الموضوع: "ووضع الكتاب .." !! (وائل عطية)

ماشاء الله مناقشة غنية وثرية وممتعة جدا..
لكن اسمحوا لى ألقى وجهة نظرى...
مناقشة الموضوع من وجهة نظر أخى سبعاوى تبدو لى مثل مريض يعانى من فشل كلوى ومتاعب بالقلب وزيادة ضغط المخ وبلهارسيا بالكبد وتضخم بالطحال وعايش بيهم لكن جاله التهاب بودانه وراح للدكتور قام قال له: ياعم روح عالج البلاوى اللى عندك وبعدين ابقى تعالالى !!

هو كده بالضبط اللى بتقوله وجهة النظر دى..
الخلاصة من وجهة نظرى واللى باعمله: اللى تقدر عليه اعمله وسيبك من الحجج والتسويف.

المشاركة الأصلية كتبت بواسطة Abu Aly

اما الدكتور احمد فانا مش عارف ازاى المريض بتاعك عايش بكل الامراض ديه ؟ .. على العموم عيادة الدكتور ابو على ممكن
تستقبل المريض بتاعك و يخف بأذن الله !..

و اخيرا فنبينا الكريم قال ان اكرمكم عند الله اتقاكم و لم يقل اطولكم لحيه !
!

أعترض
المريض دا مش بتاعى
المريض دا هو المسلم العادى اليوم
أصبح عنده خلل فى حاجات كتير لكن أسوأها الجهل اللى بيخليه أصلا مايعرفش ان عنده مشكلة ويمنعه يعرف يحلها إزاى..
المريض دا عايش بأمراض أكبر من كده يا أبو على ومحتاج دكاترة كتير تعالجه.. بس يعترف انه مريض!!
ونفسى أعرف إيه العلاج اللى بتعرضه على مريضنا المزمن !!

ثانيا: مين اللى قال لك ان ربنا مقالش ان أكرمكم عند الله من أطلق لحيته؟
لو كان اللى أطلقها بسبب رغبته فى التقرب الى الله يبقى تقوى وللا لأ؟
وبعدين إيه الإندفاع والجرأة فى تفسير الأحكام دا يا أخى؟ تأنى شوية!! مين اللى قال إن السنة بتتغير بمرور الوقت؟ دا مبدأ خطير لو كنت ماشى عليه!! إيه رأيك لو لغينا صلاة الضحى علشان بقت فى وقت الشغل وأخرنا شوية وقت الفجر على ما الناس تصحى؟؟؟إيه رأيك لو لغينا "السلام عليكم" لأنها بقت قديمة وقلنا بونجور أحسن!!
واحنا مالنا العالم كله يلتحى وللا ما يلتحيش؟؟ إحنا لينا فى اللى كان بيفضله الرسول !!يعنى العالم دول لو قالو لبعض السلام عليكم هنبطلها؟؟؟
وبرضه التشكيك فى الأحاديث النبوية دى جديدة!! فيه علماء أجلاء كرسوا حياتهم لتنقيتها وأصبحت هناك مراجع وافية للصحيح وغير الصحيح وما علينا إلا البحث.. إنما نشكك كده وخلاص!!

يا عم ابو على الله يهدينا ويهديك
احنا لم ندخل انفسنا في وجوب وله سنة اعفاء اللحيه
واعذرني فكلام حضرتك كله ليس له اهميه في الدين لعدم وجود علم لنا جميعا في ان نحسم الامر كما انت حسمته مطابقا لهواك وليس للشرع
فإن كان مطابقا للشرع لسألت قبل ان تحسمه انت

وكل كلامك له ردود موجوده ولا تنسى انه فات على زمن النبي صلى الله عليه وسلم اكتر من 1400 سنة
يعني مفيش مسائل جديده او فكره جديده في الدين
فأنت اذا قرات للأئمة الاربعه مثلا ستجد ان هناك مسائل تم الأفتاء فيها وهيا لم تكن موجوده مثل ما حكم صلاة من يطير في الجو
ودي قد افتى فيها من زمن بعيد جدا من قبل وجود الطائرات وما الى ذلك

يا أخي موضوع اللحيه ده مش موضوعنا ولكن حتى ان كان سنه فلا يجوز لنا ان نتكلم عليها هكذا وان ننكر على من فعلها ده لو سنه مش فرض

