الموضوع: هل تقوم بتحديد النسل لمراعاة ظروفك أم تقول دي حاجة بتاعت ربنا ورزقهم بيجي معاهم ؟؟؟

الأخ Migo123: و مين اللى حرم وسائل تنظيم النسل؟؟ ممكن حضرتك تذكر أى فتوى تم ذكرها هنا أو من أحد العلماء حرم فيها وسائل تنظيم النسل؟ التحريم يقتصر على تحديد النسل بغير عذر طبى سواء كان بالاستخدام المستمر لوسائل التنظيم أو باستخدام وسيلة تعقيم ... أما استخدام وسائل التنظيم بهدف تنظيم النسل لا تحديده فأعتقد لم يحرمه أحد ... و العزل كان وسيلة معروفة على عهد رسول الله و لم ينه عنها و ان كان أشار إلى أنها لا تمنع ما الله خالقه (ربما فى اشارة الى عدم كفائة هذه الوسيلة). و فى جميع الأحوال فالرضاعة الطبيعية تؤدى لنشاط هرمونى طبيعى فى جسم المرأة مماثل للنشاط الهرمونى الناتج من تناول حبوب منع الحمل و بالتالى فمجرد انتظام المرأة على الرضاعة الطبيعية لمدة عامين هو عملية تنظيم للنسل طبيعية.

تنظيم النسل بمعني استخدام وسائل التنظيم للحالات الآتية
* سنتان رضاعه و شهور الحمل (من 30 شهر الي 33 شهر) فرق بين الأطفال.

يعني استخدام وسائل التنظيم لمده 3 سنوات بعد كل طفل ... حلال
ولو كانو 4 أو 5 يبقى حرام ؟؟؟

و فى جميع الأحوال فالرضاعة الطبيعية تؤدى لنشاط هرمونى طبيعى فى جسم المرأة مماثل للنشاط الهرمونى الناتج من تناول حبوب منع الحمل و بالتالى فمجرد انتظام المرأة على الرضاعة الطبيعية لمدة عامين هو عملية تنظيم للنسل طبيعية.

هي دي معلومه مؤكده؟؟؟

المشاركة الأصلية كتبت بواسطة Migo123

هي دي معلومه مؤكده؟؟؟

مفيش أى وسيلة منع حمل فعالة فى 100% من الحالات و لكن الرضاعة الطبيعية المنتظمة تعد أحد وسائل منع الحمل و مثلها مثل أى وسيلة أخرى قد يحدث الحمل أحياناً ... أنا لست طبيباً على كل حال و ممكن الأخوة الأطباء يفيدونا أكتر هنا ... لمزيد من التفاصيل راجع هذا الرابط:
http://www.fhi.org/en/RH/Pubs/factsh...astfeeding.htm

التحريم يقتصر على تحديد النسل بغير عذر طبى سواء كان بالاستخدام المستمر لوسائل التنظيم أو باستخدام وسيلة تعقيم ..

طيب لو مفيش عذر طبي من الناحية الجسديه
بس في عذر اخر سيكولوجي
بمعني اني مش اقدر امنح هؤلاء الاطفال اي قدر من الاهتمام والحب والتربيه والوقت والتعليم ....
بلاش نروح بعيد
اي واحد فينا الوقت اليومي اللي يقدر يديه لبيته مش ها يزيد عن 4 ساعات يوميا .... و ده في احسن الحالات والباقي للشغل والموصلات والمشاوير ووووو
ها تريح وتقرى جرنان او كتاب في ساعه
وتقعد مع مراتك ساعه
يبقى فاضلك ساعتين
تقدر لو عندك 5 اطفال
تقعد مع كل واحد فيهم قد ايه ...
وتلحق ازاي تعرف مشاكلهم وتناقشها معاهم


يا جماعه التربيه دلوقتي مختلفه عن زمان
دلوقتي ابنك ما بيشوفك وانت بتتعامل مع الناس .... لانك ببساطه مش بتاخده معاك يفلح في الارض ... ولا يرعى غنم .... زمان كان التربيه بدون مجهود ... الولاد بيتعلمو من الاب والام كل حاجه عن طريق الملاحظه والقدوه يا اما صالحين لو انت بتتصرف قدامهم صح .... يا غير ذلك

انت بعيد عن اولاد اكتر الوقت والام مشغوله ومطحونه اغلب الوقت
وكمان يبقو 5 عيال
لو كلو وشربو كويس ومعاهم فلوس ها يبوظو من كتر الفلوس
ولو مفيش فلوس ها يحسو بالحرمان والاهمال وانهم اقل من اقرانهم


الموضوع مش بسهوله الرجوع الى مصادر تاريخيه او مصادر من مجتماعات مختلفه عنا كليا ونقيس عليها حالنا

نفكر ونقيس على ظروفنا احنا
ونحترم رأي شيوخنا احنا ......... لانهم عارفين ظروفنا اكتر من شيوخ الجزيره العربيه
اللي ليهم مجتمعهم
وليهم ظروفهم اللي لا تقارن بنا
وشكرا