رقم العضوية : 3279
تاريخ التسجيل : 18Nov2007
المشاركات : 8
الحالة :
يا جماعة انا هشام...معايا كورولا 2008 اول دفعة mmt و عايز اقولكم بس ان الكلام كله صحيح...انا عامل 56000 كيلو بالعربية و لسة جايبها من التوكيل و حاليا هي بايظة تحت البيت مبتتحركش و هحكيلكم ترتيب الاحداث بالظبط...
- اول ما استلمت العربية كنت فعلا مستغرب موضوع النقلات الغريبة دا...بس كنت سامع ان الرينو و الاوبل فكترا كده كمان فا قلت يمكن دا التكنولوجيا و هنتعود عليها...خصوصا اني كان معايا بولو 1998 قبلها (و الله كانت برقبتها)
- مع الصيانة العادية ابتديت احس ان النقلات خصوصا بين الاول و التاني بينهم مسافة زمنية طويلة زي ميكون سواق تاكسي بيجو 504 بينقل علي راحته...بس قلت ماشي...خصزصا ان انا شغلي بليل مش بنزل كتير الصبح فا مش بقف في الزحمة و كده فا اكيد المشكلة بالنسبالي مش زي الناس الي معكوكين فيها في الزحمة...
- 32000 كيلو...رحت اعمل صيانة ال30000 قابلني المهندس محمود يوسف في ابو رواش (مليان شوية و ب دقن) ولد جميل و محترم فعلا...قلتله علي العيب الي فيها دا قاللي طيب هنكسف عليها و نكلمك...و يبتها فعلا...تاني يوم محمود كلمني و قاللي فيها اسطوانة...هتتغير علي حساب التوكيل...قلت ماااااشي و شكرا...و قعدت ييجي اسبوع...و اخدتها...تمام كانت مش بطالة بس بردو مش زي الاوتوماتيك العادي...
- 55000 كانت الحالة خربانة خالص...بين الاول و التاني صوت زي بتاع العربية الفليشيا و هي بتعشق مرشيدير كده...و فجأة و انا ماشي علي اكتوبر يوم جمعة بعد الصلاة رايح سيتي ستارز,,,العربية فصلت و لمبة حمرا نورت...بقوة الدفع كده وقفت علي جنب بعدا اتسبلي ميت مرة علي الكوبري من الي رايح و الي جاي...مهو محدش متوقع اني بعربية جديدة واقف عطلان يعني ...بطلتها...دورتها...تمام كده اشتغلت....تاني يوم كلمت التوكيل...حجزت و روحت( و عملتها معايا و انا رايح التوكيل علي المحور كمان)..
- التوكيل 55000 (28 12 2009) قابلني محمود يوسف و كان اخر يوم ليه في ابو رواش لانه اتنقل فرع اسكندرية و قلتله علي الي حصل...قاللي كده باللفظ "اه احنا فعلا كنا فاكرينه عيب دبرياج بس كلمنا اليابان و قالولنا انه فيه 5 حاجات لازم تتغير مع بعض دبرياج(دسك و بلية و اسطوانة) و سلكت اكتواتر و كلتش اكتواتر" قلت الحمد لله...ماشي...قاللي محمود انا اخر يوم ليا..اعرفك علي مهندس محمد عبد القادر (راجل محترم بردو بس محمود صريح اكتر) قاللي العربية هتعد 4 اسابيع عشان قطع الغيار مش كلها موجودة...قلت اوكيييييه...جابولي كيس لميت حاجتي من العربية...و تمام....
بتابع معاهم كل اسبوع...مرة محمد يرد...مرة لا...كده يعني...لغاية ما قاللي تعالا استلم...28 01 2010 ركبت تاكسي الابيض دا..من المهندسين للتوكيل عمل 31 جنيه اديته 35 من فرحتي...اخدت العربية..دفعت الصيانة العادية...مشيت......هيا هيا...ززي زمان اول مجبتها....قلت ماااااااااشي هبيع و عوضي علي الله...ادخا ابص علي الاسعار...انا جايبها ب135000 المستعمل بتاعها بيعمل 95!!! و انا الي مردتش اجيب فورد فوكاس عشان مخسرش و انا ببيعها!!!!
المهم...رضيت بالامر الواقع و قلت خلاص خليها وعايا كام سنة و خلاص مهي اكيد مش هتزل عن 90 يعني...الي يوم 6 02 2010 السبت الماضي..ماشي بجوار نادي الصيد و الدنيا وقفت...الزحمة العادية يعني..مشيت الزحمة...بدوس بنزين...مفيش اصلا بنزين!!! العربية علي ال n , و هي جايبة e !!!!!!
