و مازالت الحملة مستمرة!!

**CryptonX** · 15-01-2008 08:47 AM

مع احترامي لملاك الشاهين

الشاهين دي تقارنها بالادا 2107 و لا بل بالبيجو 504 .. او اي حاجة من تلك العصور ..

الشاهين مهما كانت متجيش حاجة جنب الكورولا ..

والدي كان يمتلك كورولا 1994 و والدتي كان عندها شاهين 93 او 92 مش فاكر .

الكورولا كانت 1300 اوتوماتيك - موديل 1994 - كانت ب 86 الف جنيه مصري
بعناها في اواخر 2004 عاملة 92.000 كم ب 75 الف جنيه مصري

ما تم تغيره في الكورولا :
- تيل فرامل عند صيانة ال 90.0000
- كاوتش جديد عند صيانة ال 70.000
- ا لصيانات الدورية المعتادة

بخلاف ذلك هذه السيارة رغم انها اتوماتيك .. عمرها ما بطلت ... و لا وقفت .. ولا زرجنت و اي شيء من هذا القبيل .

لدرجة ان الراجل الي اشتراها كان جايبها لابنه .. خدها لنفسه والداله " ليجانزا " مكانها

اما الشاهين بقى .. فهي لسة مركونة تحت .. عايزة كل حاجة في الدنيا .. و مش عارفين نبيعها اصلا

ده غير ال 1000 مرة الي والدتي اتكلمت فيهم علشان اروح اخدها .. اصلي العربية عطلت .. اصل مش عارف ايه

و غير كام الميكانيكين الي تعرفت عليهم و بقيت لاجئ عندهم بسببها ..

دفع خلفي ايه بس يا عمي ..

دي فييييييييين و دي فيييييييييييييييييييييييي ن !
( كانت 1600 بالمناسبة ) .

**Khalid_Mostafa** · 15-01-2008 09:11 AM

كمان اكيد كل المصانع الي في العالم دي مش عبيطه عشان تحول من دفع خلفي لـ جر امامي ولكن احنا بنحب الدفع الخلفي عشان مشاكل الكبالن المعروفة (والي ممكن التغلب عليها بشوية وعي في القيادة) والتي يقابلها مشاكل برضه في الكورونا . ثم ان الكبالن هي الأكثر اماناً في حالة لا قدر الله فرطت مقارنة بالكورونا (والحقيقة انا مسمعتش قبل كده عن كبالن فرطت) ولذلك تجد العربيات النقل دايماَ تضع سلسه تحت الكورونا وده بيشدد عليه قانون المرور

**Karim_Monir** · 15-01-2008 09:26 AM

استاذ فادي انا مش هادخل معاك في حوار فني لانك ما بتجيبش حجة فنية اقدر ارد عليك فيها
انما كلامك كلة عايم
انا اخويا معاه كانيشل 2000 لو تشوفها وهيا بتجري على الطريق والثبات الغريب اللي هيا فيه
وموتور 850 سي سي 3 سلندر وبتروح اسكندرية وترجع بصفيحة بنزين واحدة انت مستوعب الرقم ده ايه
ونفس قعدة الشاهين بس من غير شنطة بس
طبعا انا مش هادخل في المقارنة عربيتي الكرولا ال 2007 ولا حتى كرولا موديل 80 لانها فعلا افضل بكتير من الشاهين
وانا مش من اعداء الشاهين بالعكس انا مؤيد ليها جدا بس باعتراضين
الاول اننا نقول انها افضل من التويتا ولو ستارلت مش كرولا
والتاني التمن المبالغ اللي بتتباع بيه وانت ماتعرفش تكلفتها الحقيقية كام وشركة النصر بتكسب فيها ما يقرب من 100% من تمن مكوناتها عشان تقتنع بتمنها كدة
هيا ممتازة فعلا تاكسي-ملاكي في منطقة شعبية او مكسرة-او ارياف وصعيد ومدقات وكدة
لكن غير كدة لالالالالا
قدامي 10 خيارت افضل منها
شكرا لتواصلك في الحوار وارجوا ان تكون موضوعي اكتر من ذلك حتى نستطيع الرد عليك بموضوعية
ولا تكون كدون كيشوت تحارب طواحين الهواء ولا تعرف اين خصمك بالظبط وتصنع لنفسك اعداء وهميين
وعذرا لحبيبي الذي اقتبست منه التشبية فلم اجد ما يناسب موضوعك اكثر منه
مش الشاهين احسن من الكرولا
مستنيك بكرة تقول ال 128 افضل من لانسر

**فادى** · 15-01-2008 10:35 AM

"الشاهين ليست سيارة مصرية و هي سيارة مجمعة مثلها مثل الدايو لانوس و الفيرنا غبور و هكذا "

نظريا هى سيارة مصرية. أولا نسبة المكونات المصرية فيها أعلى من نسبته فى السيارات المذكورة, ثانيا اسمها الرسمى نصر شاهين, يعنى الى بيكتب فى الرخصة نصر شاهين مش توفاش شاهين و لا فيات شاهين عشان كده نظريا هى سيارة مصرية.

