الموضوع: اية اسباب فشل الشارك

المشاركة الأصلية كتبت بواسطة m_elkhishin

بص يا باشا
الفتيس ال cvt في حد ذاته تكنولوجيا عبقرية ، لأنه بيديك أداء معقول جدا مع توفير رائع في استهلاك الوقود.

الهدف منه ان دايما ال rpm بيبقى شبه ثابت أثناء التسارع نتيجة التغيير المستمر في التروس. طبعا سيارات الركوب العادية الشركات المصنعة بتظبط كنترولر الفتيس انه يحافظ على عدد اللفات المثالي اللي بيحقق أقصى عزم وبالتالي أقصى توفير في الوقود. طبعا الكلام ده بيفقدك الكثير من القدرة الحصانية لأننا كما اتفقنا ان المايفك موتور لفات عالية، وبالشكل ده مع ال cvt عمره ما حيوصل للفات العالية دي.

يعني مثلا أقصى عزم لموتور الشارك بيكون عند 4000 rpm فلو لاحظت حتلاقى الشارك الأوتوماتك مهما قرصت عليها ال rpm بيلعب في رانج ال 4000 فهل تعتقد انك بكده طلعت قدرة الموتور كامله؟؟؟؟؟

ولو شغلت السبورت مود حتلاقي ال rpm في رانج ال 5000 يعني مازال بعيد جدا عن الردزون

على العكس من ذلك المانوال بتتحكم فيه براحتك

ممكن حد يسأل طب ليه مثلا مخلوش ال cvt يشتغل على أعلى rpm في السبورت مود عشان يطلع أقصى قدرة؟؟
الجواب بكل بساطة ان الموتور حيفوت ويقفش في فترة قليلة جدا نتيجة الحمل الزائد عليه، يعني تخيل نفسك راكب عربية مانوال وقارص على الأول على الردزون طول الوقت

ايه الكلام الكبير ده :) , بس انا ساعات كتييير اوي اعدي ال 4000 rpm واوصل للريد زون والعربيه الي معايا اتوماتيك . وبعدين بما انك تعمقت شوي انا ليا سؤال هو مادام الفتيس بيحقق اعلى عزم ازاي بيقدر يوافق بين العمليه دي وعملية توفير الوقود ؟ وازاي الكلام ده بيفقدني قدرة حصانيه واذا كان اصلا القدرة الحصانيه ثابته ولا حضرتك تقصد ان القدرة الحصانيه للعربيه مش بتظهر وبتتطلع كلها ؟؟ وشكرا لذوق حضرتك

المشاركة الأصلية كتبت بواسطة h_a_t_em

بس يا احمد نوح باشا انا هقولك علي حاجه و دي والله ما فتي واحد صاحبي لسه جايب السيراتو دي من شهر كده و بيقوللي بتحدف يمين فعلا و هو لسه قيللي كده النهارده والله حتي انا استغربت و قلتله يمكن كاوتش نايم عن التاني او حاجه قاللي لا هي جايه كده بس عموما هو مش متضايق من الموضوع قوي بس مستغرب بردو بس عموما انا معاك ان السيراتو صفقه رابحه

قااااااااااااابل يا عم , اصل الناس الي كانت عامله عشرات المواضيع في قسم كيا اكيد ما اخترعوا مشاكل وهميه واكيد الكلام ده ظهر وبان في عربياتهم الشخصيه او عربيات ناس يعرفوهم , ومع ذلك الصراحه طلع في الاخر واحد عمل موضوع الحقيقه مش فاكر اسمه بس الراجل لخص كل مشاكل السيراتو الي انا شايفها مش مستحيله ومشاكل بسيطه وليها حلول بسيطه وطلعت ناس في الموضوع واعترفت ان عمرها ما صادفت او ظهر عندها المشاكل دي عندها , هي الفكره بس لما كل الهيصه دي طلعت على السيراتو في اول موسم ليها , طيب العربيه دي هتكمل ازاي مع الناس بعد كده خصوصا الناس بتشتريها زيرو , وانا مش بقول ان مفش مشاكل في اللانسر بصفه عامه , بل يوجد مشاكل طفيفه بعيد المشاكل الميكانيكيه واجزاء الكهرباء في العربيه , ده يا راجل انا صدمت لما لاقيت كفارات السيراتو نازله نوعها صيني مش مممممممممممكن

المشاركة الأصلية كتبت بواسطة kemoelord

ايه الكلام الكبير ده :) , بس انا ساعات كتييير اوي اعدي ال 4000 rpm واوصل للريد زون والعربيه الي معايا اتوماتيك . وبعدين بما انك تعمقت شوي انا ليا سؤال هو مادام الفتيس بيحقق اعلى عزم ازاي بيقدر يوافق بين العمليه دي وعملية توفير الوقود ؟ وازاي الكلام ده بيفقدني قدرة حصانيه واذا كان اصلا القدرة الحصانيه ثابته ولا حضرتك تقصد ان القدرة الحصانيه للعربيه مش بتظهر وبتتطلع كلها ؟؟ وشكرا لذوق حضرتك

ده يا باشا لينك قديم فيه كلام عن الفرق بين العزم والقدرة الحصانية

http://www.nilemotors.net/Nile/19942-a.html

المشاركة الأصلية كتبت بواسطة kemoelord

ده يا راجل انا صدمت لما لاقيت كفارات السيراتو نازله نوعها صيني مش مممممممممممكن

هي مين دي اللي صيني !!!!

للأسف المعلومة دي غلط الكاوتش كومهو كوري Made In Korea