الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة terrible_darsh

خالتى لما حبت تدخل اولادها الجامعة هنا لاقت ان الجنسية ليها فائدة .

بس بصراحة مهما الواحد سافر و عاش فى ازهى و ارقى بلاد العالم لازم هيرجع مصر يقعد فيها شوية .

و مش المواطن المصرى بس , لا ده اى حد فى الدنيا لازم لازم يرجع بلده يشوف الناس اللى كان بيشوفها زمان و يشوف الشوارع اللى مشي فيها و اصحابه القدامى و و و و و و ألــــــــــخ .

و بعدها لما ياخد قسط من الذكريات يرجع لبلده التانية حبيبته , فالجنسية المصرية لما ترجع هيبقي ليها فوائد اياكش تكون بنسبة 1 % .

اسمحلي يادرش

هو خالت حضرتك بقى كانت واخدة جنسية تانية ليه و هي ناوية تعلم عيالها في الخرابات اللي اسنها جامعات حكومة !!!

اول ميزة في الجنسية التانية هي فرصة التعلم في جامعات بجد

اما انك تتمشى في الشوارع و تشوف اصحابك القدامى .........فده مش محتاج جنسية مصرية

المشاركة الأصلية كتبت بواسطة alaa_dash

انا شايف ان الخسارة الاولى و الكبرى ان الابناء هيتربوا في محيط غير اسلامي ...
و اذا كان المهاجر هيحافظ عليهم و يعلمهم هويتهم فهل يضمن انهم يعملوا كده مع اولادهم ؟!!
فكرة ان احتمال (مجرد احتمال ) ان ذرية تفقد انتمائها و بالتالي دينها حتى و لو في الجيل الثالث
فكرة مرعبة جدا ... و هيبقى المهاجر مشارك فيها و شايل ذنبهم ..
الدين شيء جوهري و اساسي و اغلى من كل و اي شيء..
انا شايف انه فيها قدر من الانانية اني الواحد يدور على راحته و استقراره و ما يفكرش في احفاده..اعمل اللي عليا على الاقل
اللي بيتربى في بيئة معينة بيتأثر بيها ..مش بمزاجه ...حتى لو كان لايفعل مثلهم ..
فالي بيحصل حواليه هيبقى شيء غير مستنكر ..هيبقى عاادي يعني .. و ديه البداية ..
لو مهاجر طلب مني نصيحة ... هقوله سيب اولادك هنا في مصر ...يتعلموا و يكبروا و يدرسوا
هنا .. و لما يوصلوا لمرجلة النضج ..يسافروا اذا عايزين .. و يوصيهم يربوا ولادهم هنا برضه...

اولا ........مش هاتشيل ورز حد

ولو هاتشيل بقى

هم احفادي في مصر هاطلعوا ايه يعني (علشان هما في مصر)

المجتكع المصري يحض على الفساد و السرقة و قلة الأدب و اللي بيربي عياله هو اللي بيربيهم

أما لو كان اختزال الإسلام في الاختلاط و خلع الحجاب (وهي أشهر عيوب الغرب بالنسبة لينا) بهناك من القيم الغربية التي يحض عليها الإسلام في المعاملات و العمل ما تفقده مصر 100 %

لا المجتمع ده بيدي دين ولا هناك بيدي دين

الدين في قلب الأهل

انما في حاجات تانية بتبقى عايزها من المجتمع حواليك ...

من الأخر أنا عايز عيالي و أحفادي يكونوا أحرار

حتى لما بنتي تتحجب في بلد اجنبي ابقى عارف انها متحجبه علشان مؤمنة بكده

مش يحجبها مجتمع غصب عنها أو هي تتحجب علشان الناس في مصر ( وهي كل أملها تقلعه زي بنات كتير)

الدين اللي في القلب موجود في أي حتة

الدين اللي بالشبه ده

قلته أحسن

مين قال محيط غير اسلامي ؟؟ ما كل واحد ينام على البلد اللي تريحه !!!
أنت عندك بعد ديني لا تغفله , يبقى ما تهاجرش إلا لبلد إسلامي علشان متتعبش

اصل الهجرة غالبا بتبقى شمالا..او على الاطراف...ما حدش بيهاجر على الاجناب :)
و انا مش بناقش الهجرة ..انا قلت اسباب لرفض اسقاط الجنسية ...لو الهجرة للدول ديه ...

اولا ........مش هاتشيل وزر حد
ولو هاتشيل بقى
هم احفادي في مصر هاطلعوا ايه يعني (علشان هما في مصر)
المجتمع المصري يحض على الفساد و السرقة و قلة الأدب و اللي بيربي عياله هو اللي بيربيهم

الفساد و السرقة و قلة الادب vs التحرر ولا قيود لكسر (كل) القيود ..مين اللي يكسب ؟
+اللي بيربي العيال مش حضرتك بس ....لا ده المدرسة و الاصحاب و الشارع ...و دول هنا على عيوبهم محدش هيصورله الانحلال على انه شيء عادي و لا حد هيفهمه انه مفيش حاجة اسمها قيود على اشياء معينة ..كله مباح يا فنان .... و هو لو رفض اخبار اولاده ايه ؟
و ارجع اقول و افترض و بيحصل ..الجيل الاول هيبقى تمام .. و اللي بعده ؟ و اللي بعده ؟
يا دكتور احمد التجربة سيئة جدا في الموضوع ده بالذات ...

