الموضوع: رابطة حائزى الفلوينس

المشاركة الأصلية كتبت بواسطة Hany Saad

طبعاً أنا هنا بتكلم على الموديلات اللى بتنزل مصر، لأن إقامة حضرتك فى جدة، فممكن موديلات الخليج تختلف
علشان طبيعة الجمارك فى مصر، كل العربيات بتزل 1600 سى سى فقط، طبعاً لو كان موتور 2000 سى سى كان فوق العربية أكتر من كده
شخصياً أنا معنديش أى مشاكل فى السحب و بعرف أتعامل تماماً مع الفتيس ال cvt و أطلع منه كل اللى عايزه و زيادة كمان.....الفتيس ده ممكن تعقد بيه عربيات كتير و خصوصاً فى الطلعة الأولى لو عرفت تستخدمه صح لأنه مفهوش زمن نقل...اللى مش متعود عليه ممكن يحس العربية تقيلة
الفلوانس نفس عزم موتور الكورولا و باقى العربيات اللى من نفس الفئة، طبعاً فيه عوامل أخرى بتفرق فى السحب، زى نوع الفتيس و تقل العربية و الإيرو ديناميكس بتاعتها أو ما يعرف بمقاومتها للهوا

كل الكراسى فى الموديلات المصرى من أقل لأعلى فئة ضبط يدوى

تحياتى

المهندس هاني تحياتي ليك، دايماً بتفيدنا بمعلوماتك وبصراحة حضرتك من الناس اللي اقنعتني بردودك وكلامك عن الفلوينس إني اشتريها وحتلاقي كلامي ده في مقالي اللي كتبته بعنوان (رينو فلوينس فئة (le) موديل 2015 في السعودية).

لو تتكرم حضرتك وتساعدني في موضوع الفتيس ال CVT لأنه بصراحة حيجنني وخصوصاً من 0 لحد 60 أو بمعنى تاني لحد ما بتأخد الناقلة الرابعة، ,وحاجة تانية انا كنت قريت مشاركة لأحد الزملاء الأفاضل على الموقع بيقول ان ال RPM في العربية دي المفروض يوصل ل 2500 او حاجة زي كده مش متأكد علشان تاخد احسن عزم للعربية.

انا ماشي بالعربية 10000 كم لحد دلوقتي وعموماً انا تحركاتي بالعربية مش كتير لإن مشاويري مش كبيرة.

منتظر ردك

حد يا جماعه جرب سحب العربيه وعزمها ببنزين 95 !!!
بيقولوا بيطلع العزم الكامل للعربيه

اشكركم للتواصل

حد يا جماعه جرب سحب العربيه وعزمها ببنزين 95 !!!
بيقولوا بيطلع العزم الكامل للعربيه

اشكركم للتواصل

المشاركة الأصلية كتبت بواسطة عمر مصطفي محمد

طيب يا جماعة هل ممكن احط زيت موبيل 5000 كم 5W30 من بره التوكيل بالشفط أجربه وبعد كده لو طلع هو هو التوتال 5w40 امشي مع التوكيل وخلاص ولا فيه ضرر في الموضوع ده..انا حاسس ان زيت فبريكه يفضل في العربية 10 الاف كم ده كتير اوي ....شكراَ

السلام عليكم ورحمة الله

انواع الزيوت فروقاتها بسيطه جدا ..... يعني تقريبا مفيش (بقول تقريبا)
لكن ارقام درجات اللزوجه تفرق كتير من درجه للتانيه.....يعني

5W30 مختلف عن 5w40 ....... واغلب العربيات الجديده بتحتاج زيوت خفيفه (5W30 مثلا) وفي اخف من كده كمان للمواتير التوربو
ياريت تغير الزيت الموجود لو كان ثقيل وتغير باي نوع تختاره بس يكون خفيف مثل 5W30 وامشي عليه 10,000 او اعلي كمان مفيش مشكله ..... بس اكشف عليه , ولو ان الفلوانس بتديلك مقياس الزيت الالكتروني وانت قاعد من غير ماتبهدل نفسك من داخل التابلوه

بالتوفيق ان شاء الله