الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة factorialx

ما إنت عايز إيه من موظف بياخد في الشهر 300 جنيه ما طبيعي لازم ياخد رشوه
عايز إيه من ثقافة الميري
عايز إيه من ثقافة عدم العمل و الكسل ان فاتك الميري اتمرمغ في ترابه
ما ده نتاج طبيعي للحزب الإشتراكي و فساده لمصر تعيين بمحسوبية و تعيين الأكفأ في الإنتماء للحزب مش الأكفأ علميا و إنتاجيا

مش عشان مصر وحشه هو يعني إحنا مكتوب علينا كده

بس بجد الكلام ده كله نقدر نصلحه في عقد من الزمان

البلد مليانه فلوس
أنا بالنسبه ليا بندفع ملايين ملاييين في الكورة بالنسبه لبلد نامي
الأهلي على الزمالك يروحوا في داهية المهم البلد
هو كده أرغام المستثمرين على الإستثمار في منشئات البنية التحتية

البلد بتستورد ب 300 مليون جنيه سنويا أكل كلاب و قطط ( رغم إني واحد من اللي بشتري الكلام ده )
بس برضه إيه الهبل ده ممنوع إستيراد الأكل ده خالص
300 مليون جنيه تروح توجه لتنمية الصعيد فورا

الساحل و شرم و الغردقه و كل ده لبلد مرفهه مش بلد 40% من سكانها تحت خط الفقر ( مستعد أتخلى عن فورمة الساحل )
تايستو جي مصر يعمل إيه الناس دي بتفكر إزاي بيونيسه و إكون و الهبل ده كله
ملايين بتندفع محدش بيستفاد منها من المعدمين


مثلا بنك الإئتمان الزراعي في الدقي تكلف بناءه 150 مليون جنيه ببذخ بالغ لييه
مع إحترامي ده بنك فلاحيين عاديين فيها إيه لو إتعمل بتشطيبات عادية
ليه يعني 150 مليون

و بعدين عايزين يبيعوه طيب ما كان من الأول
150 مليون كانت هتروح في الهوا
.... الصفقه ما تمتش لأن وزارة الاوقاف أثبتت مليكتها للارض !!

حد عارف مشروع ابو طرطور بتاع الفوسفات 2.1 مليار جنيه تمت إهدارها فيه بسبب سوء التخطيط و الإداره
2.1 مليار !!!!!!!!!!!!!!

توشكى و ما أدراك ما تشكى و إحنا صغيرين تيجي قطعة الإنجليزي عن توشكى
موضوع التعبير عن توشكى

"عايزنها تبقى خاضرة الأرض اللي في الصحره "

فشل ثم فشل ثم فشل

مش عايزين نتكلم كلام عام

مصر الدولة الوحيده في المنطقه اللي عندها مقومات الدوله
من 7000 سنه مصر بنفس حدودها
مصر في تجانس ديموغرافي و عرقي مش موجود في أي بلد
يعني المسحيين و المسلمين من عرق واحد
و لا إحنا دولة قبلية كل عيله فيها ليها ولاء للقبيله
و إحنا عندنا من أول أستاذ الجامعة للفلاح في الأرض

بلاد تانية ما تلاقيش فيهم سباك ( ماله السباك مش شغلانه حلال ) بس يعتمدوا على جنسيات تانية في المهن دي
طيب شوف نسبة الهنود في دول الخليج

دي نقطة ظالمة مصر ليها مقومات الدولة من 7000 سنة لغاية دلوقتي
على الاقل أنا ضامن مستقبل لمصر

في بلاد تانية عارفه إنها إلى زوال


التغيييير ثم التغييير و كفاية جمووود بقى

التغيير هو الحل

المانية هتلر 45 ما كنتش مكان للعيشه
اليابان هيروشيما و ناجازاكي ما كنوش مكان للعيشه
كوريا 54 ما كنتش مكان للعيشه
الصين ماوتسي تونج ماكنتش مكان للعيشه
إيطالية موسوليني و الفاشية ما كنتش مكان للعيشه
أسبانيا فرانكو ماكنتش مكان للعيشه
الأرجنتين و دكتاتورية العسكر وصل فيها الظلم مداه ماكنتش مكان للعيش

و مع ذلك كل البلاد دي بعد ما قامت فيها إنتخابات حره مستقله قامت تاني

انا معاك تماما فى موضوع التغيير ده
بس على فكرة التغيير فى مصر عمره ما حايكون بسبب انتخابات حرة مستقلة
لان ده ما حصلش فى مصر من اكتر من ستيين سنة
التغيير فى مصر حايكون بسبب ثورة و لا اعتقد انها حاتكون سلمية للاسف
و لكن هل تجد فرق بين الدول التى ذكرتها بالاعلى و بين حال مصر دلوقتى ؟؟
عن نفسى لا
مش شايف بصراحة

بالنسبة للجزء التانى
مصر مش بنفس حدودها من 7000 سنة
حضرتك نسيت السودان و لا ايه ؟؟
السودان اللى كانت مصرية فى يوم من الايام
السودان اللى فيها منابع النيل
السودان اللى رحنا اشترينا فيها ارض علشان نزرع
السودان اللى بنجيب منها لحوم

