المشاركة الأصلية كتبت بواسطة lobna_yaseen
إزيكم ياجماعه أنا بقالى فتره مادخلتش على الموضوع
الف مليون حمدا لله على السلامة ... بصراحة المنتدى من غيركم بايخ قوى ... حضرتك والاستاذة سارة والاستاذ محمد فوزى نفسى اسمع منه آرائه القيمة بقاله مدة برده غايب لعل المانع خير والاستاذ احمد والاستاذ عصام والاستاذ سبعاوى وكل الاصدقاء الاوفياء
بس النهارده لما دخلت حبيت أشكر أستاذ حسين جدا ربنا يباركلك بجد ويزيد من حسناتك بكل حرف إتكتب فى الموضوع ده بإيدك أو بإيد غيرك يعنى الواحد حاسس إنك واخد على عاتقك إن كل واحد لازم يتعلم كل حاجه إنت بتعرفها فى السواقه والحقيقه الموضوع ده بقى مرجع لأى واحد عايز يتعلم إن كان كيفية القياده أو أخلاق القياده السليمه وأعتقد أن أخلاقيات القياده دى بنتعلم أغلبها منك بأسلوبك الرزين شكرا ليك وماتحرمناش من أى حاجه شايفها هتفيدنا من قريب أو من بعيد تخص القياده
والله كلامك الجميل ده هو اكبر تشجيع لى ... واشكرك جدا عليه ... وزى ما حضرتك بتفولى ... كل حاجة الواحد يحب يعملها لوجه الله تعالى ... لدرجة انى احيانا اشعر انى اكتب لنفسى بسبب عدم التفاعل مع القراء ... يعنى قليل قوى اللى بيشارك معانا ويتفاعل برأيه او بنقده او بتجاربه ... على الأقل مافيش حد فينا لم يواجه مشكلة "بعد الشر" ... على الاقل يحكى لنا حصل معاه ايه عشان نتعلم كلنا ... فى الاول والآخر اتمنى من الله ان الواحد يقدر يستفيد من كل كلمة مكتوبة ويطبقها عملى فعلا
على فكرة اكتشفت ان الكلام ده اعتقد والله اعلم ممكن يفيد المحترف والقديم فى القيادة زى ما بيفيد المبتدأ ... يعنى فكرة انك يكون عندك استايل فى القيادة "اسلوب فى القيادة" ... وانك تكون عارف قواعده كويس ... احسن من القيادة العشوائية اللى بتعتمد على التجربة والخطأ والممارسة حتى ولو كانت موش صحيحة.
وربنا ييسر الاحوال للجميع إن شاء الله
المهم بقى عايزه أسألك سؤال شايفاه واجب على كعضوه من أعضاء هذا النادى الصغير أخبارك إيه فى السواقه دلوقت يعنى بقيت تسوق خلاص عادى فى شوارع المحروسه كمتمرس ولا لسه بتسوق فى أيام الجمع والسبت فقط ؟ أنا عن نفسى لسه بسوق فى المعادى بس خايفه أطلع منها أحسن أعمل حادثه إنت إيه رأيك ؟
انا عن نفسى ما زلت اقود سيارتى يوم الجمعة والسبت فعلا ... لكن ده اساسا لعدة اسباب اولها ظروف العمل .. يعنى شغلى موش محتاج انى اركب له عربية ... بالمواصلات اسهل
ثانيا: انى موش مستعجل ... على اساس ان كل يوم اخرج فيه حتى ولو كان يوم الجمعة لازم يقابلنى مواقف واتعلم منها ... واجلس مع نفسى واتذكرها ... واشوف هل انا اتصرفت فيها صح ولا خطأ ... واحاول اتجنبها ... واكتبها لكم عشان نتعلم كلنا منها ونتناقش فيها ....
ثالثا: المشى فى المحروسة خصوصا فى الزحام ... مافيش منه اى مشاكل ... لكن مافيش مشاوير ظهرت لى عشان انزل فى ايام تانية خلال الاسبوع .... بحاول اتعلم لكن من خلال مشاوير مفيدة ... مثلا الخروج لشراء احتياجات البيت من سوق المطرية لان الحاجة فى مصر الجديدة غالية جدا .... ده مشوار اساسى عندى ولما برجع البيت المواصلات بتكون زحمة شوية برده ... لكن معقولة للمبتدأ .... الجمعة اللى فاتت رحت مدينة العبور واحتمال الجمعة دى اروح تانى ... الفرق فى مشوار العبور تحسى انك مسافرة لانه مشوار كبير شوية حوالى 40 كيلوا واثناء العودة يوجد زحام فى منطقة موقف العاشر وشيراتون
رابعا: انا بخاف من موضوع ركن السيارة .... عندى صعب قوى تلاقى مكان تركن فيه ... يعنى لو خرجت بالسيارة صباحا صعب اجد مكان لو رجعت تانى ... ممكن الاقى مكان بجوار احدى المدارس لكن بخاف من التلاميذ يعملوا اى حاجة فى العربية لو ركنتها هناك ... ممكن عشان انا مبتدأ اشعر دائما بالخوف من موضوع ركن السيارة هههههههههههه وطبعا لو رايح اى مكان اعمل الف حساب عشان الاقى مكان اركن فيه بسهوله
الحمد لله دلوقتى انا احسن بكتيير ... والخوف قل كتيير
بالنسبة لحضرتك
مافيش اى مشاكل ... وموش محتاجين استعجال فى اى حاجة
لو محتاجة تعملى مشوار لاقربائك على سبيل المثال ... انزل لوحدك او مع اى حد فى الصباح الباكر ... مهما كان المشوار بعيد ... بس المهم فى الصباح الباكر ويوم الجمعة .... واثناء العودة ممكن ترجعى بالعربية قبل الصلاة على الساعة 11 ... المواصلات بتكون رايقة وكويسة .... هاتستفيدى طبعا جامد ... خصوصا انك بتغيرى الطريق اللى انت ماشية فيه حتى ولو كانت العربيات فيه قليلة ...
مهم جدا انك تتعرفى على اماكن جديدة احتمال انك تمشى فيها فى المستقبل
يعنى كل اسبوع تنزلى مكان جديد عشان تتعودى عليه ... مكان احتمال انك تحتاجى تروحى مشوار فيه
يعنى انا مثلا انوع كل اسبوع مكان جديد
مرة اروح المطرية
مرة انزل روكسى
مرة انزل سفير
مرة اروح شيراتون
مرة اروح مدينة نصر
اى نعم كله فى الصباح ... لكن مهم جدا جدا انى اتعود على السير فى الاماكن دى .... واحيانا كثيير اواجه زحام فيها...
ربنا ييسر الاحوال للجميع
وشكرا لحضرتك مرة تانية
مع اطيب التمنيات
اخوكم حسين غزالة