الموضوع: تيجو( نحسب )ارباح وكلاء وتجار السيارات طبقا لتقرير مصلحة الجمارك

المشاركة الأصلية كتبت بواسطة hh

على فكرة انا على عكس كل الناس اللي علقت قبلي مستغربة لأني كنت فاكرة مكاسب العربيات اكتر من كدة. بجد و الله مش هزار يمكن عشان انا شغلي اصلا في المبيعات و عارفة شوية عن حسابات المكسب و الخسارة للشركات.

أولا المكسب مش مجرد رقم ده نسبة من رأس المال. يعني مثال بسيط لو شخصين حطين فلوسهم في البنك واحد حاطط عشر تلاف جنيه و التاني حاطط مليون جنيه, لو البنك بيدي نسبة ربح 8% اللي حاطط عشرتلاف جنيه حياخد ارباح 800 جنيه, اما اللي حاطط مليون جنيه حياخد 80000 جنيه. نسبة الربح واحدة بس أكيد اللي رأس ماله أكبر الرقم اللي حيكسبه حيكون أكبر. يعني واحد صاحب توكيل عربيات بيستثمر ملايين في التجارة دي أكيد حيكسب كتير, أمال بيشغل فلوسه ليه؟ و أكيد اللي يستثمر مليون مش زي اللي يستثمر ألف.

يبقى زي ما اتفقنا المكسب مينفعش ابص له كرقم مجرد , المكسب يتحسب كنسبة من اجمالي رقم البيع و ده بعد ما أشيل ضريبة المبيعات اللي التاجر اصلا بيحصلها لصالح الحكومة.يبقى العربية اللي ب 114000 دي سعر بيعها الحقيقي 103636. التكلفة لو 76000 يبقى هامش الربح الاجمالي
26.6%= Gross Profit Margin = (103636-76000)/103636

هامش الربح ده Gross مش Net. يعني ده المكسب الاجمالي علي كل عربية انما صافي الارباح اللي بيدخل جيب الوكيل ده ليه حسبة تانية خالص. الحسبة دي بيتحسب فيها الoverheads أو الoperation costs تكلفة التشغيل اللي هيا بيدخل فيها الايجارات , مرتبات الموظفين, تكاليف تدريب الفنيين, استهلاك الكهربا و التليفونات و الادوات, نسب الموزعين, ال bonus بتاع البياعين....الخ وكمان بيتحسب فيها الرقم اللي الشركة بتخسره على بال ما العربيات دي تتباع اللي هو الرقم اللي كانت حتاخده فايده على الفلوس اللي اشترت بيها العربيات لو سابت الفلوس في البنك الفترة دي. المهم تكلفة التشغيل دي لا اتخيل انها ممكن تقل عن 10-15 %, و صدقوني دي النسبة الطبيعية. أنا الشركة اللي بشتغل فيها لا تتعدى ال120 موظف و بنبيع بأكتر من 100 مليون في السنة و الOverheads بتاعتنا بتعدي ال 17%.

ف لو احنا افترضنا ان الoverheads بتاعت الوكيل 10% يبقى على الحسبة اللي فوق دي ال net profit او الربح الصافي 16.6%. بيتهيألي ان ده معقول جدا و الا يبقى احسن له يحط فلوسه وديعة في البنك و ياخد عليها 10-11%

على فكرة انا مش بدافع عن التجار و الوكلاء بالعكس انا دايما باقول ان احنا بنتسرق في اسعار العربيات, بس الموضوع ده وضح لي ان اللي بيسرقنا مش الوكيل دي الحكومة. لأ و بعد كدة لسة حتاخد 20% ضرايب على ارباح الوكيل و التاجر و لا اكنها اكلت نص تمن العربية في كرشها اصلا.

