كلام جميل من انسان جميل
مع اطيب التمنيات
اخوكم حسين غزالة
[Bفكر كسائق
قائد السيارة دائم التفكير ..... ليس كراكب .... لكنه يفكر كسائق ... يفكر فى المواقف المختلفة التى تدور حوله .... ولا يمكن للسائق انه يلغى تفكيره .... فى اللحظة اللى هايبطل يفكل فيها هايعرض نفسه لخطر كبير
فكر اين انت ذاهب
قبل ما انزل مشوار ... لازم اكون عارف انا رايح فين ... وهاوصل المكان ده من اى طريق ... ما بنزلش الشارع وخلاص ... وافضل اسأل واعمل مشاكل فى الطريق واعطل الدنيا كلها
فكر فى الطريق
فكر فى الطريق اللى انت اخترته .. فكر فى التقاطعات والميادين اللى هاتقابلك ... تخيلها فى ذهنك .. وفكر هاتتصرف ازاى فى المواقف المختلفة
اذا كنت موش عارف الطريق
اسأل قبل ما تمشى ... استخدم خريطة ورقية ... ودى جميلة جدا ورخيصة ... وممكن تستخدم "google map"
المهم الكلام ده تعمله فى البيت موش وانت ماشى على الطريق
وفيه ناس عندها فى الموبايل "gps" وده بصراحة ممتاز جدا ... ببساطة هاتعرف انت فين
الوقت
حاول تنزل بدرى شوية ... عشان تمشى براحتك وبدون استعجال ... وتوصل فى ميعادك بدون قلق ... ولو قدرت تروح المشوار ده فى يوم بدرى شوية ... وتتعرف على المكان قبل ما تروحه فى اوقات الزحمة يبقى هايل
يعنى انا مثلا كنت عايز اروح السيدة زينب ... ببساطة نزلت يوم الجمعة الصبح بدرى ... ولفيت السيدة زينب اكثر من مرة ... لحد ما حفظت المكان كويس .... دلوقتى الحمد لله ... لو نزلت فى اى وقت خلاص حفظت الطريق ... والطرق الجانبية لو حصلت اى ظروف
وانت ماشى
على الطريق خلاص انت عرفت هاتبدأ منين .... وعارف متى سوف تهدأ من سرعتك ... ومتى سوف تزيد من سرعة السيارة .... وفى اى منطقة سوف تراعى الاشارات والتقاطعات .... ومتى هاتغير حارتك ... وامتى هاتلف يمين او شمال .... كل ده انت راجعته قبل ما تنزل الشارع ... وهاتبدأ تنفيذه بدقة
ماتسرحش
ما تفكرش فى اى حاجة غير الطريق ... وركز وانت ماشى كويس جدا
هههههههههه
يعنى انا رايح المعادى
وماشى على الكورنيش
وبدل ما اوصل المعادى ... طلعت كوبرى غلط ... وجدت نفسى ماشى على طريق حلوان تقريبا
ههههههههههه
المهم رجعت تانى وربنا ستر
السرحان موش كويس .... حتى ولو انت مذاكر الطريق
وبعد ما توصل
فكر ايه اللى حصل وانت ماشى
ايه اللى لازم تاخد بالك منه فى المرة اللى جاية
التقاطعات
المناطق المزدحمة
المناطق المكسرة فى الطريق ههههههههههه والمطبات اللى انت كلتها وانت ماشى
فكر المرة اللى جاية ان شاء الله هاتعمل ايه ؟
عشان توصل بالسلام
القيادة
موش مجرد مهارات لتحريك السيارة
كل يوم هانتعلم مع بعض حاجة جديدة ان شاء الله
المرة القادمة
كيف تحسب المسافات
مع اطيب التمنيات
اخوكم حسين غزالة
[/B]
موضوع جميل قوووووى
السلام عليكم أستاذ حسين
موضوع حلوووووو قووووى ومجهود راءع
أحب أقولكم أنى مستجدة فى السواقة بسوق اوتوماتيك وبتعبير اللى بيسوق مانيوال بطل
الحمد لله اتعلمت وبقيت اروح بالعربيه الشغل فى سموحه وانا ساكنه فى ميامي ووديت الولاد سان إستيفانو ورحت فتح الله
طيب فين المشكلة ؟؟؟
المشكلة دلوقتي بقالى ١٠ ايام مطلعتش بالعربيه ليه مش عارفه جوزى أجازه وبيودينى ويجيبنى وانا مرتاحه كده يعنى مكسله ورجعت أخاف تانى مع ان الخوف مكنش راح اولانى
انا حسه ان الموضوع نفسى وعارفه ان ١٠ ايام مش كتير بس كتير لمبتدءه زىى
خصوصا ان الموضوع اتكرر معايا لما خبطت مره وانا رايحه الشغل وداخله سموحه من ناحيه كيروسيز وماشيه فى حارتى كان فيه عربيه ماشيه فى نفس اتجاه العربيات اللى داخله سموحه زىى بس هو ماشى فى الحارة اللى خارجه من سموحه على شارع أبوقير اتفاجىء بتوكتوك قدامه فحب يدخل معانا فى حارتنا اللى داخله سموحه فكسر جامد عليا مع أنى فرملت ومقدرش المسافة اللى داخل عليها اللى هى بينى وبين العربية اللى قدامى الحمدلله كانت بسيطه رفرف واكسدام رديت الرفرف عشان الباب مكنش بيفتح بسهوله وسايبه الاكسدام محتاج دهان عشان العين ههههههههه
المهم بعد الخبطه دى قعدت أسبوع لحد ما رجعت اسوق تانى يعنى الموضوع اتكرر أنى انقطع عن السواقة وده مضايقنى وعاوزه اتغلب عليه خصوصا أنى لسه فى الاول
السلام عليكم
ربنا بجد يكرمك على المجهود اللى انت بتعملة يا استاذ حين بجد مجهود جبار انا على فكرة بقرا فى الموضوع بقالى حوالى 5 ايام ودلوقتى فى الصفحة 73 المهم انا طبعا مبتدا ومطلع رخصة من 7 سنين وكنت اخدت كورس كدة برضة من 7 سنين وطلعت الرخصة بواسطة المهم انا جبت عربية دلوقتى وجربت اسوق ولقيت نفسى كويس لدرجة انى مشيت على 130 على الكورنيش فى اسكندرية وكنت مبسوط وعندى ثقة فى نفسى تانى مرة نزلت خبطت ضهر العربية ففى عبية تلاجة نقل والازاز اللى عندى اللى ورا وقع كلة وطبعا فقدت الثقة خالص وبقت بمشى على اقل من مهلى ولازم يكون معياا حد وطبعا عندى مشكلة فى الركنة وعندى مشكلة انى مش بتحرك بالعربية كتير ولازم يكون حد معايا لدرجة انى فكرت ابيع العربية من خوفى اللى نتج من الخبطة مش عارف بفكر اشوف حد يدربى تانى غير صحابى وقريبى وطبعا والدى بيسوق بقالى 15 سنة بس لما بيركب معايا بتلبش ويخوفنى زيادة مش عارف اعمل اية
