انتو فين
انتو فين
انتو فين
انتو فين
اهلا بحضرتك
احنا موجودين والله
بس انت عارفة ان موضوع ميكانيكا وكهرباء السيارة موضوع كبير جدا
بالاضافة
الى موضوع تعلم القيادة هو كمان موضوع كبير
عشان كده بنحاول يكون عندنا تركيز شوية فى تعلم القيادة
ولو جت فرصة نتكلم على الميكانيكا او الكهرباء فى حدود تعلم القيادة
الاول حضرتك وصلتى لحد فين مع المدربة
واشتريتى عربية ولا لأ
وطلعتى الرخصة
قولى لنا آخر اخبارك
عشان نفكر مع بعض
مع اطيب التمنيات
اخوكم حسين غزالة
استاذ حسين شكراً علي مجهودك الرااائع دا والله استفدت منه كتير
الحمد لله خلصت الكورس مع المدربة على 128 6 حصص
وناويه اخد كورس تانى ممارسة على عربيتها بردو وسط الزحام والكبارى ايه رايك
بالنسبة للرخصه طلعتها الحمد لله
بالنسبة للعربية بدور على لانوس مستعمل ولقيت واحده واتفقت فيها بس لسه الاستلام كمان شهر انشاء الله
سؤالى هل ياترى اللانوس دايو ابعادها صعيرة وحلوة فى الركنات وكده لانى قريت موضوع ان هى فى الركنة ابعادها غريبة ومتعبه
كمان سوقتها غير ال 128 بتجرى اول ما تشيل رجلك دبريااج
وخفيفة كده يمكن عشان الباور
انا ال128 بالنسبة لى سهله وثابته كده
صباح الخير
حضرتك عامل ايه دلوقتى يا استاذ حسين
منذ تاريخ انشائك للموضوع وحضرتك بتمارس السواقه وتتلقى المعلومات فى الموضوع الجميل ده
اكيد مشاء الله اكتسبت خبرة وحرفنة
عاوزة اعرف كمان استغرقت كام من الوقت لحد ما تمكنت والرهبه راحت
تمام تمام تمام
طيب يععنى اجيب كشكول واكتب الملاحظات من اول الموضوع واقرأها كل شويه عشان اطبقها فى الحصص العملى ولا اعمل ايه
عاوزة اتعلم فن القيادة زى حضرتك
بصراحه انا مش عاوزة اتشتم فى الشارع من الناس بيشتموا الستات اايلى بتسوق
وعاوزة موضوع بسيط هنا عن الميكانيكا ايلى المطلوب اعرفها الاقيه فين فى اى قسم
مبدئيا
عينك دائما على تابلوه السيارة
وتراجعى على انوار التابلوه
لو وجدت اى "لمبة" غريبة منورة ... يعنى اول مرة اشوفها منورة
علطول ... اتوقف بلا تردد
لحد ماعرف ايه السبب؟
مروحة متوقفة
شحن عطلان
مشكلة فى الزيت
وطبعا عينى على عداد الحرارة
علطول انظر اليه كل شوية
واتوقف اذا عداد الحرارة ارتفع عن المعدل الطبيعى
اتوقف بلا تردد .... عشان مايحصلش مشاكل كبيرة يطول شرحها
طبعا
قبل ما امشى بالسيارة لازم
انظر على كاوتش السيارة واتأكد انه "منفوخ" كويس
وان "الاستبن" منفوخ كويس
مع اطيب التمنيات
اخوكم حسين غزالة
[FONT="Arial Black"]
ا[SIZE="4"]الاستاذ حسين و الاعضاء الكرام السلام عليكم ورحمة الله وبركاته عندى سؤال عن مصطلحين بأسمعهم مش عارفة معناهم
1-السواقة على السلانسيه
2-ترصيص الكاوتش و فايدته ايه ؟
زادكم الله فضلا و علما حتى تتحقق الافادة لى و لجميع الزميلات المحترمات اللى لسه جدد فىالسواقة[/SIZE]مع تحياتى
وعليكم السلام ورحمة الله وبركاته
شكرا لمرورك على موضوعي وهذا شرف لي ووسام على صدري
السواقة على السلانيبه
معناه انك تكونى ماشية بالسيارة بدون الضغط على البنزين
وممكن اكون متوقف بالسيارة ... ولا اضغط بنزين
اترك موتور السيارة دائر من تلقاء نفسه ... بدون الصغط على دواسة البنزين
لو السيارة مضبوطة ... استهلاكها للوقود بيكون مضبوط ... خصوصا فى التوقف فى الاشارات ... والسيارة متوقفة على السلانيبه
ترصيص الكاوتش
http://im68.gulfup.com/C8qDkq.png
دى شغلانة بيعملها بتاع الكاوتش
بيركب العجلة على جهاز
واثناء دوران العجلة بيظهر على الجهاز ... معدل انحراف العجلة
يعنى تشعرى ان العجلة وهى تدور على الجهاز انها "بترف" ....
