الموضوع: هنا الاستشارات القانونية

المشاركة الأصلية كتبت بواسطة د.محمود صلاح

شكراً للرد .. ممكن تفاصيل الإنذار بيتعمل ازاي ؟ محضر ولا محامي ولا ايه بالضبط ؟

هذه تفاصيل مشاركتي ورد حضرتك

[flash1=http://www.nilemotors.net/nile/3872531657-post39.html]width=700 height=400[/flash1]

الانذار بيكتبه محامي و هي صيغة سهلا و بعد كده بتوديه للمحضرين الي العقار تباعها بيعلنوه و بيرجعو يسلموك اصل الانذار ثابت فيه انه اعلن و ياريت تبعتلي اميلك و حاحاول اني ابعتلك صيغة الانذار عليه ببلاش هدية مني

المشاركة الأصلية كتبت بواسطة mohamed_alshafie

انا عندى استفسار صغير
انا فى شقه ايجار قديم باسم والدى ب 150 جنيه و مش قاعدين فيها فعرضت على صاحب العماره 3 اقتراحات
انى ااجرها مفروش لاى حد او انى اشتريها او اتنازل عنها
فكنت عاوز اعرف قانونا ازاى يمشى كل اقتراح يعنى لو هشتريها المفروش ادفع فيها كام و لو هتنازل عنها اخد كام
انا سمعت انى لو هشتريها ادفع ايجار 40 سنه ادام يعنى 480 شهر * 150 جنيه
و لو هتنازل عنها اخد نص تمن بيعها
و لو هتتاجر مفروش ليا نسبه و هو له نسبه
ياريت تفيدنى القانون بيقول ايه فى الثلاث حالات و شكرا

شوف انك تشتري منه او يشتري منك دا موضوع تراضي بيبقي بالاتفاق بينكم اما بالنسبة للتاجير فاذا العقد البنكم يجيز لك الايجار من الباطن يبقي اجر بدون ما تديله اي مليم لكن لو مفيش الكلام داه في العقد يبقي بتتفق معاه علي انه ياخد نسبة من الايجار(بتكون من 10 الي 25 في المائة) و انت بتاخد الباقي

المشاركة الأصلية كتبت بواسطة ekrami

شكرا ليك جدا بس معلش اخر سوال لو حد من الوارد اسمهم فى العقد _المشترى) توفى بيبقا اية الاجرات فى البيع

اذا حد من المشترين مات بيدخل ورثته بلا عنه و ذلك عن طريق عمل اعلان وراثه للمتوفي بيذكر فيه ورثته و يقسم نصيبه في البيت او في الشقة عليهم

المشاركة الأصلية كتبت بواسطة elassar2010

وبعدين مش فية هيئة هى الى بتعمل المخالفة ولا هو هيروح النيابة يعمل مخالفة التجريف ليهم؟؟؟؟؟؟؟؟؟؟؟؟؟؟
وشكرا

يا باشا هو بيقدم بلاغ الي النيابة لان هذه تعد جنحة سواء قام بها المالك او اي حد تاني

المشاركة الأصلية كتبت بواسطة emsadeck

أولاً شكراً ليك ياباشا على مساعدتك للناس، ربنا يجعله في ميزان حسناتك

ثانياً عندي سؤال لحضرتك، دلوقتي أحد الشركات العقارية بتبيع الوحدات بتاعتها بدون تشطيب -استلام بعد فترة- وبتكتب في العقد إن لابد أن يلتزم المشتري بتشطيب الشقة من خلال الشركة ويتم الاتفاق على مواصفات وأسعار التشطيب قبل عام على الأقل من الاستلام

دلوقتي الشرط ده أيه مدى صحته في العقد؟ وهل لو الموضوع وصل للمحاكم ممكن المشتري يطلب بطلان البند ده ولا العقد شريعة المتعاقدين؟

شوف القد داه بيطلق عليه عقد اذعان اي ان هناك احد اطراف العقد في مركز اقوي من الطرف الثاني فيجبره علي بعض الامور زاي كده وانت رايح تشتري خط من موبينيل مثلا هل ممكن تقولهم اسف عقدكم مش عاجبني او شيلولي او ضيفولي فيه ؟؟ ماينفعش لزا فا انت مطالب باحترام هذا الشرط في العقد الا ازا اثبت انك سوف تتعرض لغبن شديد في حالة تنفيذه زاي لو هما بيشطبولك ادوك سعر مبالغ فيه جداا لدرجة الغبن ممكن هنا بس تقاضيهم و لا تلتزم بالشرط

الي العضوhamedo0 ; يا باشا مادام انت كنت عايش و مقيم مع والدك قبل وفاته فان عقد الايجار يمتدك لك و من حقك ان تنتفع بالشقة و تتجاوز فيها( بس اوعا ما تعذمنيش علي الفرح)