يمين شمال مفيش...قمت زاقق لغاية ركنة و سبتها تهدا...و دورت دارت و نقلت نقلت و جريت علي بيتي (قريب من نادي الصيد جدا) بدون ان تنقل...مع اني سامعها بتحاول تنقل...الصوت الي بين الاول و التاني بيحاول بس مش عارف....ركنتها زق بردو و مشيت...
دخلت هنا لقيت الناس عندها مشكلة بردو...كلمت الاخ مروان و حكيتلو و عرفت ان احنا مش لوحدنا...احنا كتير اوي (مع الاعتذار لخالد الصاوي في يعقوبيان)...
و عرفت من جهاز حماية المستهلك ان الموضوع مش فردي و ان في مجموعة كبيرة من الشكاوي عن نفس الموديل و بنفس الاسباب....
كلمت التوكيل انهاردة و قاللي هيبعتلي حد ياخدها...بس انا رفضت...انا بس عرفت منهم هما غيروا ايه بالظبط عشان اروح بكرة الجهاز و اعمل الشكوي...و هما علي فكرة عندهم فكرة ان انا بعمل شكوي و الناس مش مخضوضة...واضح ان انا مش لوحدي...هسيبها لغاية ما الشكوي تتنظر و يشوفوا اللجنة الهندسية هتقول ايه في العربية....
ادعولنا يا جماعة و الي معندوش نفس المشكلة احب اقوله انه دي لوحدها مشكلة :)
و مع ذلك انا احترم توكيل تويوتا و اثق ان انشالله هناخد حقنا....
شكرا لاستماعكم...
هشام (شيكو)
رقم العضوية : 55960
تاريخ التسجيل : 16Dec2009
المشاركات : 77
النوع : ذكر
الاقامة : القاهرة
السيارة: Toyota
السيارة[2]: lancer
دراجة بخارية: no
الحالة :
رقم العضوية : 55960
تاريخ التسجيل : 16Dec2009
المشاركات : 77
النوع : ذكر
الاقامة : القاهرة
السيارة: Toyota
السيارة[2]: lancer
دراجة بخارية: no
الحالة :
رقم العضوية : 47410
تاريخ التسجيل : 17Sep2009
المشاركات : 141
النوع : ذكر
الاقامة : Egypt
السيارة: نيسان
السيارة[2]: كورولا
دراجة بخارية: no
الحالة :
من شهر واحد بس كان كل الكلام عل الفتيس هو الاحساس بالنقلة من الاول للثاني
او شكوى من احتمل تعرض الفتيس ل حالة n error في حالة السخونة مما يحتاج اراحتة لمدة 15 دقيقة. كان فين بقا كل الشكاوي ان العربية بتعطل تماما و محتاجة تتجر الي اخر كل هذا الكلام.
انا طبعا مصدق ان هذا الكلام ممكن يكون حصل مع الملاك بس كان الواجب انهم يتكلموا بدري وينبهوا الناس الاخرين
رقم العضوية : 36480
تاريخ التسجيل : 26Mar2009
المشاركات : 3,597
النوع : ذكر
الاقامة : مدينة العبور(عروس المدن الجديدة)
السيارة: لانسر بومة 2007
السيارة[2]: كورولا 2008 mmt
دراجة بخارية: adidas
الحالة :
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
انا هقولك حاجه واحده بس انت بتتكلم علي انه اساس
هل انت تعرف كام عربيه دخلت توكيل تويوتا بعيب ال n error ؟
اعرف المعلومه دي وبعدين احكم اذا كان عيب جماعي او فردي
هل تعرف ايه هي تكنولوجيه الفتيس وهل في فعلا سوفت وير جديد ولا لا ؟
السوفت وير هو هو من ساعه ما نزلت العربيه والي متعرفهوش بقي ان تويوتا ايجيبت طلبت من تويوتا جنوب افريقيا تعديل السوفت وير وجعل النقلات تتاخر شويه متجيش بسرعه وري بعضها عند الضغط علي دواسه البنزين بخفه (اصحاب العربيه طبعا عارفين ان عند الضغط علي الدواس بخفه العربيه بتحيب الغيار الرابع و بتكون لسه سرعتها 40 كم) لان طبيعه الاسير في طرق مصر مختلفه وتويوتا جنوب افرقيا رفضت وقلتلهم ان تكنولوجيه العربيه كده ومش هيتغير السوفت وير انما بقي تويتا ايجبت بتضحك علي الناس هنا بان فيه سوفت وير جديد انما الي بيتعمل هو عمليه اعادع ضبط الخلوصات ووقت النقلات بس لان بتكون مبنيه علي معادلات ثابته مش اكتر و اعاده الضبط دي اي حد بيروح الصيانه الدوريه بتتعمله من غير ما يطلب يعني كل الناس عندها السوفت وير الجديد زي ما بتسميه انت :)
