هنا الاستشارات القانونية

**metenawy** · 08-04-2010 12:23 AM

المشاركة الأصلية كتبت بواسطة mohamed_alshafie

يعنى الموضوع مش محكوم بالقانون فى حاله البيع و الشراء كله بالاتفاق بينا
طب العرف السائد فى الحالات دى ايه معلش

شوف العرف في حالة التصرف في الشقة ان انت تاخد النص و المالك بياخد النص و بالنسبة للايجار فانا قولتلك بتديله نسبة من الايجار بس نسبة اقل منك اما لو حتشتريها فممكن تدفعلو المبلغ كامل او تزود الايجار ز يبقي كانك بتشتري منه الشقة بالقسط

**A7MED_PHARMA** · 08-04-2010 12:23 AM

سؤال عاجل

..صديق ليا إشترى أرض تابعة لمشروع إبني بيتك في العاشر
وزوجته إشترت شقة تابعة لمشروع إسكان تاني..وبعدين باعوا الشقة دي

دلوقتي جهاز مدينة العاشر بيقول إنه ماينفعش إنه يتملك مكانين تابعين لمشروعين..وهوا وزوجته نفس الشخص قدام الجهاز ..يعني كأنه هوا إلي إشترى المكانين
المكان التابع لمشروع إبني بيتك
والشقة التابعة للإسكان في مدينة العريش ..وباعوها بالفعل

هل ده معناه إن قطعة أرض العاشر سيتم سحبها؟؟؟؟

وعذرا للإطالة

**A7MED_PHARMA** · 08-04-2010 12:43 AM

المشاركة الأصلية كتبت بواسطة metenawy

ليس من حق صديقك انه يبيع الشقة لكن هو تنازل عنها و بتالي هو اودام الجهاز هو مازال يمتلك مكانين و بتالي من حق الجهاز ان يسحب منه احدهم و طبعا الاحسن انه يسحب الرض لان لو سحب الشقة حتدخل في مشاكل مع من تنازلت له عنها طبقا لقرار وزير الاسكن(هيئة المجتمعات الجديدة) و برده احسن حد يفيدك في الموضوع هو الجهاز

علي فكرة انا كده ليا عندك استشارة في الادوية هههههههه

على حد علمي
إنه باعها ..أو تنازل عنها بورق موثق
يعني هوا دلوقتي معاه إثبات إنه باع الشقة دي..
فهل كده يستحب منه الارض بالتبعية ..على إعتبار إنه إستفاد مرة سابقة بالفعل

..
أصل المصيبة
إنه لما أخد الأرض
كلف عليها مبلغ علشان يطلع 3 أدوار حسب إشتراط التعاقد مع الجهاز
صرف مبلغ ..مبلغ

..ياريت تفيدني
أصل الموضوع ده يهمني شخصياً

وياسيدي ليك عندي 100 إستشارة ..تأمرني
وشكرا على المرة دي ..والمرة إلي فاتت

**A7MED_PHARMA** · 08-04-2010 02:55 AM

هوا إشترى الشقة الأول
وبعدين إتنازل عنها لواحد تاني يكمل أقساطها(حسب كلامه والله أعلم)
وهوا معاه ورق بكده ..إنه إتنازل عن الشقة يعني

..
وموضع إن الجهاز أخطره ولا لأ
معنديش عنه خلفية

**bedo128** · 08-04-2010 04:59 AM

ياريت ياياشا تفدنى واحد قريبى عايز يرخص سلاح ايه هى شروط الترخيص

**kh_talaat** · 08-04-2010 10:24 AM

ما هو الفرق بين صحة التوقيع - والصحة والنفاذ قانونا وأيهما افضل

وهل بعد عمل اي منهما يجوز لصاحب العقار تغير ايصال الكهرباء بأسمه

وهل عمل صحة التوقيع - أو الصحة والنفاذ يصلح لجميع العقارات حتى ولو كانت هذه العقارات تابعه لمشروعات سكنية مثل جمعيات الأسكان التعاوني (مع العلم ان العقد مع الجمعية لم ينص على إلزام المشتري ببيع العقار عن طريق الجمعية)

وشكرا مقدما يا استاذ metenawy

**M.Alshafie** · 08-04-2010 10:52 AM

المشاركة الأصلية كتبت بواسطة metenawy

شوف العرف في حالة التصرف في الشقة ان انت تاخد النص و المالك بياخد النص و بالنسبة للايجار فانا قولتلك بتديله نسبة من الايجار بس نسبة اقل منك اما لو حتشتريها فممكن تدفعلو المبلغ كامل او تزود الايجار ز يبقي كانك بتشتري منه الشقة بالقسط

معلش انا اسف للازعاج بجد ممكن توضحلى فى حاله لو انا بشترى الشقه منه مبلغ ايه اللى ادفعهوله بالكامل يعنى الشقه لو بتتباع فى نفس المنطقه بنص مليون انا ادفعله نص مليون طب ليه ما انا قاعد فيها و خلاص
انا كنت سمعت انى بدفعله ايجار اربعين سنه قدام يا ترى الكلام ده صحيح