جمال ايه و صناعة ايه ،، و سعرها مش الخيالي

بس قطع الغيار و الصيانة نار النار

الفيات خشوا علي موقع www.fiat.com

عاملين افتكاسات و اختراعات جامدة جدا

طيب هو حد قال ان العربيات دي وحشه ؟؟

شخصيا انا بحبهم جدااااا
و فعلا فولكس متوقع ليها جدا انها تكون مكان تويوتا ٢٠١٥
بسبب انتشار اودي الرهيب في امريكا اودي في حاله نشاط كبيره جدااا من سنتين تقريبا هي و بنتلي في امريكا انتشارهم حاليا لابئس به

فولكس و سكودا مالييييييييييييييين الصين
مبيعاتها قوووويه جدااا هناك

سيات فهي اوروبيه التصميم قلبا و قالبها و تعتبر نوعا ما اقل شركه في المجموعه نجاجا في المبيعات ( بس مش اقل من لمبو ههههههه )

لمبو فهي اساسا مش شركه عشان تعمل مبيعات جباره لانه
يمكن سنه ميتباعش منها الا ١٠٠٠ عربيه بس
بس فايده لمبو انها بتطور محركات اودي و بنتلي و فولكس و سيات

و قريبا بورش تمتلكم و تزيد المجموعه قووووه
او يشتروا كرايسلر زي ما الاخبار بتقول

و يعود شعار ( قوه امريكيه بتقنيه المانيه ) بعد ما تركت مرسيدس كرايسلر جروب

الموضوع يا جماعه بسيط جدا و مش محتاج كلام كبير ذى سيئات و حسنات و حلوات و وحشات

طبعا كل واحد حر فى تقييمه و رأيه طالما هو تقييم موضوعى أو عن إقتناع ولا يضر بأى شخص آخر

بس خلاصة القول:

الشركات اليابانية إتبعت إسلوب الإدارة اليابانى و حققف به نجاحات كبيره من خلال المرونة و التنويع و التجديد و ضغط تكاليف الإنتاج و الإبتكار فى ضغط تكاليف التشغيل و خدمة ما بعد البيع

فخرجت علينا هذه الشركات بسيارات عملية بسيطة إعتمادية تكاليف تشغيلها و شرائها فى متناول الشريحة الأكبر من المستهلكين و فى الوقت نفسه تضمن للمستهلك قدر ما من الرفاهية و القدرة على التحمل
أى قدمت معادلة تخاطب عقول المستهلكين قبل قلوبهم - و عندما يتعلق الأمر بالشراء خاصة شراء السلع المعمرة فالعقل هو صاحب القرار الأول وليس القلب

أيوه كلنا نفسنا نركب أوروبى مين فينا مش بيحلم بـ BMW أو Mercedes أو Audi أعتقد كلنا

بس فى الوقت نفسه لما تيجى تبص أدفع كام و هاخد بيهم إيه و من هنا بدأت الشركات الكورية تنافس اليابانى على نفس المنهج آه لسه أمامهم كثير على ما يوصلوا لنفس التكنولوجى إللى بيقدمه الصانع اليابانى بس بينافس

نيجى لفئة السيارات الصغيرة و المتوسطة هانقول ذى الميجان و ذى التوليدو و ذى السيينا و ما إلى ذلك
الشركات الأوروبية لم تحقق حتى الآن إنتشار قوى عالميا لعدة أسباب (طبعا أنا بتكلم على الكم فى المبيعات) و ممكن نشيل بعض الشركات ذى فولكس كإستثناء

الشركات دى إتخذت منهج محدد فى التصنيع و لم تحيد عنه فى معظم الأوقات يعنى محدش من الشركات دى فكر يطلع عربية بسيطة و عملية خارج البيئة الأوروبية بل فى الوقت الذى من الممكن أن تكون السيارة بسيطة و عملية فى أوروبا ستكون معقدة أو غير عملية فى بعض الأماكن الأخرى

غير عملية مثلا لإرتفاع حرارة المحركات أو لإرتفاع مصاريف التشغيل أو لغلاء أسعار قطع الغيار و خدمات ما بعد البيع ............

فالشركات دى هاتبيع كثير إذاى ؟

مش هادخل فى تفاصيل السيارات الأمريكية حيث أنها سيارات أغلبها يباع فى أمريكا و بعض الخليج ولا وجود لها فى أوروبا أو آسيا أو حتى غيرهم و هى ذى ما أحمد قال عربيات مصمميها لا يستخدمون غير المكعب و المربع لازم يحسسك إنها عربية عضلات ماينفعش فيها كرفات ولا منحنيات ماتفهمش ليه مصريين إن العربية تخرج فى هيئة مضلعات بس ده بيرجع لثقافة مجتمع و فى ناس تحب ده و ناس لآ




أخيرا وليس آخرا كل منا له إحتياجات و رغبات مختلفة فى ظل ثقافة مختلفة و مرتبط بإمكانيات مادية مختلفة و ظروف مختلفة كلــــــــها تحدد و تكون قرار شراء مختلف و إختيار مختلف و مع مرور الوقت و تغير تلك المتغيرات تتغير القرارات و من كان يملك اليابانى اليوم فمن يعلم ماذا يتملك غذا صينى ولا ألمانى ....... ولا ولا حاجة ..........

فمن يدافع اليوم من يعلم فى أى وقت سيهاجم و فى أى وقت سيغير من وجهة نظره ........

حرااااااااااااااااااااااا ااااااااااااااااااااااااا اااااااااااااام
انا بقالي اكتر من شهر مدخلتش و ادخل الاقي نفس الموضوع
كل شخص له الحريه فيما يحب و ما لا يحب
و كل صانع له مميزاته و عيوبه
خلاص مفيش مشكله كده

انا مش مقتنع ان حد يجيب عربية غالية مفهاش خالص العنصر ده لمجرد إنه مقتنع إنها هتعيش معاه 10 سنين ،،

هوا انا ضامن إني انا شخصيا اعيش عشر سنين ،،

أنا شخصيا لو العربيات الصيني حققت العنصر ده مع بس ضمان إنها هتعيش لمدة خمس سنين من غير مشاكل مؤثرة

بس برضه لازم العربيه تكووون قويييه و تستحمل الضغط :)

اصلي مفتري اوي علي العربيه