موضوع بقي 2009 و 2008 للعلم العربيات الي اتباعت في 2009 لم يتم تتغيير اي حاجه في العربيه بالكامل ومعظم الي اتباع في سنه 2009 كان ستوك من 2008 والفتيس لم يتم فيه اي تعديل حتي الان لا سوفت وير ولا هارد وير وطبعا الكلام ده انا مش بقوله من عندي لا الكلام ده من جوه التوكيل وهو مش سر يعني انت لو قعدت تتكلم مع اي مهندس في التوكيل و حس انك فاهم و عارف المعلومات دي هيتكلم معاك بصراحه
ولعلامك ان تويتا اليابان عارفه بالمشكله دجي وفي ناس خرجو بره الضمان والفتيس باظ عندهم وعملو مشكله مع التوكيل و اتصلحت علي حساب التوكيل ببلاش بعد ما خرجت من الضمان بس مش مضمونه العمليه دي لان تويوتا ايجيبت بتبعت لليابان تقرير وهي الي توافق او لا انها تصلح علي حسابها الفتيس وطبعا اكيد مكنش حاجه زي دي هتحصل الا اذا كان هما عارفين ان الفتيس فيه عيوب صناعه
موضوع تغيير طقم الدبرياج ده فعلا مدير قسم اسقبال ابو رواش قالي ومهندس الاستقبال قال ان ناس كتير بتغيره كل 20 الف انا غيرته فعلا عند 40 الف ودلوقت انا عامل 78 الف وربنا يسهل مش عارف هغيره تاني امتي هو قالي انت كده حظك كويس بتقدر تحافظ علي الطقم و بيقعد معاك كتير
وطبعا هتقولي اشمعني المنيوال مبيستهلكش لان المانيوال انت الي بتتحكم فيه وبتقدر متحملش علي الاسطوانه انما في الفتيس ده كلاتشات هي الي بتتحكم في الموضوع ده وكمبيوتر ومواتير وحساسات علي البدال شوف بقى اي حاجه بتخرف من الحجات دي بتاثر علي طقم الدبرياج ازاي
عموما انا فتحت التوبك ده للناس الي عندهم مشاكل في الفتيس وغيرو حجات مش للناس الي مش عارفه تستخدم العربيه والفتيس ومش عاجبهم يعني الناس الي هتتقابل في التوكيل انشاء الله هما الناس الي حصل معاهم مشاكل فعلا ولحد دلوقت عدد كبير مش صغير الي اتجمعو ويا رب يسهل و التوكيل يحللنا المشكله دي الناس بقي الي بتدافع عن الفتيس وشايفه انه مفهوش عيوب بكره مع الوقت هيعرفو فيه عيوب ولا لا المسئله مسئله وقت مش اكتر
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
سعر الفتيس العادي ارخص من الفتيس mmt لانه تكنولوجيا احدث و معقد وفي اجزاء كتير لكن تويوتا ايجيبت بتبيع الاتوماتيك العادي اغلي وذلك عشان ال mmt وقف سوقها وسمعتها سابقها عشان كده بتعتبر ان الفتيس الاوتماتك العادي ميزه بقي فغلت السعر مش اكتر وكمان عليها اقبل كبير
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
الي العضو hh انت لسه مستلم العربيه في شهر 1/2010 وبتتكلم علي العربيه وتقول رايك مش الي يقول رايه يكون عن تجربه و لال ايه اصبر شويه وبعدين احكم علي العربيه
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
