في الأداء فقط ,,,,, جيتا dsg ولا سيفيك؟

**SAMEH_FOUAD** · 13-05-2010 12:39 PM

طيب انا لية اعتراض على حاجة
دلوقتى الناس اللى بتقول ان الجيتا من ماتور 1600 بتوصل ل220 مع ان الكلام دة غلط لان اخر الجيتا 195 كيلو دة اخرها
حاجة تانية على فكرة محرك البى ام دبليو 316 بيخرج 122 حصان مش 115 وبعزم قوتة 15.6 عشان بس يبقى فية وضوح فى الارقام
بالنسبة للالمان طبعا احنا معندناش اى اختلاف من ناحيتهم بس اهتمامهم الاول والاخير بالامان ثانيا الفخامة والرفاهية وغزارة التجهيزات
واخر حاجة الاداء ودة مش معناة ان اداءهم على قدة لأ بس المشكلة عشان عربياتهم كبيرة فلازم تبقى مواتيرها كبيرة عشان تشيل وزن العربية والماتور يتحمل التجهيزات
واليابان ذات قدرة عالية جدا من التكنولوجيا وقادرة على تحدى اى شركة وهتلاقى كتير سيارات متفوقة على الالمان
وفى الاخر لازم تلاقى هنا ميزة وعيب ولازم تلاقى هنا عيب وميزة
وفى الاخر كلة بيختار على اساس محتاج اية ويقدر يتنازل عن اية

**ahmedsadek82** · 13-05-2010 02:55 PM

المشاركة الأصلية كتبت بواسطة Horsepower

معليش إسمحلي أقول إن حضرتك غلطان ... لأسباب:
أولا حضرتك قلت إنك ركبت كل حاجة (مليزي وكوري وياباني وفرنساوي) بس حضرتك ما ركبتش ألماني.
لي إتنين أصدقاء - ووالله الكلام ده من على لسانهم و مايعرفوش بعض - الإتنين قالو إن الألماني حلم ناس كتير لحد ما تركبه, وتلاقيه عادي, مش فارق عن الكوري حتى ... واحد منهم معاه C200 وبيقولي إنه ساق الإلنترا 2009 بتاعت واحد قريبه لظروف معينة محسيش بالفرق إللي كان متخيله وإللي مزعله إن عربيته جابت طرنبة بنزين وهو على الكورنيش مع أسرته و بيقولي لو كوري مش هيحصل الموقف ده ... والتاني معاه 320 وعايز يبيعها و يركب برافو ويقولي نفس الأداء وأرحم في قطع الغيار ومصاريف الصيانة الغالية.
صديق تاني معاه 320 و أول مرة يركب السيفيك كان معايا ... راح قال من ورايا لواحد صاحبنا إنه غلطان إنه دفع كل ده في ال 320 و كان ممكن يدفع أقل و ياخد أداء كويس.

ثانيا مش منطق أبدا إن إللي راكب ياباني ممعوش فلوس الألماني ... محديش يقول كدة ... العبد لله و معظم إللي أعرفهم راكبين إللي بيحبوه مش إللي معاهم تمنه على آخر قرش في جيبه ... العبد لله كنت حاجز حولف 6 ولأسباب معينة (معلومات خطأ عن الجولف) إشتريت سيفيك ... إللي بيشتري على آخر مليم معاه ده واحد مش مظبوط ... و فيه ناس كدة فعلا.

أخيرا العربيات مش أذواق تجنبا إن حد يقول ده ذوقه عالي وده مش ولا بد ... العربيات قسمة و نصيب

انا راكب 320i على فكرة .... اداء رهيب مش ممكن تتخيله بالاضافة للفخامة و تكنولوجيا ممكن اكتب فيها كتب ....كفاية ال condition monitored service و ال DTC و كلام كتير قوي , انت عندك لو اي حاجة فل عربية فيها مشكلة الidrive بيكتبلك توصيفها ....التكنولوجيا و الفخامة والاداء ليهم تمنهم !!!! ,,,و كل واحد له حق الاختيار !!......ملحوظة : العلاقة الوحيدة اللي ممكن تربط هيونداي بمرسيدس انهم الاتنين باربع عجلات ..مش اكتر من كده. حضرتك لو سقت بروتون مثلا حتلاقيها ثابتة عن الالنترا كتير مش مرسيدس !.....والله ما تعصب بس انا بتكلم عن فنيات و حقائق علمية ....