والحل
انه يركب على الجنط المعدنى ... قطع من الرصاص
بحيث ان العجلة تدور من غير "ماتتلوح" او "ترف" يمين او شمال
النتيجة بعد ترصيص العجلة
ان تشعرى بثبات السيارة
وان الدركسيون "ثابت" ومافيش "رعشة" او "رجرجة"
وطبعا استهلاك متساوى للكاوتش
ارجوا ان اكون وضحت
مع اطيب التمنيات
اخوكم حسين غزالة
[QUOTE=husseinoo;3875838677]
وعليكم السلام ورحمة الله وبركاته
شكرا لمرورك على موضوعي وهذا شرف لي ووسام على صدري
السواقة على السلانيبه
معناه انك تكونى ماشية بالسيارة بدون الضغط على البنزين
وممكن اكون متوقف بالسيارة ... ولا اضغط بنزين
اترك موتور السيارة دائر من تلقاء نفسه ... بدون الصغط على دواسة البنزين
لو السيارة مضبوطة ... استهلاكها للوقود بيكون مضبوط ... خصوصا فى التوقف فى الاشارات ... والسيارة متوقفة على السلانيبه
ترصيص الكاوتش
http://im68.gulfup.com/C8qDkq.png
دى شغلانة بيعملها بتاع الكاوتش
بيركب العجلة على جهاز
واثناء دوران العجلة بيظهر على الجهاز ... معدل انحراف العجلة
يعنى تشعرى ان العجلة وهى تدور على الجهاز انها "بترف" ....
والحل
انه يركب على الجنط المعدنى ... قطع من الرصاص
بحيث ان العجلة تدور من غير "ماتتلوح" او "ترف" يمين او شمال
النتيجة بعد ترصيص العجلة
ان تشعرى بثبات السيارة
وان الدركسيون "ثابت" ومافيش "رعشة" او "رجرجة"
وطبعا استهلاك متساوى للكاوتش
ارجوا ان اكون وضحت
مع اطيب التمنيات
اخوكم حسين غزالة
[/QUO
كل الشكر و الدعاء بالخير كله لحضرتك لسرعة الرد على تساؤلات الاعضاء
معنى كلام حضرتك ان السلانسيه ان العربية ممكن تمشى مسافة بدون الضغط على اى دواسة الا الفرامل فى الضرورة لأنى كنت بتعلم على ماروتى و مشيت شارع طويل بدون الضغط على اى دواسة بس مش فاكرة كانت السيارة واخدة غيار و لا لأ ..على سيارتى ده مش بينفع السيارة بتبطل منى
رجاء توضيح المعلومة اكثر ..جزاك الله خير عن السائقات الغلابة امثالى:flower4u:
[QUOTE=samar abdo;3875839517]
السلام عليكم ورحمة الله وبركاته
اهلا وسهلا بحضرتك
القصة ببساطة
ان اى شخص جديد فى تعلم القيادة
بتواجهه مشكلة
ايه هى المشكلة ؟
المشكلة ان رجله ثقيلة شوية
يعنى ايه ؟
مثلا
محتاج يضغط براحة قوى على البنزين
وبعد كده يرفع رجله عن الدبرياج بشكل بطىء ... حتى تتحرك السيارة
طيب لو ماضغطش على دواسة البنزين بشكل كافى
ورفع رجله عن الدبرياج
العربية سوف تتوقف ... الموتور "هايبطل"
الحل ايه مع المبتدأ ؟
ان المعلم
بيعلى السلانسيه شويه
يعنى ايه ؟
http://im76.gulfup.com/xkm9IH.png
فى الموتور فيه "كاربراتير"
ووظيفته توزيع البنزين حسب سرعة السيارة
المعلم يعمل ايه ؟
فيه مسمار خاص بالبنزين
"يلف" المسمار ده شوية
بحيث ان المتعلم الجديد لو ماضغطش بنزين
السيارة اساسا "عالية"
يعنى بتسحب بنزين اكثر من اللازم
اكنك ضاغط على دواسة البنزين
فى الحالة دى
المتعلم بيكون تركيزه على "الدبرياج" فقط
حتى ولو اتأخر فى الضغط على البنزين
السيارة عمرها ماهتبطل
يبقى الافضل للمعلم
