المشاركة الأصلية كتبت بواسطة kareem_a
طب يا جماعة اول حاجاة عايزين نتفق ان انا مش ياباني :)
ايوا انا بعتبر نفسي تويوتاوي :) , بس انا مش داخل ادافع عن الياباني لمجرد اني بحبه
و لكن لأن الالماني له مكانة خاصة في مصر لأن العلامات الكبيرة فيه زاى مرسيدس و bmw موجودة هنا في مصر , فبيطلع اساطير عن الالماني تكاد تجزم انها عربيات بتطير
الالمان بيركزوا اكتر على الفخامة و الشياكة و الخامات المستخدمة و دي مدرستهم في التصنيع , اما عن المدرسة اليابانية فهي الاعتمادية و التوفير
و بلاش نتكلم على الامان لأنه بقا متوافر في كل العربيات من الالماني للياباني للكوري (لسه على الصيني شوية)
استاذ احمد : انا شفت اللينك , و ملقتش الموضوع دة , لقيت حتة الkw , و دي مجرد units تانية بيحسبوا بيها , زاى الcentimeter والinche
لو مش هي دي الحتة الحضرتك قصدك عليها ياريت تعمل كوبي باست عشان اللينك طويل اوي
و سيبنا من موضوع تكنولوجيا المواتير لان كل واحد منهم بيعمل مواتير بشكل مختلف و دي ليها تفاصيل كتير و عايزة موضوع مستقل
و عن السحب , فمفيش شركة تكبد نفسها مصاريف و عناء السحب الا لو كان العيب خطير , و انا مكنتش عايز اجيب كذا خبر بس فولكس فاجن سحبوا عربيات في عيب يؤدي لانفصال العجلة الخلفية عن السيارة
http://www.caradvice.com.au/56849/vo...ehicle-recall/
و احنا يا باشا بنتناقش و بنعرف بعض حاجات و دي غاية المنتدى
و انا سعيد جدا بالمناقشة مع حضرتك و ارجو ان حضرتك متفتكرنيش متعصب للياباني
استاذ محمد : كلام حضرتك منتطقي جدا , بس ليه مبنقلش ان الياباني بيحسب برده كله حاجة لما يجي يحسب القوة الحصانية ؟ ايه الدليل على كدة ؟
صناعة السيارات اليابانية كبرت اوي بقت بتناطح الاوروبي بشكل كبير , يعني حاجات زاى دي هما مش محتاجنها , هما مش محتاجين يكتبوا قوة ازيد من الطبيعي , لأن هما عندهم مميزات الناس بتدور عليها
و يا باشا قول ماركات , ليه نزعل :)
و طبعا كل واحد بيختار العربية الترحوا نفسيا , و دي اهم حاجة , اهم من اي مميزات
و شكرا جزيلا لمشاركتك يا استاذ محمد
المفضلات