==================================
كلام جميل جدا -منطقى عقلانى مرتب منظم ومحوب باورقة والقلم - لكن حضرتك ماقولتيش غير ان دا مكسب طبيعى فهل نفهم من كدة ان احنا - المشترين - مفتريين وبنتجنى على الوكا والتجار مع ملحوظة ان حضرتك اول واحدة تقف فى صف البائعين مخالفة بذلك اراء كل من سبقوا وادلو برايهم
ياريت ناخد راى واضح وملخص ولك كل الشكر على الاهتمام والرد بهذا الاسلوب الجميل

المشاركة الأصلية كتبت بواسطة Sharky

كلام مظبوط جدا

================================
احمد باشا اهلا بيك ونورت المضوع بتعليقك المقتضب -ودا ماينفعناش-عايزين رايك باستفاضة
وياريت تشرفى فى موضوع التعليق الخلفى للسيرة واهميته فى سلامة الركاب ودا رابط الموضوع
http://www.nilemotors.net/Nile/116351-a.html

اين الردود والتفاعل يا اصدقائى؟

المشاركة الأصلية كتبت بواسطة hh

اولا احب اعتذر عن عدم الرد قبل الأن بسبب انشغالي.

انا زي ما قولت في ردي قبل كدة انا مش بدافع عن الوكيل أو التاجر, بالعكس انا متفاجئة لأني كنت متأكدة ان احنا - كمشتريين - بنتعرض للاستغلال, و ده واضح من فرق الأسعار في مصر عن أي بلد تانية حتى لو بتستورد السيارات مش بتصنعها, و تعتبر أسعار السيارات في الخليج أبرز مثال. بس الحسابات اللي اتعملت فوق - و هي حسابات تقريبية فقط - بتبين لنا ان اللي بيستغلنا فعلا هي الحكومة المصرية بما تفرضه من ضرائب و جمارك. و يا ريت ده بيترجم لخدمات و تطوير للطرق في مصر, انما بالعكس احنا كل مادا بنشوف ان الطرق في مصر بتسوء زيادة لدرجة ان احنا عندنا حتى الشوارع الرئيسية في العاصمة بقت في حالة يرثى لها.

بالنسبة بقى للوكلاء فأنا مازلت مقتنعة ان معظمهم - لكن مش كلهم - بيستهبلوا في التسعير. التوكيلات مثلا الي بتبيع العربيات اللي بتتجمع في مصر - اللي مش بتخضع للجمارك المجحفة - بنفس سعر العربية المستوردة اكيد ده ابشع استغلال. على حين ان توكيل زي نيسان مثلا لما بقى يجمع الصني في مصر رخص تمنها في خطوة غير مألوفة في مصر و عشان كدة انا باعتبره من التوكيلات المحترمة. لما توكيل زي غبور يشيل أغلب الكماليات اللي بينزل بيها الموديل برة مصر و يبعها بسعر مبالغ فيه جدا أكيد ده استغلال. لما غبور ينزل في أسعار الالنترا و يزود كماليات الهاي لاين عشان لقى عربية زي السيراتو سحبت السجادة من تحت رجليه, يبقى أكيد كان بيستهبل في الاسعار السنتين اللي فاتوا. لما منصور ينزل الكروز الهاي لاين من غير معظم الكماليات اللي نازلة في عربيات تانية من نفس بلد المنشأ و بسعر أغلى يبقى برضه بيستهبل. انا ما قصدش انتقد غبور و منصور بالتحديد, فيه غيرهم كتير طبعا, انا بس بدي أمثلة.

الخلاصة انا مش بدافع عن التجار, و لا بقول ان المشتري هو اللي مفتري زي ما حضرتك بتقول, انا بس بقول انه واضح انه بعض- و ليس كل - الوكلاء بيتاخدوا بذنب الحكومة فيما يتعلق بأسعار السيارات, و بيتاخدوا كمان بذنب توكيلات تانية فعلا بتستغل الناس.

==================================
دلوقت بقى انا فهمت واقتنعت - المحكمة اتنورت - يسلم فمك

المشاركة الأصلية كتبت بواسطة hh

على فكرة انا على عكس كل الناس اللي علقت قبلي مستغربة لأني كنت فاكرة مكاسب العربيات اكتر من كدة. بجد و الله مش هزار يمكن عشان انا شغلي اصلا في المبيعات و عارفة شوية عن حسابات المكسب و الخسارة للشركات.

أولا المكسب مش مجرد رقم ده نسبة من رأس المال. يعني مثال بسيط لو شخصين حطين فلوسهم في البنك واحد حاطط عشر تلاف جنيه و التاني حاطط مليون جنيه, لو البنك بيدي نسبة ربح 8% اللي حاطط عشرتلاف جنيه حياخد ارباح 800 جنيه, اما اللي حاطط مليون جنيه حياخد 80000 جنيه. نسبة الربح واحدة بس أكيد اللي رأس ماله أكبر الرقم اللي حيكسبه حيكون أكبر. يعني واحد صاحب توكيل عربيات بيستثمر ملايين في التجارة دي أكيد حيكسب كتير, أمال بيشغل فلوسه ليه؟ و أكيد اللي يستثمر مليون مش زي اللي يستثمر ألف.