السلام عليكم أستاذ حسين
وعليكم السلام ورحمة الله وبركاته
موضوع حلوووووو قووووى ومجهود راءع
كثر خيرك ده بس من ذوقك
أحب أقولكم أنى مستجدة فى السواقة بسوق اوتوماتيك وبتعبير اللى بيسوق مانيوال بطل
كلنا بنتعلم وهانفضل نتعلم من المواقف المختلفة اللى بتمر بنا
الحمد لله اتعلمت وبقيت اروح بالعربيه الشغل فى سموحه وانا ساكنه فى ميامي ووديت الولاد سان إستيفانو ورحت فتح الله
كويس قوى ... ولو انى ضعيف جدا فى اسكندرية ماعرفش فيها حاجة خالص ههههههههه
طيب فين المشكلة ؟؟؟
المشكلة دلوقتي بقالى ١٠ ايام مطلعتش بالعربيه ليه مش عارفه
[[b]لازم ممارسة
جوزى أجازه وبيودينى ويجيبنى وانا مرتاحه كده يعنى مكسله ورجعت أخاف تانى مع ان الخوف مكنش راح اولانى
[b]
الخوف ده هايروح بعد التدريب بشكل علمى
وممكن الخوف يرجع فى اى وقت لو الواحد حصله اى موقف
حتى ولو كان متمرس وقديم فى السواقة
الخوف شىء طبيعى لكن لو كان فى حدوده المعقولة
لدرجة انه لو واحد قديم فى السواقة
وحصله موقف
النصيحة بتكون
اركن عربيتك ... واشرب لك حاجة ساقعة
وهدى اعصابك
وارجع اركب عربيتك تانى
ده للناس القديمة فى السواقة
ما بالك بالناس الجديدة ... الخوف شىء طبيى ... يروح بالعلم والمعرفة
انا حسه ان الموضوع نفسى وعارفه ان ١٠ ايام مش كتير بس كتير لمبتدءه زىى
خصوصا ان الموضوع اتكرر معايا لما خبطت مره وانا رايحه الشغل وداخله سموحه من ناحيه كيروسيز وماشيه فى حارتى كان فيه عربيه ماشيه فى نفس اتجاه العربيات اللى داخله سموحه زىى بس هو ماشى فى الحارة اللى خارجه من سموحه على شارع أبوقير اتفاجىء بتوكتوك قدامه فحب يدخل معانا فى حارتنا اللى داخله سموحه فكسر جامد عليا مع أنى فرملت ومقدرش المسافة اللى داخل عليها اللى هى بينى وبين العربية اللى قدامى الحمدلله كانت بسيطه رفرف واكسدام رديت الرفرف عشان الباب مكنش بيفتح بسهوله وسايبه الاكسدام محتاج دهان عشان العين ههههههههه
المشى الداخلى مافيش فيه خطورة
لا قدر الله لو حصل حاجة بتتصلح
الخطر لو المبتدأ استعجل ومشى على الطريق السريع
المهم بعد الخبطه دى قعدت أسبوع لحد ما رجعت اسوق تانى يعنى الموضوع اتكرر أنى انقطع عن السواقة وده مضايقنى وعاوزه اتغلب عليه خصوصا أنى لسه فى الاول
اخرجى بالعربية لوحدك
الصبح بدرى
امشى كل يوم نصف ساعة فقط
يعنى من الساعة 6.5 لحد 7 صباحا
وبعد كده
اخرجى فى اوقات الزحام
امشى حوالين المنزل
وبعد كده اخرجى مشاوير داخلية
ومعاكى حد راكب جنبك حتى ولو مابيعرفش يسوق
هاتاخدى ثقة جامدة بوجوده جنبك
بواب العمار مثلا
خدى وقتك
شهر .. شهرين ثلاثة
موش مهم الاستعجال
المهم انى امشى بشكل علمى وانى اكون فاهم
موش كل واحد بيحرك العربية
بيعرف يسوق
التعليم شىء
وتحريك العربية
شىء آخر
ابدأى من الغد
الساعة 6.5 صباحا
اخرجى بالعربية لوحدك
فى الطرق الداخلية
موش على طريق سريع
وارجع البيت الساعة 7
استمرى فى الحكاية دى زى ما انت عايزة
واحنا مع بعض نتشاور
ونتعلم مع بعض من اخطائنا
وانا تحت امرك
مع اطيب التمنيات
اخوكم حسين غزالة
السلام عليكم
وعليكم السلام ورحمة الله وبركاته
ربنا بجد يكرمك على المجهود اللى انت بتعملة يا استاذ حسين بجد مجهود جبار
الشعور بالخوف شعور وحش قوى ... وانا مريت بنفس الشعور لدرجة انى فكرت ابيع العربية فى نفس الاسبوع اللى انا اشتريت فيه العربية ... وللاسف مافيش حد من اللى ركبوا معايا قالى اى حاجة من اللى مكتوب .... كل اللى انا عرفته من الاجانب ومقالتهم المتخصصة فى القيادة ... وطبعا فادتنى جدا جدا جدا ... ومازالت بتعلم منها كل يوم .... واتمنى لكم التوفيق والسعادة
انا على فكرة بقرا فى الموضوع بقالى حوالى 5 ايام ودلوقتى فى الصفحة 73
عشرة على عشرة .... دى بداية صح ... استمر فى القراءة حتى ولو شعرت انك اصبحت كويس جدا ... استمر لازم هاتلاقى كل يوم حاجة جديدة تضاف الى رصيد خبراتك
المهم انا طبعا مبتدا ومطلع رخصة من 7 سنين وكنت اخدت كورس كدة برضة من 7 سنين وطلعت الرخصة بواسطة المهم انا جبت عربية دلوقتى وجربت اسوق ولقيت نفسى كويس لدرجة انى مشيت على 130 على الكورنيش فى اسكندرية
كويس جدا انك عندك ثقة فى نفسك .... لكن خطأ كبير جدا انك تمشى على الطريق سريع ... الطريق السريع مشاكله قليلة جدا ... لكن خطيرة جدا ... خليك فى الداخلى فترة لحد ما تشعر بالتمكن الكبير ... وكل طريق وله مهاراته سواء داخلى او طوالى ... واضح انك من النوع الجرىء هههههههههههههههه ....
