تعمل إيه لو طلبوا منك تتنازل عن الجنسية المصرية علشان تتجنس ؟

**Lion_Heart** · 26-06-2010 01:26 PM

[/quote]

المشاركة الأصلية كتبت بواسطة dr.almaghraby

الموضوع دا بقا ماساوي و يجيب اكتئاب بصراحة.....

السطور و الكلمات تتساقط منها شلالات المرارة

**Lion_Heart** · 26-06-2010 01:27 PM

[/quote]

المشاركة الأصلية كتبت بواسطة dr.almaghraby

الموضوع دا بقا ماساوي و يجيب اكتئاب بصراحة.....

السطور و الكلمات تتساقط منها المرارة و الحسرة و اليأس
و حسبنا الله و نعم الوكيل

**Ahmed Samy** · 26-06-2010 01:57 PM

المشاركة الأصلية كتبت بواسطة dr.almaghraby

الموضوع دا بقا ماساوي و يجيب اكتئاب بصراحة.....

وهو ده الصح اللي لازم تعيشه

انا في فترة ما بعد الجامعة ماكنتش مندمج قوي في الحياة اللي حواليا

عارف الدنيا رايحة فين و جاية منين و البلد زفت بس قولت لنفسي انا غير ...انا هابقى كويس

و بعدين جربت افتح الصندوق و اقر ا و اسمع

اكتأبت

و قفلت الصندوق و عشت سنتين طراوة (عن عمد)

لاقيت الصندوق بيفتح في وشي عند كل تعامل حكومي أيام ترخيص العيادة بالذات و استلام شغلي في الجامعة

اكتشفت ان أكبر غلطة انك تغمض لأنك هاتلاقي اللي يفتحلك عينك غصب عنك بس ماتعرفش هاتفتح على ايه

اللي متابع كويس يعرف يقينا اننا نعيش في دولة منهارة بشكل كامل

و اللي عايز يزين الحقيقة او يجملها او مايصدق

هايفتح عينه يوما ما

بس غصب عنه

مجرد قراءة المصري اليوم و الدستور ومتابعة واحد من الناس و المسلماني

بيخلوني كتير

أعيط

و الله كتير بعيط على حال الناس اللي هم أهلي

و القهر اللي حاطط على الناس

وبيبقى نفسي اعمل حاجة بس مافيش حاجة تتعمل

الاقيني (زي العيل الصغير) عايز اجري من هنا اول ما اشوف بنتي بتمشي قدامي و ساندة على الكنبة

اتخيلها في يوم مكان بنت ولا ولد من اللي في التليفيزيون (و ده ممكن على فكرة)

بيجيلي رعب

بخاف

و بامسك في الهجرة و الجنسية التانية أكتر

و بتتمسح من ضميري معاني الوطن و الانتماء

لأن الصور دي بتهدد احتياجي الأول

الأمان

لازم تشوف الصورة بألوانها

اوعى تغمض

**M.almaghraby** · 26-06-2010 02:23 PM

فعلا مصر دولة منهارة من جميع النواحي

انا مش عارف ولا فاهم البلد دي ماشية ازاي لحد دلوقتي...