للاسف التوكيل قدر يخدع الناس ويفهم كل واحد ان عيوب الصناعه دي عنده بس وانها مشكله فرديه وحظ مش اكتر عشان كده الناس مكنت بتتكلم وكان اول ما نزلت العربيه في كلام كتير عن الناس مش عارف تستخدم او تتعامل مع الفتيس ازاي فكان اي حد من الي حصل معاه مشكله لما يسمع ان في شكوي من الفتيس يفتكر انه مشكله عدم القدره علي التعامل مع الفتيس والتعود عليه لكن انا اول ما عرفت ان الموضوع كبير و ان ناس كتير حصل معاهم المشاكل قولت لازم نتجمع وفتحت التوبك ده يا ريت كان الواحد عرف بدري عن كده كان فاد ناس كتير قبل ما تشتري عموما انشاء الله هنتقابل كلنا يوم السبت عند جامع توشيبا العربي في صلاح سالم ويا ريت الناس الي عندهم مشاكل فعلا متكسلش وتتكل علي الناس الي رايحه ويجو معانا لازم نكون عدد عشان يعرفو اننا قدرنا نجمع بعض ونقف ايد واحده لان طبعا هما عارفين المشكله عامه و عيب صناعه مش محتاجين يعرفو النقطه دي لحد دلوقت انشاء الله جاي اكتر من 20 عربيه
رقم العضوية : 3040
تاريخ التسجيل : 06Nov2007
المشاركات : 772
النوع : انثى
الاقامة : cairo
السيارة: toyota corolla 2009
السيارة[2]: Nissan Sunny 2008
دراجة بخارية: لا يوجد
الحالة :
يا ريت يا أستاذ وائل توريني فين المشاركة اللي انا حكمت فيها على العربية دي؟ انا مقولتش رأي خالص أنا سألت أسئلة احاول أعرف منها انا و غيري اذا كان فيه مشكلة عامة في كل ال MMT و لا لأ, و لا حضرتك عايزنا نسلم بكلامك من غير ما نحاول نفهم؟
انا قريت الموضوع لتالت أو رابع مرة عشان يمكن أكون أنا اللي مبفهمش و لا حاجة, و مسكت ورقة و قلم و قعدت أكتب اسم كل عضو اشترك في الموضوع ده و موديل العربية و الشكوى اللي عنده. مبدئيا مالقيتش غير حضرتك و أستاذ مروان اللي حكيتوا عن المشكلة اللي حصلت عندكوا بالتفصيل و بعد كدة اشترك الأستاذ شيكو و حكى تجربته اللي حصله فيها n error عند 55000كم. و طبعا أستاذ أبو الوليد زي ما قال حصلت عنده المشكلة عند 20000كم و بعد ابديت السوفت وير (ده كلامه مش كلامي) متكررتش تاني و هو عدي 50000كم من فترة ما شاء الله و هو كان مبسوط جدا من العربية لغاية ما الموضوع بتاع حضرتك قلقه زي ما قلقنا كلنا. بقيت النس يا اما ناس قلقانة من ان الكلام بتاعك يكون صح - و أنا منهم - يا اما ناس مش عاجبها سواقة الفتيس و لقيتها فرصة تطالب بتغييره.
طيب هل شكوى شخصين أو تلاتة دليل على وجود عيوب لا يمكن أصلاحها في كل العربيات علشان نتجمع كلنا و نطالب نغير نوع الفتيس؟؟؟؟
و بعدين حضرتك بتسألني اذا كنت عارفة كام عربية حصلت فيها المشكلة, لأ مش عارفة و عشان كدة بسأل الناس هنا و برضه مالقيتش رد غير اللي قولت عليه. يا ريت لو حضرتك تعرف تقول لنا و يا ريت كمان تقول لنا موديل 2008 و لا 2009. ّاه صحيح,نسيت ان حضرك بتنكر اساسا ان فيه حاجة اسمها موديل 2009, زي ما يكون كل اللي اشترى الموديل ده أهبل و محدش خالص بص في ورق العربية اللي بيشتريها. و كمان بتقول مفيش سوفت وير جديد يعني الناس اللي راحت عملت ابديت دي ناس هبله اتضحك عليها, و الناس اللي في التوكيل اللي قالولهم ان فيه سوفت وير جديد في 2009 و نزلوهلهم دول مبيضين محارة ما يرتقوش لمستوى المهندسين اللي حضرتك بتكلمهم في التوكيل و بيقولولك الاسرار اللي مش بيقولوها لحد تاني دي.
انا بأحاول أقيم وجود مشكلة من عدمه عشان انا بصفتي من ملاك العربية حأكون أول واحدة أقف معاكم لو فعلا الفتيس معيوب, انما عشان يبقى اتنين تلاتة عندهم مشاكل و عايزين يجمعوا الناس عشان يقووا موقفهم في التوكيل, يبقى ألف لأ.
المفضلات