"الشاهين دي تقارنها بالادا 2107 و لا بل بالبيجو 504 .. او اي حاجة من تلك العصور ."

شرف للشاهين انها تتقارن بالبيجو 504 و هى فعلا تتقارن بيها , حضرتك البيجو 504 فوق المقارنة ناقص كمان تقوللى انو الكورولا أحسن من ال504!!

"انا اخويا معاه كانيشل 2000 لو تشوفها وهيا بتجري على الطريق والثبات الغريب اللي هيا فيه
وموتور 850 سي سي 3 سلندر وبتروح اسكندرية وترجع بصفيحة بنزين واحدة انت مستوعب الرقم ده ايه
ونفس قعدة الشاهين بس من غير شنطة ب"

عربية 850 سى سى المفروض انها بتجرى!! و بعدين تقوللى أنا الى مش بجيب حجة فنية!!
ما علينا.

"الاول اننا نقول انها افضل من التويتا ولو ستارلت مش كرولا"

الستارلت أنا سقتها و وقتها كان معايا 128 و مش عاوز أفتح على نفسى فتحة و أقول!! انتو طبعا عارفنين أنا هقول ايه.
سيارة سيئة جدا, جراية بعض الشىء لكن على 100-120 العربية كانت بتتنطط على كوبرى 6 اكتوبر من غير مبالغة!!

"اما الشاهين بقى .. فهي لسة مركونة تحت .. عايزة كل حاجة في الدنيا .. و مش عارفين نبيعها اصلا "

الشاهين عربية زى الحصان الأصيل تحترمها تحترمك, لو حضرتك عملت الصيانة فى ميعادها و قطع غيار أصلية سوف تجد سيارة غاية فى الاعتمادية.

**Hossam_Hassan** · 15-01-2008 11:49 AM

فعلا

ربنا وزع العقول و كل واحد عجبه عقله

**شاهين - بنز** · 15-01-2008 12:08 PM

ياأخ فادي أنا معايا دوجان 95 وصاحبي معاه كورلا 94
-في السلامة الكورلا تكسب والشاهين يدوب العواميد سانده السقف بالعافية
في صرف البنزين الدوجان بلاعة بنزين ولو في بنزين 70 وله كنت حطيته عشان هي ماتستاهلش
أما الكورلا بتاخد 450 في الصفيحة خلال السفر وده عند تجربه
- بعد ماأقضي أي مشوار لازم آخد حبيتين بنادول إكسترا من صوت المتور
- طبعا مش حعلق على موضوع النعومة في السواقة عشان ده أمر واضح
- من خلال تجربة الكراسي الخلفية للشاهين أديق من أي عربية أخرى
- تكييفها زي الزفت وملوش لازمة معرفش محطوط ليه
- العربية ماكملتش 90ألف كيلو يوميا عند الميكانيكي يابغير كورنا أو فتيس أو جوان إلخ....

حضرتك البيجو 504 فوق المقارنة ناقص كمان تقوللى انو الكورولا أحسن من ال504!!

ياراجل !!!!!!!!!

**hamedo0** · 15-01-2008 12:29 PM

المشاركة الأصلية كتبت بواسطة fuad

يا استاذ توت انا عارف واللة بس انا من الموقع بتاعهم انهم بيصنعو تقريبا %60
ودا رقم مش بسيط ذائد انها مرتبطة بالمصريين اكثر من غيرها كونها شركة وطنية يعنى ولامل فيها اكثر من غيرها لو عندنا حكم مخلص

يا استاذ فواد
الشاهين حيتم وقف انتجها اخر هذا العام في المصنع الام في تركيا وشركه النصر وقفه تتفرج

**PRO-DRIVE** · 15-01-2008 12:34 PM

نظريا هى سيارة مصرية. أولا نسبة المكونات المصرية فيها أعلى من نسبته فى السيارات المذكورة, ثانيا اسمها الرسمى نصر شاهين, يعنى الى بيكتب فى الرخصة نصر شاهين مش توفاش شاهين و لا فيات شاهين عشان كده نظريا هى سيارة مصرية

انت بتشجع الصناعه بالاسم ولا بالفعل !!!

الاخ شاهين بنز الحمد لله ربنا رزقنا بيك :)

حضرتك البيجو 504 فوق المقارنة ناقص كمان تقوللى انو الكورولا أحسن من ال504!!

انت معندكش فكره ولا ايه ؟؟؟

الموضوع: و مازالت الحملة مستمرة!!

LinkBack

أدوات الموضوع

عرض

-

-

-

-

المواضيع المتشابهه

مغامراتي على الصحراوي مستمرة... وادي الضحايا

كركرة خفيفة مستمرة

هل a4 مازالت تنتج

صفارة مع الفرامل مستمرة

الكلمات الدلالية لهذا الموضوع

المفضلات

المفضلات

ضوابط المشاركة