الموضوع: نار الحر مع الm11 ... موجود في التقرير الكامل

اسف علي عدم التواجد لليومين اللي فاتوا علشان كان عندي مشاكل في الشغل .... و سبحان الله كنت في ابو رواش .... بس في مخازن TEData مش في ابو الفتوح لاحسن تصدقوا اني شغال فيه ولا حاجة


بقولها اخيرا ...انا و الحمد لله Senior IT ENG في تي داتا مش شغال في ابو الفتوح


المهم نرد علي الاعزاء

المشاركة الأصلية كتبت بواسطة emad7759

ياحبيب قلبى ياغالى احنا من سعات ملعربيات جبنها واحنا بنقول ان فيه مشاكل فى الكهرباء والبور

وحجات كتير احنا اكلانتا عتها

ومنها التكيف


يعنى فيه ناس عندهم التكيف ده بيشتغل مع نفسه وناس تانيه التكيف فصل خالص


فايريت تروح ليهم وزى منتا قلت كده اطلع ابو ابوهم


لان ياباشا كده التكيف بدء يهبل معاك


وبعدين عمليه العربيه برده او سخنه ملاهاش اىدعوه


انا عن نفسى بدور العربيه على التكييف يعنى عندى التكييف مابفصلوش خالص فى الصيف

وعمره ماعمل اى شىء


الفرنا اللى الكل بيبقول عليها مش عارف ايه ولله العطيم المسمار منها بكل انواع الاسبرنزا كلها


عندى من 2006 التكيف لم يتم فصله الا كل شتاء فقط وبرده العربيه تدور التكييف يشتغل على طول طالما المتور دار


فانتا ياهيما روح ليهم وخليم يكشفو عليه


وربنا يستر ويكون خير

ابو عماد يا جامد ..... والله يا اخويا التكييف مش قالل ادبه خالص ... علي النقيض تماما ده بجد بضطر اوطيه علشان تقريبا انا عظمتي كبرت و مبقتش استحمل زي زمان .....

بالنسبة للصوت بقي مختفي تماما الا وانا راجع من الشغل بس بقي خفيف تماما .......

عندي احساس ان السير بتاعة محتاج شدة فقط لا غير بس بالرغم من اني رحت وانا مروح مرة لابوغالي كالعادة و قلتلهم ... بس برضه قلتلهم طول ماهو شغال انا مش هعمله ... و قلتلهم باللفظ والله انا هخليه و مش متضرر بس لو اتحرق كدة كدة في ضماني اللي هوه 3 سنين ... و الراجل مشكورا قالي "الله ينور عليك .. و علي فكرة طنابيريك وصلت و هنركبها السبت ان شاء الله لو شرفتنا " ده كان بعد مقلتله اني هاحجز صيانة لتربيط العفشة


التكييف فله بس الصوت كان الدبرياش بتاعه مش مقروص عليه ..... و علي فكرة كنت رايح ابو رواش مع زميلي و هوه راكب فورد وكس ما شاء الله ..... و برضه تكييفه مش هادي زي مكان قبل الحر الغريب ده فواضح ان الجو فعلا مأثر علي السيور او حاجة مش اكتر .....


بشغل التكييف صباحا و بقرص لحد 6 RPM و ولا الهوا و بالليل برضه ... هيه ساعتين الزروة بس ....


و الحمد لله انا مش من الي بيصابوا بالوسوسة و عارف بحكم عملي ان تغيير الاجزاء او الاجهزة مش بناءا علي رغبة العميل انما لو فعلا في داعي ... و الحمد لله مفيش حتي الان داعي......




الغريب ان الطنابير اللي لسة طالبينها جت و الشكمان لا :) ......

