هي فعلا البلد مافيهاش شغل؟

**akramlail** · 07-06-2010 05:58 PM

على راى هنيدى فى فيلم وش اجرام وهوة بيدور على شغل ومش لاقى

هوة الشغل حرام يا عم الشيخ

**ahmed4000** · 07-06-2010 06:11 PM

مفيش فايدة محدش يحاول
ناموا ياشباب والشغل حينزلكم من السما..انت كقاية عليك درست وجبت المقبول ولا الجيد وتعرفلك كلمتين انجليزى وتعرف تفتح الكومبيوتر وتلعب جيمز ..خلاص مش مطلوب منك حاجة تانية...هى البلد دى هى اللى بنت.....

**hesham_tawfiq** · 08-06-2010 01:31 AM

المشاركة الأصلية كتبت بواسطة ahmed4000

مفيش فايدة محدش يحاول
ناموا ياشباب والشغل حينزلكم من السما..انت كقاية عليك درست وجبت المقبول ولا الجيد وتعرفلك كلمتين انجليزى وتعرف تفتح الكومبيوتر وتلعب جيمز ..خلاص مش مطلوب منك حاجة تانية...هى البلد دى هى اللى بنت.....

**al_manara** · 08-06-2010 04:39 AM

اكيد في فرص بس المهم ان الواحد يدور عليها (اعمل الي عليك) وكمان في بطالة بس لو بصيت لاغلب الناس الي مش بتشتغل هاتلاقي ان مستوي تعليمهم ضعيف جدا مقارنة بسوق العمل . فهو مستني الشغل يجيلة لواحدة من غير ما يتعب ويتعلم اكثر
حط نفسك مثلا مكان واحد صاحب شركة وجالك واحد للاسف موهلاتة ضعيفة ودة الاغلب يا تري هاتشغلة (طبعا هو معتمد علي الدراسة في الجامعة او المعهد وماحاولش في الغالب يتعلم حاجة تانية ولو اخد كورسات في اي حاجة هايكون خدها تاضية واجب مش اكتر ) ياتري هاتشغلة ؟ ولو شغلتة هاتشغلة اية ؟
اعمل الي عليك اتعب واتعلم ودور وابحث وكن علي يقين ب
(ان الله لا يضيع اجر من احسن عملا )
(وقل اعملوا فسيري الله عملكم ورسولة والمؤمنون )
(ومن يتق الله يجعل لة مخرجا ويرزقة من حيث لا يحتسب )
(من زرع حصد ومن جد وجد)

كن علي يقين بانك لو اجتهدت هاتلاقي فرصتك باذن الله

زي ايام الامتحانات
لو ذاكرت كويس جدا اكيد هاتجيب مجموع كويس جدا . ولو نمت طول السنة وذاكرت اخر يوم هاتجيب المقبول او جيد بالعافية و بعد الامتحان هاتكون نسيت كل الي ذاكرتة ليلتها . وبعد التخرج هاتاخد شهادة انك حاصل عليبكالوريوس كذا وكذا . لاكن هل ان اتعلمت حاجة فعلا اكيد الي نام طول ايام الدراسة في الغالب هاينام بعد التخرج لانة ما اتعلمش حاجة غير النوم . ماتعبش عشان يتعلم