حضرتك عارف مين كان السباك و الميكانيكى و الخدامة و حارس العقار (مع احترامى لعمل و لشخص كل الناس دى) ؟؟
عارف مين ؟؟
كانوا الايطاليين و الارمن و اليونانيين و السودانيين
و الكلام ده مش من بعيد
الكلام ده ممكن يكون والدك او جدك شافوا بعينه و عاصره
يعنى كانت الناس دى بتسيب بلادها و تييجى تشتغل عندنا علشان فلوسنا


معلومة تانية
الحكومة المصرية مالهاش يد و لا حكم على سيناء و لا على شعب سيناء لانه معروف انتمائهم لمين
و شرحه بالنسبة للحدود الغربية
يعنى اللى عايشين فى اقصى الغرب و اقصى الشرق بيدخلوا و يطلعوا من مصر من غير علم الحكومة
بيتاجروا فى اشياء الحكومة لا تعلم عنها اى شيئ و بدون جمارك و لا اى رسوم
سواء كانت اثار مخدرات ملابس اسلحة مواد غذائية

اى دولة التى لا تستطيع ان تعرف ما يجرى على ارضها ؟؟
اى دولة لا يوجد لها مستقبل واضح و لا خطة تسعى لتحقيقها ؟

المستقبل مظلم من ناحية ابسط و اهم مقوم للحياه و هو المياه
المستقبل مظلم سياسيا لدرجة تصيب بالعمى بسبب عدم وجود بصيص ضوء واحد

اما عن الكورة و كاس العالم و تياستو و بيونسيه و كل المصاريف ديه للاسف مالهاش لزمة اقتصاديا و لكن ليها لزمة كبيرة جدا سياسيا

و اخيرا عمر ما كان صغر المرتب مبرر للرشوة
لان لو فيه حكومة او دولة من الاساس الناس دى ما كنتش حاتتوظف بالكم ده و العدد ده فى مكان واحد
و عمر ما كان الناس حايسكنوا على 5 % من الساحة و ال 95% فاضية

و اخيرا البلد تتلخص فى الاتى

الحكومة هى رئيس الدولة
الدولة هى الجيش و الشرطة
و الباقى مع احترامى عبارة عن غثاء السيل
يعنى كثرة من غير لزمة

يعنى لا وجود للجمهورية من الاساس

والجمهورية مشتقة من الجماهير
و الجماهير هى الشعب
و الشعب مالوش مكان و لا حساب و لا خاطر فى الوقت الحالى


الاخ ashoudy
متفق معاك جدا فى موضوع الكائنات المسعورة الطليقة فى الشوارع
لابد لنا من حل و حل عنيف قبل فوات الاوان و ازدياد تلك الفئة الضالة من البشر

بمناسبة الرشوة....

في الصين لما اكتشفوا مسئول خد رشوة تم إعدامه

عرفتوا الفرق ؟

لازم اللي بيغلط يتحاسبببببببببببب

المشاركة الأصلية كتبت بواسطة m.osman

بمناسبة الرشوة....

في الصين لما اكتشفوا مسئول خد رشوة تم إعدامه

عرفتوا الفرق ؟

لازم اللي بيغلط يتحاسبببببببببببب

حضرتك فكرتنى بكلام عادل امام فى مسرحية شاهد ماشفش حاجة لما قال لو كل واحد ساكن تحت منه ..... يعزل يبقى البلد كلها هتنام فى الشارع.
عموما هل فى حد قرأ كتاب أحمد زويل عصر العلم و شاف عرضة لدول تركيا وماليزيا و الهند و ايرلندا و انتفاضتهم لتغيير أحوال بلدهم
كان عندهم هدف و المتمسك بالهدف كان رأس الدولة و استفاض بحديثة عن مهاتير محمد و رؤساء الدول التى كانت عندها رغبة لتبنى بلدهاوزرع هذا الهدف فى نفوس شعوبهم
الله يرحمك الف رحمة يا محمد على باشا
حد فاهم حاجة

هناك فرق بين الوطنيه والجنسيه- الجنسيه ورق ممكن تقطعه زى الباسبور - الوطنيه والانتماء انك تظل على حبك وانتمائك لبلدك

لو الجنسيه التانيه حتحسن ظروفى اهلا وسهلا- طظ فى الباسبور- لكن لو الجنسيه التانيه تطلب انى اشتغل ضد بلدى - لا فى داهيه

لان البلد التانيه مش هبل وحيفهموا ان اللى يبيع مره يبيع على طول ومهما عمل حيظل فى نظرهم خائن ومواطن درجه عاشره ممكن يترمى فى اى موقف- واسالوا الجزائرين اللى رجعوا مع الفرنسوين بعد استقلال الجزائر او الهنود اللى رجعوا مع الانجليز حتلاقى دايما وبعد كل السنين دى انهم بيتبص لهم على انهم درجه تانيه او تالته
لكن اللى بيتجنس بطريق شرعى ويقدم علم وعمل للبلد الجديد بس مش على حساب بلده القديم بيحترم ويتقدر وبتفهم انه صاحب مبادئ وله هويه
كتير من الامريكان بيفتخروا باصولهم القديمه من غير احساس بانهم خونه للقديم او الجديد
الباسبور المصرى تابع للحكومه المصريه المهترئه اما حب مصر فتابع لمن ولد وكبر على ارضها- لو شفتم اللبنانين ايام الحرب الاهليه - وواحد منهم بيقول لى وانا راجع مصر - كنا فى انجلترا- يبختك لك بلد ترجع له- هتفهم معنى واهمية ان يكون لك وطن وجذور