الموضوع: في الأداء فقط ,,,,, جيتا dsg ولا سيفيك؟

المشاركة الأصلية كتبت بواسطة Aboel3oref

غازى باشا مشرفنا بمشاركاتك حضرتك أخترت الجيتا ال tsi ربنا يفقك فى أنسب عربيه ليك ان شاء الله
سامحنى انا بحترم الارقام و الله
معلش عارف ان الارقام دليل فى الكل شىء بس مقدرش أغلط التجربه العمليه حضرتك انسى الارقام 140و 120 و 110 و ال 102 و ..... و جرب الاتنين هتحس بالفرق خصوصا فى الاداء طبعا ستوك , النقطه الملحوظه تحسب للجيتا الثبات و الفرامل (الكلام ده فى الأداء على الطريق)

ربنا يبارك فيك يا باشا... بس للأسف مافيش جيتا TSI أصلا في مصر...

و لما قلت رأي جيتا هاي لاين في المقام الأول, كنت اقصد الجيتا الـ1.6L بس DSG

مش الـ1.4L, و هو ده الـTSI سواء 122 حصان او الـ160 حصان...

لكن ده مايمنعش اني من بحب السيفيك جداا و خصوصاً الـVTI...!! ممتازه
بس في ناس بتقول فراملها ضعيفه, و خامات التابلوه مش قد كده..!! مش مقتنع

و بالنسبه للتجربه اللي حكيت عليها, معلش يا باشا, بس ممكن جداا لو انت بتجري
مع حد سواء راكب سيفيك او جيتا, يكون اللي راكب العربيه التانيه (مش سواق)
و انت احسن منه, فهتعرف تطلع منه اول و تاني, و مواتير كمان, لأنك فاهم

و ممكن يكون سواق, بس مش عارف يطلع قوة العربيه دي تحديدا, او لسه جديده معاه

فالظروف بتختلف جداا في الحالات دي, و المتغيرات كتيييير قوي, صعب تحكم

لكن الأرقام هي الدليل القاطع, لأنها بتقولك نتيجه في حالة ثبات متغيرات كتييير...

لكن طبعا تجربتك العمليه تحترم تماما, و اكيد بتعكس واقع...

بس سيبك انت, انا اللي نفسي اجرب السيفيك الـVTI علشان احكم على ثباتها بجد

تقبل تحياتي يا باشا...

المشاركة الأصلية كتبت بواسطة ghazy12

يا جماعة الخير, مافيش موتور عادي بدون تربو 1600 يطلع 140 حصان..!!!!

معلش يا باشمهندس غازي....لنا هنا وقفة

مواتير الهوندا B16A الخاصة ب SiR بيطلع 170 حصان من غير اي شواحن هواء
الموتور ده لما "بيتربن" ممكن يطلع معاك لحد 500 حصان

[youtube]http://www.youtube.com/watch?v=tkgbxq5gy70[/youtube]

أوك يا باشا عايزين حضرتك معنا تشرفنا فى مقابله الهوندا الجايه ده طبعا بعد اذن الساده المسؤلين (أ.أحمد سامى) و هقولك على سر من اسرار ثبات الهوندا برضو تجربه و ده بعد تعديل هعملوا أن شاء الله فى سر تانى عن تعديل الفرامل ان شاء الله .

معلش يا باشمهندس غازي....لنا هنا وقفة

مواتير الهوندا B16A الخاصة ب SiR بيطلع 170 حصان من غير اي شواحن هواء
الموتور ده لما "بيتربن" ممكن يطلع معاك لحد 500 حصان

أدى كمان زتونه تانيه الزتون كتر فى الموضوع ده شكرا أ.محمد الشامى جاهز دايما بالموسوعه

المشاركة الأصلية كتبت بواسطة mshamy

معلش يا باشمهندس غازي....لنا هنا وقفة

مواتير الهوندا B16A الخاصة ب SiR بيطلع 170 حصان من غير اي شواحن هواء
الموتور ده لما "بيتربن" ممكن يطلع معاك لحد 500 حصان

[youtube]http://www.youtube.com/watch?v=tkgbxq5gy70[/youtube]

لا والله....... و بعدين يا محمد بك...!!! انت مستنصدني ولا ايه.؟؟؟؟
و في رواية اخرى (مستقصدني)...!!! ههههههههههههههههههه

انا والله و انا بقول موضوع موتور 1600 يطلع 140 حصان, حاسس ان حد هيقولي
ان في العربيه الفلانيه 1600 و بتطلع اكتر من 140 حصان.!!! والله العظيم حاسس

بس هل الموتور ده 1600 و 170 حصان فعلا..؟؟؟؟ ده 1800 تقريباً

و كويس انها جت معاك انت يا باشا... و منكم نستفيد
كلمني بقى عن الموتور ده شويه, علشان هو ده الهدف اصلا...

شكراا يا محمد باشا على تصحيح المعلومه...

ياريت بس بعد كل دة الاستاذ احمد صاحب الموضوع يقتنع ان مفيش حاجة اسمها ١٤٠ حصان !!

و ان مفيش طريقة لحساب الاحصنة بالياباني , و طريقة تانية بالالماني , و ان الجيتا ١٠٢ حصان

و حضرتك دلوقتي يا استاذ احمد بتقارن بين الجيتا و السيفيك , من ناحية القوة بس ؟؟؟؟؟؟؟؟

يعني مفيش اي عوامل تانية تهم حضرتك ؟؟

لو مفيش اي عوامل تانية تهم حضرتك خالص , يبقى السيفيك

المشاركة الأصلية كتبت بواسطة aboel3oref

أوك يا باشا عايزين حضرتك معنا تشرفنا فى مقابله الهوندا الجايه ده طبعا بعد اذن الساده المسؤلين (أ.أحمد سامى) و هقولك على سر من اسرار ثبات الهوندا برضو تجربه و ده بعد تعديل هعملوا أن شاء الله فى سر تانى عن تعديل الفرامل ان شاء الله .

يا باشا يشرفني طبعاً... ان شاء الله في اقرب فرصه...

تقبل تحياتي, و شكراا على دعوتك الكريمه...