وكنت مبسوط وعندى ثقة فى نفسى تانى مرة نزلت خبطت ضهر العربية ففى عبية تلاجة نقل والازاز اللى عندى اللى ورا وقع كلة وطبعا فقدت الثقة خالص وبقت بمشى على اقل من مهلى ولازم يكون معياا حد
قدر الله وماشاء فعل ... كويس جدا وجود حد راكب جنبك ... حتى ولو مابيعرفش يسوق ... هاتاخد ثقة جامدة بوجوده بجوارك ... الاهم هو التدريب بشكل علمى ... كل مهارة تكون انت عارفهة كويس وعارف ايه المطلوب لتنفيذها
وطبعا عندى مشكلة فى الركنة
كلنا عندنا مشكلة فى الركنة .... هات واحد قديم فى السواقة ومتعود يركن فى مكان واسع ... وخليه يركن فى مكان ضيق ....هههههههههه "هايغنى ظلموه" .... ركن السيارة له قواعد ... وفيه مشاركات كثير بخصوص ركن السيارة فى نفس الموضوع .... ممكن بعد ما تقرأ المشاركات دى .... تجيب جيركل مياه فارغ ... وتحطه بجوار الرصيف وتحاول تركن خلفه .... وتفضل تتمرن على الموضوع ده لحد ما تلاقى نفسك استاذ .... بس حاول تقرأ المشاركات الخاصة بركن السيارة الاول
وعندى مشكلة انى مش بتحرك بالعربية كتير ولازم يكون حد معايا لدرجة انى فكرت ابيع العربية من خوفى اللى نتج من الخبطة
انا فى الاول فكرت ابيع العربية فى نفس الاسبوع من غير ما اخبط حاجة .... الخوف هو اللى بيعمل كده وموش هاتتخلص من الخوف ... الا بعد ما تقرأ كويس المشاركات ... وتتعلم بشكل علمى ... وتاخد وقتك زى ما انت عايز ... شهرين ثلاث ستة اشهر ... موش مهم .... المهم ما تستعجلش خالص .... وكله هايبقى تمام التمام
مش عارف بفكر اشوف حد يدربى تانى غير صحابى وقريبى
المهم فى المدرب انه يكون فاهم كويس قوى ... وبيعرف ينقل المعلومة كويس قوى ... موش كفاية انه يكون بيعرف يسوق كويس .... اقرآ المشاركات وخلى اى حد يخرج معاك .... وحدد الاول ايه هى المهارة اللى انت عايز تتمرن عليها .... المهارات كثير قوى ... وكل مرة اتعلم وركز على مهارة معينة لحد ما تلاقى نفسك استاذ ..... مثلا عايز تطلع كوبرى وتقف عليه وتستمر فى السير ...... يبقى ده موقف صعب ورخم للمبتدأ ... استمر فى التدريب على المهارة حتى لو فضلت شهر ... المهم بعد ما تخلص تعليم مهارة معينة ... انقل على مهارة اخرى ... وهكذا
وطبعا والدى بيسوق بقالى 15 سنة بس لما بيركب معايا بتلبش ويخوفنى زيادة مش عارف اعمل اية
اخويا الكبير نفس القصة ... بيسوق كويس جدا ... لكن عصبى جدا .... ومابيعرفش ينقل المعلومة .... وكل اصحابى نفس الحكاية .... لازم تقرأ كويس .. والحاجة اللى تقرأها اخرج اتمرن عليها .. وهكذا ... واكتب كل تجربة بتمر بها ... ونتناقش فيها مع بعض .... ما فيش اى مشكلة خالص .... لحد ما هاتلاقى نفسك استاذ وبتعلم ناس تانية
وانا عن نفسى فى انتظار
مداخلاتكم
عشان اعرف آخر تجاربكم
ونتعلم مع بعض
مع اطيب التمنيات
اخوكم حسين غزالة
ماتشرحوا شويه للاوتوماتيك
انا متشكرررره لحضرتك جداااا يا أستاذ حسين
انا فعلا من كم يوم بدأت اطلع تانى بالعربيه اول يوم رحت فتح الله بس وانا راجعه وبلف فى شارع ٤٥ العربية حكت حاجه بسيطه فى الرصيف تانى يوم وديت الولاد كورس الرسم ورحت الشغل
هو انا حسه شويه ان السواقه فى إسكندرية اسهل من القاهرة
كمان ظبط المرايا اللى قريته هنا فى الموضوع نفعنا جداً لأنى تقريبا كنت بشوف عربيتى ومبشوفش العربية اللى جمبى
بس مش فاهمه موضوع نص المرايا سماء ونص ارض
كتير قوى ١٣٠ على الكورنيش يا أستاذ اسلام انت كده بتعرض نفسك والآخرين للخطر لان العربية مع السرعة العاليه وزنها بيتلاشى
والثقة مش بتيجى من انك تمشى بسرعه لكن الثقه بتيجى من التعامل مع المواقف المختلفة وخصوصا فى الزحمه وانت عارف الكورنيش وقت رجوع الموظفين بي بقى عامل أزاى وده ولسه المصيفين مش موجودين
عموما فلاش تيأس وفعلا خلى حد يعلمك يكون كويس وبيفهم ويقدر يوصل المعلومة
انا متشكرررره لحضرتك جداااا يا أستاذ حسين
على ايه كلنا هنا اخوات وانا تحت امر حضرتك فى او وقت
انا فعلا من كم يوم بدأت اطلع تانى بالعربيه اول يوم رحت فتح الله بس وانا راجعه وبلف فى شارع ٤٥ العربية حكت حاجه بسيطه فى الرصيف
انظر الى الصورة التالية
http://www.bikexprt.com/streetsmarts...s/np24topa.gif
لازم تبعدى عن الرصيف على الاقل نصف متر
واول ما عجل العربية الامامى يتخطى زاوية الرصيف تبدأى فى الدوران
وبعد الانتهاء من الدوران
لازم التزم بالحارة اللى انا بلف فيها
وما نزلش بالعربية فى نص الشارع اللى انا عايز اروح له
يعنى لازم او الافضل انى الف بجوار الرصيف والتزم بالحارة اللى انا ماشى فيها
نسبة كبيرة جدا من الحوادث بتحصل نتيجة تغيير الحارة اثناء الدوران فى الملفات