انه يعلى السيارة شوية
ويضحى بشوية بنزين
فى مقابل
ان السيارة "ماتبطلش" من المتعلم الجديد
وممكن تفضل العربية عالية
حتى اثناء اختبار المرور
ههههههه
هاتلاقى المتعلم بيرفع رجله عن الدبرياج فقط
والسيارة تسير الى الامام لوحدها
فى منتهى السهولة
بعد الانتهاء من دروس التعلم
حسب مستوى اللى بيتعلم
ممكن نرجع الموتور للحالة الطبيعية ... توفيرا للوقود ... وعشان الموتور "مايسخنش" بدون داعى
ودى ممكن تتم حتى بعد الحصول على الرخصة
ولو ذهبت لاى ميكانيكى
وعرف انك جديد فى القيادة
من نفسه هايعلى العربية شوية عشان ماتبطلش
ارجوا ان اكون وضحت
مع اطيب التمنيات
اخوكم حسين غزالة
ارشادات قبل اسنخدام اشارة السيارة
_________________________
http://im54.gulfup.com/Sp1YFV.png
اعطى "اشارة" لمدة 5 ثوانى قبل ما تنحرك بالسيارة
يعنى لو انت راكن ... ما تتحركش وتخرج بالسيارة مرة واحدة ... اعطى اشارة الاول
عشان اللى قادم من الخلف يعرف انك هاتخرج من الباركينج ويعمل حسابه
اعطى "اشارة" لمدة 3 ثوانى قبل الدخول يمين او شمال
احيانا لو الاشارة موش نافعة ههههه او اللى ماشى بجوارى موش شايف الاشارة او بيستعبط فيها وده بيحصل كثير
فى الحالة دى استخدم الايدين واشاور له "والله انا داخل يمين"
لو داخل شمال ههههههههه "طبعا هتخرج ايدى من الشباك
فى شوارع المحروسة ممكن تعمل كل حاجة
اعطى "اشارة" لمدة ثانيتين قبل ما تنقل نفسك من حارة الى حارة اخرى
خصوصا فى الطريق السريع
اللى ماشى خلفك بيعرف انك "معلم" وفاهم انت بتعمل ايه
انظر فى المرايه قبل استخدام الاشارة
لان موش معنى الاشارة ان اللى ماشى خلفى هايعمل حسابى وهايهدى بعربيته
ممكن اللى ورايا موش شايف الاشارة
او فيه اى ظروف موش هاتسمح له يهدى سيارته
او قليل الذوق وموش عايز يهدى ويوسع لك
او الاشارات عندك عطلانة وانت موش عارف "اللمض محروقة"
انظر فى المرايه قبل الضغط على الفرامل
و دى صعبة قوى ومحتاجة تركيز
لان اغلبنا بينسى وبعد ما يدوس فرامل ... ممكن ينظر فى المراية
لو وجدت سيارة خلفك مسرعة .... وانت شايف مثلا شخص بيعدى الطريق امامك او امام السيارة التى امامك
لو وقفت فجأة هاتحصل حاجات موش كويسة
لو لزم االامر وهاتتوقف .. يبقى احاول استغل المسافة التى امامى بالكامل حتى اتوقف بهدوء على قدر الامكان
وممكن استحدم "الانتظار"
وممكن ارفع ايدى للقادم من الخلف عشان اوضح له ان الطريق موش آمان
استخدم "اشارة الانتظار" قبل التوقف
اسط حاجة
مطب صناعى ... القادم من الخلف سرحان ... او موش عارف ان الشارع ده فى مطب صناعى
على طول انظر فى المراية واعطى انتظار
ودى بتبين السائق اللى فاهم من السائق الخيبان ابو مخ تخين الكسلان
خصوصا وانت ماشى بالليل .... وتوقفت لاى سبب
مثل المطب الصناعى
اولاد الناس المتربين الفاهمين المتعلمين فقط ... هاتلاقيهم بيستخدموا نور الانتظار
وممكن تلاقى سواقين نقل محترمين جدا يعطى انتظار
دى الناس الفاهمة موش حافظة
الامثلة كثيير
وبترجع للسائق وتوقعه للمشاكل
مثلا
اتوبيس توقف
والشارع حارتين فقط
