و مازالت الحملة مستمرة!!

**PRO-DRIVE** · 13-01-2008 12:34 AM

مبحبش الصناعة الأمريكية, أنا امتى قولتلك انى قلت أنا بحب الصناعة الأمريكية, أنا يمكن معجب ببعض السيارات الأمريكية المبتكرة و الرائعة و الشهيرة, و لكن بشكل شخصى لا أتعاطف مع الشركات الأمريكية. محركاتها الضخمة تجعل من الصعب منافستها, لو تعرف ان صناعة محرك ضخم هى مهمة أصعب و أعقد ألف مرة من صناعة محرك صغير. هذه هى المحركات الحقيقية

بالعكس جدااا انك تطلع من محرك 8 سلندر قوه

و تطلع نفس القوه من محرك صغير

و نفس العزم كمان عشان متقولش لعب

المحركات الامريكيه تفتقد للتكنولوجيا او التقنيه مفيش انظمه

كل اللي بيعملوه محرك جداااا تقليدي مع زياده السعه اللتريه :)

الامريكان اخيرا بدأوا يفهموا ان زبائنهم عاوزين يوفروا في استهلاك الوقوووود

المعادله السيارات اليابانيه بمحركات اصغر نفس القوه نفس العزم

بتزيييد بزياده رهيبه في الجوده + توفير في الاستهلاك + تصاميم اجمل بسنوات ضوئيه

مش كراون فيكتوريا من ساعه ما ربنا الهم علي مصممها بالتصميم دا
مش عارفين يغيروه لحد انهرده

ولا حتي مكعبات كاديلاك تحس ان مصممينها مدرسش و مبيستخدمش غير المسطره

لم تحقق مبيعات أعلى من السيارات الأمريكية من قال لك هذا؟؟
على فكرة جنرال موتورز احتلت قمة المبيعات فى العام المنصرم.

طيب انت الأن مطالب بأثبات قولك بأن جنرال موتورز باعت اكثر من تويوتا :)

انا حاطط موضوع ابحث عليه عن مبيعات اغلب شركات العالم في عام 2007 :)

و ارجوك ترد بمقال عربي او اجنبي او حتي تقولي في مجله كذا صفحه كذا

مش تقول دي حقائق و خلاص :)

انا كنت بدافع عن الكورفيت لأنها احدى السيارات التاريخية و انت بتقارنها بسيارة كوبيه مضحكة هى الجى تى ار.

المضحكه دي هي اللي خلت مهندسين جنرال موتورز يترعبوا و ينزلوا Zr-1

السيارات الأمريكية رخيصة لأنها تنتج بكميات كبيرة, تعرف طبعا مع حجم الانتاج الكبير تستطيع تخفيض سعر الوحدة الى حدودها الدنيا مع الاحتفاظ بالمكاسب.

دا علي اساس اننا بنتكلم علي شركه بتنتج 10 عربيات في السنه ولا ايه !!!

حضرتك بنتكلم من بعد ال6 اصفار في مبيعات اي شركه :)

سعر السيارات فى السوق الأمريكى متقارب جدا و لكن ما تزال السيارات اليابانية أرخص سيارات موجودة بعد الكورى. بعض الماركات الأمريكية رخيصة مثل شفروليه و فورد و البعض الأخر مرتفع السعر قليلا مثل كاديلاك و لنكولن.

طيب ايه تفسيرك ان نفس الاسعار في اسواق الخليج ؟؟

طيب حقولك علي تحدي :)

هاتلي سياره من كاديلاك اغلي من لكزس ال اس :)

بس اساسي متقوليش اسكاليد :D لأن لاند كروزر اغلي منها :D

او اقلك :) هاتلي سياره من جنرال موتورز اغلي من المضحكه جي تي ار :)
في نفس فئتها او سيدان حتي :)

