الموضوع: هي فعلا البلد مافيهاش شغل؟

المشاركة الأصلية كتبت بواسطة karim_monir

رغم انك خرجت عن الموضوع
ورغم اني مابحبش الخروج عن اصل الموضوع
الا ان الجملة دي بالذات بقابلها يوميا في نطاق عملى
هي بنت ناس ومعاها عربية اخر موديل وساكنة فين ومرتبها كام
(وهو حتى لو زيها وفي سنها و وظيفة اقل لانها ممكن تكون مهندسة وهو محاسب وفي فرق محترم في المرتب)
يا دوب لم تمن الشقة ومعاه عربية صغيرة
يبقي مش عارف لو اتقدملها هاترضى بيه ولا لاء
وبشوف مواقف كتير من دي ومعجبين ببعض ومتوافقين عقليا
وتقيه راح خد واحدة صغير من الخدمات المساعدة ولا السكرتارية ولا حتى واحدة صغيرة قوي ومن برة الشركة بس عشان مايحسش انها اعلى منه
طيب بالذمة ده كلام
ومرة كنت انا وسيط شخصي بين اتنين معجبين ببعض جدا ولكن عشان نفس الحالة
مرتبها اعلى
وظيفتها اعلى
وهما نفس السن
وهو يا دوب جاب شقة وبيجهزها بالاقساط
دخلت وسيط ورغم ان الموضوع نجح من اكتر من 5 سنين
الا انها كانت اول واخر مرة عشان اللي شوفته من بهدلة

انا نفسى الشباب يكسروا الحاجز النفسى دا طالما متوافقين عقليا ومتفقين
يعنى هيه سنة دراسة فرقت كتير قوى
(دى ممكن تكون بسبب سؤال نسيتة فى الامتحان او نص درجة فى الثانوية)
و مش كل المهندسين الرجال احسن من المحاسبين
و كثير من قريباتى طبيبات رفضن الزواج بطبيب لانهم لما شافوا زملائهم كان فى سلبيات كتير اكتشفوها و اعترضوا عليها
المسأله مش مركز اجتماعى و منظره وبس فى حاجات كثير اهم
الارزاق مش بالشهادات و ياما تجار اميين اغنى من مراكز كبيرة
و مثلا دبلوم الصنايع فى شركة الغاز بياخد اكثر من مهندس فى شركة الكهرباء باقالوا عشر سنين
الدين والاخلاق والتوافق والتقارب الاجتماعى اهم

[QUOTE=OlaOsman;3872726254]

المشاركة الأصلية كتبت بواسطة grumby78

على فكرة انا شغالة في مجال التوظيف بقالي 12 سنة و أحب أقول لك ان الخريج اللي معاه إنجليزي كويس بيشتغل في وظايف كويسة في شركات محترمة و بمرتبات مجزية جدا. إنما اللي فضل في الكلية 4 سنين و في الأجازات بينام لحد العصر و مقضيها طول الليل مع أصحابه و محاولش يحسن نفسه في اللغة ولا عمل خطة لما بعد التخرج، يبقى لما يتخرج لا يلومن إلا نفسه.. إنما للأسف احنا بنكون مقصرين و اسهل حاجة نعلق تقصيرنا على 100 شماعة جاهزة للاستعمال في المواقف اللي زي دي.

الكلامم دا 100% صح
انا هرجعك بالتاريخ ورا بتاع 4 سنين او اكتر لو تفتكري جروب المحروسه حضرتك كنت بتبعتي الوظايف المطلوب ناس ليها و سألتك ساعتها عن CPA و قلتيلي انها مطلوبه
صحيح معملتهاش بس عملت Certificate تانيه وانا في الجامعه و لله كنت في انتبرفيو بتاعت طلب التسجيل بتاعه الشهاده قبل امتحاناتي باسبوعين و الدكتوره الي بتعملي انترفيو بتقولي مش عندك امتحانات هتحضر ازاي قلتلها الي عاوز يتعلم لازم يستحمل
الحمد لله ربنا كرمني بشغل قبل حتي ما استلم شهادتي و لا اعرف حتي انا اتخرجت ولا لا و الحمدد لله دلوقتي شغال في شركه Multi National و مرتبي والحمد لله محترم جدا كل دا بتوفيق من ربنا و المجهود الي عملته

انا مؤمن ان الجامعه عمرها متشغلك لاكن سعيك هو الي هيشغله
في دكتور محترم جدا في الـ AUC قالي مره حكمه
كل الشهادات الي بنعملها دي مهمتها انها توصلك لحد غرفه المقابله الشخصيه بعد كده دماغك و تعبك هو الي هيشغلك

أعتقد الحب والارتباط مالهومش دعوة بالمرتب ولا العربية نوعها ايه. اللي يخللي الموضوع قوي ومتماسك عوامل زي التفكير والزوق والثقافة الاجتماعية وده كمان ينطبق على توافق عائلات الاثنين

صحيح يا مدام علا اوصل للجروب بتاعك علي الفيسبوك ازاي؟؟

المشاركة الأصلية كتبت بواسطة ultrasoft

فى دمياط .. عندنا بنعمل حاجة حلوة .. معظم الاهالى واحنا فى ابتدائى ولما تيجى اجازة الصيف .. بننزل نشتغل .. اى حاجة .. نقف فى ورشة نجارة (وده الغالبيه ) .. صيادة .. ميكانيكا .. بقاله .. اى حاجة المهم متتعودش انك تقعد فى البيت .. وفى نفس الوقت تتعلم (صنعة) لان هياا دى الى هتنفعنا فى حالة فشلنا فى الحصول على وظيفة بعد التخرج .. بالتالى بنتخرج من الكلية .. واحنا معانا خبرة عملية و مش شايلين هم شغلانه الا اذا كان هدف معين فى دماغ الواحد .. علشن كده تلاقى اقل محافظة فى معدل البطالة - اللهم لا حسد - و بجد هيا تجربة حلوة .. ومش عيب عندنا اننا مهما كان مؤهلنا اننا نشتغل اى حاجة .. طالما حلال ...

على فكرة ان باحترم واحب اسلوب الدمايطة دا جدا
ويا ريت التجربة الدمياطية دى تتطبق فى كل محافظات مصر
وهى فعلا موجودة فى بعض المحافظات الزراعية
و لما الواحد يبدأ باى شغل حلال ويعمل قرش كويس
بيرفع معنوياته و يساعده وهو بيدور على حاجة افضل على الاقل نفسيا
يعنى زى ما حضرتك قولت لو فشل يبقى حرفته بديل
من هنا بيفكر من غير ضغط نفسى ويقدر يطور نفسة بطريقة افضل