رجاء من الاخوة فى المنتدى نصائح للقيادة ليلا للمبتدئين ....ضرورى جدا
رجاء من الاخوة فى المنتدى نصائح للقيادة ليلا للمبتدئين ....ضرورى جدا
[CENTER]
نصائح هامة للقيادة ليلا
https://imagizer.imageshack.us/v2/76...538/YPGZ52.png
اغلبنا لا يحب القيادة ليلا
مافيش حاجة اسؤ من ضوء سيارت قادمة من الامام ..... والضوء يوجه الى عينيك .... هههههههههه ماتشوفش وحش
كلنا عارفين خطورة حاجة زى كده
قدرة الانسان على التحكم فى السيارة بتقل 3 مرات عن القيادة نهارا
التعرف على الالوان بيكون صعب جدا
ده غير الارهاق وخطورته اثناء القيادة ليلا
لكن اخنا بنحاول ناخد بالاسباب وربنا الستار فى الاول والآخر
https://imagizer.imageshack.us/v2/76...674/JMO6TJ.png
1_ ضبط الاضاءة
احيانا تكون الكشافات متجهة الى الارض
ممكن ترفعها الى اعلى شوية
او الكهربائى يضبط اتجاهها
المهم انها ماتضربش فى عين السيارات القادمة وتضايق السائق القادم من الامام
تابع
مع اطيب التمنيات
اخوكم حسين غزالة
https://imageshack.com/i/p99Nv0L5p
2_ اختر النظارة المناسب
___________________
جميل انك تلبس نظارة شمس شيك
لكن طبعا خطر انك تلبسها بالليل
احيانا
النظارة الطبية بيكون لها معالجة لآشعة الشمس والضوء
لكنها مناسبة للسير اثناء النهار
لذلك لازم تلبس النظارة الطبية المناسبة للسير ليلا
https://imageshack.com/i/idXxKbiIp
3_ احترس من الحيوانات
___________________
ببساطة لو وجدت فى الظلام اى عين منورة فى الظلام
علطول هاتعرف ان فيه فلاح بيجر جاموسة او حمار
وفى اى وقت ممكن يعدى الشارع
https://imageshack.com/i/knVEPsAQp
4_ اضاءة السيارات القادمة
____________________
الخلاصة "ماتبحلقش" او ماتركزش بعينك فى ضوء السياراة القادمة
ركز فى الطريق فقط
وممكن تحاول تمشى على ضوء السيارة القادمة ان امكن
وتنور نور السيارة العالى عند الضرورة
فى المقابل السيارة القادمة هى كمان هاتنور النور عند الضرورة
بالبلدى "هاتقلب نور" معاك
https://imageshack.com/i/ip3V1ZHzp
5_ نظف زجاج السيارة
_________________
مافيش داعى للكسل
هاتمشى بالليل
يبقى على السريع استخدم ورق جرايد
ونظف الزجاج
خصوصا من الداخل
عشان كل بصمات الايد هاتعكس اشكال على الزجاج
وطبعا هاتضيع تركيزك خصوصا لو انت مبتدأ
https://imageshack.com/i/p1YIMD83p
6_ كشافات الشبورة
_______________
ودى فيها ميزة حلوة قوى
انها بتفرش الضوء جامد وتريحك وانت ماشى
بس ده مايمنعش انك تحترس وتمشى على اقل من مهلك لو فيه شبورة
واحيانا البعض يفضل تشغيل ضوء الانتظارة
عشان القادم من الخلف يعمل حسابه
حتى تنتهى الشبورة
https://imageshack.com/i/f0siOmS9p
7_ كشافات اضافية
______________
البعض بيركب كشافات شبورة تحت الاكصدام
واحيانا كشافات اضافية
خصوصا لو العربية كبيرة
طبعا هاتخليك ماشى على الطريق باشا
لكن
ماعرفش موقف القانون والمرور من الكشافات الإضافية
https://imageshack.com/i/kp0mYTWlp
8_ مرايات السيارة
_______________
لازم تمسح تنشف المرايات الجانبية
