تعمل إيه لو طلبوا منك تتنازل عن الجنسية المصرية علشان تتجنس ؟

**M.Osama** · 24-06-2010 01:47 PM

متناااااااااااااااازل وفداهيه

**x512** · 24-06-2010 02:18 PM

و هو عشان احنا معندناش الحاجات دي نقوم بدل ما نصلحها نسيبها و نمشي!!!

هو ده الحل النهائي الساحق و الماحق للمشكلة

و لا حل فردي مؤقت ؟!!!

و الله انا ممكن اكون مخطئ و حضرتك صح....بس قولي انت الحل ايه...الفساد بيزيد يوم عن يوم و الناس حاجه من 3 يا اما بيسايرو الوضع الحالي( يعني مظبطين نفسهم بالمعارف و العلاقات و الوسايط و الرشاوي) و دول اغلبيه يا اما ناس معترضه و بياخدو فوق دماغهم و دول قليلين...يا اما ناس مش عايشه معانا اصلا و كل همها الاكل و لقمه العيش و دول معذورين الصراحه

**أحمد كمال** · 24-06-2010 02:26 PM

المشاركة الأصلية كتبت بواسطة ralliart

مش هنا يعملولك الكمين زي المصيده ،والله واحد صاحبي اتشتم بالاب والام علشان كان ماشي مخالف ومكانش فيه يافطه وهو من محافظه تانيه! ولما اعترض على الشتيمه الظابط قاله لو كنت سكت كنت خدت منك 50 جنيه بس علشان اتكلمت تعالى عالقسم ودفع المخالفه وسحب العربيه وبهدله

تخيل لو صاحبك امريكي

هيرد يقول له أولا انا مش مصري انا امريكي

و ثانيا @#$^&*&%^#$ أبوك و @#$%#$#@$#$% أمك و #@$@$@#$^%$^$^$%^ اللي مشغلينهم هما و اللي خلفوهم

و وريني نفسك بقى !!!!!!!!1

**MASERATI** · 24-06-2010 02:34 PM

السلام عليكم ورحمة الله وبركاته

آآآآآآآآآآآآآآآآآآآآآآآه

ياما بحلم بيك يا أزرق يا مجننى

مازيراتى

**factorialx** · 24-06-2010 02:38 PM

هما الامريكان لما كانوا في حروب أهليه سابوها و مشيوا
لما حصل اللgreat depression سابوها و مشيوا

الماليزين لما كانوا من 30 سنه دولة زراعية متخلفه سابوها و مشيوا !
الفرنسيين بعد الثورة و البلد كانت ضايعه سابوها و مشيوا !
الألمان بعد الحرب العالمية لما البلد إتسوت بالارض حرفيا سابوها مشيوا !
الكوريين لما كانت بلدهم فيها مجاعات في الخمسينات سابوها مشيوا و لا حققوا المعجزة الإقتصادية !

لييه الإنهزامية الفظيعه دي عمرنا ما هنتقدم كده عمرنا

و ياريت نحافظ على كلماتنا

بلاش في داهية
مع 60 سلامه و الكلام الكبير ده

**abou_ruqi** · 24-06-2010 03:03 PM

محدش فينا عاوز يسيب البلد علشان فقيرة , احنا عاوزين نمشي من الفساد والظلم
لبلد فيها خير وعدل

**Dr Zezo** · 24-06-2010 03:31 PM

المشاركة الأصلية كتبت بواسطة x512

و هو عشان احنا معندناش الحاجات دي نقوم بدل ما نصلحها نسيبها و نمشي!!!

هو ده الحل النهائي الساحق و الماحق للمشكلة

و لا حل فردي مؤقت ؟!!!

و الله انا ممكن اكون مخطئ و حضرتك صح....بس قولي انت الحل ايه...الفساد بيزيد يوم عن يوم و الناس حاجه من 3 يا اما بيسايرو الوضع الحالي( يعني مظبطين نفسهم بالمعارف و العلاقات و الوسايط و الرشاوي) و دول اغلبيه يا اما ناس معترضه و بياخدو فوق دماغهم و دول قليلين...يا اما ناس مش عايشه معانا اصلا و كل همها الاكل و لقمه العيش و دول معذورين الصراحه

مفيش طرف مخطئ و طرف صح

الرأي القائل بأنك تسافر تهاجر تحسن مستواك الاجتماعي و تحافظ علي صحتك الجسدية و النفسية و لو امكن تأخد جنسية مع الاحتفاظ بجنسيتك الام صح مفيش فيه مشكلة

تطلع مشروع جدا طالما وجدت القدرة علي تحقيقه

الرأي القائل انك تخليك في بلدك تحاول علي قدر المستطاع قدر جهدك انك تعمل فرق و تغير و لو جزئيا الناس اللي حواليك

برضه سليم

بس الفرق

الاول حل فردي و مؤقت

الثاني حل نهائي جماعي

و زي ما حضرتك تفضلت و اشرت بأن الدول اللي تحب تعيش فيها دول متميزة بسلوك افرادها

فده مش صفة جينية فيهم دي عادات مكتسبة و ممارسات يتم التعود عليها جيلا بعد اخر

و بما ان هذه الشعوب من ضمن مميزاتهم التي نتحدث عنها هي الايجابية

فكيف نطمح الي العيش وسطهم و نحن لا نتخلق بأخلاقهم التي تعجبنا ؟!

