اولا: بحييك ان حضرتك رديت على كلامى بخصوص النقاط دى
ثانيا:مين اللى قال لحضرتك ان الegr مالوش دعوة بقوة الموتور؟؟؟؟ هو ايه الegr اساسا من وجهة نظر حضرتك وتعريفه ايه وفايدته ايه ؟؟؟؟وبعدين انا مدخلتش الموتور ال1600 فى القصة خالص...انا كلامى كان واضح وصريح وهو الفرق مابين الموتور الايكوتيك ال2000 سى المزود بوحدة egr عن الموتور الايكوتيك 2000 سى سى بدون الوحدة دى....يعنى مادخلتش فى تشعبات تانى مالهاش علاقة بالموضوع
ثالثا:كمان بوابات الهواء عادى مالهاش دعوة برده بالموتور؟؟؟يعنى زى بوابات طريق اسكندرية الصحراوى كدة!!!...وفرق عدد البوابات مابين الموتور اللى خصص لمصر والموتور الاوروبى مالوش اى تأثير؟؟؟طب عملوا البوابات الزيادة دى ليه طالما مالهاش اى تأثير؟؟؟؟
رابعا:القصة كلها حضرتك شايفها مسألة سوفت؟؟؟؟طب ليه عملوا 2 سوفت وير ماكان الافضل الاكتفاء بواحد فقط هو الافضل مابين الاتنين علما بأن:
موتور عربيتى لما شغلته على السوفت المصرى بدون الegr وبدون تشغيل بوابات الهواء الاضافية دى...يعنى بالسوفت المخصص للموتور اللى نزل مصر كانت العربية عندى بتسقف ومكتومة فى السحب ومكنتش بتعدى سرعة 200 كيلو فى الساعة لو عملت البدع توصل ل210....فى حين لما نزلت عليها السوفت الاوروبى من غير مااعمل اى حاجة داخل الموتور نفسه ولا اوصل ولا الغى اى حاجة والegr اشتغل وبوابات الهواء الاضافية اتفتحت كنت راجع بالعربية ماشى بسرعة 230 كيلو وكان ممكن ازود كمان لولا الخوف بقى من الطريق والليل وكدة..والكلام ده تجربة فعلية عندى ...تفتكر كل الفرق ده طلع ليه؟؟؟؟؟
خامسا: برده اصريت انك تحكم على الناس من غير ماتتعامل معاهم....عموما براحتك دى حاجة تخصك وانت حر فيها...
سادسا: من ناحية انا شفت فاه انا شفت بصراحة فرق شاسع بين قوة موتور عن موتور ليهم نفس الشكل الخارجى يعنى اتكلمت عن تجربة عملى مش عن كتالوج حضرتك قريته وممكن يكون فيرجن موجه للبلد اللى نزل فيها الموتور الصغير ال136 حصان ومالوش دعوة بالموتور الكبير ال144 حصان...
سابعا وده الاهم انا معنديش وقت بصراحة افضل اتكلم واقول عن تجربة وعن حقيقة وانى شفت وعملت يعنى كله من الواقع فى حين ان حضرتك كل اللى قولته انك شفت كتالوج مكتوب الله اعلم موجه لأى بلد....فرق شاسع قوى مابين التجربة العملى والحكم النظرى....
وفى النهاية برده بقولك متزعلش ياسيدى ولو عاوزهم 100 حصان بس مش هنختلف المهم متزعلش نفسك
المفضلات