موش معقولة هاتعتمد على المراية الداخلية فقط
https://imageshack.com/i/idhHxpkOp
9_ النظر والاهتمام بصحة العين
_______________________
لو سنك تحت الاربعين
لازم تروح لدكتور العيون مرة كل 3 سنين
تكشق نظر وتطمئن على عينك
او تغير كشف النظارة اذا لزم الامر
اما
لو كنت فوق الاربعين
يبقى لازم تروح لدكتور العيون مرة كل سنتين
لحد ما توصل لسن الستين
يبقى لازم الزيارة تكون دورية
وانت ماشى بالليل
لازم تكون مركز جامد
تنظر فى كل مكان
تغي مكان نظرك عشان العين تتحرك
وماتسرحش وتنام
ارجوا ان اكون وفقت
مع اطيب التمنيات
اخوكم حسين غزالة
جزاك الله خير استاذ حسين على هذه المعلومات المنظمة المفيدة ..حضرتك بتوضح النصائح بطريقة متدرجة و سهلة الفهم اتمنى لا ينتهى النقاش فى هذا الموضوع لما به من فوائد للجميع
اخ حسين , شكرا لك علي النصائح الجميلة , وربنا يجنبنا السوء , ويكون ليك الأجر بإذن الله
تقبل احترامي
مجهووووووود راااااااااااائع
دي اول مشاركة ليا في النتدي الرائع ده
جميع المشاركات رائعه وفادتني كتير خصوصا اني حسيت بخبرة الناس اللي بتتكلم "جهابذه في السوةاقه يعني"
ليا كام سؤال
1- ينفع اول ما اعمل كونتكت لو الطريق واقف امشي بالدبرياج بس والا لازم سنة بنزين؟ولو هينفع امشي بالدبرياج طالما الطريق واقف وبيسحف كده اول ما الطريق يفتح بقي المفروض اجيب اول والا تاني؟
2-لما اكون ماشية عالتاني واحب اجيب التالت لازم امور؟والا اجيب الفتيس فالناص ولقدام وخلاص؟
3- انا في حدائق القبة حد يعرف فين اماكن ممكن اقدر اروح العب بعربيتي فيها تكون معقوله عشان اتجرأ؟
ولو جبت مدربة مثلا تبقي معايا يومين تلاته لمدة 3 ساعات يوميا مثلا علي عربيتي هتاخد حوالي كام في الساعة؟
انا الحمد لله ده اول اسبوع اخرج بيه بعربيتي واروح بيها الشغل
في الاول العربيه كانت بتقف مني كتير
لكن بدأت اعدي الموضوع ده ومبقتش تقف الا لو نسيت مثلاً وانا واقفه انقل الغيار
عندي سؤال
ساعات ببقى مهديه عشان زحمه وبكون على الاول ولما بطلع بيها بلاقيها بتترج مني بسيط
ممكن اعرف ليه
مشكور
رجة العربية لها اكثر من سبب
المفروض انك تضغط البنزين الاول
وتشغل حاسة السمع
يعنى اول ما تسمع صوت الموتور بدأ يعلى خفيف يعنى موش يعلى قوى
ارفع رجلك براحة
العربية هاتتحرك من غير رجرجة
لكن
لو رفعت رجلك اكثر من اللازم عن الدبرياج
ولم تضغط على البنزين بشكل كافى
العربية عايزة تمشى
وانت خانقها وخايف تضغط بنزين
فتشعر برجرجة
الحل
التدريب فى مكان خالى
الاول ترفع رجلك عن الدبرياج فقط
حتى تشعر بان العربية بدأت تتحرك لوحدها بشكل خفيف جدا
ترجع ثانى تضغط على الديرياج
العربية سوف تتوقف لوحدها
لان حركتها ضعيفة جدا
كرر التدريب
حتى تشعر بحساسية الدبرياج
يعنى هاتحس متى سوف تتحرك السيارة
ورجلك هاتتعود على ارتفاع معين العربية هاتتحرك عنده
المرحلة الثانية
ترفع رجلك عن الدبرياج
حتى المستوى اللى انت اتعودت عليه
موش محتاج غير انك تزود بنزين خفيف
والباقى انت عارفه
احيانا
العربية نفسها بيكون فيها مشكلة
