الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

يا جماعة كفاية كلام عن امريكا انا تعبت اوووووووووووووووووووووووو ووووى
خلينا فى المحروسة وجمالها ياناس طالما ان مفيش امل فى الخروج

والله الواحد مش عاوز حاجة لنفسه بجد لمصلحة العيال

أكل نضيف و صحي
تربية حقيقية و تعليم متطور
رعاية صحية جيدة
عدل و مساواة
حــــــــــــــــرية

والله ما عاوز أكتر من كده وبجد المال و الثروة مش مهمين المهم دول

أما غير العيال بقه أنا كل اللي بيحبه في مصر , حاجات بسيطة ممكن أخدها معايا

أبويا وأمي ممكن أنزلهم أجازات أو هما يجولي أو أخدهم معايا اساسا

هواء اسكندرية موجود في كل المدن الساحلية نفس الهواء اللي شميته في برشلونة

محمد منير ممكن أخده على الهارد ديسك معايا في أي حته

المنتدى ممكن اوصله من أي حته

شيشة خليل مأمون قلب استانلس , ليها جراب وممكن أسافر بيها


يعني كل الحاجات الحلوة ممكن أخدها معايا , يبقى خلاص بقه !

المشاركة الأصلية كتبت بواسطة dr.almaghraby

لا علي فكرة الجديد شكله حلو و صغير كدا

طب ده خبر هايل ممكن يخليني أغير رأيي وارفض التنازل عن الجنسية !!!!!!!

المشاركة الأصلية كتبت بواسطة factorialx

الموضوع قلب تريقه !!

على العموم بكره أحلى و أحسن و افضل
لأن مش ممكن يكون في البلد الحراك ده و مافيش حاجه تتحسن

و منهم لله اللي خلوا الناس تفكر كده منهم لله واحد واحد

للأسف بكرة مش أحسن

سوء أخلاق المصريين راجع للزحمة مش للفقر
بما إن الدولة معملتش خطة شاملة للنمو السكاني -زي الهند والصين و البرازيل- ولا تزال تعطي تصارح بناء داخل المدن الكبرى وعمارات بإرتفاعات داخل زقايق يبقى الزحمة حتكتر و الأخلاق حتقل اكتر و أكتر

وبالنسبة للشرطة فبما إن العدد حيزيد فحيزيد البطش علشان لو مثلا قسم المنتزة بيأمن نص مليون بني أدم و تحولوا فجاة لاتنين مليون بني أدم يبقى لا يمكن السيطرة إلا بالقوة والإرهاب ,أو تسيب الناس تخلص مع بعضها

فأحب أقولك للأسف بكرة أسود من النهاردة ,وحتى لو تم التغيير فالفساد وصل للنخاع و لا يمكن استئصاله في المجتمع


عليه العوض