الموضوع: هي فعلا البلد مافيهاش شغل؟

المشاركة الأصلية كتبت بواسطة olaosman

يا درش.. إنت مصر تتكلم في نقطة غير اللي انا طول الصفحات اللي فاتت دي باتكلم فيها.

انت بتتكلم عن الوظيفة "المناسبة" و انا باتكلم عن وظيفة بدل القعدة في البيت، و على هذا الأساس بيتمحور كلامي و على هذا الأساس باقول ان فيه شغل. طبعا ده غير الشغل المناسب للشهادة الجامعية اللي برضه موجود في البلد. طبعا مفروغ منه إن مش كل الشركات بتوظف طول الوقت، فيه شركات و حتى الكبيرة منها بييجي عليها وقت في السنة بتعمل freezing لأي تعيينات و تقضي نفسها باللي عندهم لحد ما يعملوا unfreezing للتعيينات تاني. إنما في المجمل آه في وظايف كويسة في شركات كبيرة، و إلا ماكنتش أنا و غيري من اللي شغالين في شركات توظيف مالية البلد كان زمانا عارفين ناكل عيش، و كنت زماني غيرت كارييري من زمان على أساس يعني ان المجال ده مش بيأكل عيش على أساس ان مافيش وظايف في البلد.

الخلاصة تاني يا درش عشان ما نبقاش بنعيد نفس الكلام هو هو تاني:
1- فيه شغل في البلد؟ آه فيه
2- متخرج و مش لاقي شغل:
- عايز تشتغل في تخصصك يبقى تأهل نفسك لسوق العمل و تشوف ايه المطلوب منك من مهارات
و تحصل عليها. شوف اللي اتخرجوا و اشتغلوا في تخصصاتهم عملوا و اعمل زيهم
- عايز تشتغل و مش لاقي في تخصصك و لسه شوية على ما تقدر تأهل نفسك، يبقى تشتغل أي
حاجة على ما تلاقي و زي ما قال أخونا الكريم هنا في الموضوع: الشغل بيجيب شغل
3- كنت بتشتغل و سبت الشغل و مش لاقي شغل تاني: يبقى تحاول تشوف مشكلتك فين و تحاول تحلها باستشارة متخصصين أو سؤال السوق دلوقتي محتاج إيه و أقدر أوصل لده إزاي؟ و اللي عندهم تلات أربع سنين خبرة و بياخدوا مرتبات محترمة عملوا أيه عشان يبقوا كده (طبعا كله أرزاق، إنما بالتأكيد فيها حتة إجتهاد) و يا ترى السي في بتاعتي فيها مشكلة؟ طيب لما باروح اعمل انترفيو هل باعمل حاجة غلط انا مش عارفها؟ ممكن تروح تحضر محاضرات و ورش عمل عن كتابة السي في و حضور الانترفيوهات و دول كتير و عشان ماحدش يقول لي طيب و انا مش باشتغل هاصرف عليهم منين، هاقول له فيه جهات بتديها مجانا أو بأجر رمزي جدا زي زدني مثلا.
4- اللي بيسعى بجد و عايز يتشغل بجد و يبقى حاجة بجد ربنا بيساعده.
5. اللي بيسعى بجد و عايز يتشغل بجد و يبقى حاجة بجد ربنا بيساعده.
6. اللي بيسعى بجد و عايز يتشغل بجد و يبقى حاجة بجد ربنا بيساعده.

بس إنت خبط على كل الأبواب.. أكيد فيه باب منهم هايفتح.. ربنا هايخليه يتفتح لك.. و مافيش باب هايفتح لك من غير ما تخبط عليه.

و الله انا بناقشك فى كلامك مش كلام حد تانى .