مثل قواعد الموتور او الفتيس ناشفة او مقطوعة
وده بيسبب رجرجة فى بداية الحركة على الغيار الاول
الافضل
للمبتدأ ان الميكانيكى يعلى العربية شوية
عشان ماتبطلش منه اثناء السير البطىء
وبعد ما يتعود وياخد خبرة
يرجع يضبط السيارة ويهدى العربية ثانى
موش مهم
انك فى الاول تستهلك بنزين زيادة
بسبب تعلية العربية
فى الجو البارد
فرصة للتدريب الكثير
لان العربية هاتسخن
والجو البارد طبعا ممتاز للسيارة
خصوصا ان المبندأ موش مطلوب منه يمشى على الغيار الرابع
واحيانا لا يسير على الغيار الثالث الا مراحل متقدمة
مع اطيب التمنيات
اخوكم حسين غزالة
العادان الجيدة فى القيادة
__________________
ضبط مقعد القيادة
البعض بيقرب الكرسى بشكل جامد ... لدرجة ان الدركسيون ... تحس ان السائق "بيحضن" الدركسيون
واحيانا يرجع الكرسى وتشعر ان الدركسيون بعيد عنه و"فارد" ايده زيادة على الآخر هههه لزوم المنظرة
الصح
ان يد السائق تكون مفرود لكن موش على الاخر
وظهر الكرسى لازم يكون فى وضعية مريحة
بحيث
ان قدم السائق تكون فوق البنزين "مشط" القدم يكون فوق البنزين
https://imageshack.com/i/ip0oS9vXp
فى الصورة السابقة
انظر الى قدم السائق
فى الصورة اليسرى ... وضع غير مريح ... والمقعد قريب من الدركسيون بشكل كبير ... ووضعية سيئة تسبب الم فى الظهر على المدى الطويل
فى الصورة اليمنى ... وضع مريح وسليم للارجل
https://imageshack.com/i/ipYiyC8xp
فى الصورة السابقة
ماسك الدركسيون بيد واحدة
وفى وضعية متعبة
وغير متحكم فى عجلة القيادة بشكل سليم
كل ده لزوم المنظرة
https://imageshack.com/i/f0IGUkqap
فى الصورة السابقة
مسند الرأس بعيد عن الرأس
او
السائق مشدود لدرجة انه موش مريح رأسه قليلا للخلف
https://imageshack.com/i/idhAM4B3p
فى الصورة السابقة
وضع مريح تماما للسائق
لاحظ مسند الرأس خلف الرأس تماما
والرأس شبه عمودية على الجسم
وظهر الكرسى يحب ان يرجع للخلف 30 او 40 درجة
والايدى ماسكين الدركسيون فى وضعية سليمة ومريحة جدا
ارجوا ان اكون وفقت
مع اطيب التمنيات
اخوكم حسين غزالة
الطريقة السليمة للامساك بعجلة القيادة "الدركسيون"
---------------------------------------
https://imageshack.com/i/ex8soz6wp
فى الصورة السابقة
ماسك الدركسيون بيد واحدة
لزوم المنظرة
طبعا ماسك بطريقة خطأ
لو قائد السيارة كان ماشى على سرعة عالية
وقابله اى موقف مفاجىء
النتيجة لاقدر الله هاتكون سيئة جدا
لان المفروض الوضعية السابقة تستخدم احيانا عند الدوران بالسيارة
وموش للمنظرة
https://imageshack.com/i/exv9sdzsp
فى الصورة السابقة
نفس الشىء منظرة على الفاضى
ووضعية خطأ جدا
https://imageshack.com/i/eyPCgXVpp
الصورة السابقة
مناسبة جدا عند نقل الحركة فقط
يعنى لما استخدم الفتيس فقط
لكن ما ينفعش انى طول ما انا ماشى افضل ماسك الفتيس بيد والثانية على الدركسيون
https://imageshack.com/i/eyAgsQOyp
فى الصورة السابقة
الطريقة الصحيحة للامساك بعجلة القيادة
تخيل ان الدركسيون عبارة عن ساعة