يبقى زي ما اتفقنا المكسب مينفعش ابص له كرقم مجرد , المكسب يتحسب كنسبة من اجمالي رقم البيع و ده بعد ما أشيل ضريبة المبيعات اللي التاجر اصلا بيحصلها لصالح الحكومة.يبقى العربية اللي ب 114000 دي سعر بيعها الحقيقي 103636. التكلفة لو 76000 يبقى هامش الربح الاجمالي
26.6%= gross profit margin = (103636-76000)/103636

هامش الربح ده gross مش net. يعني ده المكسب الاجمالي علي كل عربية انما صافي الارباح اللي بيدخل جيب الوكيل ده ليه حسبة تانية خالص. الحسبة دي بيتحسب فيها الoverheads أو الoperation costs تكلفة التشغيل اللي هيا بيدخل فيها الايجارات , مرتبات الموظفين, تكاليف تدريب الفنيين, استهلاك الكهربا و التليفونات و الادوات, نسب الموزعين, ال bonus بتاع البياعين....الخ وكمان بيتحسب فيها الرقم اللي الشركة بتخسره على بال ما العربيات دي تتباع اللي هو الرقم اللي كانت حتاخده فايده على الفلوس اللي اشترت بيها العربيات لو سابت الفلوس في البنك الفترة دي. المهم تكلفة التشغيل دي لا اتخيل انها ممكن تقل عن 10-15 %, و صدقوني دي النسبة الطبيعية. أنا الشركة اللي بشتغل فيها لا تتعدى ال120 موظف و بنبيع بأكتر من 100 مليون في السنة و الoverheads بتاعتنا بتعدي ال 17%.

ف لو احنا افترضنا ان الoverheads بتاعت الوكيل 10% يبقى على الحسبة اللي فوق دي ال net profit او الربح الصافي 16.6%. بيتهيألي ان ده معقول جدا و الا يبقى احسن له يحط فلوسه وديعة في البنك و ياخد عليها 10-11%

على فكرة انا مش بدافع عن التجار و الوكلاء بالعكس انا دايما باقول ان احنا بنتسرق في اسعار العربيات, بس الموضوع ده وضح لي ان اللي بيسرقنا مش الوكيل دي الحكومة. لأ و بعد كدة لسة حتاخد 20% ضرايب على ارباح الوكيل و التاجر و لا اكنها اكلت نص تمن العربية في كرشها اصلا.

البوست ده فيه فكر بس في نقطه مهمه اتنسى انها تتاخد فى الاعتبار وبكده تبقى الحسبه كلها غلط
انتى حسبتى دورة راس المال هنا على انها 12 شهر في حين ان فى الحقيقه (بالنسبة لتجارة السيارات) دورة راس المال 3 او 4 شهور بس
لان المستورد او الوكيل بيستورد فى السنه اكتر من 3 او 4 رسايل أو دفعات سنويا
يبقى كده مكسبه السنوي الصافي = 16.6 × 4 = 66%
ودي تعتبر فى الوقت الراهن نسبه ربح فلكيه
مش كده ولا ايه ؟؟

المشاركة الأصلية كتبت بواسطة sha2e

البوست ده فيه فكر بس في نقطه مهمه اتنسى انها تتاخد فى الاعتبار وبكده تبقى الحسبه كلها غلط
انتى حسبتى دورة راس المال هنا على انها 12 شهر في حين ان فى الحقيقه (بالنسبة لتجارة السيارات) دورة راس المال 3 او 4 شهور بس
لان المستورد او الوكيل بيستورد فى السنه اكتر من 3 او 4 رسايل أو دفعات سنويا
يبقى كده مكسبه السنوي الصافي = 16.6 × 4 = 66%
ودي تعتبر فى الوقت الراهن نسبه ربح فلكيه
مش كده ولا ايه ؟؟

=====================================
كلام معقول ومحتاج الرد
ودا رابط لاسعار وجمارك كل العربيات
http://www.akhbarelyom.org.eg/cars_pdf/18.pdf