الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة Ahmed Nouh

أيوة يا جماعة الإنتماء بالجنسية , مين قال انه من غير جنسية

هو لو واحد مصرى بس مولود فى انجلترا وبيحبها بتقول عليه انجليزى ؟ , ولا لو واحد سعودى بس مولود فى مصر بتقول انه مصرى ؟

انت عاوز تقولي ان المصريين اللي في مصر لحد أدم عليه السلام مصريين خالصين ؟؟ اهي مصر بالذات اضمنلك ان كلها اعراق و اجناس لأنها بلد مهجر من ايام الفراعنه !

لا طبعا الإنتماء بالجنسية , بتحب بلد معينة اه بس مازالت الجنسية هى الشارة الموضحة لوطنك الأساسى إلا إذا كان الواحد رحالة بقا وملوش بلد أصلا

دي حاجه مستحدثه في العالم اساسا ووهم كبير ! قولي من 400 سنه كانت قيمه جنسيتك ايه ! كنت تلم عزالك و تروح علي اي بلد و تعيش فيها زي الباشا ! لا جنسيه ولا جوازات ولا عشان انت مصري مش مسموحلك تدخل 99% من بلاد العالم ألا بتأشيره !!!

واخد حقك وبنى أدم ليك حقوق اكتر من اللى معاه الجنسية بس على الأرض دى انت برده غريب وضيعت مع الجنسية كل سنين عمرك وكل ذكرياتك اللى عملتها هنا واللى مستحيل لو فى أجمل مكان فى العالم تقدر تعمل نصها تانى

طيب و المصريين اللي اتولدو برا مصر و عاشو اغلب حياتهم برا مصر ! حيضيع منهم ايه ؟؟ انا شخصيا حاله منهم !!

مكان الدفن مهم طبعا , ومش كل أرض ربنا زى بعضها

بالمبدأ ده كان لما حد يموت نروح نحفرله جنب الرصيف وخلاص بقا ونقول عليه ما هو كلها ارض الله

اكيد لما اتدفن فى وسط مسلمين موحدين عارفين ربنا وعبدوه فى حياتهم أحسن ما أتدفن فى وسط ناس نصهم كان عايش مش معترف بوجود ربنا أصلا , زى بالظبط لما أعيش فى وسط ناس بتوحد ربنا أحسن ما أعيش فى بلد الإسلام بالنسبة لهم موضوع مثير للشكوك

انت حتتحاسب بأعمالك انت و اللي انت عملته ولا حتتحاسب علي اللي مدفونين جنبك عملوه !

كمان مننساش ان جنسيتك دى هى طريقة حياتك وعاداتك وشخصيتك اللى إتكونت فى البيئة دى , سواء كانت فى التعامل او فى إدارة بيتك وأهل بيتك أو فى كل أوجه الحياة اليومية , اتنازلت عن جنسيتك وخدت جنسية جديده يبقى أنت بقيت جزء من الشعب التانى بشكله بعاداته بحياته واللى كتير منها ميناسبناش , فيها حاجات بنحلم بيها من أحترام ومواعيد وخلافه بس اللى مش عايزينه منها ميتسكتش عليه

طيب ايه المشكله ! ورقه و اتغيرت ! انت شخصيا و عاداتك و تقاليدك و دينك ! ايه اللي اتغير معاه في الورقه دي ؟؟

الظروف صعبه اه وبتضغط علينا بس أرجوكم بلاش تنسينا اننا ولاد البلد دى , متداس علينا وشايفين الذل وانا اول واحد فيكم عايز أسافر بس أبقى عارف انى أيام وهرجع لما الحال يتصلح مش أروح أغير جنسيتى وأنسى أنا كنت منين أصلا ويوم ما أرجع أدفع إقامة

بالظبط زى ما يكون عندك شقه تمليك , بس انت بيعتها لواحد وبقيت قاعد فى الشقه إيجار

هى دى شقتك اللى قضيت فيها عمرك كله بس هى مبقتش بتاعتك خلاص انت مجرد ضيف فيها

Homesickness - Wikipedia, the free encyclopedia