الموضوع: جوله ميدانيه بمركز كيا و الرد على الشائعات و تقييم اداء و استعراض اماكن قوة النيو

اقتباس
المشاركة الأصلية كتبت بواسطة moha4tec




ارجو مراعات اداب الحديث يا يوكو و كل اللى شاركوا
شكرا يا باشا بس أنا مغلطش في حد
انا مجرد بوصف تجربه عمليه حدثت معايا عشان كلنا نستفيد و نتعاون واللى مش فاهم يفهم
حلوا وأنا عايز أعرف التفسير العلمي وأعتقد إني مش غلطان
و مش معنى انك فى هندسه انك الوحيد اللى بتفهم فى كل حاجه و انا مقلتش ان العربيه خارقه انا مجرد بوصف راى فيها
أنا مقلتش كده والي بيقول إنه بيفهم في كل حاجة يبقى مبيفهمش
بالنسبه للقفل اللى انت بتكلم عليه ممكن يلبسك كلابشات و اكبر منك فى السن و مغلطش فيك يا......
أنا كلامي في العموم وشكرا على الشتيمة وأنا قصدي قفل يعني قفل دماغة مش قفل يعني ترباس ويا ريت كل واحد يلتزم حدودة لإني مش هنزل بمستوايا وأشتم!!!!! ومحدش يقدر يلبسني كلبشات لإني مبتتهددش!!!!
يا ريت كل واحد يحترم مهنته و ميننططش او يتفزلك لمجرد انه عنده معلومه زياده .
و كبر d و على g


أنا متنططش على حد وكلامي كله حقائق علميه مؤكده وممكن الأخوة الأفاضل في المنتدى يأكدولك الكلام ده


*مبدئيا للمره الثالثه بقولك( تجربه عمليه) و احساس اللى سايق على دواسة البنزين بيحس بدرجتها مع شد العربيه و صوت الموتور .....
بالنسبه للحقائق العلميه انا متكلمتش عليها و يا ريت منجبش سيرة حد مش موجود معانا لو تعرف اثبت بالحقائق العلميه انك صح و انا هشكرك و على فكره انا قريت الموضوع بتاعك الخاص بالبنزين و اراء الناس فيه متباينه فى ناس معاك و فى ناس ضدك و مفيش نظريه علميه مكتوبه و كل ده اصلا ممكن يكون فى العربيات الجديده فقط ...... او على حسب حالة عربيتك و نظافة البنزين اللى بتحطه
و ممكن اكون حطيط 92 اى كلام و 95 تمام نظيف يعنى
بس انا اتفق معاك انها فلوس على الارض فرق تمن البنزين حرام
انا قلت للتجربه فقط 95 انا حسيت بفرق جامد بالزات ان الستب ترونيك اصلا مخلى العربيه بتشد جامد جدا و ممكن متحتاجش كيك دون اصلا الا بسيط اوى.
و يا ريت لما تتكلم على حاجه تكون جربتها بنفسك مش مجرد كلام نظرى فقط
على فكره بكره لما هتتخرج هتلاقى الشغل العملى حاجه و النظرى شىء اخر مع ان العملى بيعتمد عليه (و لكن كام مره تم الاعتراف بنظريات و تاكيدها علميا و بعد زمن تم الغائها بنظريه اخرى تكذبها و العكس صحيح ,مش دايما الواقع النظرى على صواب لانه لازم يبرهن بالتجربه العمليه

و انت اصلا متمتلكش سيراتو ازاى تحكم عليها كده ده بردو كلام و هو مش ده اللى بتشتكوا منه ان الناس بتطلع اشاعات على العربيه و هى مركبتهاش و ساقها مده كويسه عشان تحكم كويس عليها ,بتاخدو الكلام من الناس و خلاص اصل مين قال و صاحب واحد جارى قالى و اب عم فلان بتاع الكذا اللى فى محافظة كذا قال كذا و كذا.

( مش عارف اه اللى دخل الكلام على التسارع فى الكلام على ال ABS مش فاهم وجهة نظرك خالص ) و الا هو اى حاجه تملى بيها السطور و تحسب مشاركه و خلاص
و اه بقى طربيزة البنج بونج اللى انت عاملها انت و بعض الزملاء واحد يشتم و التانى يكمل معاه زى واحد بيقول قافيه و التانى بيقوله ... اشمعنى ...عشان كذا و كذا...و فى الاخر هههههه.
و على فكره انا مبهددش حد انا بس كنت برد على الشتيمه بكلام بين السطور و كل لبيب بالاشارة يفهم و مخصتكش باى لفظ زى انت معملت .
و بلاش حكاية المستويات دى و مش هقدر انزل بمستوايا و الكلام اللى فيه كبر, بقت موضه قديمه قوى
و انا بحزر الجميع ربنا جعل الكبر ليه لوحده و اللى بيفكر يشاركه فيه لو انت مذاكر تاريخ كويس هتعرف زى ما عمل فى ابليس خرجه برا رحمته . لا اله الا الله
و ربنا قال بسم الله الرحمن الرحيم ((12) يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) صدق الله العظيم سورة الحجرات
واظن الاعضاء كلهم يتفقوا معايا ان الهدف الاساسى من هذا المنتدى انا نعرف بعض و نفيد بعض مش نتحدى بعض اونحاول نثبت ان فى احد احسن من الثانى يا ريت نفكر قبل ما نكتب اى كلام و ناخد بالنا كويس انه ممكن يزعل ناس تانيه......
و السلام ختام.