**ahmedsadek82** · 13-05-2010 03:06 PM

المشاركة الأصلية كتبت بواسطة Horsepower

السلام عليكم غازي باشا,
أولا كويس إن حضرتك واخد بالك إن دي وجهة نظر أصدقائي مش قاعدة.
أنا كلامي إن مش صح بالمرة إننا نبص للناس إللي راكبة عربيات إن مامعاهومش يركبو إللي أغلى منها ولو كان معاهم كانو ركبو ... أنا ضد الرأي دة بالمرة وردي كان على الرأي ده فقط ... كلام أصحابي ده مثال على كدة ... ناس جربت و عايزة تركب حاجة هي حباها مش مشكلة فلوس.

وده إللي بيفرق بين إللي معاه يركب أي حاجة بس تلاقيه مختار حاجة ملهاش علاقة بالفلوس (يعني مش أغلى حاجة) لأنه حابب يركب دي بالشكل ده ... مش لأنه مامعاهوش.

وللعلم يا كبير شخصيا أنا من عشاق الجولف 6 1.4 tsi ال 160 حصان ... عن إقتناع من وجهة نظري ... أو تقدر تقول عن حب فعلا. ولو تقولي إيه ... حتى الشيروكو لو الإتنين قدامي و ببلاش هاخد الجولف 6 فورا ... هو ده إللي أقصده إنت حابب تركب إيه.

بلاش نقول فلوس بس , ممكن تضيف خبرة و فهم للامكانيات مقابل السعر و حب القيادة مثلا ,, يعني ماينفعش واحد عاشق للقيادة و الاداء ومعاه 200000 ج يجيب بيهم عربية و يفضل تويوتا على الultimate driving machine بي ام , او واحد كبير عايز عربية فخمة و كلاسيكية حيفضل avensis مثلا على مرسيدس و جاجوار ! , مع العلم ان الفلوس موجودة ...هي ازواق و ثقافات ....

**ahmedsadek82** · 13-05-2010 03:08 PM

المشاركة الأصلية كتبت بواسطة ghazy12

طيب سؤال بعد اذنك يا استاذ احمد... هل الكلام ده منطقي..؟؟؟؟!!!!!!!

حد يبقى معاه c200 و مش حاسس بفرق بينها و بين الالنترا..!!!!!

و التاني معاه 320 و عايز يجيب برافو, و بردو مش حاسس بفرق..!!!!!!!

الكلام ده حصل, و انا مش بكذبك لا سمح الله, لكن معلش موقف اصحابك مش منطقي بالمره

انا واحد من الناس عندي مرسيدس c200, و والله لو ركبت العربيه دي, مش هتعرف
تركب عربيات تاني غيرها, لازم أعلى, و لا حتى البي ام هترضيك و والله مش ببالغ

يبقى ازاي من مرسيدس.... لألنترا...!!!!! مع كامل احترامي للالنترا و ملاكها طبعا

و يا استاذ سمسم... مين للي قال ان الألماني مش بيهتم بالقوه و الأداء...!!!!!
امال المرسيدس من اول الـc180 لحد الـs500 و clk, cls, slk......

يبقو ايه...!!!! مواتير ضعيفه, و اداء متواضع..؟؟؟؟؟؟؟

و البي ام من اول الـ320 لحد الـ 740, و الـz, و الـx1,3,5,6.............

مواتير و اداء متواضع بردو..؟؟؟

و الاودي, و الفولكس.................................... .....