يعنى واحد بيلف بالعربية
وموش عاجبه العربية اللى امامه
يبقى عايز يلف وكمان عايز يتخطى السيارة التى امامه فى نفس الوقت
النتيجة طبعا "طااااااااااااااااااااا خ"
ولو كان الملف على طريق سريع هاتبقى النتائج سيئة جدا
وربنا الستار فى الاول والآخر
تانى يوم وديت الولاد كورس الرسم ورحت الشغل
هو انا حسه شويه ان السواقه فى إسكندرية اسهل من القاهرة
كمان ظبط المرايا اللى قريته هنا فى الموضوع نفعنا جداً لأنى تقريبا كنت بشوف عربيتى ومبشوفش العربية اللى جمبى
بس مش فاهمه موضوع نص المرايا سماء ونص ارض
بالنسبة لضبط المرايات الجانبية
انا عن نفسى
عشان المرايات الجانبية عندى تعبانة ووحشة وزاوية الرؤية فيها سيئة
ريحت دماغى واشتريت مراية عريضة للصالون "ممتازة" جدا ثمنها تقريبا 20 او 25 جنيه
http://8903e7f0897f2982f439-51d6683c...289200x150.png
طبعا المرايه دى بتخلينى اشوف من اليمين الى اليسار فى منتهى السهولة
هى شكلها موش عاطفى هههههههههههههههه
لكن ارحم من انى امشى فى الشارع وموش شايف حاجة
شرح آخر
فى الصورة التالية
http://www.fiat500owners.com/forum/a...rs-correct.jpg
العربية الصفراء انت شايف جزء منها
انظر الى الصورة التالية
http://www.fiat500owners.com/forum/a...irrors-bad.jpg
]
اول ما العربية الصفراء اقتربت منك
وبرغم انها ماشية وراك
الا انها لم تظهر فى المرايا الجانبية الشمال
هى دى المنطقة العمياء blind spot
فى اللحظة دى بالذات اول ما تغير حارتك هاتسمع "بييييييييييييييييييييييي " وربك الستار
انظر الى الصورة التالية
http://thenakedrider.files.wordpress...pg?w=270&h=300
فى الصورة السابقة
فتحت المرايا شوية بحيث انى اشوف القادم من الخلف على قدر الامكان
موش مهم انى اشوف عربيتى
ممكن اشوف جزء صغير قوى منها فى المرايا الجانبية
وافتح المرايا على قدر الامكان
عشان كده احيانا
يقول لك
حاول تنظر من فوق كتفك وتشوف مين ماشى خلفك فى المنطقة العمياء
قبل ما تغير حارتك
خصوصا كتفك اليمين ... ده لو انت متجه ناحية اليمين
طبعا الحكاية دى محتاجة تدريب
التدريب ثم التدريب
هو الحل
لا تقول لى بخاف
ولا تقول لى حصل ايه ؟
ما هو موش معقولة انت موش فاهم او موش متدرب كويس
وفى الآخر تشتكى
وتقول انا خايف ... مافيش حاجة اسمها خايف
فيه حاجة اسمها انا موش متدرب بشكل علمى
فيه حاجة اسمها دماغى موش مترتبة كويس
انما لو عرفت المشكلة وحلها بأسلوب علمى
هاترتاح وتلاقى كل الامور ماشية عال العال وفى منتهى البساطة
وتقول وداعا للخوف
مع اطيب التمنيات
اخوكم حسين غزالة[/SIZE]
بشكرك جدا على موضوعك وربنا يبارك فيك ويسترها معانا يارب
انا الحمد لله طلعت بلالعربية مرتين وحاسس ان الثقة رجعتلى تانى من جديد روحت مشوار لكارفور والحمد لله رجعت من غير اى خساير بس كان فية موقفين انا كنت حسيت انى مش تمام فيهم اول موقف عريبة نقل كبيرة كانت موقفة الشارع وسيبة مكان لعربية واحدة بس تعدى المهم انا هديت خالص لدجرة العربية بطلت منى وطبعا العربيات اللى ورايا مفيش اى نوع من الصبر
تانى موقف كنت طالع من شارع يطلع على الكورنيش المفروض انى كنت اهدى بس انا اخدت بدوران لدرجة انى طلعت بالعربية لنص الشارع بس الحمد لله كان الكورنيش فاضى مفيش عربيات ورايا بس كانت باصص فى المراية كنت عايز اعرف لما اهدى العربية بالفرامل ساعات بدوس مرة واحدة بحس العربية اترجت اعمل اية فى الموضوع دة
مانا عرفت كدة بعد الخبطة :( بس الحمد لله دلوقتى بقيت احسن وبمشى بسرعة اقل بكتيرررر انا حسيت ان المدراس السواقة بتكون العملية تجارية اكتير ما هى تعليم لانى روحت لمدرسة وكلمت المدرب وقالى يكبرلى الموضوع قوى وانت انت محتاج اكتر من 10 حصص وكبرلى الموضوع قوى بس لما مشيت لوحدى لقيت الدنيا اسهل بس محتاج تدريب عملى فى الشوارع
تسلم استاذ حسين
موضوع اكثر من رائع انا لسه بتعلم السواقه بقالى خمس حصص ولسه هاخد كورس كمان ان شاء الله
استفدت جدا من موضوع حضرتك
بس كنت عايزة اسال هو ايه ال U turn هل هو اللف فى الملفات ولا اللف فى نفس الشارع
اهلا وسهلا بحضرتك
دى صورة الـ U turn
ودى علامة اليوتيرن خلى عينك عليها دائما
الاول كان النصيحة للسائق الجديد انه يمشى فى اليسار افضل له
على اساس ان شماله مافيش عربيات
وهايركز على الناحيةاليمين فقط
الآن
الشوارع زحمة ما شاء الله يمين وشمال
للأسف الشديد ان كثير من السائقين جديد وقديم
يستمر فى السير فى الحارة اليسار
وده خطأ شديد جدا جدا جدا
لماذا ؟؟؟
اولا: لو انت جديد فى القيادة او حتى قديم .... لازم هايقابلك يوتيرن ... ولازم هاتعطل نفسك جامد