وكمان فيه مشاة بتعدى الشارع
او نازلة من الاتوبيس
اكيد العربيات المسرعة اللى ماشية خلف الاتوبيس هاتنقل نفسها من حارة الاتوبيس الى الحارة الخالية
المهم هاتحصل "ربكة"
علطول استخدم "اشارة الانتظار" وممكن اشاور بإيدى كمان ... عشان اقول للقادم من الخلف اهدى شوية
مع اطيب التمنيات
اخوكم حسين غزالةة
[QUOTE=husseinoo;3875839678] الله على كلام حضرتك الجميل
انا مقابلانى مشكله
بتعلم على 128
وبركب لانوس احيانا
اما اقف فى الزحمه سواء مطلع او شارع عادى
تدريج الدبرياج مش بيمشينى على السلانسيه خالص فى 128
انما بيمشينى فى اللانوس
فبضطر اتعامل فى 128 فى الزحمة اما اقف اكنى فى مطلع
بدرج دبرياج لحد ما ترعش واثبت ... ورجلى على الفرامل طبعا
أسيب فرامل وازود بنزين زياده
واخف دبرياج الحبه الفاضلين فتمشى
بس المشكله صوتها وانا بزود بنزين عالى وايلى حواليا بيبصوا عليا
لدرجه عسكرى فى الاشاره قالى اطلعى بالراحه شويه على البنزين
بس مش عارفه ولو خففته بتقف منى
المدربه قالت لى لا صوته عالى احسن ما تقف منك وتدورى تانى
ايه الصح فى الكلام ده
وهل اما امارس على اللانوس مش هحتاج اتعامل مع كل الشوارع فى الاشارات والوقفه كانها مطلع
وهطلع بتدريج الدبرياج بس فى الزحمة ولا ايه النظام
[quote=عصير قصب;3875841073]
الموضوع ببساطة
ان المفروض قبل ماتخرجى وتمشى بأى عربية
كان فيه تدريب لازم يتعمل الاول
ايه هو التمرين ؟
انك هاتركبى العربية
الاول هاتنقلى الغيار الاولانى
وبعدين ترفعى رجلك فقط من على الدبرياج
ترفعى رجلك بشكل بطىء
لحد ما العربية تتحرك لوحدها ... من غير ماتدوسى بنزين خالص
اول ما العربية تتحرك نصف متر
اضغطى على الدبرياج تانى
طبعا لما تضغطى على الدبرياج بيتم فصل الحركة بين العجل والموتور
وطبعا هاتتوقف لوحدها دون الحاجة للضغط على الفرامل
لان سرعتك هاتكون بطيئة جدا جدا
هاتعيدى التمرين تانى
ارفعى رجلك عن الدبرياج براحة قوى
لحد ما العربية تتحرك نصف متر
اضغطى على الدبرياج حتى تتوقف السيارة
بعد ماتعيدى التمرين اكثر من مرة فى مكان خالى وصالح للتدريب
هاتتعودى على الارتفاع المناسب للدبرياج
يعنى رجلك "هاتاخد الحساسية"
وهاتبقى عارفة ان عند ارتفاع دواسة الدبرياج عند الحد ده بالذات العربية بتتحرك
ساعتها موش هاتحتاجى ترفعى رجلك عن الدبرياج بشكل مفاجىء
او ترفعى رجلك عن الدبرياج زيادة عن اللزوم
وعمر العربية ماهتبطل منك
كل اللى انت هاتحتاجيه انك تزودى بنزين بشكل خفيف
طبعا كل عربية بتتحرك عند ارتفاع معين للدبرياج
فى ال128 الدبرياش على سلك يعنى فيه سلك بيفصل الحركة
فى اللانوس اعتقد الدبرياج على "زيت باكم" فيه خراطيم ضغط زيت لفصل الحركة وبيكون اسهل شوية عند الضغط عليه
وده لازم تدربى عليه
ندربب منفرد
وتاخدى وقتك الكافى
ارجوا ان اكون وضحت
مع التمنيات
اخوكم حسين غزالة
موضوع الصيانة مهم جدا .. نبدأ نكتب اساسيات للمبتدأين ونشارك فيها مع بعض عشان نتعلم مع بعض بعيدا عن التعقيدات والتقنيات الجامدة على قدر المستطاع ....
