الموضوع: دعوه للتواصل لاصحاب فتيس mmt وحصل معاهم مشاكل

المشاركة الأصلية كتبت بواسطة hh

بصراحة انا قريت الموضوع مرتين عشان أفهم هي ايه الشكوى بالضبط اللي بتطالبوا عشانها تغيروا الفتيس لأوتوماتيك و برضه وصلت لنفس النتيجة....ولا حاجة, الناس اللي اشترت بسعر أعلى من السعر الحالي ب30000 جنيه متحسرة على الفرق و عايزة تعوضه بأي طريقة.

انا مش شايفة غير عضو واحد هو اللي غير حاجات كتير بايظة في الفتيس و شايفة انه كان المفروض بعد تاني او تالت مرة يصر يغير الفتيس كله مايصلحوش لأنه واضح جدا انه عيب صناعة, انما نطالب تويوتا تغير فتيس كل العربيات ال MMT بأوتوماتيك ليه؟ اللي عنده مشاكل في الطنابير و الدريكسيون, ده ماله و مال موضوع الفتيس؟ واضح أن موضوع ال n error ده ماحصلش غير مع عدد محدود من الناس في موديل 2008 و أختفى بعد تغيير السوفت وير بشهادة ناس معانا هنا منهم أبو الوليد, اللي مش عارفة ايه اللي يخليه يتضامن في االموضوع ده اذا كان هو نفسه بيشيد بالفتيس و عدى بالعربية 50000كم من غير ما يغير حاجة في الفتيس, يعني مش لازم طقم دبرياج يتغير كل 25000كم و لا حاجة. و اللي بيقول العربية نزلت سنتين و مش حتنزل تاني دليل عيب في الفتيس, على كده الياريس الي برضه تويوتا مصر مش حتنزلها تاني عربية معيوبة و لازم أصحابها يجبروا التوكيل يرجعها. و اضح جدا ان تويوتا ايجيبت فاشلين تسويقيا, لكن ده مش معناه ان احنا نقول كلام مرسل عشان واحد ولا اتنين ظهرت عندهم ال n error.

بصراحة الموضوع كله يفتقر الموضوعية في التقييم. السؤال اللي لازم تسألوه قبل ما تعملوا تجمهر, و تعلوا صوتكوا عشان تخوفوا الشركة و الكلام الكبير ده, كام واحد منكم حصلت له مشكلة ال n error?و يا ترى كان موديل 2008 و لا 2009 , و لو 2008 هل قبل و لا بعد ما يعمل ابديت السوفت وير؟ ده اللي يخلينا نحكم اذا كان فعلا في عيب جوهري و لا مشكة سوفت وير و اتحلت.

كنت لسة داخل اسأل نفس السؤال اللى محيريني من ساعة ما الموضوع اتعمل وقلته في اول الموضوع الناس اللى هتروح التوكيل او هتشتكي في جهاز حماية المستهلك هيشتكوا من ايه يعني لما يتسألوا عن مشاكلهم هيقولوا ايه...الفتيس بيعلق طب علق معاك كام مرة وقبل ما تنزل سوفت وير جديد ولا بعد ما نزلته لأني اتصلت من شوية ببعض الناس اللى معاهم موديلات 2009 مافيش حد لقيته غير حاجة في عربيته او عمل صيانة واحدة للفتيس واغلب الناس اللى اشتكت ان مكانش كلهم هي الناس اللى معاها موديلات 2008 ...كمان لقيت كذا واحد يقولي صاحبي معاه العربية ومطلعة عينيه اسأله موديل كام يقولي 2008 ومعرفش هو غير سوفت وير ولا لأ ....كمان الفتيس موجود زيه في عربيات تانية زي الأوبل والفيات والشكوي الوحيدة تكمن في الأحساس بالنقلة .....موضوع الn erro من بعد مانزلت السوفت وير عرضت العربية لمواقف مشابهة زي اللى حصلتلي لما الفتيس علق ولقيت انه محصلش اي حاجة وكل حاجة في الفتيس جربتها سواء حرق علي الغيار بصورة مستمرة ومتكررة وفي الزحمة وفي اجواء الصيف الحارة برده مافيش حاجة والصيانة الوحيدة اللى عملتها بعد السوفت وير كانت بسبب رجرجة بسيطة جدا في طلعة الغيار التاني وكنت ممكن اسيبها مش هتأثر في حاجة وده الحاجة الوحيدة اللى انا اعترض اني اعملها بعد الضمان علي حسابي .
فأنا قبل ان اقرر ان اعمل اي شيء مستني اجابات من الأخوة اللى هيروحوا التوكيل او هيشتكوا في جهاز حماية المستهلك .
واعذروني ان كان في كلامي تخبط لأني بقالي سنة مستريح مع الفتيس وفجأة ييجي موضوع يتعمل ماشفتش زيه في اي منتدي تاني يسد نفسي عن ركوب العربية ويخلي دماغي تلف ومتردد لغاية دلوقتي.