وهاتعرض نفسك لخطر شديد
ناس عايزة تدخل اليوتيرن
وحضرتك ماشى طوالى
النتيجة ايه ؟
النتيجة موش كويسة
ثانيا : انت ماشى فى الشمال وسرعتك عادية .... طبعا فى الحالة دى
هاتلاقى عربيات كثير بتعدى من على يمينك وحضرتك موش هاتلحق تشوفها
ومرة واحدة ترجع العربيات تدخل امامك عشان عايزة تمشى فى الحارة الشمال على اساس انهم اسرع منك
ده غير ان العربيات اللى هاتعدى منك هاتعمل مشاكل للعربيات اللى ماشية فى منتصف الشارع
المهم
المفروض ان الحارة اليسار امشى فيها بسرعة معقولة
حتى
وخد بالك من حتى هههههههههههه
حتى تمر بسيارتك من السيارة التى امامك
ثم تعود مرة ثانية للسير فى الحارة الوسطى
ليه ؟
لأنك هاتلاقى عربيات اسرع منك عايزة تمشى هى كمان فى الحارة اليسرى
الخلاصة
الحارة اليسرى معمولة للمرور فقط
ثم
العودة الى منتصف الشارع
طبعا النصيحة الغالية للمتعلمين جداد
خليك ماشى فى منتصف الشارع
اللى عايز يعدى من على شمالك .... اهلا وسهلا ... يجرى براحته
يضرب كلاكس ... يضرب عفريت ... انت تارك الحارة اليسرى للى عايز يجرى ... ولا تخاف ولا تعبره ولا تهتم به ... انت ماشى صح ... هو يعدى من الشمال براحته
ابتعد عن الحارة اليمين
عشان هاتلاقى ناس كثير واقفة تحت الرصيف منتظرة المواصلات
وناس عايزة تعدى الشارع
وعربيات راكنة
وميكروباسات دائمة التوقف
يبقى الاحسن لك
خليك فى منتصف الشارع
لا قدر الله حصلك اى حاجة
عربية غلست عليك
او
عربية حدفت عليك
او اى حاجة
فى الحالة دى عندك فرصتين للهروب من المشكلة
هاتروح يمين
او
هاتروح شمال
لكن لو انت ماشى ناحية اليسار فقط
عند فرصة واحد فقط
هى انك تسير ناحية اليمين
لان شمال الرصيف
موش معقول هاتطلع فوق الرصيف
ولو انت عارف ان فيه يوتيرن وماشى طوالى
يبقى من اساسه اوعى تروح ناحية اليوتيرن .. ويا دار ما دخلك شر
فى انتظار مداخلاتك القيمة
ومشاركاتك
وكلنا تحت امر حضرتك
مع اطيب التمنيات
اخوكم حسين غزالة
موضوع مميز جزاك الله خيرا .
السلام عليكم ...
انا اخوكم م. تامر .... لسة متعلم سواقة جديد بقالى اسبوعين تقريبا و كل يوم اقرا فى موضوعك و لسة مش عارف اخلصه :D ...
الحمد لله بقيت بخرج بالعربية و لوحدى و بروح بيها الشغل كل يوم (( الشغل جنب البيت بس بعتبره تدريب ))
لحد دلوقتى عندى مشكلتين بس فى السواقة ...
1- لما بكون طالع مطلع و لو حتى فيه ميل خفيف ... يا دوب مسافة ما اشيل رجلى من الفرامل الاقى العربية ريحت لورا ... و مرة ريحت على عربية اللى ورايا و كان هيحصل مشكلة مع السواق اللى ورايا :hugging:
2- الركن ... لحد دلوقتى لما بحاول اركب فى مكان ضيق لازم اخبط العربية او احكها ... رغم انى بقعد حوالى ربع ساعة عشان اركن و مش بستعجل ... انا طبعا بحاول اركن فى الواسع على اد ما اقدر ... بس حضرتك عارف شوارع المحروسة ... مكان ركن ضيق مش موجود فما بالك بالواسع
اهلا وسهلا بحضرتك
بالنسبة للسؤال الاول
والسيارة متوقفة على مطلع
ممكن يكون كوبرى
شارع مرتفع
اى حاجة تتوقف عليها وتشعر ان العربية ممكن ترجع للخلف ... لازم تعمل التالى:
على طول بلا اى تردد
ارفع فرامل اليد
وخليك ضاغط على الفرامل للاحتياط
وطبعا لو موضوع التوقف عايظول .... يبقى الافضل "تمور" الفتيس .... يعن ماتعشقش الفتيس خالص
انظر من خلال زجاج السياة التى امامك
انظر الى الامام على قدر المستطاع
واول ما تجد ان السيارات البعيد بدأت فى التحرك
استعد
انقل الغيار الاول
اضغط على البنزين
اول ما تسمع صوت الموتور بدأ يعلى حاجة بسيطة
او
العربية بدأت فى التحرك
شيل رجلك من على الفرامل
ونزل فرامل اليد
هاتلاقى العربية اتحركت الى الامام وعمرها ما هاترجع للخلف
توقف على مكان مرتفع
واتمرن على الوضوع ده كثثير وبراحتك خالص
لحد ما تتعود
ما دام فرامل اليد مرفوعة ... عمر العربية ما هاترجع للخلف
وانقل الغيار الاولانى وامشى براحتك
ونزل فرامل اليد عند الشعور بأن العربية عايزة تتحرك أو صوت الموتور بدأ يعلى
لو حصل لا قدر الله العربية بطلت
ارفع فرامل اليد على طول
مور الفتيس
دور العربية
انقل الغيار الاولانى
ارفع رجلك براحة من على الدبرياج واضغط بنزين خفيف
اول ما صوت العربية يعلى شوية
نزل فرامل اليد واتحرك عادى خالص اكنك ماشى فى شارع مستوى
بالنسبة لركن السيارة هاشرحوا مرة تانية فى المشاركة التالية
وكل عام وحضرتك طيب والامة الاسلامية بخير
مع اطيب التمنيات
اخوكم حسين غزالة
الخطوة رقم (1)
لازم تتأكد ان المكان اللى هاتركن فيه واسع بما فيه الكفاية خصوصا للمبتدأين ... لازم اجرب فى مكان واسع وبعد التدريب الجيد ممكن اجرب فى مكان اضيق شوية
