أنسى المشروبات الغازية أنسى السكر قلل مصادر الكربوهيدرات الرئيسية قلل الملح ومصادره وأشرب كتير وأتحرك كتير .

- بدل البيبسي أشرب شاي أخضر أو يانسون أو عصائر طبيعية من غير سكر وحط عليها حليب خالي الدسم .
- بدل السكر جيب سكر دايت .
- بدل العيش هات عيش سن أو عيش مصنوع من الحبوب الكاملة وأنسى حاجة أسمها عيش الدقيق الأبيض (لقمة واحدة تساوي معلقة سكر) ويفضل لو وزنك زايد تلغي العيش بأنواعة .
- مصادر الكربوهيدرات الرئيسية : الرز- المكرونة -البطاطس- العيش .
- تجنب أي مصادر للدهون : الزيت - السمنة - الزبدة - الحليب كامل الدسم - اللحوم الحمراء وخاصة الضاني .
- تجنب المقليات تمام وركز على المشوي والمسلوق .
- الملح بيحبس السوائل داخل الجسم دة غير أنه فاتح للشهية .

كُل سمك - فراخ (صدر فقط ) - لحم (كميات صغيرة خالية تماما من الدهن) - كل الفاكهة اللي مافيهاش سكر كتير زي الموز و المانجا وغيرها - كل خضروات وسلاطة كتير ( بأستثناء البطاطس والبسلة وغيرها ) .

الحكاية مش صعبة وبدل ما تسميها رجيم وتمشي عليه خليها نظام حياة ليك صحتك تتحسن بالك يروق هتوفر فلوس لما تتجنب الأمراض الناتجة عن سوء التغذية وهتعيش حياة طويلة وسعيدة .... أنا جعت هروح أبص على حاجة وراجع تاني .