المهم هبقي ازود علي التقييم بعد التغيير ان شاء الله

المشاركة الأصلية كتبت بواسطة augast

انا كنت عايز استفسر
فى ناس قالولى انت كده هتتعب الماتور علشان ار بى ام 2 و 2.5
قالولى لاذم تدوش شويه انا اقول مرة املك سيارة زيرو
وبعدين انا كان عندى سفر كمان اسبوعين
اعمل ايه ناس قالولى متعديش المية وريح كل ساعة ومتشغلش التكييف (رزلة دى اوى)
وبالنسبة قولتلهم ادورها كل يوم لمدة ربع ساعة على الواقف ناس وافقة وناس لأ
بأذن الله هروح ارخص يوم الاربع الصبح علشان عندى امتحان بكرة
وعايز اعرف اعمل ايه علشان احافظ على النعمة ديه(انا مبمشيش كتيير)

الف مبروك و ربنا يكرمك بخيرها و يحرسك من شرها ....

بالنسبة لسؤالك .... شغل التكييف عادي و اجري عادي بس المهم متقرصش علي المتور اكتر من 3 rpm بالكتير علشان الزيت مش بتاع كدة ..... و تطبيع اجزاء المتور.....انما غير كده عيش حياتك ان شاء الله حتي تمشي علي الحيطة .


اول بقي مينزل زيتها و يتحط الجديد و تكون طبعت في التمام بعد ال 1000.... عيششششش حياتك طول و عرض ...... انا تقريبا علي طول علي 5 او 6 rpm

انا بطلع الصبح من الحرفيين الساعة 6 و نص ... بكون في الدقي خلال بالكتير قوي من 20 الي 25 دقيقة .... بس خد بالك ان ده اكيد علي حساب البنزين و فلوسك ...... لان السرعة مبتكونش ثابتة و بتدوس فرامل كتير و ده بيهدر بنزين .... انما روحت النهاردة علي rpm 2 و نص كان استهلاك البنزين بمتوسط 6 ونص لكل 100 كيلو ....

الطبيعي بتاع الحرق و بسبب الزحمة في المروح بيكون 13 لكل 100.... يعني الضعف ...

ف علشان خاطر حبيبة بنتي قررت اخف اللعب شوية و اضغط علي نفسي و اكبر علي طريقة السواقة و اتحول الي راجل عجوز .....

و كدة كدة الحمد لله العظمة مبقتش صغيرة :)

ربنا يدينا و اياكم الصحة اجمعين

المشاركة الأصلية كتبت بواسطة augast

هيما باشا
انا استلمت العربية النهاردة (الحمد لله بعد ما كفرونى )
العربية اخدتها من غير ما ابوص على اى حاجة كان عندى مشكلة كبيرة ولازم امشى بسرعة
استلمت العربية وانت عارف الجو واقعدو يقولولى متشغلش التكييف و بتاع
انا اخت العربية وهى باردة (الماتور اما العربية من جوة كانت نار) ورحت مشغل التكيف وعليت المروحة على الاخر
فجأه حسيت انى بتبستر من نار وغليان الى تلج رحت مهدى المروحة شوية
على فكرة انا كنت بنقل على ار بى ام 2 والسرعة القصوى كانت 80 على الرابع وهديت بعديها لانى خفت على الماتور
اما العربية حدث ولا حرج انا سقت كتير وقليل اما ديه ليها رهبا خاصة كدة اكنى لسة بتعلم السواقة
فى البداية صوت الماتور كان عالى شوية يادوب مشيت سخنت كله بقا تمام

وانشاء الله هعمل تقرير على العربية بس اخلص امتحانات
وعلى فكرة انا احب اشكرك على صدقك فى هذة العربية فى تقريرك المبدع (اللى اكد فكرة ال m عندى)

اخجلتم تواضعي .... و لو تكرر الزمن مش هعمل غير اللي عملته و والله العظيم ما حاسس ب ولا شعرة ندم ... و كان خيار في غاية التوفيق من الله ليا علي الاقل و الحمد لله


ربنا يديمها نعمة علي الجميع و يعين زوي المشاكل و يكرمهم بالخير كله ان شاء الله و احنا معاهم برضه .... ولا ايه؟؟؟؟؟