الوضع القائم لن يستمر طويلا بل له نهاية

اين و متي الله اعلم

لكن ما اعلمه جيدا ان المصريين الذين بنوا الحضارة الفرعونية و بهروا العالم كله بحضارتهم قديما و حديثا

هم الذين هدموا الدولة الفرعونية و شتتوا اركانها و نزعوا الفرعون من علي عرشه - نتيجة ظلمه و فساده بعد حوالي 60 سنة حكم - و لم تقم بعدها للدولة الفرعونية قائمة ..

**SENNI55** · 24-06-2010 03:46 PM

متنازل و تغور بزبالتها. حسبى اللة و نعم الوكيل

**Ahmed Samy** · 24-06-2010 05:50 PM

المشاركة الأصلية كتبت بواسطة abou_ruqi

أولا : إيه اللي جاب سيرة الخليج ؟ أنا قلت دول الخليج ؟؟؟ أنا كاتب " البلد اللي بتحلم بيها" أي بلد إن شاء الله الإسكيمو , أنا ما قارنت الجنسية المصرية بجنسية معينة ,أنا بتكلم عن أي بلد شايفها أنت حلم !!
واللي أنت شايفهم زبالة هم حلم حياة نسبة كبيرة من المصريين إنهم يشتغلوا عندهم

ثانيا : ما قلته عن الآية الكريمة هو سبب ا لنزول , إنما الآية تطبق على المستضعفين في كل مكان وزمان ودي عظمة القرآن , إنه مش حكاوي تاريخية إنما تشريع يصلح للبشر في أي زمان

ثالثا: أنت ليه بتسألني أسألة و ترد عليها أنت ؟؟؟ ما تديني فرصه أرد !!

هل أنت قادر على إقامة دينك في مصر ..... لا
هل أنت آمن على نفسك في مصر ..... لا
هل هتقارن مكة أيام الجاهلية بكل ما كان يحدث للمسلمين من تنكيل و تعذيب بمصر دلوقتي ! أيوة طبعا ؟؟

إحنا أنيل من كل دول , ودي وجهة نظري

كنت هاكتب تقريبا المشاركة دي

المشاركة الأصلية كتبت بواسطة factorialx

يبقى محدش يتكلم عن الخليج أنه جنه

الخليج مش جنة

بس احسن من هنا
ولو اني عمري ما هافكر اعتبه ولا احط رقبتي تحت ايد حد

بس هو للأسف ...احسن من هنا

المشاركة الأصلية كتبت بواسطة factorialx

يعني أنتوا بتحاولوا ليه " تبرروا " سبب ترككم الإفتراضي للجنسية المصرية
بالدين
أو الأخلاق
أو الظلم
أو الحالة الإقتصادية

نبرر !!

حضرتك اللي شغال في النقاش على خط ان كل البلاد وحشة برضه

يعني عايز تقول ان العالم وحش زي مصر !!!

انت بتحاول فين بس الله يكرمك

ده المرار بقى يحرق القلب

المشاركة الأصلية كتبت بواسطة factorialx

من الآخر مش مصر الوحشه اللي حكموها من 60 سنه هما اللي عملوا فيها كده

مش السبب هو الفرق

انا تعبان من النتيجة
هي بقى إحنا أو اللي حكموها و لا اللي فكوها

الواقع هو المشكلة

المشاركة الأصلية كتبت بواسطة factorialx

و أنا عمري ما هفكر مجرد الفكره إني أتخلى عن كشكولي الاخضر

و الله انا أحييك على شجاعتك و قدرتك على التحمل
ربنا يقوييك

-

مشاهدة نتائج الإستطلاع: ممكن تتنازل عن الجنسية المصري نظير الحصول على الجنسية اللي بتحلم بيها ؟

الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

LinkBack

أدوات الموضوع

عرض

-

-

-

-

المواضيع المتشابهه

متنااااااااازل عن الجنسية المصرية

الكلمات الدلالية لهذا الموضوع

المفضلات

المفضلات

ضوابط المشاركة