الموضوع: جوله ميدانيه بمركز كيا و الرد على الشائعات و تقييم اداء و استعراض اماكن قوة النيو

المشاركة الأصلية كتبت بواسطة moha4tec

*مبدئيا للمره الثالثه بقولك( تجربه عمليه) و احساس اللى سايق على دواسة البنزين بيحس بدرجتها مع شد العربيه و صوت الموتور .....
حلو وأنا معترضتش بس قولت هاتلي تفسير علمي لإن تجربة بدون نظريه تفسرها لا يمكن الإعتماد عليها!!! وتعتبر مجرد كلام مرسل لإن الموتور من غير نظريه مكنش إتعمل أصلا
بالنسبه للحقائق العلميه انا متكلمتش عليها و يا ريت منجبش سيرة حد مش موجود معانا
مين الي أنا ذكرته ده!!!!
لو تعرف اثبت بالحقائق العلميه انك صح و انا هشكرك
حضرتك الي قلت إن السحب بنص دواسه ٩٥ زي كل الدواسة ب٩٢ فحضرتك الي تثبت كلامك مش أنا
و على فكره انا قريت الموضوع بتاعك الخاص بالبنزين و اراء الناس فيه متباينه فى ناس معاك و فى ناس ضدك
إحنا بنتكلم على حاجة تانيا أصلا ولا حضرتك مش واخد بالك (الكلام في موضوعي هل ال٩٢ مضر للموتور ولا ﻷ لإن العربيه تربو)
بس انا اتفق معاك انها فلوس على الارض فرق تمن البنزين حرام
حلو إنت نفسك بتقول فرق الفلوس ميستهلش طب إزاي وهو بيفرق في الصعب وبصورة خياليه زي ما بتقول
انا قلت للتجربه فقط 95 انا حسيت بفرق جامد بالزات ان الستب ترونيك اصلا مخلى العربيه بتشد جامد جدا و ممكن متحتاجش كيك دون اصلا الا بسيط اوى.
حضرتك الستيب ترونيك أوتوماتيك عادي جدا بس بتحكم في النقلات يعني برده مش فتيس مانيوال!!!!!
و يا ريت لما تتكلم على حاجه تكون جربتها بنفسك مش مجرد كلام نظرى فقط
ومين قال لحضرتك إني مجربتش!!!!! ولا هو سوء نيه وخلاص
على فكره بكره لما هتتخرج هتلاقى الشغل العملى حاجه و النظرى شىء اخر
مينفعش يا باشا والحمد لله أنا بشتغل وأنا بدرس وإتعرض عليا من توكيلين عربيات لحد دلوقتي إني أشتغل معاهم (من قبل ما أتخرج حتى)!!!أكيد مش عايزيني عشان أنا بقول كلام مش عارفة
مع ان العملى بيعتمد عليه (و لكن كام مره تم الاعتراف بنظريات و تاكيدها علميا و بعد زمن تم الغائها بنظريه اخرى تكذبها و العكس صحيح ,مش دايما الواقع النظرى على صواب لانه لازم يبرهن بالتجربه العمليه
حلو ده في الإكتشافات مش الإختراعات يعني مثلا دلوقتي ينفع واحد يقول إن نظريه إحتراق الوقود غلط وإن كل تصاميم المواتير دي غلط ﻷ لإن ده إختراع وكذلك نسبة الأوكتان دي مصنعة عشان غرض معين

