ارتفاع لفات المحرك rpm

**yassermcv** · 22-05-2010 07:18 PM

المشكلة ظهرت بسيارتى "اللانوس" منذ اكثر من سنه "ارتفاع لفات المحرك rpm بدون مبرر عند الإدارة او فى وضع الـ idle بين النقلات " وحاولت كل المحاولات من استبدال tps والأيديل فالف وتنظيف البوابه والحال كما هو عليه .
قرأت من قسم الشفروليه بأن هذه المشكلة متكررة فى الأفيو وحلها تغيير فيشة الـ TPS فهل هذا العيب محتمل ان يكون سببه سوء توصيل هذه الفيشة .
ارجو افادتى من كل الأصدقاء وخاصة المهندس/سمير والمهندس ممدوح

**samirayad** · 22-05-2010 07:43 PM

ارتفاع لفات المحرك rpm بدون مبرر عند الإدارة

بتوصل لكام عند بدأ الدواره وبتستقر عن عند كام لفه وبتاخد وقت أد أيه للوصول لسرعة الأستقرار على السلانسيه

او فى وضع الـ idle بين النقلات

مش فاهم دى الصراحه

ومفيش حاجه أسمها أيدل بين النقلات

**M.Zaher** · 22-05-2010 07:48 PM

طب انت بتقول انك غيرت حساس الtps
ممكن يكون فيه خرطوم فاكيوم مقطوع او مخروم
وممكن يكون الجوان زي احد الاخوه في سيارة سوزوكي
وممكن البوابه نفسها يكون فيها بوش برده احد الاخوه سيارة لانوس
وومكن يكون عندك عداد الاربي ام مش مظبوط
اخبار صوت العربيه ايه

**M.Zaher** · 22-05-2010 07:49 PM

المشاركة الأصلية كتبت بواسطة samirayad

مش فاهم دى الصراحه
ومفيش حاجه أسمها أيدل بين النقلات

ممكن يكون قصده يابشمهندس لما بينقل الار بي ام بيعلى و يرجع لمعدله الطبيعي تاني
يعني مثلا بينقل على 2500 يوصل ل 4000 و يرجع تاني ل 2500 صح كده ولا ايه

**aly_hosny** · 22-05-2010 11:29 PM

المشاركة الأصلية كتبت بواسطة samirayad

مش فاهم دى الصراحه

ومفيش حاجه أسمها أيدل بين النقلات

اعتقد يقصد المور

انا كنت هكلم حضرتك بكرة يا باشمهندس ياسر عشان انا عملت الصيانة انهاردة والمشكلة راحت من عندي

**AHMADALY1999** · 23-05-2010 12:06 AM

اتاكد ان لما تسيب رجلك من على دواسة البنزين البوابة بتقفل بالكامل

**yassermcv** · 23-05-2010 10:10 AM

المشاركة الأصلية كتبت بواسطة samirayad

بتوصل لكام عند بدأ الدواره وبتستقر عن عند كام لفه وبتاخد وقت أد أيه للوصول لسرعة الأستقرار على السلانسيه