**al_manara** · 08-06-2010 05:03 AM

بالمناسبة انا هاحكي موضوع بتاع واحد صاحبي او تقدر تقول علية اخويا وفي مرة تانية هاحكي الي حصل معايا برضة عشان الشغل . بس هو حكايتة قريبة سبحان الله غريبة .
صاحبي دة كان نفسة يشتغل في الطيران اي حاجة تخص الطيارات ولو هايسحهم . المهم الراجل دة بيشتغل في مجال الكومبيوتر . تقريبا جاب وسايط الدنيا كلها من لواء جيش وشرطة ورئيس قطاع المهم ما سابش حد يرفة الي وكلمة وراح قابل الناس وراح عمل انترفيوهات وبيقولولة هانكلمك ان شاء الله . شهر . اتنين . تلاتة . مفيش . طبعا وهو بيحاول ربنا كرمة واشتغل في شركة سياحة ليها 3 فروح فحتوة ب 500 جنية من صباحا الي 5 . المهم رجع يحاول تاني ويشوف لو المطار محتاج وظائف ويشوف الجرائد وبرضة بيحاول ومافيش فايدة لسة . عدت سة . سنتين . اما هو تقريبا جرب كل حاجة ومافيش فايدة . جاتلة فرصة سفر لبلد عربية يشتغل في مطبخ . سافر وقعد هناك سنة ورجع لان تعب اوي هناك .
ياتري عمل اية اول ما رجع . قعد يحاول تاني . وبرضة كالعادة . في يوم من الايام لقي موقع بتاع وظائف قال يشوف لو مش حاطط ال cv بتاعة علية يحطة . وبالفعل حطة . وبدا يدور علي شغل تاني . طبعا هو قاعد في البيت . عدي 3 شهور وهو بيدور علي شغل ومش لاقي حاجة تناسبة . لقي واحدة بتتصل بية وبتقول انت فلان . قالها اة . قالتلو طيب انت كنت حاطط ال CV علي موقع كذا صح . قالها اة قالتلة طيب انت عندك انترفيو في ( المطار) طبعا صاحبي دة كان هيجيلة الضغط وقتها ومش مصدق .
المهم عشان طولت عليكم
راح وعمل انترفيو . وبعدها دخل للمدير واعجب بية جدا (لانة كان كويس في مجالة) . وصاحبي قالو انامستعد ابدا من الصفر . فوداة مطار خارج القاهرة وقعد هناك سنة بيسافر كل اسبوعين . وبعد ما اثبت كفائتة اتنقل هنا القاهرة .
دي قصة كفاح واحد ( وبالمناسبة هو ما كانش بيبطل دعاء خالص ) .

ربنا يوفقك الجميع
المهم اننا نتفائل وبلاش نشوف كل حاجة وحشة لان اكيد في حاجات كتير مش كويسة للاسف . بس نتفائل

**sarawe511** · 08-06-2010 09:53 PM

استاذة علا احب اشكرك جدا ع فتح موضوع هام زي دة لانه اكيد يهم ناس كتير جدا . انا قريت الموضوع دة اكتر م 3 مرات و ف اول مرة قريتة كنت مضايق جدا م اراء حضرتك و ف المرة التانية كنت مضايق اكتر م اراء و ردود حضرتك . انا حاسس ان حضرتك مشحونة اوي ضد الشباب و واخدة عنهم فكرة وحشة انهم تافهين و كسلانين و فافي و مش بتوع شغل( نفس وجهة نظر اجيال الخمسينات و الستينات فينا) و ع فكرة الجيل الحالي لا يقل حماس عن جيل حرب اكتوبر بس المناخ المحيط فعلا اصبح صعب و مقرف بمعني الكلمة . يعني مثلا الحكومة معدتش بتعين حد (عدا الاطباء بس طبعا بمرتبات محزنة جدا لاتكفي حتي حق المواصلات) و باقي الوظائف ف بعض المجالات طبعا طبعا طبعا (من هنا لبكرة) بوسايط و طبعا ايلي بيقعد ع كرسي ف الحكومة مبيسبوش (حتي بعد المعاش بيتمدلهم سنوات اخري)الا عند الموت و يولع ب جاز الجيل الجديد ايلي عايز يشتغل...اذن الواحد كدة ينسي خالص انه ممكن يشتغل ف الحكومة . القطاع الخاص بقا موال تاني لوحدة ....اولا مفيش رقيب علية يعني ممكن مثلا م بكرة يمشيك و محدش يعرف ياخد معاه حق و لا باطل و غير المرتبات الضعيفة (معظم القطاع الخاص) و اكيد طبعا الواسطة لها يد خفية ف القطاع الخاص بردو.وكله كوم و اخوانا بتوع ال hr كوم تاني خالص .... اة التناكة ايلي هما فيها دي و ايلي يغيظك انهم يسالوك .. هو والدك شغال اة و والدتك شغالة اة ...هو انت كنت في مدرسة اة.... واسائلة غريبة جدا ملهاش علاقة بيك اساسا ... و بعدين هما مال اهاليهم( اسف ع اللفظ) ابوك و لة امك شغالين اة ولة فين و لة انت كنت ف مدرسة اة ( يعني لو واحد كان ف مدرسة حكومية ع اد حالة مينفعش يشتغل عندهم يعني) و ايلي يغيظك اكتر ان معظم الhr ستات..ممكن تقول كلهم كمان ..لية مش فاهم ...يعني م قلة الرجالة ف البلد دي ولة اة ...و بعدين احنا ذمبنا يعني اننا كنا ف مدارس حكومية و لة جامعات حكومية ..الحمد لله علي كل شي و م فضلك ي استاذة علا بلاش يكون ردك و حكمك قاسي و حاد ع الشباب ...لان ف ناس معهاش انها تاخد كورسات ف الجامعة الامريكية و ناس ساكنين ف اماكن بعيدة و معهاش عربيات و ف ناس شايلة هموم الدنيا فوق دماغها....وكان في مقولة قالها السادات ( رحمة اللة ) زمان ...(put your self im my shoes) يعني ضع نفسك مكاني و فكر بتفكيري لكي تعرف وجهة نظري......يعني حضرتك حطي نفسك مكان حد شغال ف و ظيفة (ضعيفة مادية) و متعبة جسديا و عصبيا و ف الشمس و مدي معاناتة ف الموصلات و حد تاني ف شركة محترمة ب مرتب عالي و مكتب و تكيف و معاملة محترمة و سيارة مكيفة تنقذة م زول و ارف الواصلات و الروائح الكريهة .....سوال لو اتقدم لبنت حضرتك عريس يعمل مندوب مبيعات ب مرتب 1000 جنية مثلا هل هتقبلي ام هترفضي ..واقعيا انا متاكد انك هترفضي .....انا اسف جدا رديت ع حضرتك بطريقة وحشة او غير لائقة بس ف الاخر الدنيا فعلا مبتطبطبش ع حد و (يا بخت م بكاني و بكي عليا و لا ضحكني و ضحك الناي عليا) اسف ع الاطالة
وبكرة ان شاء الله هحكي عن تجاربي الشخصية ف سوق العمل
(انا مهندس ميكانيكا قوي دفعة 2008)

