الموضوع: رابطة حائزى الفلوينس

ايه يا شباب محدش رد ليه هو انتو زعلانين مني ولا حاجه ... ده انا كنت متوقع اني هلاقي رد السنين و خصوصا من المهندس هاني .

اخي الكريم

بالنسبة للتوكيل فانا حبيت اعمل صيانه وحاولت اتصل بالكول سنتر محدش رد فقررت الذهاب مباشرة، ورغم اني وصلت الساعة 12 ظهرا فرع ابورواش لكن الشاب اللي واقف اخد السيارة وقال لي ياريت تبقي تعمل حجز بالتليفون الاول،، قلت له انه للاسف التليفون لا يرد

المهم كانت صيانه عاديه وقلت له امتي استلمها!! وتوقعت انه يقول لي بعد 5 او 6 ساعات لكنه قالي بعد ساعتين فقط

وطبعا ده يخليك تقدر تنتظر في الكافيتيريا هناك او صاله الانتظار المكيفة

المهم.رحت مع صديق لي اتمشينا في كارفور ( قريب منهم جدا) ورجعت واخدت السيارة،، وكنت موصيهم يعلوا النور لانه واطي شويه وفعلا علوه

عموما انا لم اجربهم في اشياء كبيرة لكن عامة همه في الحاجات الكبيرة.ممكن يكونوا مش محترفين قوي، غير ان ممكن يكونوا في الاصلاحات ( الميكانيكا) او ( اصلاح الحوادث والسمكرة الخ) غاليين جدا

يعني كنت واخد خبطة قويه في الباب الخلفي يمين والرفرف اليمين والعتب،، ولما سالت التوكيل ( نفس الفرع) اصلاح الخبطة ورش الباب والرفرف ومعالجة اكره الباب والعتب قال لي التكلفة ( 13 الف ج والفترة علي الاقل 3 اسابيع)

المهم.عملتها برة عند سمكري، اخد 4 ايام فقط واعاد لي العربية زي الفل حتي انك لا تلاحظ ابدا اي فرق بين الدهان الجديد والقديم

واخد كااااااااام

2000 ج

شفت الفرق

لكن عموما هم كاعمال الصيانه الدوريه كويسين ومنظمين ومحترمين ولا تقضي وقت طويل خاصة اذا صيانه عادية

هذه تجربتي
تحياتي وتمنياتي بالتوفيق

الاخ الفاضل Abu Reem
الف شكر علي الاهتمام و الرد .

السلام عليكم
انا كنت عايز اسأل ليه العربية مش بتفتح من الباب علي طول ولازم ادوس الزرار الاسود الاول؟؟ مش المفروض هو فيها فوتو سيل (اللي هو المربع الاسود اللي ورا الاوكره) و لو مش ده استخدامه ايه هو استخدامه؟؟ (انا فلوينس e3 2016)

المشاركة الأصلية كتبت بواسطة mohamed wahman

السلام عليكم
انا كنت عايز اسأل ليه العربية مش بتفتح من الباب علي طول ولازم ادوس الزرار الاسود الاول؟؟ مش المفروض هو فيها فوتو سيل (اللي هو المربع الاسود اللي ورا الاوكره) و لو مش ده استخدامه ايه هو استخدامه؟؟ (انا فلوينس e3 2016)

لا الفلوينس الجديد مفيهوش فوتوسيل... مكانها موجود بس هي مش موجوده.. للاسف.

هل فعلا ماتور ال 2015 و2016 هو موتور القشاي والتيدا بكل قطع غياره

شكرا ياباشا