كلمة ونص 23 مايو 2007

**sab3aawy** · 23-05-2007 01:32 PM

ليه لما بكون ماشى على طريق طوالى فى الشمال وسريع واعدى جنب واحد كان ماشى فى اليمين بالراحة وفى حاله يصيبه جنون الإضطهاد ويقرر انه يحرق على عربييته ويرمى نفسه شمال ويسد على السكة ويضطرنى انى ارمى يمين علشان اعدى منه وابص فى المراية الاقيه عمال يلهب كبد عربيتة بالسياط علشان يعدى منى انتقاما لما يظن انه كرامته التى اهدرتها، مع انه فى كثير من الاحيان هو بيكون راكب عربية مرسيدس كومبريسور مثلا وانا راكب سيات 133، يعنى لا يمثل عبورى منه اى اهانة لكرامته لأنه معروف ومفهوم انه لو كبس على عربيته الهواء اللى طالع من شكمانه هايطيرنى من على الطريق، اوا العكس يكون هوا راكب 127 مثلا(دايما بلاحظ الحالة دى عند راكبى ال127 بالذات) وانا راكب عربية حديثة تخفى تحت كبوتها اكثر من 100 حصان ، يعنى مهما هو عمل بالأربعين حصان اللى عنده مش هايحصلنى، فانا مش فاهم ليه العقد العجيبة عديمة المعنى دى؟

**شريف** · 23-05-2007 01:36 PM

دة لغز من الغاز المواطن المصرى بكل فئاته

**memo_hefnawy** · 23-05-2007 01:40 PM

هو سلوك و ثقافة كامنه فى شخصية الكثير و يتناقلها الأجيال و للأسف الإبن يتعلمها من أبيه و هكذا

نفس الشئ هو شعور العداء فى كل الأفعال ممكن تكون بتعمل أى حاجة للأسف تلاقى الطرف الآخر واخد الموضوع على إنه عداء و حرب و تحفذ فى الوقت نفسه ممكن تكون كنت رايد له خير بس هى ثقافة شعب :(

**أبو عبدالله** · 23-05-2007 01:46 PM

الشعب المصري بقه عنده كثير من العقد المعقده للتعقيد المعقد الذي بالتالي يؤدي الى ......... المهم

احنا من كتر الأضهاد اللي الناس شافته ما بيصدق يطلعه على اللي زيه او اللي اعلى منه بشويه في اي حاجه هو حاسس انه يقدر عليها

**إسلام شاهين** · 23-05-2007 01:50 PM

أنا رأي الشخصي إن التصرف ده بيرجع لشخصية الإنسان نفسه لأنه بيحس إن ده نوع من التحدي ليه ولعربيته مهما كان نوعها حتى لو كان راكب موتوسيكل أو كارو وأنا شخصيا اتعرضت للموقف ده مع نص نقل دبابة ولما عديت منه وبمنتهى البساطة لأنه كان ماشي براحة أجنن عليا وفضل يحاول يعديني على الدائري من السلام لغاية كارفور لغاية ما أنا ركنت وسيبته يعدي علشان المسألة مش بالصورة اللي هما بيحسبوها .
عدي يا سيدي عدي

**Karim_Monir** · 23-05-2007 02:11 PM

قابلتها كتير قوي علي طريق مصر اسماعيلية بس لو اتغابي بتاغبي علية وافرج علية عربيات الطريق كلة

**وائل عطية** · 23-05-2007 02:14 PM

بس لو اتغابي بتاغبي علية وافرج علية عربيات الطريق كلة

قصدك " يلكونات " العمارة كلها ياكريم :lol:

**hazem_khidr** · 23-05-2007 03:51 PM

موضوع فعلا يضايق و دا بيجي من كميه الحقد اللي الناس دي حاسه بيه

**noon_eg** · 24-05-2007 06:13 AM

المشاركة الأصلية كتبت بواسطة Midzy

دايما بلاحظ الحالة دى عند راكبى ال127 بالذات

معاك حق فعلا كل الى راكبيين 127 ميحبوش حد يعدى منهم خالص اكتر من واحد صديقى كده والغريب انهم معتقدين انهم ممكن يسبقوا اى عربية ! (مع كامل احترامى وتقديرى لملاك الـ 127)

تقصد ايه سيادتك ؟ بالنسبه للعربيه 127 ؟ واللى بيركبوها !

الصراحه من اسوا ما ركبت فى حياتى ههههه

الموضوع: كلمة ونص 23 مايو 2007

LinkBack

أدوات الموضوع

عرض

كلمة ونص 23 مايو 2007 - انشر الموضوع فى :

-

-

-

-

-

المواضيع المتشابهه

كلمة ونص 20 مايو 2007

كلمة ونص 17 مايو 2007

كلمة ونص 9-مايو-2007

كلمة ونص 11-مايو-2007

كلمة ونص 8-مايو-2007

الكلمات الدلالية لهذا الموضوع

المفضلات

المفضلات

ضوابط المشاركة