ازاي بس الكلام ده يا جماعه...!!!!!! ده كلام يعقل بردو..؟؟؟؟

ده موتور الــ c180 لوحده بس, من اقوى المواتير الـ1600 و الأداء خراااااافي

و بالنسبه للعربيات ركوبه و لا اذواق و لا نصيب يا احمد باشا....
فالعربيات يا باشا في الاخر ركوبه, و راحه, و اكيد ذوق و وجهات نظر مع النصيب

لأن في ناس مش مقتنعه بالسيدان و عايزه هاتش باك,و العكس, و في اللي مفهوم
العربيه عنده يعني 4x4 مثلا.... و في اللي مايعرفش يركب إلا أمريكي....... و هكذا

كلها ثقافات و اراء مختلفه, و في الاخر كل واحد بيجيب اللي بيرتاح في ركوبته

و في مصر تحديدا... ضيف كمان على الركوبه (( اللي سعره مناسب و رخيص ))
و يمكن ده قبل الركوبه و الرفاهيات و الامكانيات و الصناعه والجوده للأسف...

يا رب اكون قدرت اوضح وجهة نظري يا جماعه, و رأي المتواضع...

اوافقك بشدة ...:b4_388:

**SaberMan** · 13-05-2010 03:12 PM

سعر العربية مش هوا البيحكم على مقدرة الشراء
أكيد تعرفوا ناس كتير اوى يقدروا على شراء s كلاس , الصبح ينزل يسحب تمنها بس راكب عربيه عدية ممكن لانسر او النترا او حتى شروكى مش غاليه

فى حاجه كمان لاحظتها بعد ركوب العربيتين بالمقارنه, الهوندا متعه أعلى فى شوارع العاديه و عالى الطريق بالنسبالى خصوصا أنى بحب لما أسوق عربيه أكون مستمتع بقيادتها و دى أزواق ملهاش قواعد ولا يحكمها أرقام .

كمان يهم فى ايه دى جابت 230 فى الساعه و التانيه لا أكيد مش دى السرعه البمشى بيها فى الغالب , ولا حتى بنسبه 1% من الوقت فى الأخر موضوع السرعه القصوى بنجرها كام مره المهم صاحب العربيه حاسس برضى من أدائها و لا لأ فى الاخر أزواق و بعدين كمان سنه يمكن أتنين هيكون فى موديلات أجدد بمواصفات أعلى .

**toptraction** · 13-05-2010 03:14 PM

i drove c200 and Audi a4 and jetta and mazda and honda civic and jetz all are one inside city from the performance aspect .after 100km/h here comes the German cars with their different suspension theories at the top after 100km/h suspension determine whose the best at the same engine displacement category

**ghazy12** · 13-05-2010 03:16 PM

المشاركة الأصلية كتبت بواسطة horsepower

السلام عليكم غازي باشا,
أولا كويس إن حضرتك واخد بالك إن دي وجهة نظر أصدقائي مش قاعدة.
أنا كلامي إن مش صح بالمرة إننا نبص للناس إللي راكبة عربيات إن مامعاهومش يركبو إللي أغلى منها ولو كان معاهم كانو ركبو ... أنا ضد الرأي دة بالمرة وردي كان على الرأي ده فقط ... كلام أصحابي ده مثال على كدة ... ناس جربت و عايزة تركب حاجة هي حباها مش مشكلة فلوس.

وده إللي بيفرق بين إللي معاه يركب أي حاجة بس تلاقيه مختار حاجة ملهاش علاقة بالفلوس (يعني مش أغلى حاجة) لأنه حابب يركب دي بالشكل ده ... مش لأنه مامعاهوش.

وللعلم يا كبير شخصيا أنا من عشاق الجولف 6 1.4 tsi ال 160 حصان ... عن إقتناع من وجهة نظري ... أو تقدر تقول عن حب فعلا. ولو تقولي إيه ... حتى الشيروكو لو الإتنين قدامي و ببلاش هاخد الجولف 6 فورا ... هو ده إللي أقصده إنت حابب تركب إيه.

طبعاً انا موافق تماما على كلامك, و ده موضوع لا خلاف عليه اطلاقاً....

مش معنى ان شخص جاب عربيه معينه تبقى هي دي امكانياته أبدا...

و انا بتكلم عن اصدقائك بس, و فعلا موقفهم غـــايه في الغرابه, و مش منطقي..!!!