و انت اصلا متمتلكش سيراتو ازاى تحكم عليها كده ده بردو كلام
أنا متكلمتش على السيراتو في ولا كلمة أنا كل كلامي على ال٩٢ وال٩٥ والناس كلها عرفة إني بحب السيراتو وكنت هجيبها ومازلت بحبها
و هو مش ده اللى بتشتكوا منه ان الناس بتطلع اشاعات على العربيه و هى مركبتهاش و ساقها مده كويسه عشان تحكم كويس عليها ,بتاخدو الكلام من الناس و خلاص اصل مين قال و صاحب واحد جارى قالى و اب عم فلان بتاع الكذا اللى فى محافظة كذا قال كذا و كذا.
أنا مش عارف إنت بتحكم على إني مجربتش على أساس إيه وأنا عمري ما طلعت إشاعة على أي عربيه والأعضاء كلها تعرفني وعارفة أنا لما بتكلم بقول إيه ولو مش مجرب بنفسي بقول سألت وفلان رد عليا!!!!!!!!
( مش عارف اه اللى دخل الكلام على التسارع فى الكلام على ال ABS مش فاهم وجهة نظرك خالص ) و الا هو اى حاجه تملى بيها السطور و تحسب مشاركه و خلاص
برده سوء نيه تاني ومش أنا الي فتحت موضوع الabs وكل كلامي من ساعتها مكنش موجه لك وبرده الحمد لله الأعضاء عارفين إني مبحشيش كلام وخلاص وممكن تسأل برده بس مش هتقبل أي سوء ظن تاني وأعتقد ده حقي
و اه بقى طربيزة البنج بونج اللى انت عاملها انت و بعض الزملاء واحد يشتم و التانى يكمل معاه زى واحد بيقول قافيه و التانى بيقوله ... اشمعنى ...عشان كذا و كذا...و فى الاخر هههههه.
فين ده والكلام كله مكنش موجه ليك والي بتتكلم عليهم دول كل واحد فيهم بيقدم للمنتدى كل الي يقدر عليه!!!!
و على فكره انا مبهددش حد انا بس كنت برد على الشتيمه بكلام بين السطور و كل لبيب بالاشارة يفهم و مخصتكش باى لفظ زى انت معملت .
أنا مشتمتش أصلا وكلامي مكنش ليك وكان رد على شخص تاني وشوف أنا واخد إقتباس من كلام مين
لكن إنت هددت وشمتمت وإنت واخد إقتباس من كلامي يبقى مين الي غلط!!!!!
و بلاش حكاية المستويات دى و مش هقدر انزل بمستوايا و الكلام اللى فيه كبر, بقت موضه قديمه قوى
بجد أنا كنت لسه بحاول أحترمك وبقولك حضرتك لكن بعد الكلام ده مش هقدر و الحمد لله أنا عمري ما إتكبرت على حد
و انا بحزر الجميع ربنا جعل الكبر ليه لوحده و اللى بيفكر يشاركه فيه لو انت مذاكر تاريخ كويس هتعرف زى ما عمل فى ابليس خرجه برا رحمته . لا اله الا الله
و ربنا قال بسم الله الرحمن الرحيم ((12) يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) صدق الله العظيم سورة الحجرات
صدق الله العظيم ونصيحة مقبولة لإن فيها أيات الله مش أكتر مع إني مش الي المفروض تتوجهلة الرسالة دي!!!!!!!!!!!
واظن الاعضاء كلهم يتفقوا معايا ان الهدف الاساسى من هذا المنتدى انا نعرف بعض و نفيد بعض مش نتحدى بعض اونحاول نثبت ان فى احد احسن من الثانى
وأنا متفق معاهم على كده يا ريت تقرأ الموضوع من الأول وإنت تعرف مين الي بيشتت الناس
يا ريت نفكر قبل ما نكتب اى كلام و ناخد بالنا كويس انه ممكن يزعل ناس تانيه......
برده الكلام ده المفروض مش ليا
و السلام ختام.

وعليكم السلام ورحمة الله وبركاته

المشاركة الأصلية كتبت بواسطة moha4tec

شكرا لردك الجميل اللى بيهدى النفوس فعلا و انا ملاحظ فى الموضوع ده انك بتحاول تكون حيادى و عادل مش زى بعض الناس و انا فهمت خلاص انه سوء تفاهم مش اكتر و ربنا يديم المعروف و لا محبه الا بعد عداوه (و هنيالك يا فاعل الخير و الصواب ) ده انت يا نورمال و جبريال
و انا ممتن ليكوا و الله على كلامكوا اللى فى محله.
(انهارده كان اليوم العالمى للحوادث حتى الشوارع الديقه من الركنه على النحيتين فى منطقة جاردن سيتى و كمان فى المعادى و على الكورنيش و حتت كتير اوى و الحته اللى مشفش الحادثه فيها اشوف الازاز المتكسر و اخير اتختمت بالجمله فى فرع التوكيل بتاع الخليجى لقات عربيات كتير وقفه ملين الساحه بطريقه اول مره اشوفها و لما قربت لقيتهم كلهم حوادث للاسف النتر نيو سيراتو و ماركات تانيه تحس انك داخل غرفه اعدام للعربيات و للاسف كلهم ضايعين خبطات رخمه اوى ربنا يسترها علينا كلنا خدو بالكوا من السرعه.

