احسن حاجة متقولش انك مش هتديله قوله لما ارجع لو قالك مينفعش قولهانا بدفع لما برجع و لما ترجع سيبه و امشي . ده اللي ينفع معاهم
انا من رأيي عن سيتي ستارز يخلوا الركن بالكارت زي وسط البلد انا موافق اركن بالكارت احسن ما يجي واحد فكر انه هيقدر يستهبل و يدفعني اللي ع مزاجه و في الاخر بطلع اللي انا عايز ادفعه و لا طلعتله كمان
قبل كده برده كنت راكن عند سيتي ستارز و اجي الاقي عربيات راكنة صف تالت ع عربيتي و انا مستعجل و الاستاذ مش موجود و كله راكن و خلاص
قعد ازق العربيات عربية عربية لحد ما وسعت مكان يادوب يخرج العربية و بعد ما جيت اخرج لقيته طلعلي زي عفريت العلبة تعالي تعالي يا باشا قولتله لأ و الله و جي ع نفسك كده ليه و بيقولي تعالي تعالي بقوله حد قاللك اني معييش رخصة و و مبعرفش اسوق و مشيت و سيبته لقيته بيبرطم وقفت العربية و نزلتله لقيته جاب ورا وبيقولي مقولتش حاجة يا بيه
فعلا حاجة مستفزة العالم ديه
المفضلات