الخطوة الثانية (2)
اتوقف بجوار العربية الاولى
والمسافة بينكم فى حدود 60 سم ... يعنى موش اقل من نصف متر
الخطوة رقم (3)
اكسر العجل ناحية الرصيف
يعنى فى المثال السابق
هاتكسر العجل على الآخر ناحية اليسار
الخطوة رقم (4)
اتحرك ببطىء شديد للخلف ... طبعا هاتنظر فى الزجاج الخلفى أو هاتستخدم المرايات حسب راحتك
بالنسبة لى بنظر فى الزجاج الخلفى
طبعا بفك حزام الامان
واضع يدى على الكرس الجانبى
والف الدركسيون بيد واحدة
وارجع ببطىء
الخطوة رقم (5)
اول ما العربية تقترب من الرصيف
اكسر العجل ناحية الشارع
فى الحالة المصورة
هاتكسر العجل ناحية اليمين على الآخر
الخطوة رقم (6)
اول ما العربية تدخل بالكامل بين العربيتين
اعدل الدركسيون الى الامام
ثم اتحرك قليلا الى الامام
عشان تتوقف فى شكل مستقيم وبين السيارتين
طبعا اهم حاجة انك تكون واثق فى نفسك انك تستطيع تركن السيارة بنجاح
وكمان لازم تدريب جيد
وافضل حاجة
انك ممكن تضع فى الشارع جيركن مياه كبير فاضى
وتحاول تركن خلفه
يعنى تروح مكان فاضى
وتضع فى الشارع اثنين جيركن مياه
وتحاول تركن بينهم
او
احد الاصدقاء
يتوقف فى الشارع
وتحاول تركن خلفه
هههههههههههه
بس اوعى ترجع بسرعة
وتروح البيت من غير صاحبك "بعد الشر"
خلينا فى جيركن المياه احسن
ارجوا ان اكون وفقت
وكل عام وحضراتكم بخير
مع اطيب التمينات
اخوكم حسين غزالة
نتعلم من اخطاء الغير
كلنا بنغلط ونتعلم من الخطأ
مهما كانت خبرتك كل يوم هاتتعلم حاجة جديدة
مثلا
فى الصورة السابقة
انا راكب العربية الخضراء
وامامى عربية حمراء
العربية الحمراء ماشية فى اليسار وموش عايزة تتحرك منه
برغم انه ماشى بسرعة عادية جدا يعنى على الاقل كان لازم يمشى فى منتصف الشارع
المهم فضلت صابر كثيير
ان صاحبنا يوسع الشمال ابدا
فى الصورة السابقة
بعد فراغ الصبر كثير قوى
قررت انى اعدى منه
وعشان تعدى منه لازم تكون اسرع منه
والشارع فاضى
مافيش مشاكل
https://fbcdn-sphotos-g-a.akamaihd.n...17809841_n.jpgاخوكم حسين غزالة
وانا بعدى منه
امامى عربية ماشية بسرعة بطيئة فى منتصف الشارع
مافيش اى مشكلة
والراجل ماشى صح
ما دام فى منتصف الشارع
فى اللحظة اللى هاروح الحارة اليسار
المفاجأة ان صاحب السيارة الحمراء
يزود فى سرعته
يعنى اخبط العربية التى امامى
او هو اللى يخبطنى
او احاول افرمل العربية عشان سعادته موش عايز يترك اليسار
طبعا لما تكون بتجرى
والمسافة قريبة من السيارة التى امامك
صعب قوى انك تتوقف بسهولة
المهم ربنا ستر
والخلاصة
لازم تحترس كثير جدا
وتعتبر ان اللى حواليك انا آسف "مابيفهموش حاجة"
وان كل اللى حواليك "مجانين"
وانت اللى لازم تتجنب اخطاء الغير
وطبعا مافيش داعى انى افضل ماشى فى الشمال على طول
لانك هاتلاقى اللى اسرع منك ... زى ماقلنا قبل كده
يبقى الافضل
انك تعدى من الشمال
وترجع تانى الى الحارة الوسطى مرة اخرى
وربنا الستار فى الاول والآخر
مع اطيب التمنيات
29-07-2014, 01:28 AMHiTmAn4777 30-07-2014, 02:18 AMhusseinooاهلا بحضرتك
لو هاتتوقف مدة طويلة
ارفع فرامل اليد
وشيل رجلك عن الفرامل
ومور الفتيس
وشيل رجلك عن الدبرياج
وانتظر الفرج لحد السيارات ماتمشى
اذا كانت فرامل اليد موش قوية
يعنى برغم ان الفرامل مرفوعة
لكن العربية ممكن تريح خفيف للخلف
خصوصا فى المرتفعات الجامد
يبقى لازم تفضل ضاغط على الفرامل للاحتياط
اذا شعرت بعد فترة من ااتدريب انك اصبحت كويس
خلاص مافيش داعى ترفع فرامل اليد
واكتفى بالفرامل
حفاظا على الاسطوانة والدبرياج
الافضل طبعا
انك تمور الفتيس
وترفع فرامل اليد
او تضغط على الفرامل
يعنى مافيش داعى
افضل معلق رجلى على الدبرياج
وكل ما اشعر ان العربية هاتريح
اضغط بنزين وارفع رجلى على الدبرياج
كده مجموعة نقل الحركة
الاسطوانة
والديسك
والبلية
هاتقول عليهم يا رحمن يا رحيم
وفى الآخر هايقولوا لك
انت اللى خربت العربية عشان رجلك ثقيلة
وممكن تكون العربية اساسا وانت لسه شاريها الاسطوانة تعبانة
بالنسبة لى
حتى الآن
مريح دماغى
لو فيه اى مرتفع وهاقف عليه مدة
على طول برفع فرامل اليد
ملحوظة مهمة
ممكن العربية تتحرك الى الامام
وتمشى عليها مدة طويلة
وانت ناسى فرامل اليد مرفوعة
طبعا كده غلط
على العموم
لازم كل شوية تنظر على تابلوه السيارة
وتراجع على لمض الزيت والحرارة والشحن وفرامل اليد
يعنى من الآخر
اذا وجدت اى لمبة منورة على غير المعتاد
توقف على طول
وبطل العربية
وشوف السبب ايه ؟
وكل سنة وحضرتك طيب
مع اطيب التمنيات
اخوكم حسين غزالة 30-07-2014, 03:43 PMHiTmAn4777السلام عليكم ...