تضع اليد اليمنى على الساعة 3
واليد اليسرى على الساعة 9
التحكم هايكون ممتاز
والايدى مرتاحين
https://imageshack.com/i/idNYv1s8p
فى الصورة السابقة
الدركسيون بعيد عن جسم السائق 25 سم
ودى الوضعية الصحيحة
انظر يد السائق موش مفرودة على الآخر
وموش مثنية زيادة على اللزوم
ده بالنسبة للناس اللى "بتحضن الدركسيون" ههههههههه
الخلاصة
-------
احلى حاجة العلم والمعرفة
والتدريب الجيد على عادات سليمة فى القيادة
يخلصك من الخوف وكثير من المشاكل
يعنى
بالوضعية الصحيحة
تقدر تفادى اى شىء بمسافة صغيرة جدا
خلاف كده
لو ظهر لك اى حاجة وفكرت تفاديها
هاتلاقى العربية حدفت معاك بعيد
وربنا الستار فى الاول والآخر واحنا بناخد بالاسباب
مع اطيب التمنيات
اخوكم حسين غزالة
أنا عندي سؤال
لو يوتيرن علي طريق سريع زي طريق السويس هتدخل اليوتيرن وبعدها علي طول هتدخل يمين في أحد بوابات المدن الجديدة
تعمل دة ازاي وأنت في أقصي شمال الطريق والطريق سريع والمفروض انك تنتقل لأقصي اليمين في أسرع وقت ممكن عشان تقدر تدخل البوابة ؟
سؤال جميل جدا جدا
---------------
بالنسبة لى هاتصرف كالتالى
المشكلة الاساسية انك عايز تنتقل من اليوتيرن الى الناحية المقابلة مرة واحدة وان المسافة قصيرة
الحل من وجهة نظرى الانتظار حتى تظهر فرصة مناسبة لقطع الطريق
طيب افرض ان الطريق سريع ومافيش فرصة للعبور للجهة المقابلة
خلاص
يبقى الافضل النزول فى توقيت مختلف على الاساس يكون الطريق فاضى شوية
يعنى مثلا
بدل ما انزل الشارع الساعة 7.5
انزل الساعة 7
يكون الشارع فاضى شوية
او
حل آخر
انى الف من يوتيرن آخر
يعنى امشى 5 دقائق زيادة افضل من انى اعرض نفسى للخطر
ودى بعملها كثير
آخرها كنت خارج من دار المدفعية
وعشان انقل نفسى لليوتيرن وفيه سيارات ماشية بسرعة جدا ونقل ثقيل
على طول قررت بلا تردد انى استحدم اليوتيرن النالى حتى ولو هاتأخر 5 دقائق زيادة
لدرجة
ام الاولاد سألتنى باستغراب
انت موش شايف اليوتيرن ؟
قلت لها : شايفه .... لكن المثل بيقول " امشى سنة ولا تخطيش أنة"
مافيش ثوانى
ولاقيت عربية نقل ققيل ماشية زى الصاروخ
قلت لها: صدقتى .... واحد زى ده .... ممكن يركب فوق العربية ومايحسش بينا
وربك الستار فى الاول والآخر
ما بالك لو عربيتك ... عادية .... وسحبها وسرعتها عادية .... تبقى الخطورة اشد
مشاكل الطريق السريع قليلة ... لكن قاتلة
موقف ثانى
كنت ماشى فى صلاح سالم
والعربيات كلها بتجرى
ووجدت سيارت عايز ينقل نفسه من اقصى اليمين الى اقصى اليسار
عشان يدخل اليوتيرن
طبعا كان شكله اكنه عربية بوكس شرطة وعامل "كمين" بعرض الشارع
لدرجة
انى ممكن الاقى نفسى فى الشارع المقابل عشان مايحصلش صدام معاه
زى اللى فاته مطلع الكوبرى
يوقف الدنيا عشان عايز يطلع الكوبرى
او
طلع الكوبرى غلط ... وعايز يرجع للخلف
ربنا يسترها مع الجميع
مع اطيب التمنيات
اخوكم حسين غزالة
[QUOTE=GeelyPanda;3875830817]المشكلة إن دة طريق العودة و ليس طريق الذهاب و لذلك لا يمكنني ضبط الوقت
وكمان مش عارف اليوتيرن التالي بعد كام كيلو!