مش فاهم دى الصراحه

ومفيش حاجه أسمها أيدل بين النقلات

اشكر جميع الأصدقاء الذى شاركونى وأأسف لتأخر ردى
أولا المشكلة تظهر احيانا وتختفى احيانا
* عند بدء الدوارة الطبيعى ان سرعة المحرك لحوالى 1500 او اقل قليلا ثم تنزل لتصل الى 850 تقريبا والفترة التى تأخذها تعتمد على سخونة او برودة السيارة . ولكن ببعض الأحيان وعند بدء الدوارة قد تصل سرعة المحرك الى 2000 او اكثر وتستمر حوالى 5 ثوانى قبل ان تعود لحالتها الطبيعية .
*اثناء سير السيارة وعند فصل الحركة فى وضع المور او بين النقلات الطبيعى ان تصل سرعة لفات المحرك لحوالى 1000 او اعلى قليلا . ولكن فى بعض الأحيان تصل الى 1500 او 2000 ولا تنخفض ويظل صوت المحرك مرتفع وهنا لكى تعود لطبيعتها لابد ان اتوقف تماما حوالى 5 ثوانى .
*عند حدوث المشكلة الاحظ ان صوت السيارة اثناء السير خشن .
ذهبت للتوكيل اكثر من مرة وكذلك لمراكز الخدمة وغيرت الأيديل فالف وحساس الـ tps وسلوك البوجيهات بالإضافة للفلاتر ونظفنا البوابة اكثر من مرة وراجعنا واير الأكسلاتير والبكرة الخاصة به ولكن المشكلة تظهر وتختفى . لم يعد سوى تغيير كارته الكمبيوتر وعلى فكرة السيارة لا تسجل اى اخطاء . متوسط استهلاك البنزين حوالى 200 الى 220 داخل وخارج المدينة واستخدم بنزين 92 والسيارة موديل 11-2007 والعداد 90000 .

عند قرائتى لمشكلة الـ rpm بالأفيو وخصوصا انها منتشرة بها اعتقدت انها نفس مشكلتى لذلك سألت خبراء الدايو للتأكيد على ان السبب قد يكون فيشة الـ tps.
بإنتظار ردودكم وشكرا .

**MAZ** · 23-05-2010 11:01 AM

هل من الممكن تموين السيارة اللانوس ببنزين 80 دون حدوث مشاكل وما الآثار التى ينتج عنها استخدام بنزين 80بدل ال90

**yassermcv** · 23-05-2010 12:07 PM

يا اصدقاء اين الردود
المهندس/سمير والمهندس/ممدوح اريد مساعدتكم .

**swimmer25** · 23-05-2010 12:35 PM

المشاركة الأصلية كتبت بواسطة yassermcv

اشكر جميع الأصدقاء الذى شاركونى وأأسف لتأخر ردى
أولا المشكلة تظهر احيانا وتختفى احيانا
* عند بدء الدوارة الطبيعى ان سرعة المحرك لحوالى 1500 او اقل قليلا ثم تنزل لتصل الى 850 تقريبا والفترة التى تأخذها تعتمد على سخونة او برودة السيارة . ولكن ببعض الأحيان وعند بدء الدوارة قد تصل سرعة المحرك الى 2000 او اكثر وتستمر حوالى 5 ثوانى قبل ان تعود لحالتها الطبيعية .
*اثناء سير السيارة وعند فصل الحركة فى وضع المور او بين النقلات الطبيعى ان تصل سرعة لفات المحرك لحوالى 1000 او اعلى قليلا . ولكن فى بعض الأحيان تصل الى 1500 او 2000 ولا تنخفض ويظل صوت المحرك مرتفع وهنا لكى تعود لطبيعتها لابد ان اتوقف تماما حوالى 5 ثوانى .
*عند حدوث المشكلة الاحظ ان صوت السيارة اثناء السير خشن .
ذهبت للتوكيل اكثر من مرة وكذلك لمراكز الخدمة وغيرت الأيديل فالف وحساس الـ tps وسلوك البوجيهات بالإضافة للفلاتر ونظفنا البوابة اكثر من مرة وراجعنا واير الأكسلاتير والبكرة الخاصة به ولكن المشكلة تظهر وتختفى . لم يعد سوى تغيير كارته الكمبيوتر وعلى فكرة السيارة لا تسجل اى اخطاء . متوسط استهلاك البنزين حوالى 200 الى 220 داخل وخارج المدينة واستخدم بنزين 92 والسيارة موديل 11-2007 والعداد 90000 .

عند قرائتى لمشكلة الـ rpm بالأفيو وخصوصا انها منتشرة بها اعتقدت انها نفس مشكلتى لذلك سألت خبراء الدايو للتأكيد على ان السبب قد يكون فيشة الـ tps.
بإنتظار ردودكم وشكرا .

نفس المشكلة اللي عندي
تظهر احيانا وتختفي احيانا ومش عارف المشكلة فين..بس بدات اطنش