السلام عليكم ورحمة الله وبركاته
اللهم صل على محمد وعلى آله وصحبه أجمعين
اساسيات القيادة الدفاعيةاذا كنت تريد ان تتأكد من أن السائق الآخر يراك8- التواصل مع الآخرين
طيب ايه اللى تقدر تعمله عشان تتأكد من أن السائق الآخر يراك
ببساطة استخدم الكلاكس او نور الكشافات عند الضرورة عشان السائق الآخر يشعر بوجودك ...
ممكن تعمل اتصال بالعين مع السائق الآخر ... يعنى تنظر إليه وهو ينظر إليك
لكن لا يمكن الاعتماد على كده ... يعنى موش عشان هو شافك يبقى خلاص هايوسع لك الطريق هههههههههههههه
ونفس الحكاية إذا كنت بتنظر الى السائق الآخر ولكن فى نفس الوقت هو لا ينظر إليك ... او فيه احتمال كبير انه موش حاسس بك من أصله ... يعنى بيعتبرك موش موجود اساسا ههههههههههه
طبعا زمان كان اساسى انك عشان السائق الآخر يعرف انك موجود مافيش مانع انك تضرب له كلاكس او تنور له فلاش الكشاف مرة او مرتين عشان يوسع لك الطريق وياخد الحارة اليمين وكمان يهدى سرعته شوية عشان تعدى منه
طبعا للاسف الموضوع ده بيضحك دلوقتى ههههههههه ... لان السائق الآخر هايفتكر انك بتهرج ... معقولة انت عايزه يوسع لك وكمان يمشى على اليمين ويهدى سرعته ... ممكن .. الله اعلم .. احتمال سائق النقل يعمل كده ... ههههههه احتمال ينور لك النور او يضرب لك كلاكس عشان يقولك شكرا ... لكن ممكن يوسع لك الطريق ههههههههههههههه
وانت تقود سيارتك يوجد طرق اخرى للتواصل ...
اولا امشى فى حارة محددة سواء على اليمين او الشمال
بالطريقة دى السائق الآخر هايشوفك كويس
اوعى تسوق سيارتك فى المنطقة العمياء للسائق الآخر
معروف ان فيه منطقة معينة لو انت ماشى فيها السائق الآخر موش هايشوفك فى المرايه خالص ودى اسمها المنطقة العمياء
انظر الى الصور التالية للتوضيح
السيارة الزرقاء تظهر بالكامل فى المرايه اللى فى صالون السيارة الخضراء ولا تظهر فى المرايه الجانبية
http://www.nilemotors.net/Nile/attac...1&d=1272845661http://www.nilemotors.net/Nile/attac...1&d=1272845822
فى الصورة التالية السيارة الزرقاء بدأت فى التحرك والمرور من السيارة الخضراء
وفى نفس الوقت نصف السيارة تقريبا لا يظهر فى المرايات
فى الصورة التالية ... تظهر الخطورة ... والتى يعانى منها المبتدأين فى القيادة والمحترفين
عندما اقتربت السيارة الزرقاء من الاكصدام الخلفى للسيارة الخضراء
لم تظهر السيارة الزرقاء بالكامل فى مرايه الصالون
وظهر جزء منها فى المرايه الجانبية
http://www.nilemotors.net/Nile/attac...1&d=1272846065
فمة الخطورة فى الصورة التالية
عندما وصلت السيارة الزرقاء بجوار الخضراء لم تظهر فى اى مرايه تقريبا
تخيل عربية ماشية بجوارك وانت موش شايفها خالص
تخيل لو فكرت تغير اتجاهك فى الوقت ده ... ايه هى النتيجة
http://www.nilemotors.net/Nile/attac...1&d=1272846199
طيب نعمل ايه ؟
لو انت فى السيارة الخضراء
حاول تنظر فوق كتفك ناحية اليمين والشمال ... سواء ماشى على طول او ناوى تنقل نفسك من حارة الى حارة تانية
ويفضل استخدام نوع جيد من المرايه لكشف اى منطقة على قدر المستطاع حوالين العربية
اما لو كنت فى السيارة الزرقاء
شوف لما تقرب من السيارة اللى امامك ... حرك نفسك الى الخط الايمن للحارة بتاعتك "الحارة اللى انت ماشى فيها" ... يعنى اتحرك يمين شوية عشان السائق الآخر يشوفك فى المرايه ...
طبعا بالنسبة لأخوانا اللى يحبوا يعملوا بالعربية "غرز"
يعنى بالبلدى كده اول ما يقرب من العربية اللى امامه ينقل نفسه بسرعة لحارة اخرى عشان يعدى .... طبعا السيارة اللى امامه تفاجأ بصاحبنا مرة واحدة ... لكن الصح انك تمشى بعيد شوية عن المنطقة العمياء عشان يشوفك كويس وبعدين تدخل وتعدى منه لو انت متأكد انه شايفك كويس
وكمان لازم تتأكد من نور الفرامل والإشارات انهم شغالين كويس
موش معقولة تهدى سرعتك ونور الفرامل موش بينور
وكمان الإشارات ممكن تستخدمها للانتقال من حارة الى حارة آخرة
لدرجة فيه ناس تستخدم الإشارات اذا حب يعدى من العربية الموجودة امامه
نصيحة مهمة جدا جدا جدا وفى منتهى الخطورة والأهمية
اضغط الفرامل مرة او مرتين ثلاثة .... قبل ما تضغط عليها مرة واحدة
اعتقد الاستاذ محمد فوزى او الاستاذ احمد نصحنا بالكلام ده قبل كده
اوعى تضغط الفرامل مرة واحدة ..
الاول اضغط على الفرامل مرة او مرتين على خفيف قوى ... كده السائق الآخر هايعرف انك ناوى تهدى عربيتك ... وبعد شوية اضغط على الفرامل بالكامل
بالطريقة دى اللى وراك يعمل حسابه ويصحصح معاك ويلحق يهدى عربيته هو كمان
نصيحة اخرى
اذا شاهدت اى سيارة قادمة خلفك بسرعة من بعيد
اضغط على الفرامل ضغطة خفيفة وسريعة مرة او مرتين ثلاثة ... عشان الفت انتباهه وكمان عشان يهدى عربيته قبل ما يقرب منك
تذكر دائما ان كثير من السائقين لا ينظروا ابعد من كبوت عربيته
يعنى لا ينظر الى الامام بشكل كافى
ومرة واحدة يفاجأ بأنك وقفت بعربيتك
عشان كده لازم قبل ما تقف ... تضغط على الفرامل خفيف قوى مرة مرتين ثلاثة عشان اللى وراك يشوف نور الفرامل عندك ويعمل حسابه
نصيحه هامة
نور كشافاتك قبل ما تدخل على اى نفق
هههههههههههه لانك هاتشعر انك داخل سينما ... وممكن لا قدر الله ماتشوفش حاجة حتى ولو كنت ماشى بالنهار ...
وحصلت معايا الجمعة اللى فاتت وانا داخل نفق العبور .... الدنيا ظلمت تماما ... جاى من النور الى النفق والنفق ظلمة جدا .... ضحكت وقلت لام الاولاد اكنى داخل سينما ههههههههههه
وممكن لا قدر الله السائقين الآخرين داخل النفق مايشوفكش كويس ... ريح نفسك نور كشافاتك فى اى مكان غير متوفر فيه اضاءة كافية.
عملية التواصل مع الآخرين مهمة جدا لك ولهم لتجنب الكثير من المشاكل والحوادث لا قدر الله
وربنا يحفظ الجميع
مع اطيب التمنيات
اخوكم حسين غزالة