حلو سوء تفاهم راجع تتكلم في الموضوع تاني ليه

المشاركة الأصلية كتبت بواسطة moha4tec

ده كان كلامك يا يوكو على محرك عربيتك اللى اكيد اكتر من اربع غيارات السيراتو 4 غيارات فقط للاوتوماتيت و الستب ترونيك و ده بيفرق فى السحب +95+ستب ترونيك= العربيه بتجرى من غير قرص جامد عليها و بتجرى جامد
و انت قلت ان 95 بيفرق فى السحب فوق 170 و فى عربيتك انما فى السيراتو من فوق 140 او 120 حسب الضغطه بالبنزين انا بجيب الرابع و انا بشد للتجربه على 160 و ممكن اقرص عليه اكتر من كده و طبعا بيجيب ال 200 مستريح انما لو جبت الرابع على 130 مثلا بردو ممكن تجبها و لكن هتاخد وقت.
الفتاس بتاعك غير بتاعنا فى السيراتو خالص العربيتين مش زى بعض خالص السيراتو 4 نقلات و عربيتك كام؟؟؟؟؟ صدقنى بتفرق

حلو وحضرتك مأخدتش بالك إن العربيه عندي تربو وده مختلف عن الموتور العادي في حاجات كتير لو هفصلها محتاجة صفح مش مجرد مشاركة!!!!
وبرده كلامي عن الفرق بين ال٩٥ وال٩٢ مش أي حاجة تانيه ولا على السيراتو!!!
أما الفتيس لو حضرتك متعمق متفرقش في عدد النقلات غير في التسارع لكن الي يفرق في السرعة القصوى أو أعلى سرعة الgear ratio وده عند الرابع زي الخامس عندي (مع وجود فارق بسيط)

المشاركة الأصلية كتبت بواسطة moha4tec

QUOTE=rocketrock;3872146361]يوكو أنا مختلف معاك بص فيه فرق بين ٩٢ و-٩٥ ودة عن تجربة ال-٩٥ بيمشيني أكتر من ٩٢ دة غير إن فرق السحب واضح جداً بين الاتنين وبحس إن العربية مستريحة معايا أوي مع ال-٩٥ ... عايزك تجرب تفضي التانك بتاعك وفاول ٩٥ وركز في الأداء وخد بالك إن التربو عايز إهتمام زيادة شوية وخد بالك من حاجة إن في مصر ال-٩٢ من ببئة ٩٢ بيور ١٠٠٪ ونفس الكلام لل-٩٥ ففكر تاني ف موضوع البنزين دة وحافظ على الموتور عشان قدام هتحس بالفرق

ده عضو اسمه rocketrock و معا عربيات Elantra 2008 manual وFiat Bravo A5 وده كان رده فى نفس موضوعك[/QUOTE]
وأنا إحترمت جدا رأيه وأعتقد ردي كان عليه واضح!!!
ده غير إن فيه فرق بين عربيتي وعربيته في الوزن وإن هو سيمي أوتوماتيك

المشاركة الأصلية كتبت بواسطة moha4tec

ودى بردوا مشاركتك فى موضوعك بتاع البنزين
دي مش مشركيتي دي مشاركة الأستاذ حسام أعتقد مينفعش أرد بعد كده لإنك جايب كلام مش ليه وبتنسبه ليا
واضح ان انت بتكره الكورى عموما مع انها بردو عربيات تمام بشهاده الناس اه هى مش بجودة الالمانى بس عربيات مستحمله ظروف بلدنا و الطبيه المناخيه و الطرق كمان و مبتكركرش من بنزين 92 زى عربيتك اللى عايزه معامله خاصه اوى اوى و ظروف مش متوفره عندتا و تعبتك
دي وجهات نظر وأنا العربيه الحمد لله مبتكركرش ولا الكلام ده كله والحتى الي قلت إن العربيه بتسقف فيها بوضح حاله خاصة موجوده في كل العربيات لكن بتبقى أوضح مع أي عربيه تربو!!!!
والتوكيلات اللى بتبيع كتير مش معناها انها سيئه عندك مثلا الفيات 128 كانت و لا زالت عربيه الشعب المحبوبه و منتشره موت هل معنى كده ان فيات وحشه بردوا و الا هى بقت حلوه لما بطلت تبيع اكتر و تراجعت لا طبعا الفيات ممتازه عموما بس ملهاش زبون او طلب كتير بسبب التسويق و سياسات الاعلان و الترويج و البيع و اظن ده كمان موجود فى ماركات تانيه كتير غيرها فيها نفس المشكله بردو مع انها بتكون من افاضل العربيات اللى نزلت السوق
والله العظيم ده ما كلامي!!!!!!!!!!!!!!!!!!!!!!!!!!!!!!!!!!