اما حضرتك اني الغى حديث بمثل الأسباب التي انت قلتها فده ملهوش دعوه بالدين
لأن الدين لا يقاس هكذا
ولا الاحاديث تثبت صحتها هكذا
وما ذكرته كلها احاديث صحيحه في البخاري ومسلم
وكل احاديث البخاري ومسلم قد ثبتت في عصرنا الان وتم نزول مجامع للأحاديث تشمل كل الاحاديث الصحيحه من علماء اجلاء قد بحثوا خلفها ايضا كما بحث الكثير من قبل

ومنهم شيخنا العالم الفاضل الشيخ الالباني رحمه الله

فده موضوع خلاص

اما موضوع القساوسه واليهود
فنحن نتكلم على النصارى ككل واليهود ككل
وليس نتكلم على رجال الدين
فالرسول يتكلم عن الكل وليس فئة معينه
وبكده يبقى نسبة الملتحين في النصارى واليهود ليست الاغلبيه وانما هيا الفئة القليله
وانت تخالف الغالب وليس الفئة القليه
ويجب تحرى المقايس في الكلام ولي هكذا وهذا ان دل فبيدل ان حضرتك متسرع حبتين في اصدار رايك كحكم
وتغفل ان عقولنا ليست كلها زي بعض ومن الممكن ان يخطأ الرجل في رايه ولكن الفيصل لنا الشرع

ولكي اقول ان الحكمة منه انتهت بمرور الزمن فما هيا الحكمة منه اصلا هل انت تعرفها وهل انت من ذوات العلم لكي تقول مثل هذا وتستطيع ان تقول ان زمنه خلاص
وان قلت هل انت على مقدار المسئوليه من ان يحاسبك الله عزو وجل على كلامك ومع دليل بهذا لكي تجد جواب اذا ما سالت يوم القيامة لما قلت هذا ؟؟؟؟

الموضوع اكبر من كده وللأسف زي ما قولنا من قبل قبل ما نتكلم في شئ يجب ان يكون على الاقل الواحد قرا للعلماء وتعرف على الاحكام التي يقاس عليها مثل هذه الأمور وقرا ارائهم وعنده علم لكي يتحدث على الأقل وليس ليفتي ويقول هذا يجوز وهذا لا


وانا اوافق أخي الددكتور احمد فيما قاله الا وهو اللي تقددر تعمله اعمله
لأن الأنسان يسوف لنفسه ويقول دا انا مبصليش اصلا يبقى اتصدق مثلا

ايوه طبعا يتصدق لكي يخفف من ذنوبه التي هيا على كاهله ويستطيع المضي الى طريق المولى عزو وجل

خفف من ذنوبك لكي تستطيع المضي في طريقك الى الله

وكما قال الله عزو وجل (( وما تقرب إلى عبد بشيء أحب إلي مما افترضته عليه ولا يزال عبدي يتقرب إليَ بالنوافل حتى أحبه )))


واللهما علمنا وارزقنا الصواب

المشاركة الأصلية كتبت بواسطة Dr Ahmed

أعترض
المريض دا مش بتاعى
المريض دا هو المسلم العادى اليوم
أصبح عنده خلل فى حاجات كتير لكن أسوأها الجهل اللى بيخليه أصلا مايعرفش ان عنده مشكلة ويمنعه يعرف يحلها إزاى..
المريض دا عايش بأمراض أكبر من كده يا أبو على ومحتاج دكاترة كتير تعالجه.. بس يعترف انه مريض!!
ونفسى أعرف إيه العلاج اللى بتعرضه على مريضنا المزمن !!

ثانيا: مين اللى قال لك ان ربنا مقالش ان أكرمكم عند الله من أطلق لحيته؟
لو كان اللى أطلقها بسبب رغبته فى التقرب الى الله يبقى تقوى وللا لأ؟
وبعدين إيه الإندفاع والجرأة فى تفسير الأحكام دا يا أخى؟ تأنى شوية!! مين اللى قال إن السنة بتتغير بمرور الوقت؟ دا مبدأ خطير لو كنت ماشى عليه!! إيه رأيك لو لغينا صلاة الضحى علشان بقت فى وقت الشغل وأخرنا شوية وقت الفجر على ما الناس تصحى؟؟؟إيه رأيك لو لغينا "السلام عليكم" لأنها بقت قديمة وقلنا بونجور أحسن!!
واحنا مالنا العالم كله يلتحى وللا ما يلتحيش؟؟ إحنا لينا فى اللى كان بيفضله الرسول !!يعنى العالم دول لو قالو لبعض السلام عليكم هنبطلها؟؟؟
وبرضه التشكيك فى الأحاديث النبوية دى جديدة!! فيه علماء أجلاء كرسوا حياتهم لتنقيتها وأصبحت هناك مراجع وافية للصحيح وغير الصحيح وما علينا إلا البحث.. إنما نشكك كده وخلاص!!