**فادى** · 13-01-2008 01:23 AM

"بالعكس جدااا انك تطلع من محرك 8 سلندر قوه

و تطلع نفس القوه من محرك صغير

و نفس العزم كمان عشان متقولش لعب

المحركات الامريكيه تفتقد للتكنولوجيا او التقنيه مفيش انظمه"

ديه من أظرف الحاجات الى انت قلتها.
مفيش حاجة اسمها تطلع نفس العزم و نفس القوة من محرك صغير و لو حدث, هيبقى من خلال التلاعب فى الضغط, و هو الى هيتسسبب فى قصر عمر المحرك و ربما تحطمه تماما فى ظروف معينة.
و لحد دلوقتى لا يوجد أى تكنولوجيا معروفة عشان تخلى محرك 1600 سى سى مثلا يطلع نفس عزم و قوة محرك 2500 سى سى مثلا. و أتحداك انك تجيبلى عزم محرك 1600 زى محرك 2000 سى سى التكنولوجيا الوحيدة المعروفة هى التربو و السوبر تشارجر طبعا لكن نتجنب استخدامهم لأضرارهم الكبيرة على عمر المحرك.
الموضوع مش فلسفة, واضح انك مش مدرك ان المحرك الكبير أصعب و أعقد فى صناعته كثيرا, بل و فى صيانته, و الكثير من الميكانيكيه يعجزون عن تصليح السيارات الأمريكية.

"المحركات الامريكيه تفتقد للتكنولوجيا او التقنيه مفيش انظمه""

ديه برضو احدى قفشاتك الطريفة.
يا عزيزى الأمريكان هما الى علموا اليابانيين أصلا صناعة السيارات, و لو حضرتك عارف تاريخ أى شركة يابانية هتعرف انو معظم سياراتهم مشتقة من طرازات أمريكية, معلش معلومة صغيرة تويوتا زمان كانت بتصنع موتورات مشتقة من محركات شفروليه. المعلومات ديه هتكون موجودة بالتفصيل فى مقالتى القادمة.
تيجى انت دلوقتى و تقولى اليابان عندها تكنولوجيا و الأمريكان لأ؟؟؟
الأمريكان لو عايزين يعملوا محركات صغيرة هيعملوها و أحسن من اليابان لكن هما بيحبو شعار "القوة الأمريكية" الشركات الأمريكية بتفتخر بمحركاتها القوية مفتولة العضلات الشرهة للوقود ما تسخر منه أنت يعتبره الأمريكيون فخر لهم, بل و يسخرون من المحركات الأوروبية و اليابانية الصغيرة.
و فى معرض ديترويت الماضى, تبارى المصنعون الأمريكيون فى لمحة استفزازية لحماة البيئة و دعاة المحافظة على الوقود فى تقديم محركات أكبر و أكبر و كان القصد من ذلك هو التأكيد على شعار القوة الأمريكية.
تماما مثلما تسخر مازيراتى مثلا فى اعلاناتها من دعاة تحسين عوامل الأمان فى السيارات بتجاهلها الحديث عن أى عوامل أمان فى سياراتها و التركيز على عوامل السرعة و القوة, فى حملة اعلانية لمازيراتى وصفت بالمستفزة من مجلة نيوزويك الأمريكية, و قد أردفت المجلة أن هذا الاستفزاز هو احدى العوامل التى تجذب الزبائن.
هذه سياسة شركات و ليس قدرات شركات و يجب أن تفرق جيدا بين هذا و ذاك.