المشاركة الأصلية كتبت بواسطة moha4tec

أنواع البنزين المستخدم في السيارات والرقم الأكتاني وعلاقته بنسبة إنضغاط المحرك = Gasoline Octane number And Engine compression ratio


الحقيقة أن موضوع نوع البنزين والرقم الأكتيني أو الأوكتاني للبنزين ومدى ملائمة النوع للمحرك
وهو يعتمد على خاصية في المحرك تسمى بنسبة الإنضغاط وهي تقريباً من 7 إلى 12 في السيارات البنزين عموماً

تعريف نسبة الانضغاط:
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر))
نسبة الانضغاط

نسبة الانضغاط = حجم الإسطوانة / حجم غرفة الإحتراق
= تتراوح بين 7 إلى 12 وقد يصل إلى 15 في بعض محركات سيارات السباق ولكن على حساب عمر المحرك الذي يقصر بشدة في هذه الحالة

وكلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان
وهذه بعض النسب التقريبية لكل محرك ونوع البنزين المناسب له:
بنزين 80 لمحرك ذو نسبةإنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11

لو أن نسبة الإنضغاط منخفضة مثل الشاهين وال 128 والادا فعليك أن تمونها بنزين 80 وأنت مطمئن أنها ستعطي آخر قدرة لها بدون مشاكل
بمعني أن السيارة ال 128 موتورها قديم وبالتالي نسبة إنضغاطه منخفضه إذن الأفضل أن تضع له بنزين ذو أقل رقم أوكتاني يعني 80
ولو وضعت بنزين برقم أوكتيني أعلى من 80 تصبح كأنك ترمي فلوسك في الهواء بدون مبالغة

لو نسبة الإنضغاط عالية زي المواتير الحديثة عموما وهذا يكون موضح في الكاتلوج وأعلى نسب إنضغاط تكون في السيارات الغالية مثل المرسيدس والبي إم والسيارات الرياضية أيضاً أو كل سيارة من مستواهم في هندسة المحركات الحديثة
ولو لم يحدد في الكتالوج الخاص بتلك النوعية من السيارات المتقدمة ذات نسب الإنضغاط المرتفعة نوع البنزين الموصى به (إحتمال ضعيف)
فعلينا أن نبحث بالكتالوج عن نسبة إنضغاط المحرك
ومن النسب التى وضعتها بالأعلى نختار نوع البنزين
أو نسأل التوكيل
أو نبحث عن موقع السيارة على شبكة المعلومات الدولية وننظر ما هو نوع البنزين المناسب للمحرك
ومن الطبيعي أن نضع في تلك السيارات رقم بنزين عالي لأن محركات هذه السيارات متقدمة ونسبة انضغاطها عالية ومصممه للبنزين ال 95 مثلا أو 92 على الأقل لكن لو وضعنا بها بنزين 80 مثلاً وإسترخصنا فكأننا نقوم بتدمير المحرك بدون مبالغة ولكن على المدى الطويل (ليس تدمير فوري)

أما لو كانت سيارة موديل قديم أو سيارة جديدة لكنها مركب بها موتور تصميم لم يتغير منذ زمن مثل اللادا 2107 أو ال128 وأمثالهم في هذه الحالة نضع بنزين 80 ولو لم نجد 80 نضع 90 (والفرق اللي مش كبير إنت أولى به) ولا تزيد عن ذلك حتى لا تكون مبدد للمال بدون فائدة