أتفق تماماً معاك يادكتور أحمد
والأخ أبو على ..أنا مش عارف فعلاً انت عمال بتجادل في إيه؟؟!!
صحيح مين قلك إن " إن أكرمكم عند الله أتقاكم " لا تحمل في طياتها جميع صور الالتزام الديني بما فيها إعفاء اللحى..ومن قال لك أن هذه ليست مكرمة وفضل من الله يهدي إليها من يشاء ليرفع من قدره في الآخرة..وأنا لا يعنيني إن كان البابوات ولا الماماوات ولا ماعرفش إيه بيطلقوا لحاهم .. يعنيني في المقام الأول أن هذا ورد عن الرسول (ص) وأنا أتهم نفسي بالتقصير لأني للآن غير ملتزم بهذه السنة والتي ترقى عند البعض إلى مرتبة الفرض..وأنا على قناعة تامة بأني مُُقصر.. والملتزم بها هو أقرب إلى الله مني .. ولكن لم يأذن الله لي بعد بأن يرزقني هذه الطاعة.
ياسيد أبو على يامرعب ..تعلم أن للطاعة لذة ..أدعو الله لي ولك أن يرزقنا تذوقها !!
وبعدين ..دون كيشوت مين وخيال مين يااسطى ..مش هاقعد أقولك أنا جامد وأنا مُرعب وتسقيفة امال خلاص .. فليكن الحسم يوم أن أراك في المعركة :D
بجد يابو على (مع إننا مش عارفين الأصل التاريخي لهذا المسمى هل دا للإشارة إلي ابنك أم أنه نوع من التزويغ وعدم المواجهة من خلال اتخاذ أسماء مُستعارة)..أنا باقرأ كلامك أكتر من مرة ..ياريت تاخد بالك ..ومش هاقولك أنا وصي عليك ..ولكن انت عندك جرأة غير طبيعية وليست في محلها إطلاقاً على تأويل وتفسير النصوص والأحكام ..هل أنت من أتباع " الفكر الجديد"؟
ياريت مايبقاش الجدال لمجرد الجدال وخلاص والتشكيك وخلاص ..
بصراحة أنا زهقت وقرفت - والكلام دا مش ليك - من السطحية والسفسطة وكأن علماء الكلام والجدل قد انبعثوا من جديد .. لا أرى أي داع يُذكر للجدليات في أُمور محسومة مُسبقاً ..قلت قبل ذلك وأزعم أنه قول حق لأنه عن رسول الله (ص)، الدين يُسر ..نعم الدين يُسر ..وهناك تفاوت في المراتب والقربى من الله ..كل على قدر عمله ..فاعمل كما تحب وبما يتفق مع المنزلة التي تبتغيها عند الله ..ولكن احذر كل الحذر من التسويف والتراخي والتسهيل والتماس الفتاوى لدى " المطيباتيه "..وفي نفس الوقت ..وبنفس العزم في النصح ..لاتنكر ياأخي ولا تُحقر من أفعال المُلتزمين ولا تتهمهم بالغلو في الدين أو التخلف والانغلاق..فلعلهم هم أصحاب الحق (وأعتقدهم كذلك).
إنما بقى كل مانشوف واحد فاتح المُصحف وبيقرأ فيه ..أو ماسك السواك بتاعه ..أو نراه موفراً للحيته ..نتهمه بالمغالاة والمُخالفة لما اتفق عليه الجميع من التراخي والكسل وعدم الهمة..أرى أن هذا لا يُرضي الله.
مرة أخيرة ..
الدين يسر .. وافعل كما تحب أن تكون منزلتك عند الله..ولا تنسى أن في الجنة مراتب ودرجات كما في النار دركات..

أتفق تماما مع رؤية أخى وائل..

الأخ أبو عبد الله
تحياتي لك على كلامك ومدخلاتك القيمة ..في هذا الموضوع وموضوع المتنطعون
وكأني أقرأ لك للمرة الأولى !!!