ربنا يستر طريق الجميع
جرب مرة
وشوف اليوتيرن التالى بعد مسافة اد ايه ؟
صدقنى موش هاتاخد 10 دقائق
المهم
انك ترجع البيت بالسلامة
تحياتى
طيب أنا بكون مثلا على التانى ودداخل على المطب فبهدي دبرياج وفرامل تمام وأول لما بكون فوق المطب بشيل رجلى خالص من على الفرامل ووأسحب رجلى سنه سنه من على الدبرياج وأكمل على التانى كده ان اصح وللا غلط ؟؟؟!!
سلام عليكم
انا سجلت مخصوص فى المنتدى الممتاز ده عشان الموضوع الجميل ده
جزكم الله كل خير
وربنا يجعله فى ميزان حسناتكم لانه علم ينتفع به
انا لسه بتعلم السواقه ياجماعه مع مدربه
فاضل لى حصه واخلص الكورس
يعنى مستوايا معقول
عاوزة اتعلم منكم اكتر واكتر لحد ما ابقى محترفه سواقه
خلاصة الكلام
عشان ماتتلخبطش
اهم حاحة انك تطلع المطب بهدوء
وتنزل من على المطب يهدوء
ولو الدنيا فاضية
وداخل على المطب لوحدك
والمطب كان حاد ... خصوصا المطبات ههههههههههه العمولة اللى بيعملها الاهالى
حاول تطلع المطب بزاوية
يعنى مثلا العجلة اليسرى الاول وبعد كده العجلة اليمنى
عشان تريح العربية من صدمة العجلتين مع المطب
لو المطب واسع ومريح
ممكن تطلع وتنزل على الغيار الثانى لكن بهدوء
لو العكس والمطب حاد
يبقى لازم اطلع وانزل على الغيار الاول
البعض بينقل الغيار الاول قبل ما يطلع المطب
والبعض يفضل يطلع المطب الاول
وهو نازل ينقل الغيار الاول .. او الثانى حسب سرعة السيارة
ملحوظة
ماتطلعش المطب ما دام فيه سيارة امامك
اصبر شوية
لما السيارة التى امام تبتعد قليلا عن المطب
ثم اطلع انت وانزل براحتك
لانك لو طلعت والعربية التى امامك ما زالت متوقفة
هاتسبب لك مشكلة
وهاتفضل واقف على المطب
لا عارف تدوس فرامل
ولا عارف تنقل غيار
وممكن تتلغبط
مع اطيب التمنيات
اخوكم حسين غزالة
اهلا وسهلا بحضرتك
وشكرا على كلامك الجميل
بالنسبة لموضوع التعلم القيادة
هايحتاج وقت كبير
في فرق بين اتعلمت احرك السيارة
وبين انى اتعلمت مهارات القيادة فى المواقف المختلفة
هاتخافى شوية .... ده اكيد
وهاتلاقى رهبة من القيادة
كل ده هاينتهى آجلا او عاجلا
لكن
ينتهى بسرعة لما تتعلمى بأسلوب علمى
وتقرأى المشاركات
وتنقلى لنا تجاربك عشان نتعلم منها
وتنقلى لنا مشاكلك عشان نفكر فى حل لها
وكلنا تحت امرك فى اى وقت
فى انتظار مشاركاتك القيمة
مع اطيب التمنيات
اخوكم حسين غزالة
ياجماعه الركنة العمودى على الرصيف
اعملها ازاى وش الربية للرصيف والعكس
واخرج منها ازاى
ياريت تقولوا لى اسهل طريقه
