كلمة ونص 23 مايو 2007

**noon_eg** · 24-05-2007 06:19 AM

العرب عامة والمصريين خصوصا مصابون بمرض الفصام

بس الفصام ده مش واحد عنده شخصيتين

لا ده شخص واحد شايف الدنيا بنظرتين مالهومش اى علاقه ببعض

ازاى ؟

لما يكون بيعمل اى حاجه لها علاقه بالدين والخير تلاقيه كويس

ولما الموضوع يدخل فى الدنيا تلاقيه بقى واحد تانى وتلاقى كلام غريب زى " انت ما تعرفش انت بتكلم مين" وتصرفات اغرب زى " موضوع ان مش ممكن يسيب عربيه تعدى منه حتى لوا حيتسبب فى حادث" او محاوله تدمير اى مجهود طيب للاخرين والاحساس بالانا فقط لاغير

ده فى وجهه نظرى هو السبب اللى بيخلى النااس تتصرف بطريقه مش طبيعيه

وده له اسباب :

1- القهر والظلم وعدم الثقه بالنفس

2- عدم تطبيق المعاملات الاسلاميه فى الحياه اليوميه والاقتصار على الصوم والصلاه وبس

**Santino** · 24-05-2007 08:23 AM

أنا رأئي إنها مسألة عِند ( بكسر العين ) , يعني كل واحد بيعند مع التاني , أنا اللي ح أعدي , طيب و الله مانا معديك , و هكذا . و العند ده بيسبب حوادث كتير خصوصاً في التقاطعات اللي هي معظمها من غير إشارات و بتبقي ماشية بالبركة . :twisted: :twisted:

**amrrashed** · 24-05-2007 10:21 AM

هو الناس فى مصر خلاص اعصابهم مشدودة زى الاستك اقل حاجة الناس تمسك فى بعضها شوفوا مثلا الكاميرا الخفية الاجنبية تلاقى الناس بتاخد الدعابات واحيانا بتكون سخيفة جدا بصدر رحب ازاى .... لك الله يامصر