استاذ حسين
الشعب يريد نبذة مختصرة عن ما تحت الكبوت
بااسلوب حضرتك السلس والشرح الجميل المستفيض
اما وقت حضرتك يسمح خالص وبراحتك
وربنا يجعله فى ميزان حسناتك
الحمد لله لسه مش معايا عربيتى لحد دلوقتى
خلصت كورس تعليم وكورس ممارسه
يعنى 12 حصه سواقه
على 128
بس لسه ما ركبتش عربيتى وحدى ولا مشيت بيها ومتخوفه من النقطه دى
نقاط ضعفى
بدل ما اجيب التانى بجيب الرابع فى بعض الاحيان
الركنة العمودى بين عربيتين العمودى مش الموازى مستغلساها اوى
لو المسافه ضيقه بين العربين وبدخل بعربيتى ايه الخطوات ايلى حضرتك بتعملها؟؟؟؟؟؟
انا المدربه شرحتها لى ازاى
1- اقف بعربيتى جمب العربية ايلى عاوزة اركن جمبها عمودى عليها لحد ما المرايه تعدى الشنطه او الفانوس بتاع العربية ايلى هقف جمبها
2- اكسر كل الدريكسون الى الجهه ايلى هدخل فيها وبالراحه بالدبرياج ادخل ومنوع البنزين نهائى ورجلى على الفرامل تكون جاهزه
وعشان اخرج من الركنه دى
هرجع مارشيدير على طول لحد نصف عربيتى
ابتدى الف الدريكسون عكس اتجاه ما انا ماشيه لو ماشيه يمين هلفه كله شمال والعكس
واجيب الاول واطلع
كمان من نقاط الضعف الخوف عند اليوتيرن خصوصا لو شارع رئيسى وكله عربيات
بجيب الاول واقف واستنى عربية هتلف الف معاها بسرعه
هههههههه معلش اصل بخاف
ايه راى حضرتك هل فى تعديل على الكلام ده
طيب تمام
مستنين موضوع اليوتيرن قريب
الميزة ان حضرتك شرحك مفصل جدا وكافى
التوبيك ده فعلا اكتر من ممتاز
انشاء الله فى ميزان حسناتك كل كلمه فيه
عندى مشكلة وهي اني لما بدوس دبرياج وادي غيار واجي اشيل رجلي العربيه بتترج مني واوقات بحس كأن في حد وراها بيشدها
في ناس بيقولو وانا بزود الغيار ارفع رجلي بسرعه من عالدبرياج ووانا نازلة بالغيار ارفعها علي مرتين براحه أو العكس مش فاكرة
فعاوزة اعرف ليه بتترج مني ايه الغلط الللي بعمله بيخليها تعمل كده؟؟
وايه الاصح في موضوع رفع الرجل من علي الدبرياج دي
ايه الامثل؟
انا اتعلمت السواقه من ثلاث سنوات ولم امارسها الا فى الصيف اللفات بالساحل وسوقت كويس بس طبعا لا كان فى ناس ولا عربيات ودلوقتى انا محتاجه اسوق جدا لظروف طرأت عليا ومتاح اجيب عربيه الحيرة فى عربيه منوال ولا اتوماتيك انا اتعلمت منوال وفى الساحل سوقت منوال لاكن الناس كلها بتنصحنى اجيب اتوماتيك العربيه لى وللاسرة كمان مس لى لوحدى جوزى واولادى محتاره و بين رينوستب واى منوال ومش بينزل منها اوتو ولا هونداى i10 اتوماتيك نفسى حد ينصحنى بجد
ممنوع إستخدام اللون الأحمر حيث أنه مخصص للمداخلات الإدارية
م ب 3
شويه بس انا مش مشيت وسط الناس عايزة اجيب عربيتى وكل يوم شويه كده بس الحيرة اجيب اوتو ولا منوال
ماشى معاكى انا مش عارفه اكتبلك رساله عشان اناجديدة اعملى جروب وابعتيلى اسمه
