النيو سيراتو...ما لها وما عليها

**Raul_7** · 19-06-2010 04:13 AM

التكييف
تكييف العربيه جيد جدا مش ممتاز
متشتكيش منه الصراحه لكن يعيبه صوت المروحه المرتفع من أول 3
وعلشان هو مش ممتاز هتحتاج تطلع ل3 بالضروره وساعتها هتحس بأزعاج المروحه
مبيأثرش بصوره ملحوظه على سحب أو أداء العربيه تقدر تجرى وتحرق وتشد مع التكييف وهتلاقى الاستجابه
لسه طالع من واحد sx نحاسى على مصر السويس وأنا راجع "مفيش غير سيراتو فى الشوارع بنبلطج على بعض بقى :))" وكنت مشغل التكييف محستش بفرق
الخلاصه تكييف قوى لكن مزعج على 3 غير مؤثر على العربيه ولا أعتبره من عيوب العربيه

أنا بصراحة ركبت مع واحد صاحبي Cerato معرفش EX باين, مش ديه أول فئة ؟

المهم شغل التكييف في مشوار طويل بتاع ساعة كده, وعلى طريق مش زحمة يعني طريق سالك ومع ذلك التكييف تبريده كان ضعيف جدا مع إن درجة التبريد كانت عالآخر, بس التكييف كان يادوب كاسر سخونة الجو وماكانش مبرد خالص.

ده تجربتي مع تكييف ال Cerato

وشكرا عالموضوع الهايل والمحايد.

**NoRmAl** · 19-06-2010 11:09 PM

المشاركة الأصلية كتبت بواسطة raul_7

أنا بصراحة ركبت مع واحد صاحبي cerato معرفش ex باين, مش ديه أول فئة ؟

المهم شغل التكييف في مشوار طويل بتاع ساعة كده, وعلى طريق مش زحمة يعني طريق سالك ومع ذلك التكييف تبريده كان ضعيف جدا مع إن درجة التبريد كانت عالآخر, بس التكييف كان يادوب كاسر سخونة الجو وماكانش مبرد خالص.

ده تجربتي مع تكييف ال cerato

وشكرا عالموضوع الهايل والمحايد.

غريبه يا راؤل أنه كان مشغله على الاخر أنا عايز أقولك أنا لو هتسلق مش هجيبه على 4 لأنه هيبقى مزعج جدا جدا
على أى حال أنا راضى عن التكيف جدا ولسه عامل مشوار للهرم رايح جى فى عز الشمس عامله على 2 وسقعان
قله يكشف عليه بردو
والعفو يا باشا نورتنى
ومبروك على البروتون

**Raul_7** · 20-06-2010 01:09 AM

المشاركة الأصلية كتبت بواسطة normal

غريبه يا راؤل أنه كان مشغله على الاخر أنا عايز أقولك أنا لو هتسلق مش هجيبه على 4 لأنه هيبقى مزعج جدا جدا
على أى حال أنا راضى عن التكيف جدا ولسه عامل مشوار للهرم رايح جى فى عز الشمس عامله على 2 وسقعان
قله يكشف عليه بردو
والعفو يا باشا نورتنى
ومبروك على البروتون

الله يبارك فيك يا معلم, بس أنا مبتكلمش على درجة المروحة أنا بأتكلم على درجة التبريد...يعني التبريد كان عالآخر بس أنا كنت قاعد...مش هاقول حران...بس في نفس الوقت مش سقعان.

**SheNo0o** · 27-06-2010 05:07 PM

بجد تقرير اكتر من رائع وفعلا فيه مجمل كل حاجه في العربيه بحياديه تامه
وفعلا اكتر حاجه بتارقني في العربيه ومزعلاني البنزين مش عارف ومش مستوعب هو استهلاكه حلو بس بالنسبه لي انا حرام علياه يفرق معايا بقيت بحطلها بنزين 90 يا راجل بس هو في العادي بالنسبه لاي حد تاني يعتبر ازيد من المعدل الطبيعي
هنجامل اكتر حاجه مزعلاني وخلاص :d

**aljurjani** · 28-06-2010 08:32 PM

قرأت هذا الموضوع الرائع اليوم فقط.. كاتبه عقلية نقدية لا تتكرر كثيرا في منتدى كهذا ومصادرته على التعليقات المجانية في محلها تماماً.

