الموضوع: هي فعلا البلد مافيهاش شغل؟

فيه شغل طبعاً بس معظم الوظائف الخالية هي فضلات الوظائف أو الوظائف اللي الناس بتهرب منها زي خدمة العملاء والمبيعات. أما الوظائف الآدمية فدي محدش بيفرط فيها وبالتالي ال Turn over بيبقى متجمد تماماً. لو بصينا على الحال من فوق يعني بنظرة عامة حنلاقي مفيش تخطيط ولا نظام .. يعني في أي مجال من المجالات مفيش تخطيط للمدى البعيد وكمان القريب.. الناس اللي بتتخرج أكثر من الطلب. وكمان التوزيع السكاني كله متكدس في نسبة لا تتخطي 5% من مساحة مصر. الحل من وجهة نظري هو الأعمال الحرة ومشروعات لشباب الخريجين... بس فين التمويل الحقيقي؟؟؟ آسف على الاطالة

[quote=terrible_darsh;3872729025فى الاول حسبت المصاريف اللى بعدفعها لاقيت ان الشغل جاى بالخسارة مقارنة بالمرتب و قلت عاااااادى جدا انا مش شغال علشان الفلوس و ضحكت على نفسي و مشيت بالمبدا اللى انتوا فاكرينه صح ده .[/quote]

إنت جبت نقطة مهمة جداَ يا درش .. فيه شغل كتير جدااااااااااااااااااااااا اااااااااااااااااا مش بس بمقابل زهيد .. لأ إنت اللي بتصرف عالشغل أصلاَ !! يعني انا إشتغلت في أماكن كتير كنت بصرف إتصالات و إنتقالات و أكل يمكن خمس أضعاف اللي باخده!! و كنت بعمل كدة لإكتساب الخبرة فقط! دلوقت يعني هه المقابل بقي يسند اللي بيتصرف بس طب منا كدة لو عايز أغير العربية ولا أشتري شقة ولا أتجوز ولا أعيش حياة عادية عايشها أي إنسان عادي في أي مكان في العالم هجيب منين إذا كان انا أصلاَ اللي بصرف علي شغلي!! و كل المؤسسات اللي بتقعد تطبل إن مفيش عدل في المرتبات و المصريين فقراء و بتاع من الميديا هي نفسها بتستعبد الناس اللي شغالين فيها و مفيهاش فلوس!

فا ده مش بس مفيش فلوس لأ ده في أحيان كتير إنت اللي بتصرف عالشغل عشان متقعدش في البيت .. طب (كلمة إسكندرانية إعتراضية شهيرة) يعني !

المشاركة الأصلية كتبت بواسطة motorizer

هي الفكرة يا علا إن فيه شباب بيبقي عندهم حماس كبير و "بيفحتوا" نفسهم لحد ما يبقوا محترفين في شغلهم أكتر من أكبر مدير ممكن يشتغلوا عنده!
و يطلع يلاقي إنه هيشتغل في مكان يتدفن فيه و يبقي موظف و يلف في الساقية لحد ما يبقي بني أدم عايش و خلاص كدة

فيه شغل كتير بس مفيش فلوس .. مينفعش أبقي معايا دكتوراة و أروح أشتغل زبال .. علي نفس المقياس .. مينفعش يبقي معايا بكالريوس بدرجة إمتياز ولا جيد جداَ و أروح أشتغل مندوب مبيعات ده ممكن أشتغله قبل أو أثناء الجامعة.

المشكلة إن الوضع في مجتمعنا زي الطين و مفيش مجال لللإصلاح و مطلوب من الشباب التأقلم عالفساد !
إن مش المقياس هو شغلك .. لأ المقياس مين معارفك و أبوك مين و خالك مين و جدك مين و تقدر تشتري مين في مكان إيه

الواحد عشان ينجح في مصر لازم يبقي سوبرمان و فيه ناس كتير كدة .. و فيه ناس كتير مش كدة! أصل إحنا بني أدمين برضه مفيش حد جبل يعني .. الواحد عشان ينجح لازم يثبت نفسه و بعد ما يثبت يثبت شوية كمان .. و بعد ما يثبت كمان يبقي مطلوب منه يثبت شوية كمان .. و بعديها يا سلام بقي لو تثبتلنا شوية كمان .. و في الأخر بقي إثبتلنا حبة !

فيه ناس عندها all or nothing at all
لأن متجيش لواحد تقوليله إنسي أحلامك كلها و سيب البنت اللي بتحبها عشان مش هتلاقي تتجوزها و بعد كدة إنسي إنك تجيب عربية عشان مش هيبقي معاك فلوس و هتفضل عايش مع أبوك و أمك عشان مش هتلاقي تسكن و مش هعملك تأمين لو مت روح في ستين داهية و تستني إنه يبقي سعيد بالعرض ده !

في بلاد أخري غير بلدنا الحبيبة الفكرة ليها فلوس و مش بس فلوس لأ ملايين .. هنا الدماغ بالبني أدم بتاعها كله علي بعضه كدة ملهاش ثمن!

كل الكلام الى حضرتك قلتلة هو الى بقولة من الصبح
بس حضرتك طبعا كلامك وتنسيقك فى الكلام اوضح منى بكتير

المشاركة الأصلية كتبت بواسطة karim_monir

تجربة شخصية في البحث عن عمال
بقالي شهر
بدور على عمال غسيل سيارات ودول بياخدو مرتبات معدومة لان اعتمادهم كله على البقشيش وبيطلع لهم بقشيش كويس طول مابيشتغل كويس
بقالي شهر بدور على 6 عمال حتى لو مالهمش خبرة هاعلمهم
في حين ان محمد ومحمد شركائي كانو بيشتغلو في نفس المهنة وهما طلبة في كلية الاداب جامعة ......
طبعا في شغل
وفي الشارع عندي في اكتر من 5 محلات حاطين يفط مطلوب عمال

هرد على حضرتك بالنسبة للشغل فى المحلات (ناس اعرفهم اشتغلوا فى محلات)
اى واحد بيروح يشتغل بيتفق على مرتب مع صاحب المحل مثلا 300 جنية فى الشهر
بيجى صاحب المحل فى اخر الشهر يقبضة 270 جنية يجى العامل يقولة لية يقولة معلش المحل نايم والموسم اتضرب والحكاية والرواية
الشهر الى بعدية يديلة 250 فابيمشى العامل

لذالك جميع محلات مصرحطين ورقة فى الباترينة مطلوب شباب للعمل تتشال شهر وتتحط تانى

المشاركة الأصلية كتبت بواسطة أبـو آســـــر

الشغل بيجيب شغل

باشا انت جبت المفيد انا والله مكنت بقول لاى شغل لاء حتى لو الناس شايفاه حقير
انا شايف ان فية شغل فى البلد بس لازم الواحد يسعى شوية وربنا بيقول اسعى ياعبد وانا اسعى معاك