انا امنيه حياتى ابقى محترفة سواقه معرفش ازاى وانا بخاف بس اكيد الاحلام بتحقق انشاء الله
ركن السيارة خطوة بخطوة
-------------------
http://im88.gulfup.com/pA8ztB.png
انظر الى الصورة السابقة
لازم المسافة اللى هاتركن فيها تكون كافية
خصوصا للمبتدأين
يعنى صعب انك تكون مبتدأ وتحاول تقلد الناس اللى عندها خبرة وبتركن فى اماكن ضيقة
يبقى الاول تجرب فى مكان واسع نسبيا
يعنى لازم المسافة اللى هاتركن فيها تكون اكبر من سيارتك بنسبة 25% على الاقل
يعنى لو عربيتك طولها 4 متر .... يبقى هاتحتاج مكان طوله 5 متر عشان تركن فيه مرتاح
http://im75.gulfup.com/FAQhde.png
انظر الى الصورة السابقة
سيارتك هاتقف بجوار السيارة الامامية
الاكصدام موازى لاكصدام السيارة الامامية
المسافة بينكم حوالى 32 سم
بالتدريب هاتشعر بان المسافة بينكم مناسبة
http://im62.gulfup.com/IwmAtC.png
انظر الى الصورة السابقة
اكسر الدركسيون خفيف
وارجع للخلف على مهلك
حتى ترى الفانوس الخلفى للسيارة الامامية
الفانوس االخلفى عليه دائرة حمراء
وفى نفس مستوى دركسيون سيارتك
يعنى تشعر انك جالس خلف اكصدام السيارة الامامية .. هههههههههه
http://im85.gulfup.com/dri0Dj.png
انظر الى الصورة السابقة
فى اللحظة دى توقف تماما
يعنى ولا حركة
اكسر الدركسيون على الآخر .. عكس الرصيف
يعنى لو الرصيف مثلا على يمينك ... لف الدركسيون اتجاه اليسار
ارجع بهدوء
http://im73.gulfup.com/1D9ynb.png
انظر الصورة السابق
ضع يدك على الكرسى المجاور
وانظر فوق كتفك على السيارة اللى فى الخلف
وارجع بهدوء
http://im90.gulfup.com/cQWHo5.png
انظر الى الصورة السابقة
ارجع للخلف
حتى ترى دركسيون السيارة الخلفية
http://im80.gulfup.com/Ow68Kl.png
انظر الى الصورة السابقة
فى اللحظة دى
توقف بالسيارة تماما
http://im79.gulfup.com/uJ7wIS.png
انظر الى الصورة السابقة
الآن فقط
اكسر الدركسيون فى اتجاه الرصيف
يعنى لو الرصيف ناحية اليمين
اكسر الدركسيون يمين على الآخر
http://im47.gulfup.com/M39rPP.png
وانت راجع انظر امامك
وتأكد انك موش هانخبط اكصدام السيارة التى امامك
يعنى لو شعرت ان الاكصدام هايخبط بالاكصدام الامامى
تحرك للامام واعد الخطوات مرة ثانية
http://im66.gulfup.com/1AQnkB.png
انظر الى الصورة السابقة
بعد ما تركن بنجاح
اتحرك الى الامام قليلا
عشان توسع شوية للسيارة التى فى الخلف
وعشان تقدر تخرج بعربيتك انت كمان
مع اطيب التمنيات