المشاركة الأصلية كتبت بواسطة ahmedhee

بالنسبة للفتيس mmt الكلام الرسمي من التوكيل هو انه لس حايفضل ينزل مصر لكن دا حايكون بالطلب لان حسب توقعاتهم اقل من نسبة 5% هما اللي حايطالبوا بالفتيس دا, اذا اي حد راح لموزع تويوتا رسمي حيلاقي البرشور لسنة 2010 فيه 3 انواع. و كدا يبقا تويوتا خرجت نفسها من موضوع ان مش حاينزل تاني

اما بالنسبة للفتيس اعتقد ان اضمن حل ان تويوتا تمد فترة الضمان عليه حتي اذا كان دا مقابل مبلغ سنوي معقول. لان في الاخر الفتيس اداءه معقول برضة

كلام معقول فعلا
انا رايي كده برضه
ان اسلم حل واسهل حل
ان فترة الضمان بتاعت الفتيس تزيد ويبقى صيانة اي شئ متعلقة بالفتيس عليهم
ده اسلم حل لهم ولكم خصوصا ان فيه ناس معجبة اساسا بأداء الفتيس فعلا
ولكن كلام الناس بيحسسهم انهم اضحك عليهم او هما بقوا فئة لوحدهم

راي يبقى الطب بتعكم ان فترة الضمان تزيد والصيانة بتاعته زي التربيط وتظبيط السوفت يبقى مجاني مع الصيانات الدورية فعلا

وربنا يباركلكم في عربياتكم ان شاء الله

أنا بردوة قريت الموضوع كذا مرة وليه الملاحظات الاتية :-
1- انا معايا العربية 2009 عاملة 19 الف كيلو والحمد لله معنديش اى مشكلة منها او من الفتيس

2- باسثناء الكلام على الفتيس مواضيع الطنابير وعمود الدروكسيون ..... الخ المفروض تحصل للناس اللى معاها الكورولا مانيوال عادى واتوماتيك عادى لان العربيات واحدة فى كل شىء ما عدا الفتيس يعنى الشكوى تكون عامة من ملاك الكورولا
3- ملاحظة اكلمنا فيها زمان من ايام شاركى (بهزر معاك يا شاركى)
كل المشاكل فى الفتيس اللى ظهرت كانت فى موديلات 2008 وأعتقد بنسبة كبيرة محدش عنده 2009 وبيشتكى منها سواء داخل او خارج المنتدى ونسبة كبيرة من ملاك 2008 كانوا راضين اما نزلوا السوفت وير الجديد


4- الفتيس والمشاكل اللى ظهرت لبعض الأعضاء رأى انه مش سبب قوى للمطالبة بتغير نوع الفتيس
أبسط رد من تويوتا ايجيبت هيكون عدد العربيات اللى فيها مشاكل مقارنة بعدد العربيات الى تم بيعها هو عدد قليل (بفرض انا 20 عربية راحت زى ما هو مقترح للتوكيل مقارنة تقريباً 3000 عربية تم بيعها هى تقريبا ًنسبة 7 فى الالف )


5- انا مش ضد انا ممكن نروح للتوكيل نعرض مطالب لملاك العربية بس تكون حاجة عملية يمكن تطبيقها أعتقد فكرة الفتيس انه يتغير الى اتوماتيك عادى معقدة وغير قابلة للتنفيذ
وشخصيأ راى أن المطالب تكون :-
- زيادة سنوات الضمان للفتيس هى الفكرة الاكثر عملية من وجهة نظرى
- تغير الفتيس بفتيس جديد MMT طالما المشكلة ظهرت كذا مرة لنفس العربية

أخيراً نفسياً احنا ملاك MMT عندنا شعور بالغضب والسخط على توكيل تويوتا ايجيبت اما نزل من سعر العربية بالمنظر ده وكمان محدش قادر يجزم انه هينزل العربية موديلات 2010 (أعتقد التوكيل نفسه مش عارف ) + انخفاض سعر اعادة البيع مقارنة بالشيب اللى قبله ونفسى نولع فى التوكيل كله

الفتيس الأوتوماتيك العادى بيتكلف أكتر من ال mmt حوالى 1000 دولار
وبالتالى مش معقول نطالب التوكيل بتغيير الفتيس مجانا والصح هو أن من يرغب فى تغيير الفتيس لأتوماتيك عادى يدفع مبلغ فى حدود 10 آلاف جنيه وعلى فكرة هو تمنه أكتر من 35 ألف جنيه
واللى عايز يغير لمانيوال ميدفعش حاجه