(والاخطر من كده لما تلاقى عربيات نقل او اوتويس ماشى بسرعة جدا
والاخطر والاروع من كده لما تلاقى عربية "شاحنة حاوية" العربيات النقل الطويلة جدا وماشى بسرعة اكثر من 80 كيلوا ... تخيلوا عربية بالشكل ده وبتعدى من جنبك
هههههههههههه
سواء انت ماشى على اليمين او الشمال ... هو عايز يعدى يعنى يعدى
والأفضل انك ترفع رجلك عن البنزين)
[color="purple"]هنا السؤال هل ممكن امشى مسافة بدون الضغط على اى دواسة و بعدين ارجع ادوس بنزين ؟ و لم ينفع المسافة دى تكون اد ايه ؟ عايزة افهم يا جماعة !!!![/color]
هنا السير بيعتمد على القصور الذاتى
ممكن انك تمشى من غير بنزين
الطريقة دى ممكن تستعمليها بدل الفرامل لو عايزة تهدى شوية
بس يكون امامك مسافة كافية
ومش هتدوسى اى دواسة
واما تحبى تفرملى ممكن تفرملى
او تحبى تتسارعى تدوسى بنزين تانى
وممكن تنقلى غيار اقل برده
بس تراعى انك
ما تموريش العربية
وتراعى السرعة والغيار اللى العربية عليه يعنى مش تكونى على الخامس وتسيبى العربية لحد سرعة 50 لان ده مش صح على الموتور
المسافة اللى ممكن تمشى بيها تعتمد على
سرعة السيارة
الغيار : كل ما يكون الغيار اعلى تكون المسافة اطول
الاحتكاك بين الكاوتش والاسفلت
الطريق منزل او مطلع
ااعتقد فهمت و ممكن اجربها طالما مش غلط على العربية
انا نفسى مرة انزل اقضى مشوار مهم و البلد تبقى رايقة شوية الزحمة مملة و انا للاسف لسة رجلى تقيلة ع البنزين و خاصة مع الغيار الاول لما احب امشى و اقف فى الزحمة باضغ بنزين جامد غصب عنى مش عارفة احل المشكلة دى مع نفسى ازاى ؟
اشكرك على التوضيح و الرد جزاك الله عنا خير ا/ A.saad
و يارب يكون سؤالى مفيد للاخرين الجدد امثالى
التدريب ده المفروض كنتى خدتيه وانتى بتتعلمى السواقة
بس مش مشكلة
حاولى تروحى مكان فاضى او الصبح بدرى
وبكرة اجازة ممكن تعملى فيه الموضوع ده بس برده ياريت مكان فاضى علشان مش تبقى خايفة تخبطى عربية او مارة
تدوسى سنة بنزين بهدوء والعربية ممورة
ما تنزليش بسرعة
وخدى بالك من صوت الموتور او عداد rpm يكون بيعلى شوية بشوية
بعد كدة ممكن تاخدى غيار وتتطلعى بالعربية
كذا مرة هتلاقى رجلك اتعودت
الاخوة الاعزاء عاملين ايه فى البرد ...وبعد
عايزة اعرف ازاى اقلل استهلاكى للبنزين يعنى طريقة السواقة و لا ضبط حاجة فى العربية و لا ايه بالضبط
اخيرا اتمنى ان يستمر هذا الموضوع نشط بالردود و التجاوب بين الاعضاء ...و اشكركم
تقليل استهلاك البنزين له كذا طريقة
1- نقل الغيارات بدري سنة بسيطة .. يعني لو انتي على التاني و عايزة تطلعي التالت تنقلي عند 2000 او بالكتير 2500 rpm عشان حتى تخففي الحمل على الموتور و عشان الحركة دي بتقلل الاستهلاك نسبيا