طب انتى اهه بتقولى اللى بيسعى بجد ربنا بيساعده , طب هو ده كلام محتاج تاكيد ما طبعا ربنا بيساعد المجتهد و لكن الناس اللى عمالة تقول رحنا انترفيوهات و خدنا كورسات و عملنا و سوينا و برده مفيش شغل , سيبك من هما صح و لا غلط , بس ده مش نوع من الاجتهاد ؟؟؟

و بعدين للمرة المليون اللى مش عايزة تاخدى بالك منها يا علا :)

لما واحد يدرس و يتخرج و يبقي مطالب منه ( فلوس + تعب + تعليم اضافى + كسب خبرة + حاجات كتيرة اوى ) علشان يلاقى بس شغل او يتم قبوله فى شغل , فده عيب تعليم و نظام دوووولة كامل مش عيب الشاب .

المشاركة الأصلية كتبت بواسطة hany_mohamed

أيون كده مش يمكن هناك تلاقى شغل وكمان يمكن عروسة والا حاجة:f_eyeb1[1]:
وعموما الشغل يا باشا عامل كأنك بتلعب جيم فيها أكثر من مستوى
المستوى الاول ما بيحتجش مهارات كتير بس النقط اللى بتحصل عليها مش كتير وكل ما خبراتك فى اللعبة تكبر كل ما تقدر تتنقل للمستوى التالى
وكل ما تقدر تتنقل من مستوى لمستوى أكبر كل ما تقدر تحصل على نقاط أكثر لحد ما توصل للمستوى اللى يرضيك نفسيا أنك تكون فيه .
سؤال لولبى : ايه الراتب اللى ممكن تبدى توافق بيه ؟ وأيه مستوى الوظيفة اللى ممكن تقبل بيها
يعنى ادارة عليا - متوسطة - تشغيلية ؟؟

والله انا بالنسبالى المرتب مش عامل اساسى قوى قد نوعية الشغل نفسة يعنى احس انى بشتغل بجد
بنجز حاجة وبتعلم منها وباخد خبرة اية هيا الشغلة دى مش عارف
حتى لو كانت شغلانة من تحت قوى بس شايف انك هتكبر بعد كدة حاجة مؤمن بيها
اية هيا ؟؟ حاسس انى بقول فوازير

المشاركة الأصلية كتبت بواسطة ams

'Intelligence plus character - that is the goal of true education.' - Dr. Martin Luther King, Jr
هو ده اللى المفروض تطلع بيه من الكلية
مش النظريات او التكنولوجيا
لااااااااء ابدا[OVERLINE]
انت بتتعلم ازاى تفكر ؟ ازاى تعلم نفسك ؟ ازاى تتطور ؟ ازاى تكون عندك ثقة فى نفسك و فى رأيك و منطقك ؟ ازاى تبقى عندك مهارات شخصية بسيطة جدا لكنها صعبة فى ان الواحد يتعلمها و يطبقها ؟[/OVERLINE]

بعدها تقدر تعمل اى حاجة ، و تتعلم اى حاجة و تشتغل اللى انت عاوزه

عندك الحاج محمود العربى صاحب مصانع توشيبا مش بيعرف يكتب و اخره فى التعليم الكتاب ، بس عنده الاهم اللى قولت عليه فوق ده

اسمحلى يا باشا اعترض لانى مش موافق على كلامك اطلاقااااااااااا ..

يعنى انا دخلت كلية نظم و معلومات و بدرس كل ما يتعلق بالحاسب و المحاسبة و التجارة و حاجات تانية كتير , علشان لما اخلص باذن الله اشتغل فى المجال ده لانى الحمد لله كويس فيه , انت بتقول بندخل الجامعة علشان نعرف نفكر ازاى و ازاى اتطور !!! دى ممكن اخد كورسات تنمية بشرية فيها احسن لان الجامعة من وجهة نظرى ببساطة مكان لدراسة التخصص اللى البنى ادم بيحبه فقط .

بالنسبة لكورسات انجليزى انا بتعامل يعنى وبفهم كويس بس كلام مش قوى رايكو ابتدى كورس محادثة ولا اية ؟
واحسن مكان وسعرة كويس فين ؟
عشان انا تهت بصراحة بعد المناقشة مبقتش عارف العيب فيا ولا فمين
ولا ازاى ؟
هوة فى اية ............