الموضوع: مشكله محتاج تفكروا معايا فيها

البوجيهات وحشه الصراحه

البوجيهات لسه متغيره بعد المشكله ما ظهرت اسلاك البوجيهات لسه متغيره

وعاوزين نعرف تسلسل الأحداث برضه

يمكن يكون عيب سلوك أو عيب بوجيهات برضه

وأذا كان على البوبينا

ممكن تجرب بالبوبينا بتاعت عربيتك فى عربية صاحبك

وجايز يكون أبو يوسف

عنده حق فى زيادة ال pulse widith

لأن على ما أتذكر المفروض تبقى أاقل من كده على السلانسيه

أعتقد 1.8 مللى ثانيه ( أنا مش فاكر الرقم أوى الصراحه ....بس هى أاقل من 2.2 مللى ثانيه )

العربيه متغيرلها رشاشات من حوالي 6 شهور برشاشات هيونداي والاستهلاك كان متظبط خالص وتم فحص الرشاشت بعد المشكله كانت مظبوطه وشكل البخ بتعها مظبوط ونسبه مظبوطه وتم تنظفهم بالاترا سونيك

ياريت برضه

نعرف الرشاشات أتفحصت أزاى

وهل تم قياس مقاومة الرشاشات بالأوم ميتر

ومعرفة قيمة المقاومه لكل ملف رشاش

تسلسل الاحداث كالاتي بعد المشكله ما ظهرت حطيت العربيه علي الاسكنر مكانش فيها حاجه بعد ما شيكت علي كل حاجه غيرت الاسلاك وكان فعلا فيهم سلك وحش سايح شويه ما ناحيه البوبينه وبعدين غيرت البوجيهات والبوجيهات اللي في الصوره ديه اللي كنت مطلعها منها وهي برده كانت متغيره من فتره صغير برده ما تتعداش اشهر قليله الرشاشات اتكشف عليها بالاسكنر وبعدين حطيتها علي الالترا سونيك وبعدين علي جهاز بيقيس نسبه رش كل رشاش في زمن معين اولا النسب كلها متساويه للاربعه رشاشت شكل الرش منتظم الاوم بتاع الرشاشات كان تقريبا 12 اخر مره قسته الاربعه زي بعض
موضوع اني اغير من عربيتي صعب لان عربيتي في بلد وانا مع صحبي في بلد تاني دلوقتي بس ممكن ادور علي حد هنا يكون معاه دايوا واجرب بس لو الموضوع استمر انا ها تكبر في دماغي واسافر اجيب العربيه او اسافر بالعربيه ديه
ملحوظه العربيه بعيد عن السلانسيه يعني في السحب والجري عشره علي عشره مفهاش غلطه وبجيب ال60 مرتاح علي التاني و100 علي التالت لما بكون قارص عليها وفي الطبيعي 40 - 60 وجبت بيها 170 مرتاح خالص يعني طالمه مشيت بقت تمام المشكله علي السلانسيه المتور بيترجف
بنسبه لزمن فتح الرشاشت هو علق عليه فعلا باش مهندس ممدوح ومش عارف راح فين تقلان علينا بس هو لو كده الزمن كبير تبقي المشكه فين هل الرشاشات نفسها طيب مش فيه حجات تاني مسؤله عن زمن فتح الرشاشت ممكن حضرتك تقولي علي كل الحجات اللي ممكن اختبرها وانا معايا كابل الاسكنر اقدر اجبلك كل حاجه بالتفصيل
هل في تفسير لشكل الحرق الاسود اللي علي اطار البوجيهات هل ده طبيعي
شكرا علي الاهتمام ده

850 - 900 rpm

وكان فعلا فيهم سلك وحش سايح شويه ما ناحيه البوبينه

طيب تابع اللى زيه الجديد

وشوفه بيسخن برضه من عند البوبينا ( فى نفس المكان ولا لا )

وبرضه طمنا على شكل البوجيهات الجديده

بعد ماتدور شويه فقط ....وشوف عليهم زيت مكنه ولا

يعنى سخن وأنت واقف وبطل وطلع البوجيهات وشوفها معرقه زيت ولا
لا

ومتمشيش بالعربيه قبل ماتكشف على البوجيهات بعد فترة التسخين
والرجرجه والنتشه أياها

_________________________

وياريت تكتبلى الأرقام اللى على البوجيهات الحاليه والقديمه ( علشان عاوز أعرف المدى الحرارى للبوجيهات )

وسؤال آخر .....أيه أخبار الثغره بتاعة البوجيهات

ظبطها قبل التركيب

ولا من العلب على المكنه ...............؟