**زينة الله** · 09-06-2010 08:46 AM

يا شباب هونوا على نفسكم شوية
انا معاكم ان الظروف سيئة جدا و ان التعلم (ْْْْْْْْْْْْْْْْ................* ) زى ما انتوا بتوصفوه
ودور الحكومة ودور وزارة القوة العامية (سورى العاملة )فى التوظيف (........................*) كل اللى انت عايز تقوله
و كمان معاكم ان فى حاجات غلط كتيييييييييييييييييييير فى القطاع الخاص و ضد قانون العمل
والمنظومة كلها ربنا اعلم بيها
بس احنا لازم نعيش و ما نستسلمش
يعنى الاخ sarawe511 ذكر مثال جميل جدا الرئيس السادات
لو شفنا سيرتة الذاتية تلاقية لما اترفد من الجيش اشتغل ايه عشان يعيش و هو الضابط المحترم
اشتغل عتال (شيال يعنى) عشان يصرف على نفسة و بيته واولاده
و اللى بنته الصغيرة ماتت من الفقر لانه ما كنش معاه يجيب لها دواء و هى عيانة
و فى نفس ما ستسلمش لشغلة الشيال دى وبس كدة لاااااااااا
ولما اعتقلوه قبل الثورة استغل فترة الاعتقال فى القراءة و اجاد اللغة الانجليزية
كان بيعافر عشان يبقى اقوى لحد ما وصل لرئيس جمهورية
و الامثلة كتييييييير وحكايات الكفاح كتيييير و اللى انت بتنحته فى الصخر عمره ما بيضيع
وعلى رأى المثل الانجليزى easy come easy go اللى بيجى بالسهل بيروح بالسهل