اخوكم حسين غزالة
صباح الخير
عاملين ايه يا اخواتى الافاضل
موضوع جميل جدا
كل يوم اقرأ صفحتين ثلاثه
نفسى اسوق كويس واحترف بجد أمنيه لانى داخله تحدى مع جوزى
لانه بيقول مفيس ست بتسوق كويس الا ما رحم ربى فلتات كده
كمان انا حابه التعلم بس مشكلتى الخوف ورهبة الطريق خصصا الدايرى مع النقل والميكروباص
اعمل ايه عشان اتخلص من الرهبه دى يا جماعه
انا خلصت الكورس الاساسى شرح لكل القواعد ومشيت على الثالث واخدت الملفات والركنات
ناقص لى ممارسه
محتاجه بتاع كام حصه ممارسه كده
نقول عشرة ولا ايه؟؟؟؟؟؟؟؟؟؟؟؟
اهلا وسهلا بحضرتك
بالنسبة لقيادة السيدات
انا من وجهة نظرى ان السيدات محترمين جدا فى قواعد القيادة
المشكلة فى باقى الناس اللى مافيش عندها صبر
بالنسبة لموضوع الخوف
هاينتهى لما تتعلمى بشكل علمى
يعنى مثلا
تحددى المهارة المطلوب التدريب عليها
ولما تنتهى من التدريب
ابدأى فى مهارة اخرى
لازم
يكون عندك "يؤرة" تركيز
وتكونى عارفة انت عايزة تدربى على ايه ؟
والمهارات كثيرة
وسيبك من اللى بيقول لك لما تمشى كثير هاتتعلمى
ممكن امشى كثير ... لكن بمشى وموش فاهم حاجة
مثال
لو انت دايما شايفة عجل السيارة التى امامك
فى اوقت
هاتكسرى الدركسيون على الآخر
هاتعدى من العربية بدون اى اصطدام
دى معلومة
هاتوفر لك وقت
وهاتخلصك من الخوف والارتباك فى الزحام
وكل تركيزى هايكون مع السيارات الاخرى
وهاتصرف بسرعة وبشكل بديهى لو السيارة التى امامى توقفت فجأة
كده كل حاجة عايزة تعليم وفهم ووقت
نصيحة اخيرة
اجلى السير على الطرق السريعة شوية
الطرق السريعة مشاكلها قليلة جدا
لكن خطيرة جدا جدا
امشى حوالين البيت
وامشى داخلى كثيير
وامش فى الصباح الباكر الساعة 6 او 7 الصبح
وخلى حد يركب بجوارك حتى ولو مابيعرفش يسوق
عشان ثقتك تزيد فى نفسك
ومافيش داعى للاستعجال
الموضوع عايز وقت
والانسان هايفضل يتعلم طول عمره
مع اطيب التمنيات
اخوكم حسين غزالة
حاضر انشاء الله
فعلا المسأله مسألة وقت وممارسة
طيب يعني اي دبرياج
و اي وظيفته
والموتور بيشتغل ازاي
و متوصل بالعجل ازاي
عاوزة افهم كويس اجزاء العربيه
محدش رد عليا انا مخاصماكم بجد
واشمعنا مبقاش حد ينشط الموضوع زى زماااااان
اشمعنا بقى
على حظى
المنحوس منحوس ياربى
أصل أنا ما صدقت لقيتكم
ومش هسيبكم أبدا
فأحسن لكم تيجوووو كلكم وتكملوا كلاااااااااااااام ونصايح والتركات
لحد ما ابقى محترفه زيكم
بدل ما اقعد اعمل دوشه وأزن وأخبط وأكسر فى التوبيك