**as_samman** · 02-07-2010 09:54 PM

المشاركة الأصلية كتبت بواسطة morasystem

بص يا باشا ... الأول هنصفر عداد الtrip ... دور العربية ... سخنها لمدة 30 ثانية زى ما الكتاب ما قال ... هتلاقى متوسط الاستهلاك بقى 13.8 لتر فى ال 100 كيلو و لسة مطلعناش .... بعد كدة اطلع على المحور هتلاقى المعدل عمال يقل يقل يقل لحد ما هيوصل على أخر المحور ل 9.2 لتر فى ال 100 كيلو هنبدأ ندخل فى الزحمة و المعدل ممكن يزيد لحد 9.8 لتر فى ال 100 كيلو ... هنرجع تانى على اكتوبر و المعدل هيبدأ يقل تانى لأننا على الرابع دلوقتى و لمسافة طويلة بسرعة عالية ... فى النهاية بعد ما هنوصل هتلاقى المعدل حوالى 9.5 لتر فى ال100 كيلو ... ده بالنسبة للاستخدام الشبابى للناس اللى بتحب تحرق و كدة

لو هنحرص قوى و نقرط أوى و بعد كل نقلة نرفع رجلنا من على دواسة البنزين علشان العربية تنقل للغيار الأعلى يبقى ممكن نعمل المشوار كله رايح راجع بمتوسط استهلاك حوالى 9 لتر فى 100 كيلو و هو حاجة قياسية جدا جدا جدا بالنسبة لموتور 1600 سى سى داخل شوارع القاهرة

و الحكم فى النهاية للمشوار ككل ... هو أخر قراية لمتوسط الاستهلاك بعد ما تنزل من العربية لأن الكمبيوتر بتاع العربية بيحسب اوتوماتيك معدل الاستهلاك فى كل كيلو العربية بتمشيه و يجمعهم على بعض أولا بأول إنما القراية بتاع العداد مش قراية لحظية

شكراً جزيلاً على الرد
و اسف على تأخري في توجيه الشكر لك

**zezo_22** · 03-07-2010 03:05 AM

تقرير تحفه يانورمال باشا واسمحلي اقول ملاحظه صغيره العربيه بصراحه تحفه ودا الي خلاني عاوز اجيبها تاني بعد ما بعتها مع العلم اني ركبت بعدها تويوتا 2010 (ياباني) بس بجد كنت مرتاح في السيراتو اكتر كتيييير بس قبل ما ابعها كنت بسمع صوت تزيق خفيف في العفشه(جنط 15) ولمبة الارباج نورت فجأة بس عموما العربيه مميزات العربيه أكتر كتير من عيوبها واسف ع الاطاله

**NoRmAl** · 03-07-2010 01:45 PM

المشاركة الأصلية كتبت بواسطة sheno0o

بجد تقرير اكتر من رائع وفعلا فيه مجمل كل حاجه في العربيه بحياديه تامه
وفعلا اكتر حاجه بتارقني في العربيه ومزعلاني البنزين مش عارف ومش مستوعب هو استهلاكه حلو بس بالنسبه لي انا حرام علياه يفرق معايا بقيت بحطلها بنزين 90 يا راجل بس هو في العادي بالنسبه لاي حد تاني يعتبر ازيد من المعدل الطبيعي
هنجامل اكتر حاجه مزعلاني وخلاص :d

ألف شكر يا باشا وفعلا البنزين أسوأ عيوبها

المشاركة الأصلية كتبت بواسطة aljurjani

قرأت هذا الموضوع الرائع اليوم فقط.. كاتبه عقلية نقدية لا تتكرر كثيرا في منتدى كهذا ومصادرته على التعليقات المجانية في محلها تماماً.

شكرا يا باشا على الكلام الكبير دا :))

المشاركة الأصلية كتبت بواسطة zezo_22

تقرير تحفه يانورمال باشا واسمحلي اقول ملاحظه صغيره العربيه بصراحه تحفه ودا الي خلاني عاوز اجيبها تاني بعد ما بعتها مع العلم اني ركبت بعدها تويوتا 2010 (ياباني) بس بجد كنت مرتاح في السيراتو اكتر كتيييير بس قبل ما ابعها كنت بسمع صوت تزيق خفيف في العفشه(جنط 15) ولمبة الارباج نورت فجأة بس عموما العربيه مميزات العربيه أكتر كتير من عيوبها واسف ع الاطاله

شكرا يا زيزو
وعايزين تقرير عن السول أو الكوب بقى إن شاء الله