**Ahmed Samy** · 26-06-2010 02:25 PM

ماشية علشان احنا طيبين و ساكتين

اليونان لما عملت خطة تقشف علشان عندها مشاكل

الناس نزلت الشوارع و بهدلوا الدنيا

مع انهم غلطانين

بس شوف حنا بقى

الوجه الأخر من العملة

**Ghamrawy** · 26-06-2010 03:15 PM

اكيد فعلا البلد منهارة بشكل كامل فى كل النواحى
اخلاق
اقتصاد
تعليم
صحة
سياسة
لما انزل علشان اقضى مصلحة و يطلع عينى رشاوى و عطلة و قلة ادب من الموظفين و تشوف ناس مصالحها متعطلة ستات و رجالة كبار فى السن و البؤس علم علامة ازلية على و شوشهم من كتر الذل و القرف اللى شايفينه من ساعة ما يفتحوا عينهم لغاية لما يناموا و تلاقيهم بيتمنوا انها تكون النومة الاخيرة علشان يرتاحوا
و فوق كل ده ترجع البيت تلاقى المياه مقطوعة و بصفة يومية و الكهربا بعدها
تمشى فى الشارع عربيتك تتكسر
تمشى على الرصيف رجليك تتكسر
تفتح الجرايد المحايدة تلاقى اخبار زى الزفت و واقع اسود مش باينله صلاح
يبقى ايه فاضل ؟؟؟
احنا كده ما ينفعش نسمى مصر بالبلد لانها ما فيهاش اى مقومات تخليها بلد
و لا ينفع تبقى دولة لانها برضه ما فيهاش مقومات الدولة
دولة يعنى حكومة و محكومين
احنا ما عندناش حكومة للاسف احنا عندنا اسياد و ارباب
و ما عندناش محكومين
لاننا للاسف بقينا من كتر القرق و الذل و عدم الشعور بالاطمئنان و اليأس اقل من مستوى العبيد ايام الرق و الجاهلية

تبقى دى "مكان" ينفع للعيشة ؟؟
اشك

**ashouhdy** · 26-06-2010 03:22 PM

المشاركة الأصلية كتبت بواسطة factorialx

يا جماعه تفائلوا بالخير تجدوه و بالله عليكوا بقى بطلعوا نغمة الزياده السكانية دي البلد فيها خير يكفينا و زياده

بعدين مصر كبيره و بشوية تخطيط عمراني و مشاريع تنموية + خطه عاجله لنقل سكان العشوائيات و تعويضهم من صندوق وطني تكافلي يبقى المشكله دي إتحلت خالص

و الله البلد ده عايزه الجمـــــــــــــــــــــ ـــــــــــــــــــــــــ ــــــــــــــود يخلص

و يجي واحد عنده رؤية و بيحب البلد بس

هو ده اللي عايزينه

اليابان كثافتهم السكانية أكبر مننا بمراحل كوريا و سنغافوره برضه

و الله العظيم في ظرف 5 سنين لو الاساتذه اللي في الجامعة حطوا برامج تطوير في كل المجالات
البلد حالها هيتغير

بس بدون محسوبية و خطط أمنية في التعيين

هي دي المشكله فقر و محسوبية و رشاوي و جمود و دكتاتورية = مجتمع فاسد

البلد دي عايزه التغييير و لما يجي التغييير مره و إتنين و البلد حالها ما يتصلحش يبقى فعلا عليه العوض يا مصر

الأصلاح عشان يتم محتاج 33 سنة بالضبط يعنى نبتدى من النهاردة عشان سنة 2043 اولادنا لما يكبروا او اولاد اولاد البعض منا يبتدوا يحسوا بالتغيير.

ع فكرة اللى حسبوا 33سنة دة الشخص المنتظر انة ينتخب عشان يرشح نفسة و عدة أساتذة جامعة.

لكن المشكلة الكبرى فى رأيى الشخصى ان فى نسبة مخيفة بتزيد .... قصاد كل واحد متعلم صح و على اخلاق فى 10 صيع بلطجية بيطلعوا بمعنى انك لو ماشى فى الشارع حتلاقى واحد نضيف و 9 صيع والمخيف ان تكون مع مراتك اختك اولادك و ينابك كلمة او غمزة او او ماهو مفيش اخلاق بقى ولا تربية

حاول تبص حواليك حتعرف قصدى كويس كفاية سواقين الميكروباص و الصياعة اللى فيهم مفيش حد بيسلم منهم
و الحاجة المخيفة اكتر ان العشوائيات بتنمو ذى السرطان و تدخل ع المناطق اللى فيها ذوى التعليم و الاخلاق المرتفعة وبكدة بيحصل صدام .... انت المتعلم مش حتقبل ان يكون فى نفس شارعك عيال بتشرب بيسة و لا بتضرب سرنجات ع حمب ... او واقفين تحت بيتك بيهذروا بأوسخ الألفاظ ماهو بنتك حتكبر و مراتك قاعدة سامعة و ابنك حيخالطهم ... ولو اعترضت مش حتسلم من المشاكل كل شوية فى الخارجة و الرايحة