**PRO-DRIVE** · 13-01-2008 02:08 AM

2942 cc XK I6115 kW (154 hp)237 N·m (175 ft·lbf)5-speed automatic

و المصدر :

http://en.wikipedia.org/wiki/Chevrolet_Epica

6 سلندرات و 3000 سي سي عملت 154 حصان بس

و 237 نيوتن علي المتر

طيب نشوف عربيه من حبيبتك نيسان او بنت عمها انفنتي :) اختارلك اي عربيه من نيسان او انفنتي 6 سلندر
و حختار انفنتي G35 ( بدون شواحن و بدون اي حاجه )

Horsepower306.00 HP (225.2 KW) @ 6800.00 RPMTorque268.00 Ft-Lbs (363.4 NM) @ 5200.00 RPM

دي G35

سبحان الله يا اخي شوف بعملوا البدع ازاي !!
306 حصان !!!
و 363 نيوتن علي المتر :)

يعني النيسان اليابانيه الفاشله عديمه الجوده اللي بتستعين بالامريكان مش هما اللي بيستعينوا بيها

اقوي من ال6 سلندر بتوع شيفورليه بـ152 حصان كاملين ( تعتقد اسطبل يكفيهم ههههههههههههههه )

و اقوي من الالابيكا تصنيع الشفورليه العاليه صاحبه التكنولوجيا
القويه الممتازه الجباره اصحاب مقوله القوه الامريكيه الFAKE ههههه

بـ 90 نيوتن :)

تعتقد ان 500 سي سي بس هما الفرق اللي يعملوا كدا ؟؟؟

تحب اجيبلك كمان عربيات 4 سلندر من 2000 و 2500 ؟؟

ولا كفايه :)

و ادي يا عم الرابط كمان من ويكيبيديا عشان متقولش مزور في المصادر

http://en.wikipedia.org/wiki/Infiniti_G35

يا عزيزى الأمريكان هما الى علموا اليابانيين أصلا صناعة السيارات, و لو حضرتك عارف تاريخ أى شركة يابانية هتعرف انو معظم سياراتهم مشتقة من طرازات أمريكية, معلش معلومة صغيرة تويوتا زمان كانت بتصنع موتورات مشتقة من محركات شفروليه. المعلومات ديه هتكون موجودة بالتفصيل فى مقالتى القادمة.

طيب سؤال علي الماشي

بأفتراض ان كلامك صح 100%

طيب مين هو استاذ اينيشتاين ؟؟
ما هو اكيد في مخلوق علمه الرياضه ؟؟

طيب مين هو استاذ نيوتن

اساسي برضو في مخلوق علمه الفيزيا ؟؟

طيب بلاش الاجانب

مين هو استاذ احمد زويل ؟؟

ولا هو طلع بيفهم شطاني ؟؟؟

كل دول امثله تفوقت علي اساتذتهم :)

و فى معرض ديترويت الماضى, تبارى المصنعون الأمريكيون فى لمحة استفزازية لحماة البيئة و دعاة المحافظة على الوقود فى تقديم محركات أكبر و أكبر و كان القصد من ذلك هو التأكيد على شعار القوة الأمريكية.

اهو دا بقي يسمي بالغباء او الاحلام :)

خليهم يا عم يأكدوا علي شعار القوه في امريكا سعر لتر البترول وصل 12 جنيه :)

شوف اساسا مين بقي عاقل يشتريلهم :)

تماما مثلما تسخر مازيراتى مثلا فى اعلاناتها من دعاة تحسين عوامل الأمان فى السيارات بتجاهلها الحديث عن أى عوامل أمان فى سياراتها و التركيز على عوامل السرعة و القوة, فى حملة اعلانية لمازيراتى وصفت بالمستفزة من مجلة نيوزويك الأمريكية, و قد أردفت المجلة أن هذا الاستفزاز هو احدى العوامل التى تجذب الزبائن.

طبيعي مش تبع فيات هههههههههههههههههههههه

**yasserayad** · 13-01-2008 02:29 AM

المشاركة الأصلية كتبت بواسطة hazem_khidr

مالهاش لازمه الكلام بالاسلوب دا خالص كلنا ناس متعلمه و علي درجه من الثقافه مش لازم الحوار يوصل لكده

+10000000000000000000000000000000000000000

ايه ده
هى وصلت للكلام بالطريقه دى
ياريت المشرفين يتدخلوا فى المشاركه دى
احسن بقت الردود فيها صعبه قوى