**venomixus** · 09-06-2010 01:42 PM

المشاركة الأصلية كتبت بواسطة tifana2010

يا شباب هونوا على نفسكم شوية
انا معاكم ان الظروف سيئة جدا و ان التعلم (ْْْْْْْْْْْْْْْْ................* ) زى ما انتوا بتوصفوه
ودور الحكومة ودور وزارة القوة العامية (سورى العاملة )فى التوظيف (........................*) كل اللى انت عايز تقوله
و كمان معاكم ان فى حاجات غلط كتيييييييييييييييييييير فى القطاع الخاص و ضد قانون العمل
والمنظومة كلها ربنا اعلم بيها
بس احنا لازم نعيش و ما نستسلمش
يعنى الاخ sarawe511 ذكر مثال جميل جدا الرئيس السادات
لو شفنا سيرتة الذاتية تلاقية لما اترفد من الجيش اشتغل ايه عشان يعيش و هو الضابط المحترم
اشتغل عتال (شيال يعنى) عشان يصرف على نفسة و بيته واولاده
و اللى بنته الصغيرة ماتت من الفقر لانه ما كنش معاه يجيب لها دواء و هى عيانة
و فى نفس ما ستسلمش لشغلة الشيال دى وبس كدة لاااااااااا
ولما اعتقلوه قبل الثورة استغل فترة الاعتقال فى القراءة و اجاد اللغة الانجليزية
كان بيعافر عشان يبقى اقوى لحد ما وصل لرئيس جمهورية
و الامثلة كتييييييير وحكايات الكفاح كتيييير و اللى انت بتنحته فى الصخر عمره ما بيضيع
وعلى رأى المثل الانجليزى easy come easy go اللى بيجى بالسهل بيروح بالسهل

هو ده الكلام.. اسعى يا عبد وانا اسعى معاك ... لا تراجع ولا استسلام

**n_i_t_e** · 10-06-2010 11:36 AM

المشاركة الأصلية كتبت بواسطة al_manara

زي ايام الامتحانات
لو ذاكرت كويس جدا اكيد هاتجيب مجموع كويس جدا . ولو نمت طول السنة وذاكرت اخر يوم هاتجيب المقبول او جيد بالعافية و بعد الامتحان هاتكون نسيت كل الي ذاكرتة ليلتها . وبعد التخرج هاتاخد شهادة انك حاصل عليبكالوريوس كذا وكذا . لاكن هل ان اتعلمت حاجة فعلا اكيد الي نام طول ايام الدراسة في الغالب هاينام بعد التخرج لانة ما اتعلمش حاجة غير النوم . ماتعبش عشان يتعلم

بس للأسف مشكلة الشغل هى امتداد لموضوع الدراسة و الأمتحانات...بمعنى أن فى كتير بيذاكر و يجتهد و ربنا يوفقه و يجيب تقدير و بعدين ميلاقيش شغل يناسب جهده و طموحه و أحلامه اللى هو قادر بعون الله يحققها لو لقى الفرصة اللى يبين فيها نفسه و فى المقابل للأسف تلاقى فعلا ناس كانت نايمة و مش فى دماغها المذاكرة و بتنجح بالعافية و عارفة أن الشغل مستنياها بسبب الواسطة و مش مهم كم المعلومات Powerful background اللى ياخدها من دراسته لأنه ضامن شغلته بالواسطة. و دي مشكلة كبيرة د. فاروق الباز مرة قالها أن علشان الوضع يتحسن لازم كل فرد يتحط فى مكانه الصحيح.
لأن الموضوع كله ادارة موارد عشان انتاجية معينة...يعنى لما مثلا محاسب شاطر فى الحسابات يشتغل فى بنك انتاجيته هتكون أعلى و هيفيد البنك بتاعه و فى نفس الوقت هو مبسوط و مستمتع بشغله اللى حاسس فيه انه انسان مفيد... لكن لما يكون المحاسب بيبيع مثلا فى محل لبس محتاج واحد بمهارات تانية مش عنده زي كيفية ارضاء الزبون هتبقى انتاجيته أقل و لا هتلاقيه مبسوط و لا بيطلع انتاج لصاحب الشغل كويس لأن مفيش ادارة موارد و للأسف أهدار الموارد البشرية فى مصر أعلى من قدرتنا على التخيل. فالموضوع مليان غلطات الشباب ملوش ذنب فيها
كنت أتمنى لو كان الموضوع مثالى زي ما حضرتك قلت بس أتفق معاك أن الموضوع كله ينحصر فى (أعمل اللى عليك) و أغتنام أنصاف الفرص و دي الفكرة اللى صاحبة الموضوع بتناقشها لأن ده وضع بلد مش وضع فردي.