حييجى اللى يقولى ماهو مش ذنبهم دة ذنب الدولة اللى موفرتش مساكن و تعليم و صحة وكيييت كييييت كييت ع فكرة اة الدولة مسئولة بس بنسبة مش كبيرة ... الناس دى اساسا معندهمش رغبة يبقوا نضاف هما مبسوطيين كدة.

الحاجة التانية ان مفيش خوف من المسائلة القضائية يعنى انا مثلا حجزت شقة استلمت شقة فى دور تانى و تشطيب مش المتفق علية ولما اعترضت وقلت مش دافع اقساط جاللى انذار من المحكمة و لما رحت اتخانقت لقيت العالم دى نسخة من العالم اللى كنت بتكلم عنهم مدير بلطجى مشغل بلطجية فاضيين بقى كل 5 دقايق يروحوا يتبلوا عليك و كل 5 دقايق يرفعوا عليك قواضى و اللذى منهم وانا مش فاضلهم انا راجل دكتور ورايا شغلى لو حافضلهم يوم مش حفضى عشرة يبقى اقبل بالامر الواقع يأما مش حاخد حاجة قضية من دى و جرى المحاميين يبقى قابلنى

دلوقتى عرفت لية لما جيت أقسط العربية و الشقة قاللولى مش بنقسط لضباظ او وكلاء نيابة لأن دول اللى حيعرفوا ياخدوا حقهم صح

فالأصلاح مش عايز أسكان ومش عايز صرف و و و و الاصلاح يبدأ من الأخلاق لو صلحت الأخلاق صلحت البلد وللأسف مينفعش تصلح اخلاق شاب عندة 20 سنة او راجل عندة 40 سنة عشان كدة الواحد يحامى ع اولادة من دلوقتى لأن احنا عايزين جيل جديد نضيف اخلاقة عالية متربى بعيد عن الغوغاء دول

أنا مع عزل الصفوة (المتعلمين) مع عزل الصفوة (ذوى الأخلاق) فى مدن جديدة بأسوار و أمن و حراسة بعيد عن الصيع و البلطجية دول اللى مستنيين فرصة بنغشوا فى لحمك و عرضك و تعبم و مالك

يعزلونا احنا عشان احنا بقينا أقلية و هما الغوغاء الأكثرية هى دى أكبر مشكلة بتواجة مصر حاليا أكبر من الفساد كمان

عشان اطفال الشوارع اللى رموهم من 20 سنة دلوقتى كبروا و بقوا بلطجية و مرتزقة و فتيات ليل (بالحجاب) و عصابات و داخليين عليهم .... للأسف احنا بنحصد اخطائهم و هما اتحصنوا فى القصور و البودى جاردز.

وييجى تعامل الأمن معاهم مرة يصيب و عشرة يخطأ و ييجى فى ناس شريفة ماهو دة نتيجة اختلاط الحابل بالنابل و كلة ع بعضة وهى فوضى فعلا.

لو الشرطة متعاملتش حيدخولو بيتك و بيتى وياكلوك حى ولو اتعاملت فى وسط السيطرة ع الغوغاء بتيجى رجل ناس شريفة ونثور نحن الأقلية الشريفة عشانهم يبقى الحل هو فى العزل افصل دول عن دول مينفعش واحد متعلم ع اخلاق وعندة اسرة و بيت و اطفال يعيش وسط بلطجية و حشيش و قوادين حيتاكل ولما يتاكل حينفجر و يموت