لا المجتمع ده بيدي دين ولا هناك بيدي دين

لو افترضنا ان المجتمع هنا ما بيديش دين ...بس هناك بيدي لا دين...مفيش مقدس..مفيش خط احمر..

مش يحجبها مجتمع غصب عنها أو هي تتحجب علشان الناس في مصر ( وهي كل أملها تقلعه زي بنات كتير)

هوه مين ده اللي يقدر يغصب على بنت انها تتحجب !! يورينا نفسه كده :))
اعتقد اننا في النقطة ديه وصلنا لمرحلة نظرة محترمة للبنت الغير محجبة ..ما يتهيأليش انه حد بيقربلها..فما عادش حد بيتحجب خوفا من ارهاب المجتمع ..قليل الكلام ده اوي :)
اخيرا عشان ابو رقية ما يتهمناش بزعزعة استقرار الموضوع ...
عايزك تتخيل معايا كده اتوافق لك على الهجرة لكندا و رحت و اخدت الجنسية و ولادك معاك طبعا
و قدمت طلب اسقاط الجنسية و جم ولادك مصر عشان كندا اصدرت قانون منع الحجاب في المدارس و يستقروا هنا لقوا انهم مايقدروش يقيموا في مصر اصلا لعدم انطباق الشروط ..شفت انت هتبقى ظلمتهم ازاي بإسقاط الجنسية:)
و رجعوا تاني كندا مضطرين ...و تعايشوا مع الوضع(ده مثال واحد)

غمض عينيك و اطلع لقدام 60 او 70 سنة ...و قولي شايفهم ازاي :))

المشاركة الأصلية كتبت بواسطة alaa_dash

الفساد و السرقة و قلة الادب vs التحرر ولا قيود لكسر (كل) القيود ..مين اللي يكسب ؟
+اللي بيربي العيال مش حضرتك بس ....لا ده المدرسة و الاصحاب و الشارع ...و دول هنا على عيوبهم محدش هيصورله الانحلال على انه شيء عادي و لا حد هيفهمه انه مفيش حاجة اسمها قيود على اشياء معينة ..كله مباح يا فنان .... و هو لو رفض اخبار اولاده ايه ؟
و ارجع اقول و افترض و بيحصل ..الجيل الاول هيبقى تمام .. و اللي بعده ؟ و اللي بعده ؟
يا دكتور احمد التجربة سيئة جدا في الموضوع ده بالذات ...

لو افترضنا ان المجتمع هنا ما بيديش دين ...بس هناك بيدي لا دين...مفيش مقدس..مفيش خط احمر..

هوه مين ده اللي يقدر يغصب على بنت انها تتحجب !! يورينا نفسه كده :))
اعتقد اننا في النقطة ديه وصلنا لمرحلة نظرة محترمة للبنت الغير محجبة ..ما يتهيأليش انه حد بيقربلها..فما عادش حد بيتحجب خوفا من ارهاب المجتمع ..قليل الكلام ده اوي :)
اخيرا عشان ابو رقية ما يتهمناش بزعزعة استقرار الموضوع ...
عايزك تتخيل معايا كده اتوافق لك على الهجرة لكندا و رحت و اخدت الجنسية و ولادك معاك طبعا
و قدمت طلب اسقاط الجنسية و جم ولادك مصر عشان كندا اصدرت قانون منع الحجاب في المدارس و يستقروا هنا لقوا انهم مايقدروش يقيموا في مصر اصلا لعدم انطباق الشروط ..شفت انت هتبقى ظلمتهم ازاي بإسقاط الجنسية:)
و رجعوا تاني كندا مضطرين ...و تعايشوا مع الوضع(ده مثال واحد)

غمض عينيك و اطلع لقدام 60 او 70 سنة ...و قولي شايفهم ازاي :))

طيب كده انا معاك في النقطة الأخيرة دي :b4_611:

يعني ممكن نقول نخليها من باب الاحتياط !!

طيب كده انا معاك في النقطة الأخيرة دي
يعني ممكن نقول نخليها من باب الاحتياط !!

ههههههههههههههه سبير يعني...
الخطوة الجاية الغاء فكرة الهجرة ان شاء الله :)))
ربنا ييسرلك الخير يا دكتور ... و انا كمان :)

لما تبقي جنسية اساسا ابقي اتنازل عنها دي اسمها اللعنة المصرية
كفاية عدم معاملتي كبني ادم جوا بلدي و خارج بلدي البلاد الي مفروض مشتركين في دين واحد و دم و احد بيدوسو علينا فما بالك بالبلاد الغريبة
انهي جنسية دي الي تجيب لصاحبها العار ؟؟!!!
انهي جنسية دي الي الاجنبي ياخد فيها حقة اكتر من ابن البلد ؟
انهي جنسية الي الطبقة الي واخدة حقها فيها هي طبقة "الراقصات" و الفنانات و الذي منة؟

مع السلامة جنسيتي المصرية مع اول فرصة
احمد حلمي جابها من الاخر
" الباسبور الاجنبي بيجيب هوا حلو "
اعيش برة كمواطن له احترامة و لما احب ازور اهلي ابقي اجي كاجنبي