هناك إعلان بمحطات شركة موبيل يقول : الفرق يستاهل أو الفرق بسيط (مش فاكر بالضبط) وهذا الإعلان ما أسميه مغلوط و تضليل
والحق هو : فلوس البنزين اللي ميلزمش سيارتك وهي غير مصممة له أساساً أنت أولى بها



السؤال الأول: ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك


السؤال الثاني: ماذا يحدث لو وضعت بنزين ذو رقم أوكتاني أعلى من الموصى به لسيارتي أو أعلى من المناسب لنسبة إنضغاط محرك سيارتي ؟؟
الجواب:
أما في حالة أن تضع بنزين أعلى من الموصى به:
قد يكون السيارة موصى لها بنزين 92 ولكن عندما تضع بنزين 95 فإن السيارة تعطيك أداء أفضل
وفي هذه الحالة فإن جيبك هو الذي سيحكم لأن بنزين ال 95 سيعطيك إحساس قوي بفلوس كثير والبنزين ال 92 سيعطيك القدرة القياسية من المحرك وسيوفر لك فلوسك بدون ضرر نهائي على المحرك
في هذه الحالة لك مطلق الحرية

ولكن لو وضعت بنزين 95 ولم تحس بفرق فاتركه فوراً وارجع لبنزين 92 الموصى به لسيارتك

أخيراً هناك معلومات أو إشاعات خاطئة:
الإشاعة الأولى:

أن البنزين ال 80 مضر بالبيئة أكثر من البنزين ال 90 أو البنزين ال 92 وهذا كلام فارغ
لأن البنزين كله حاليا خالي من الرصاص ومركباته واحدة مع اختلاف نسب المركبات في كل نوع

والإشاعة الثانية:

يقول لك البنزين ال 92 أنظف من البنزين ال 80 ولا يحتوي على شوائب تقوم بسد الفلاتر وغيره !!
والحقيقة أن مسألة النظافة تتعلق بنظافة خزانات المحطة وليس لها علاقة بنوع البنزين سواء بنزين 80 أو بنزين 98

ولكن يوجد حل جيد لطالبي التوفير والإقتصاد في مصاريف بنزين سياراتهم:
والذين يريدون وضع بنزين أوكتان 80 مثلا في سيارة ذات نسبة إنضغاط عالية
الحل أنك تؤخر توقيت الشرارة (تخفض كهربة السيارة) وتجربها حتى تجد أن التصفيق (التسقيف) تلاشى
وهذا الحل مجرب تجربة شخصية مع المواتير الكربراتير فقط.

بالطبع فإن هذا الحل سيقلل من كفائة السيارة وسحبها بنسبة بسيطة لكن مقبولة في سبيل التوفير
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين
مثلا أنا أضع في الجولف2 بنزين 92 لكن بعد فترة أصبحت أضع فيها بنزين 80 أيضا لأن الفرق في قدرة المحرك لا تذكر كما أني قمت بضبط توقيت الشرارة (خفضت الكهرباء) ليكون مناسباً للبنزين ال 80


منقول للافاده

هناك إعلان بمحطات شركة موبيل يقول : الفرق يستاهل أو الفرق بسيط (مش فاكر بالضبط) وهذا الإعلان ما أسميه مغلوط و تضليل
والحق هو : فلوس البنزين اللي ميلزمش سيارتك وهي غير مصممة له أساساً أنت أولى بها

دي الخلاصة إن لو العربيه مكتوب في الكتالوج ٩٢ يبقى ال٩٥ ملوش لازمة غير إن صوت الموتور هيبقى أهدى
على عكس عربيتي الي مكتوب ٩٥ فال٩٢ هيأثر على الأداء (لاحظت الفرق ولا لسه)

والCR مينفعش يتحسب للعربيات التربو لإن الcr بيدل على الضعط جوه الموتور وهو ده الي ممكن ي`مل pre-ignition والتربو مهمته في رفع الضغط ده عشان كده التربو بياخد رقم أوكتاني أعلى حتى لو نسبه إنضغاطة أقل!!!





وشكرا لكل الي رد عن لساني وبجد الواحد حس إن إخواته بيتكلموا عن لسانه والحمد لله إن الواحد سيرته طيبه في المنتدى