الموضوع: و مازالت الحملة مستمرة!!

صحيح فيه مقوله للإمام الشافعي رحمه الله يقول :
(ما جادلني عالم الا وغلبته.. وما جادلني جاهل إلا وغلبني)

لذلك فإن من الاشياء المهمة للانسان أن يختار خصمه بحيث يكون الخصم لديه القدرة العلمية والمعرفية للدخول في حوار من هذا النوع واذا لم تتوفر هذه الشروط فلن يكون هناك حوار وانما سيكون مجرد استعراض لأفكار معروفة سلفاً.

اظن كده نقفل على الموضوع ده ..

لأن الأخ Pro-Drive دايما بيرد ردود منطقية بالحجه و الدليل ..

والأخ فادي دايما بيرد ردود استهلاكيه .. بدون أي دليل .

"اخر نووع اللي هو اكبرهم اكيد"

مش بتكلم عن أكبرهم الموتور الى انت بتتكلم عنه 2500 سىسى هو الى بيولد 154 حصان. يا ريت تفتح الصفحة تانى و تتأكد عشان كده بقى حوار طرشان.
أخر رقم فى الجدول أهوه :
2492 cc XK I6 115 kW (154 hp) 237 N·m (175 ft·lbf) 5-speed automatic
ده هنا أنا عامل قص و لزق كوبى و بيست!!!
2492!!!!!!!! شايف الرقم ده مش 2942؟؟؟؟ انت عكست ال9 مع الأربعة.
يا ريت تبص كويس عشان أنا كنت مفترض حسن النية و بقول العتب على النظر, بس شكلى كده هغير رأيى.

"و اكتر في القوه ب 103 حصان"

أحصنة الكورولا 127, و الأفيو 103 حصان.
بعملية حسابية بسيطة :
127-103=24 حصان. لاحظ أصلا انو لا تجوز المقارنة لأن السرعات مختلفة!!

و فرق العزم 15 نيوتن زى مانتا بتقول عارف يعنى كام : حوالى 1.5 كغ, يعنى فرق منطقى جدا بين موتور 1800 و 1600, مش عارف انت ايه الى بتحاول تثبته بالضبط!!!
و لاحظ انو المقارنة لا تجوز علميا لأن الى بيكتب ده أقصى عزم و أقصى قوة, لكن فيه عزوم و قوى أخرى مش بتكتب, المهم انك هتلاقى دايما الأرقام متقاربة فى المحركات القريبة من بعضها, يعنى 1600 هتلاقى العزوم و القوى الحصانية متقاربة, 2000 نفس الكلام, و أعتقد ده الى حضرتك لاقيته بعد بحثك الأخير ده.

"طبعا متوقع ردك حتقولي دي دايو "
لا مش حقولك دى دايو لأن دايو متفرقش كتير عن تويوتا و عموما العزم مش هيفرق من دايو لمرسيدس مش هو ده الى بيميز عربية عن الأخرى.

"طيب مقارنه تانيه ولا يهمك عربيتين 4 سلندر و 200 سي سي

بس هنا الاتنين بتربو

اللي بتربو امريكيه 2.0 لتر يابانيه 2.0 لتر برضه "

يا راجل حرام عليك انت كده بتلخبط الدنيا التربو ليه حسابات تانية انت كده هتدخلنا فى متاهات.
أنا طلعت الأرقام و الميتسوبيشى أعلى لكن بس لاحظ انو الميتسوبيشى توين تربو و نوعه مختلف تماما عن ذلك الموجود فى الكوبالت, يعنى بلاش موضوع التربو ده عشان التربو قوته بتفرق من عربية لعربية.
"يعني ايه السرعات مختلفه ؟؟؟"

المقارنة بين العزم الأقصى و الأحصنة الأقصى بين عربيتين غير دقيقة لأن السرعات الى بتتاخد عندها العزم الأقصى و سرعة القوة القصوى مش متماثلة بين العربيتين ده الى انا أقصده.

"طيب لما احنا عندنا اكبر رقم نشغل نفسنا ليه بالارقام التانيه !!!!!"
الأرقام التانية مهمة جدا لأن العزم الأقصى ده مبتاخدوش الا عند سرعة معينة بس الباقى عزم الموتور بيبقى أقل من كده. و نفس الكلام بالنسبة للأحصنة.

"طيب دايو مين بيصمملها و مين بيصمم محركاتها اساسا ؟؟"

ديه بصراحة مليش علم بيها أنا بس عارف انو جنرال موتورز عاملة خلطبيطة بين عربياتها و مدخلاهم كله فى بعض, يعنى مثلا ممكن أوبل واخده موتور شفروليه و شاسيه من سوزوكى, و سوزوكى واخده موتور من أوبل و شاسيه من شفروليه, كده متفهملهومش حاجة , ده غير انو نفس العربية ممكن تلاقيها نازلة ب3 أو أربع أسماء مختلفة. عشان كده برضو اوبل مش بنعتبرها ألمانى أوى هى أمريكية أكتر.

سؤال هام جدا :

حد عاوز يشرب عرقسوس:D