اول عطل للسياره باسات بفتيس DSG 7 shift

**Ahmed Samy** · 04-05-2010 02:34 AM

بص

أنا اللي اتخيلته في كلامك و انت أول مرة بتكتشف العيب
و انت بتحاول تدور و تطفي ...وتنتهي للحقيقة المرة ..ايوة فيه مشكلة

انا عارف الشعور ده ...و أعتقد ده أسوأ الفصول

و أعتقد أيضا أن الفصل الأخير سيكون أسعدها ان شاء الله

مادام الناس محترمين و متعاونين ...يبقى خير

و الحمد لله انها جت في كده ....

دي تبقى خفيفة يا صاحبي :)

ربنا يتم لك على خير و تفرح بيها لحااااااااااااااد ما تزهق

**beeboo2005** · 04-05-2010 02:52 AM

قلبى معاك و ربنا يطمنك أن شاء الله الثلاثاء بما يثلج صدرك.
تمنياتى بالتوفيق و أن ترجع مجبور الخاطر أن شاء الله.

**mshamy** · 04-05-2010 09:04 AM

الحمدلله إنها جت على قد كده
وربنا يسهلها و الموضوع يتحل بسرعة من ألمانيا
وانا متأكد إن التوكيل مش بيهزر أو بيتأخر من تجربتي معاهم في موضوع التكييف
ولكن لي سؤال بخصوص موضوع الفتيس ... هو حضرتك كنت بتسمع اي صوت عالي أو غيرطبيعي في النقلات الى اسفل و خصوصا مع s ...
أنا شخصيا باسمع عندي صوت بس مش عارف ده طبيعي و لا ممكن يكون بداية مشكلة؟؟
و برضه في صوت على d بس مش في نفس وضوح الصوت اللي في s

**fadynabil** · 04-05-2010 12:06 PM

إن شاءالله تطلع المشكله بسيطة وتتحل علي خير ،،

ويكون الموضوع بسيط

**morsi** · 04-05-2010 12:20 PM

الاخ الفاضل
ربنا يعينك على حل مشكلتك وان شاء الله تاخد حقك .بس معلش اسمحلى هل اللى حصلك ده يستدعى انك تفضل حوالى اسبوع عامل موضوع فوازير وتشويق للناس وكل واحد يحزر ويفزر ايه اللى حصل معاك وبعد كدا تكتب المشكلة بالتفصيل الممل والمحتوى على مج النسكافيه وحكاية الوالد والمستشفى ومش عارف مين اتصلت بيه علشان يوصلك ومين كان مستنيك فى الاسكندرية ......... وغيره.
ايه اللى كان يمنع حضرتك انك تقول موضوع العطل من اول ماحصل معاك والناس برضه هاتتفاعل معاك ونفكر كلنا مع بعض بصوت عالى .
تقبل تحياتى وان شاء الله موضوعك يتحل بسرعة وتستمتع بعربيتك.

**cameeron** · 04-05-2010 01:57 PM

معلش يا استاذنا و ربنا هيحلها ان شاء الله و التوكيل يصلحها باذن الله و عسى ان تكرهوا شيئا و هو خير لكم و مين عارف يمكن الايام اللى التوكيل خد منك العربية حصل فيها مشكلة تانية فالحمد لله

**معتز** · 04-05-2010 02:22 PM

المشاركة الأصلية كتبت بواسطة saif3s

شكرا لك , وعلى فكره من قبل ما أنزل الموضوع ده كتبت فى الموضوع التانى انك اول واحد توقع صح , اختار الجايزه بقى فتيس ولا كونترول ولا حساس كله موجود
وعلى فكره المشاركه الثالثه هنا نصيحه لك , علشان بحس انك مقتنع بالخليجى جدا وانت على وش شراء

هديتى انك تفرحنى بالخبر الحلو لم ترجعلك الحبيبة الغالية بالسلامة من التوكيل........اما موضوع التوكيل......فهو اصبح محسوم خاصة بعد سياستهم الجديدة واللى انا متابعها من حوالى سنة تقريبا.....تجربتك اليوم تعظم اختيار التوكيل دائما..بس ياترى لو كانت المشكلة دى حصلتك بعد مدة الضمان ...كان التوكيل هينفع برضة....الخليجى يمكن عمل علية ضمان برضة زى ما انت عارف......بس فى النهاية التوكيل دلوقت يكسب...مش عارفين اللى جاى ايه
تحياتى ياصديقى