هحكيلكم عن تجربتى اللى حصلت امبارح عشان نستفاد كلنا ...
امبارح خدت حباية جراءة و قررت اوصل والدتى و اختى من المعادى لحد شبرا ... و دى كانت اول مرة اطلع برة المعادى لوحدى فى مشوار طويل ... الحمد لله المشوار مشى زى الفل مفيش بس الا انى كنت باخد اى بلاعة بقابلها و كنت بمشى بالميدأ اللى حضرتكم قلتوا عليه انى لو قابلت بلاعة او حفرة فى الطريق احسن اخدها بدل ما اغير الحارة بتاعتى فجأة
المهم بعد ما وصلت بامان الله .... الجلالة خدتنى و قلت انا بقيت سواق بريمو و قررت اعمل شهم و اوصل خالتى من شبرا لحد التجمع الخامس ... كنت ماشى كويس الحمد لله لحد فى نص الطريق لقيت العربية بتكركر و بعدين بيطلع دخان من الكبوت و ميزان الحرارة على الاخر و بعدها العربية بطلت خالص و مش راضية تشتغل :funny34d:
لما واحد صاحبي بص ع العربية قالى دى العربية مفيهاش نقطة زيت و كمان الراديتاير مفيهوش مياة .... رغم ان حاطت جيركن زيت كامل من اسبوع واحد بس و المياة باصص عليه الصبح قبل ما انزل ... مش عارف ايه اللى حصل و ازاى الزيت و المياة خلصوا كدة ...
الحمد لله على كل شئ ... بعدها اضطريت اجيب ونش و اخليه يشيل العربية لحد المعادى لان مكنتش عارف اعمل حاجة و مفيش ميكانيكى جنبي ..
الواحد بعد ما كان خد ثقة جامدة فى السواقة رجع يقلق تانى و ادى العربية مرمية فى الجراج و لسة حتى مكشفتش عليها ...ربنا يستر و متكونش حاجة كبيرة لان فيه ناس قلقونى و قالوا كدة ممكن العربية تكون جابت وش سلندر :sweatdrop: 31-07-2014, 04:22 PMأسامه الحسيني 07-08-2014, 06:52 PMOm Maremجزاك الله خيرا يا استاذ حسين انا عن نفسى بمشى فى اليمين دائما والحمد لله مافيش مشاكل حتى لو بعدى عربيه بدى اشارة على طول بس طبعا مشكلتى التكاتك ما اعرفشى بتطلع مين الحمد لله ربنا يعديها على خير
يوم السبت ان شاء الله امتحان العملى لاستخراج الرخصه على حرف اس انا خدت كورس فى مدرسه المرور والمدرب بصراحه دربنا كتير عليه بس قلقانه جدا منه خايفه اوقع قمع
النظرى مش خايفه منه الحمد لله بس العملى هو اللى رعبنى دعوات حضراتكم اخلص منه على خير واطلع الرخصه 28-08-2014, 09:58 AMDr-walaaجزاك الله خيراَ 28-08-2014, 10:05 AMDr-walaa 30-08-2014, 11:03 PMdr_chestologyالسلام عليكم ورحمه الله وبركاته
بصراحه انا بردوا لسه جديد فى السواقه بقالى كام شهر وكنت بدخل هنا المنتدى واقرا الكومنتات بس لسه مخلصتهاش كلها بصراحه وبجد موضوع مفيد جدا جدا وربنا يكتبوا فى ميزان حسناتكم يارب والحمد الله الدنيا ماشيه بس ميخلاش طبعا من شويه حكات على خربشات بس عندى مشكله فى تظبيط المرايا اليمين واشتريت واحده جديده ومش بتظبط معايا وعندى شكله بردوا ف ركنه الجراج الشارع اللى فيه الجراج مش شارع كبير ولما باجى ارجع ورا وابدا اكسر ياما العربيه تحدف منى يمين اوى او تيجى شمال باخد فتره لحد مسنتره ف النص . 12-09-2014, 11:18 PMhusseinooههههههههههههه
انا آسف ان الاجابة متأخرة بسبب الشغل
انا كان قصدى
انى لما اجد ان السيارات توقفت على اى مكان مرتفع
الطبيعى بلا تردد هاضغط على الفرامل وفى نفس الوقت على الدبرياش عشان الموتور مايتوقفش
بعد كده
هامور العربية
وهارفع رجلى عن الدبرياج
هارفع فرامل اليد وفى نفس الوقت هاضغط على الفرامل للتأكيد
اول ما اشعر ان العربيات هاتتحرك
هارفع رجلى من على الفرامل
وهانفل الغيار الاول
هاضغط بنزين خفيف
وهاشغل "ودنى"
اول ما اسمع صوت الموتور بدأ يعلى شوية
او
العربية بدأت تتحرك
لانك فة نفس اللحظة اللى بتزود بنزين ... بترفع رجلك عن الدبرياج
اكنك هاتمشى عادى
على طوط تنزل فرامل اليد وتمشى عادى بدون مشاكل
استحالة العربية ترجع للخلف لانك رافع فرامل اليد
استحالة ترتبك لان العربية موش هاترجع للخلف
هاتنقل الغيار الاول فى منتهى الهدوء وبلا خوف
حتى لا قدر الله العربية بطلت
مافيش مشاكل
مور العربية
ودور ثانى
المهم مانزلش فرامل اليد الا بعد التأكد ان العربية عايزة تمشى
احيانا فرامل اليد بتكون ضعيفة
والسائق بينسى ينزل فرامل اليد ويستمر فترة ماشى بالعربية
وده موش كويس
الافضل التدريب فى مكان مرتفع اكثر من مرة
ودائما تراجع تابلوه العربية
وتراجع لمبات التابلوه كل شوية
اى لنبة تضىء بلا داعى توقف على طول