**فادى** · 13-01-2008 03:02 AM

" و المصدر :

http://en.wikipedia.org/wiki/Chevrolet_Epica

6 سلندرات و 3000 سي سي عملت 154 حصان بس

و 237 نيوتن علي المتر

طيب نشوف عربيه من حبيبتك نيسان او بنت عمها انفنتي اختارلك اي عربيه من نيسان او انفنتي 6 سلندر
و حختار انفنتي G35 ( بدون شواحن و بدون اي حاجه )
اقتباس:

Horsepower306.00 HP (225.2 KW) @ 6800.00 RPMTorque268.00 Ft-Lbs (363.4 NM) @ 5200.00 RPM
دي G35

سبحان الله يا اخي شوف بعملوا البدع ازاي !!
306 حصان !!!
و 363 نيوتن علي المتر

يعني النيسان اليابانيه الفاشله عديمه الجوده اللي بتستعين بالامريكان مش هما اللي بيستعينوا بيها

اقوي من ال6 سلندر بتوع شيفورليه بـ152 حصان كاملين ( تعتقد اسطبل يكفيهم ههههههههههههههه )"

افتح اللينكات الى حضرتك جايبها هتلاقى هى هترد عليك لوحدها.
اللينك الأولانى حضرتك لعربية اسمها دايو توسكا و قوتها 154 و ديه عربية دايووووو بتتسوق فى بعض البلدان تحت اسم شفروليه ابيكا زى الأوبترا كده ده أولا.
ثانيا العربية ليها موتور بنزين 2.5 لتر هو الى بيولد 154 حصان!!!! و المحرك التانى البنزين 2 لتر و 1.8 لتر. يعنى أصغر من محرك النيسان بكتير!
مش 3000 سى سى معرفش الرقم ده جبتو منين.

العربية التانية الانفينيتى (نيسان) 3.7 لتر يعنى ضعف الدايو توسكا حضرتك عشان كده منطقى انها أعلى منها فى عدد الأحصنة و العزم.
انت نظرك ضعف و لا ايه يا برو انا عشان عارف امانتك هفترض حسن النية على فكرة اخوك صحيح مش اد كده فى الانجليزى بس بيلقط الأرقام برضه مش للدرجة يعنى:)

" تعتقد ان 500 سي سي بس هما الفرق اللي يعملوا كدا ؟؟؟"
3500-2500=1000 سى سى يا برو عيب ده كلام من ابتدائى.
و 1000 سى سى يعملو الفرق ده ده موتور عربية لوحدهم.

"هو دا بقي يسمي بالغباء او الاحلام

خليهم يا عم يأكدوا علي شعار القوه في امريكا سعر لتر البترول وصل 12 جنيه

شوف اساسا مين بقي عاقل يشتريلهم "

يا سيدى هما أحرار بقى الى عايز يشترى يشترى الى مش عايز بلاش.
بس الموتورات ديه ليها زبونها الى بيشتريها رغم استهلاكها للوقود لأن فيه ناس بيعشقوا المحركات الكبيرة حتى لو تسببت فى افلاسهم.

**hazem_khidr** · 13-01-2008 03:44 AM

بالنسبه للمواتير يا استاذ فادي
الامريكان ما بيعرفوش يعملو موتور صغير
احسن مواتير تركبها في الامريكي 3500 في ال 6 سلندر و 4800 في ال 8 سلندر .الامريكان اساتذه في دول و بس.
المواتير الصغيره موجوده في عربيات زي السكاي لارك من بويك مثلا و اسمع صوتها و هيا ماشيه كده و انت تعرف تلاقيها ماشيه بتعمل كده ( لاك لاك لاك لاك) و دا لان بنز البستم بتاعها بيبوظ بسرعه.