**tareksh** · 04-05-2010 03:01 PM

قدر الله وما شاء فعل ان شاء الله خير

**modiabbas** · 04-05-2010 03:12 PM

المشاركة الأصلية كتبت بواسطة morsi

الاخ الفاضل
ربنا يعينك على حل مشكلتك وان شاء الله تاخد حقك .بس معلش اسمحلى هل اللى حصلك ده يستدعى انك تفضل حوالى اسبوع عامل موضوع فوازير وتشويق للناس وكل واحد يحزر ويفزر ايه اللى حصل معاك وبعد كدا تكتب المشكلة بالتفصيل الممل والمحتوى على مج النسكافيه وحكاية الوالد والمستشفى ومش عارف مين اتصلت بيه علشان يوصلك ومين كان مستنيك فى الاسكندرية ......... وغيره.
ايه اللى كان يمنع حضرتك انك تقول موضوع العطل من اول ماحصل معاك والناس برضه هاتتفاعل معاك ونفكر كلنا مع بعض بصوت عالى .
تقبل تحياتى وان شاء الله موضوعك يتحل بسرعة وتستمتع بعربيتك.

مع انى مليش دعوه و مليش حق انى اتدخل بس معلش ده مش وقت تعاتب فيه الراجل هو مش ناقص و كفايه المشكله اللى عنده !!! ارجو تكون فاهم قصدى

**Gabrial** · 04-05-2010 04:06 PM

المشاركة الأصلية كتبت بواسطة morsi

الاخ الفاضل
ربنا يعينك على حل مشكلتك وان شاء الله تاخد حقك .بس معلش اسمحلى هل اللى حصلك ده يستدعى انك تفضل حوالى اسبوع عامل موضوع فوازير وتشويق للناس وكل واحد يحزر ويفزر ايه اللى حصل معاك وبعد كدا تكتب المشكلة بالتفصيل الممل والمحتوى على مج النسكافيه وحكاية الوالد والمستشفى ومش عارف مين اتصلت بيه علشان يوصلك ومين كان مستنيك فى الاسكندرية ......... وغيره.
ايه اللى كان يمنع حضرتك انك تقول موضوع العطل من اول ماحصل معاك والناس برضه هاتتفاعل معاك ونفكر كلنا مع بعض بصوت عالى .
تقبل تحياتى وان شاء الله موضوعك يتحل بسرعة وتستمتع بعربيتك.

أخي الكريم تحية طيبة ، العضو الفاضل صاحب الموضوع لا يقصد تشويق أو إثارة فضول الاعضاء الكرام لا سمح الله ،احنا في منتدى فيه الأف الاعضاء و لكل عضو طريقته في التعبير و دة شئ لازم نتقبله ،ممكن عضو يكتب موضوع مختصر بتفاصيل قليلة و أخر يكتب موضوع و يوضح فيه كل التفاصيل و يعطي الصورة كاملة ذي العضو الفاضل صاحب الموضوع .و احنا ذي الاخوة مع بعض واجبنا نتقبل طريقة كل واحد .

أرجو إن كلامي ميسببش لحضرتك ضيق أو زعل و تحياتي لسعادتك و للعضو الفاضل صاحب الموضوع .و إن شاء الله المشكلة تمر بسلام ،تقبل مروري و أسف للاطاله و على تدخلي.

الموضوع: اول عطل للسياره باسات بفتيس DSG 7 shift

LinkBack

أدوات الموضوع

عرض

-

-

-

-

المواضيع المتشابهه

مكنة ماروتى بفتيس اوتوماتيك

نوبيرا اتوماتيك بفتيس ليجانزا ؟؟؟

Shift Look

سعر اعادة بيع الكوروللا اللي بفتيس mmt

متور بفتيس اوتو Cdx

الكلمات الدلالية لهذا الموضوع

المفضلات

المفضلات

ضوابط المشاركة