وبعدين افهم براحتك ايه السبب
المهم سلامتك وسلامة السيارة
مع اطيب التمنيات
اخوكم حسين غزالة
13-09-2014, 08:41 AMDr-walaa 18-09-2014, 01:46 AMsamar abdoاشكرك استاذ حسين جزاك الله خير
انا اشتريت سيارة زيرو من شهرين والتزمت بتعليماتك طول الفترة دى اخويا بيدربنى جمعة و سبت و لم استعجل الخروج لوحدى
انا اتحسنت كتير فى السواقة
خرجت من يومين لوحدى لأول مرة السابعة صباحا ووصلت مكانى تمام و ....عند العودة الواحدة ظهرا كله كان تمام و عرفت اسيطر ع السيارة فى الزحمة(ش الهرم و ما ادراك به) المشكلة الاساسية اللى ظهرت انى مش عارفةابعاد العربية عرضها بالذات لدرجة انى زنقت على شخص عشان الشارعالجانبى اللى دخلته كان ضيق وفى عربية راكنة من جنب و الجنب الثانى عربية فى الاتجاه المقابل
و كمان حكيت فى ميكروباص و خدشته من الجنب ربنا ستر
احفظ عرض السيارة ازاى عشان ماخبطش فى الناس او مرايات العربيات الاخرى ...لانى بدأت اخاف من السواقة
18-09-2014, 11:42 AMOm Maremمبرووووووووك عليكى العربيه وربنا يكفيكى شرها ويرزقك خيرها
ابعاد العربيه هاتحفظيها بالممارسه مش خطوات معينه هاتعمليها لان دى كانت مشكلتى من اول ما اتعلمت كنت بسال بابا ازاى احفظ ابعاد العربيه قالى بالممارسه هاتلاقى نفسك حفظتيها وفهمتيها كويس
انا من رايى انزلى كتير بالعربيه عشان تتعلمى اكتر 20-09-2014, 01:53 AMhusseinoo
الف مبروك على السيارة
وربنا يعطى لك خيرها ويكفيك شرها
الشوارع الجانبية فعلا مشكلة
لكن مشكلة لكل الناس حتى الناس القديمة
وكثير قوى يقابلك ناس فى شارع ضيق ومتسرعين وموش بيفهموا
مبدئيا
حضرتك لو مقابلك عربية
لازم احدد بسرعة استمر فى السير افضل
ولا اتوقف واترك المناورة للسيارة المقابلة
لو هاتوقف
او هامشى بسرعة بطيئة
لازم اختار اوسع مكان فى الشارع واقابل العربية الاخرى فى المكان ده
مثال
سيارة راكنة بجوار الرصيف لكن الرصيف الآخر لا يوجد فيه سيارات
اذا المكان ده مناسب عشان اقابل السيارة الاخرى
طيب لو كان السيارة القادمة نقل او نصف نقل
يبقى انا احاول اقف تماما فى اوسع مكان
واترك له الفرصة عشان يمر
ومافيش داعى ازنق نفسى معاه
نفس الحكاية
فيه سيارة او اكثر من سيارة فى الجهة المقابلة
الاحسن انى انتظر ثوانى حتى تمر جميع السيارات الاول
وبعد كده استمر انا فى السير
طيب لو الشارع ضيق وفاضى
يبقى احاول ادخل بسرعة على قدر الامكان قبل ما تقابلنى اى عربية
والافضل
انى استخدم الكلاكس
عشان لو فيه عربية مقابلة
اول ماتسمع الكلاكس موش هايدخل الشارع وينتظر انك تخرجى منه
واحيانا كثير
يكون اللى قادم هو اللى غبى ومعندوش صبر
او اللى ماشى خلفك
عمال يضرب كلاكسات
عشان نمشى وخلاص حتى ولو هاتحشرى نفسك مع العربيات القادمة
على العموم
السير فى الشوارع الجانبية مافيهوش خطورة
اقصى حاجة لا قدر الله حكة فى اى حاجة
لكن الخطورة
لو المبتدأ فكر يخرج بالعربية على طريق سريع
المشاكل بتكون قليلة لكن خطيرة جدا
بالنسبة لابعاد العربية
لو انت بتشعرى ان المكان واسع
خلى كل تركيزك
فى مراية السائق
يعنى حاولى تقربى قدر الامكان من الناحية اليسار
وندخلى بشكل بطىء
وتحترسى من ان المراية تخبط فى مراية السيارة المقابلة
يعنى كل تركيزك خليه فى الناحية اليسار
مادام انت تشعرى بأن المكان كافى للمرور
طبعا لازم تاخدى بالك من المشاة
لان فيه ناس اذكياء ممكن يحشر نفسه بين عربيتين عشان مكسل ينتظر شوية
ولو قائد السيارة ماعملش حسابه
ههههههههههه
ممكن "تفعص" اى بنى آدم فى ثانية
اخيرا احترسى
من الناس اللى بتفنح ابواب السيارة
او يكون راكن ومرة واحدة يتحرك
لازم تشغلى عينيكى كويس فى الشوارع الضيقة
من راكن
مين هايفتح باب عربيته
طفل خارج من بين عربيتين
مين ناوى يركن ومن غير اى اشارة يتوقف امامك
الكلام كثيير
مع الوقت
والتدريب المستمر بشكل علمى
هاتكونى ممتازة إن شاء الله
مع اطيب التمنيات
اخوكم حسين غزالة
25-09-2014, 12:29 AMsamar abdoاشكرك أ/ حسين على هذا الايضاح هاحاول انفذ هذه النصائح و ربنا يستر :Copy of rfds:
بصراحة مش عايزة اقول ندمت انى فكرت اسوق سيارة بصراحة الموضوع مرهق جدا
يعنى اخذ بالى من البنى ادميين على الجنب و فى نص الشارع و العربيات و المرايات .................الخ كتييييييير
هل مع الممارسة كل ده هتعود عليه ؟