**bassemali** · 13-01-2008 04:25 AM

الأخ الفاضل فادي
أحب أقولك أن النظريه بتقول (أن أي حد ينجح يبقى كويس) طبعا لكل قاعده شواذ
والعربيات الياباني لو ماكنتش كويسه ماكنتش نجحت وأرتفع سعرها لأن المستهلك مش أهبل لما يجيب عربيه ويلاقيها مش كويسه أكيد مش هيشتري زيها تاني أنما الناس بتركب ياباني ولما يبيعها يشتري ياباني تاني وأنا ركبت عربيات ياباني متير وحاليا معاسا مازدا ليميتد موديل 93 وممتااااااااااااااازه
بغض النظر بقى أن اليابانيين عملاء والكلام ده أحنا بناقش جودة السيارات اليابنيه وليس موضوع سياسي عن تبعية اليابان لدولة ما .
يبقى التجربه خير برهان وأسأل مجرب ولا تسأل طبيب ومادام التجربه أثبتت جودة السيارات اليابانيه وقوة تحملها أذا فلابد أن تأخذ في الحسبان أما حتة أن الشركات اليابنيه لن يهدأ لها بال مادمت حي ترزق فأسمحلي أقولك تنزل من على المسرح شويه لأن هنا مش مكان مناسب للتمثيل أنت أصلا بتناقش موضوع مافيهوش نقاش لكن لك وجهة نظر يبقى لازم كلنا نحترمها لكن الأداء المسرحي ده هيشكك في كلامك ويخلي الناس ماتصدقكش ..... وشكرا

**PRO-DRIVE** · 13-01-2008 10:23 AM

اللينكات الى حضرتك جايبها هتلاقى هى هترد عليك لوحدها.
اللينك الأولانى حضرتك لعربية اسمها دايو توسكا و قوتها 154 و ديه عربية دايووووو بتتسوق فى بعض البلدان تحت اسم شفروليه ابيكا زى الأوبترا كده ده أولا.

لو مشينا بالنظام دا مش حتعرف نستعمل ولا عربيه !!!
كل عربيات جنرال متورز بتتصمم في امريكا بالكامل بعدين يبعتوها لمكان يصنعها
بعدين اسم دايو مقتصر علي كوريا بس طيب ما هو مكتوب هولدن ( شركه استراليه )

و هي مقتصره علي استراليا بس

مفيش عربيه من جنرال موتورز الا كورفت بس!! مبتنزلش بأقل من اسمين او 5 :)

كورفت فقط لأنها تعتبر علامه من التاريخ :)

انما اساسا اي عربيه من جنرال موتورز كدا

مش 3000 سى سى معرفش الرقم ده جبتو منين.

لو بصيت في الجدول
http://en.wikipedia.org/wiki/Chevrol...ca#Powertrains

اخر نووع اللي هو اكبرهم اكيد

2942 cc XK I6

مش عارف اعمل برنت سكرين ولا ايه ؟؟

العربية التانية الانفينيتى (نيسان) 3.7

والله العظيم ملكش دعوه بـG37 احنا بنتكلم علي G35

الارقام اللي جنب رمز الفئه في انفنتي دايما بتعبر عن السعه اللتريه

طيب بلاش دووول خلينا في السعه اللتريه المباركه بتاعتنا 1600 و ال4 سلندر

دولقتي شيفورليه افيو

103.00 HP (75.8 KW) @ 5800.00 RPM
Torque107.00 @ 3400.00 RPM

103 حصان بس :) و 107 عزم :)

طيب نجيب تويوتا كورولا

Horsepower126.00 HP (92.7 KW) @ 6000.00 RPM

و العزم

Torque122.00 Ft-Lbs (165.4 NM) @ 4200.00 RPM

بس للأسف هي 1800 سي سي :)

و اكتر في القوه ب 103 حصان:)

و اكتر في العزم بـ15 نيوتن :)

__________________________________

طبعا متوقع ردك حتقولي دي دايو

فحرد عليك من دلوقتي دايو دلوقتي مبقتش تصنع ولا تخترع 1% من سياراتها

كل عربياتها تروح امريكا تتصمم و بعدين حط 1 2 3 و خلصنا و تتصنع هناك

ممكن تعتبر دايو مصنع تقفيل كبير شويه :)

_________________________________

http://www.conceptcarz.com/vehicle/z...o/default.aspx

http://www.conceptcarz.com/vehicle/z...a/default.aspx

**sab3aawy** · 13-01-2008 03:25 PM

[quote=فادى;146938"ممكن اعرف انت عندك عربيه نوعها ايه ؟"
شاهين 1600

"وبقى لك كام سنه تقود سيارات ؟"
6 سنوات.