2- ما تحاوليش تفضي التانك للآخر عشان الجزء الفاضي من التانك مليان هواء و البنزين بيتبخر في درجة الحرارة العادية .. حاولي كل ما تلاقي فرصة حطي بنزين
3- ضغط الكاوتش لازم يكون مضبوط ( قدام 32 و ورا 29 ) و دا حسب المكتوب على قايم باب السواق و دا عشان تقليل نسبة الاحتكاك و بالتالي تقليل استهلاك البنزين و لو كان نيتروجين فبيكون افضل عشان ضغطه مش بيتأثر بحرارة الجو زي الهواء العادي
4- اعلى توفير في البنزين بيكون عند سرعة 95 - 100 كم و ماتحاوليش تجري عن كدا لأن مقاومة الهواء بتزود استهلاك البنزين بمعدل كبير
5- بلاش تقرصي على دواسة البنزين مرة واحدة .. و بردو بلاش تفرملي مرة واحدة - التسارع يكون بالتدريج و الفرملة بردو بالتدريج الا لو لا قدر الله و ظهر قدامك عائق مفاجئ
6- العربيات الجديدة ( حقن الوقود الالكتروني ) مش بتحتاج فترة تسخين طويلة .. بالكتير دقيقة و تتحركي
7- لو عربية حضرتك مانيوال .. و انتي بتطلعي بالعربية اول طلعة بلاش تيجي ناحية دواسة البنزين خالص .. ارفعي من عالدبرياج سنة سنة العربية هتتحرك لوحدها باستهلاك بنزين بسيط قوي مقارنة بأول ضغطة على دواسة البنزين
8- اثناء السير : لو انتي نازلة من على منحدر .. ارفعي رجلك من عالبنزين و موري الفتيس العربية هتمشي اطول مسافة ممكنة بدون استهلاك بنزين
9- السير بالقصور الذاتي : و دا بمعنى انك ممكن تكوني ماشية على طريق مستوي و في نهايته مطلع .. بتضغطي بنزين لحد اقصى سرعة ممكنة و عند بداية المطلع ارفعي رجلك من عالبنزين و موري الفتيس .. العربية هتطلع بقوة القصور الذاتي و بأقل مقاومة ممكنة
10- لو ماشية في زحمة و فترات التوقف بتزيد عن دقيقة .. بطلي العربية و دوريها لما الطريق يتحرك - دا بيوفر كتير في البنزين
11- تقليل الاحمال قدر الامكان
12- عدم السير في طرق مكسرة او غير ممهدة
ملاحظة : للحفاظ على البطارية و اطالة عمرها الافتراضي .. يفضل فصل جميع الانوار و الكاسيت قبل الدوارة لتقليل الحمل على البطارية لأن المارش بيقوم عليها لوحدها و بعد ما العربية تدور نشغل الانوار و الكاسيت زي ما احنا عاوزين لأن كل دا بيقوم على الدينامو و ليس البطارية
ااشكر حضرتك جدا لأن كان فى معلومات اول مرة اعرفها
انا دايما سايبة الراديو شغال و دى حسب ما عرفت غلط ع البطارية
عندى مشكلة بالنسبة لتحريك السيارة برفع رجلى من ع الدبرياج سنة سنة حاولت اكثر من مرة و متحركتش لازم ادوس بنزين و هى لوجان 2015 و حتى فى الرجوع لازم ادوس بنزين حتى لو المسافة بسيطة كده العيب فين ؟
انا بتعلم بردو
وبخاف اشغل الراديو ممكن يلخمنى
السواقه غلسه عاوزة تركيز
والعربية ايلى ماشية جمبى مش بشوفها احيانا كتير
والملفات مش بعرف امتى اكسر الدريكسون لاخره وامتى لنصفه
ومش عارفه امتى اخرج وحدى بالعربية ازاى احدد؟