وبعدين جايين تقولوا البلد عايزة 5 سنين وتبقى فل

خلاص اللى باظ باظ و مينفعش يتصلح احنا عايزين جيل جديد نظيف يبدأ من الاول لما جيل الوساخة و السرقة والبلطجة والفساد يموت و يندثر

رجمتك يارب بينا

**abou_ruqi** · 26-06-2010 08:47 PM

بعد ما تم تحرير فرنسا من الإحتلال الألماني وطبعا كلنا عارفين إن فرنسا اتسحلت في الحرب العالمية
شارل ديجول كان في اجتماع مع مجلس الوزراء وكانوا بيحكولوا الموقف وبيقولوله :إن الفساد أصبح في كل مكان في فرنسا

سأل ديجول: هل الفساد وصل للجامعة ؟؟
قالولوا : لا

قال لهم : يبقى فرنسا بخير
طالما الفساد ما وصلش للتعليم يبقى حنعرف نبني فرنسا تاني

حادث اخر في اثناء الحرب بس في انجلترا لما امين شرطه وقف سيارة ونستون تشرشل رئيس الوزراء واداله تكت علشان السواق خالف قواعد المرور
راح تشرشل بعدها اجتماع حرب هام وقالهم انجلترا ستنتصر , لإن الدولة اللي عسكري المرور يوقف رئيس الدولة و يديله غرامة ربنا لازم ينصرها

إنما إحنا ولله الحمد الفساد في الجامعات للركب و مفيش مساواة وفي محاباة لأصحاب النفوذ

يبقى لازم ربنا ينتقم من الدولة الظالمة ولو كانت مؤمنة وينصر دولة العدل ولو كانت كافرة

مش دي قاعدة دينية مؤمنين بيها كمسلمين ؟؟؟

**AhmedGen2** · 26-06-2010 09:27 PM

الفكرة مش فى ان البلد تقوم أو لا ، أصل كدة كدة هتقوم ، وسيلعن التاريخ تلك الحقبة من الزمن فى تاريخ مصر.

إنما الوقت .... مصر عشان تقوم محتاجة عقود وأجيال ، هى البلد هتقوم تانى آه ، بس حلنى بقى لسه بدرى يعنى مش هتصحى بعد سنة مثلا تلاقى مصر حتة من اوروبا.

زى مانا متأكد إن مصر هييجى يوم وتتغير ، زى مانا متأكد إن جيلى لن يحظى بمميزات هذا التغيير.

كل واحد يساهم فى التغيير بالشكل اللى يناسبه ويناسب حريته.

الناس اللى عايزة تسقط الجنسية وانا منهم لهم كامل الحق والحرية ولا يعيبهم ذلك فى شىء.

أنا فاكر الفيديو بتاع البروفيسور اليهودى لما كان بيتكلم عن المقاومة ، قالك من حق الناس انها تعيش! People want to live ، ازاى تنكر على الناس حقها انها تعيش؟ ، وذكر عدة أمثلة فى الحرب العالمية لما الفرنساويين اختاروا الخضوع للألمان لأنهم عايزين يعيشوا ، المقاومة كانت عديمة النفع ، فى كل 400 مقاوم كان بيصاب واحد أو اتنين ، فالناس اختارت تعيش ، مفيش مشكلة فى كدة.

إنما التاريخ هيذكر اللى اختار انه يعيش ولا اللى اختار انه يقاوم؟ أكيد اللى اختار انه يقاوم.

إنما دة لا ينكر على الناس حقها انها تعيش.

فاللى عايز يسقط الجنسية ويسيب البلد ويمشى دة حقه ، واللى عايز يقعد يقاوم ويسعى للتغيير حقه.

-

مشاهدة نتائج الإستطلاع: ممكن تتنازل عن الجنسية المصري نظير الحصول على الجنسية اللي بتحلم بيها ؟

الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

متنااااااااازل عن الجنسية المصرية

الكلمات الدلالية لهذا الموضوع

المفضلات

المفضلات

ضوابط المشاركة