"وايه هى العربيات اللى ركبتها طيله هذه المده ؟"
السيارات التى امتلكتها : 128, شاهين.
السيارات التى قدتها بالاضافة الى السيارات المذكورة :
بيجو 405(رائعة), ميتسوبيشى لانسر أوتوماتيك , تويوتا ستارلت, نصر 125, هيونداى أكسنت, نيسان اكس تريل..[/quote]

والله العظيم اشكرك
لأانى كنت بدور على هذة المعلومة من زمان

كان نفسى اعرف نوعيات وموديلات واصناف العربيات اللى انت ركبتها وحجم خبرتك معاها وكنت مستنى ألاقى العربية السوبر اللى ادتك الخبرة العظيمة دى عن العربيات الأوروبى واليابانى

واشكرك على الإفادة القوية لأنه اذا عرف السبب بطل العجب ،

هى فين يا سيدى الفاضل العربيات اللى انت خرجت منها باحكامك القوية على كل سيارات العالم ، انا مش شايف اكتر من 8 عربيات 3 منها على الأقل تنتمى الى حضارات بائدة

حاول يا عم فادى انك تعرف عن الدنيا اكتر قبل ما تقول كلام يخلى الناس تزن تقديرك للأمور بميزان لا يرضيك

**kimo-nubira** · 13-01-2008 03:40 PM

المشاركة الأصلية كتبت بواسطة فادى

منذ أن بدأت حملتى ضد السيارات اليابانية انهالت المواضيع واحدا تلو الأخر تدافع عنها و تبارى الزملاء فى التأكيد على جودة اليابانى و جمال السيارات اليابانية, و هو ما كنت أتوقعه, لأن المقالة و الهجوم على اليابانى بهذه القسوة شكل نوعا من الصدمة للزملاء, هى صدمة نتيجة للبروباجاندا الاعلامية التى عملت منذ عقدين على اعطاء سمعة كاذبة لسيارات لا تستحقها, و سمعة كاذبة لبلد هى مجرد امتداد اقتصادى لاحدى الدول الكبرى. أنا دخلت عش الدبابير!
تعرضت لهجوم جارح و ووصل الأمر الى وصفى بالجنون و اتهامى بالاصابة بالأمراض النفسية.
على العموم لا يهم, فالحقيقة دائما مؤلمة, و هذا هو قدر كل من أراد أن يكشف قناع الحقيقة, فدائما الحقيقة محاطة بالدبابير.
على العموم الحملة مستمرة, و لن يهدأ بال للشركات اليابانية طالما أنا حى أرزق.
و هجوم الزملاء على شخصى و على أرائى هو أكبر دليل على أننى أصبت كبد الحقيقة , و أكبر دليل على أن جبل الرمال قد بدأ ينهار.

لن تسلم من الاذي حتي تتزوج الموزز :) محسسني ان كل الناس غلط وانت اللي صح وبعدين ايه اللي انت كاتبه ده ؟ هو انت داخل حرب ؟؟

الموضوع: و مازالت الحملة مستمرة!!

LinkBack

أدوات الموضوع

عرض

-

-

-

-

-

المواضيع المتشابهه

مغامراتي على الصحراوي مستمرة... وادي الضحايا

كركرة خفيفة مستمرة

هل a4 مازالت تنتج

صفارة مع الفرامل مستمرة

الكلمات الدلالية لهذا الموضوع

المفضلات

المفضلات

ضوابط المشاركة