و اكيد انا كمان من عشاق الجولف 6 بكل ما فيها....

و مش مختلفين يا احمد بك.... تقبل تحياتي

**ahmedsadek82** · 13-05-2010 03:17 PM

المشاركة الأصلية كتبت بواسطة aboel3oref

سعر العربية مش هوا البيحكم على مقدرة الشراء
أكيد تعرفوا ناس كتير اوى يقدروا على شراء s كلاس , الصبح ينزل يسحب تمنها بس راكب عربيه عدية ممكن لانسر او النترا او حتى شروكى مش غاليه

فى حاجه كمان لاحظتها بعد ركوب العربيتين بالمقارنه, الهوندا متعه أعلى فى شوارع العاديه و عالى الطريق بالنسبالى خصوصا أنى بحب لما أسوق عربيه أكون مستمتع بقيادتها و دى أزواق ملهاش قواعد ولا يحكمها أرقام .

كمان يهم فى ايه دى جابت 230 فى الساعه و التانيه لا أكيد مش دى السرعه البمشى بيها فى الغالب , ولا حتى بنسبه 1% من الوقت فى الأخر موضوع السرعه القصوى بنجرها كام مره المهم صاحب العربيه حاسس برضى من أدائها و لا لأ فى الاخر أزواق و بعدين كمان سنه يمكن أتنين هيكون فى موديلات أجدد بمواصفات أعلى .

تمام, بس اللي معاه فلوس كتير و راكب سيارة شعبية يبقى مش بيحب العربيات اصلا ,السيارة بالنسبة لي علبة صفيح باربع عجلات ... ايه الفرق بين ميشيل احد و اي رجل اعمال غني تاني ...ان ميشيل عاشق للسيارات فبيركب احسن و احلى حاجة ... عندو عربيات ساويرس مش عندو ...مع ان ساويرس اغنى 20 مرة ! ....ازواق و امزجة في الاخر

**SaberMan** · 13-05-2010 03:50 PM

تمام, بس اللي معاه فلوس كتير و راكب سيارة شعبية يبقى مش بيحب العربيات اصلا ,السيارة بالنسبة لي علبة صفيح باربع عجلات ... ايه الفرق بين ميشيل احد و اي رجل اعمال غني تاني ...ان ميشيل عاشق للسيارات فبيركب احسن و احلى حاجة ... عندو عربيات ساويرس مش عندو ...مع ان ساويرس اغنى 20 مرة ! ....ازواق و امزجة في الاخر

حلو مقدر حب حضرتك للألمانى , .. سويرس و مشيل أحد مش للدرجة دى كنت أقصد ناس مرتاحين كتير

و عشان أثبت لحضرتك انها حكاية أزواق عشق لهوندا نفسها و العربيه عندى مش حته صفيحه عندى دليل قااااطع .. شوف حضرتك من فتره طويله أشتريت محل ومجهزه يعتبر على بعد خطوه من أحسن ناس بتصلح هوندا و قافله من كام سنه كمان كنت ماجر هناك مخزن ضخم . و كتر حبى للعربيات أشتغلت فى عدة شركات أستيراد قطع غيار سيارات جديده أصحاب الشركات أصحاب والدى و من غير مقابل مادى والله سنتين .. حضرتك كنت بنزل أشترى قطع الغيار بأنواعها و مركاتها و أجربا فى العربيات عندى عشان أعرف مدى الجودة القطعه كل ده مش حب للسيارات .

فى الاخر هيا أقتناع أزواق و راحه لماركه عن التانيه . .

-

الموضوع: في الأداء فقط ,,,,, جيتا dsg ولا سيفيك؟

LinkBack

أدوات الموضوع

عرض

-

-

-

-

-

-

-

المواضيع المتشابهه

سيفيك vti / جيتا

سيفيك ولا جيتا

هوندا سيفيك ام جيتا

سيفيك او جيتا

سيفيك 2008 ولا جيتا

الكلمات الدلالية لهذا الموضوع

المفضلات

المفضلات

ضوابط المشاركة