الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة PRO-DRIVE

انت عاوز تقولي ان المصريين اللي في مصر لحد أدم عليه السلام مصريين خالصين ؟؟ اهي مصر بالذات اضمنلك ان كلها اعراق و اجناس لأنها بلد مهجر من ايام الفراعنه !

مفيش شعب خالص الانتماء , ده ملوش علاقه باللى انا كاتبه اساسا !!

انا بتكلم عن حد فقد رمز من رموز انتماءه مش حصر سلاسه من البشر فى مكان محدد


دي حاجه مستحدثه في العالم اساسا ووهم كبير ! قولي من 400 سنه كانت قيمه جنسيتك ايه ! كنت تلم عزالك و تروح علي اي بلد و تعيش فيها زي الباشا ! لا جنسيه ولا جوازات ولا عشان انت مصري مش مسموحلك تدخل 99% من بلاد العالم ألا بتأشيره !!!

من 400 سنه كان كل حاجه مختلفه , احنا ليه بنقارن نفسنا بزمان طالما هو راح بكل ما فيه

ما زمان مصر كانت حلوه معنى كدا ان دلوقتى العيشه فيها كويسه استنادا على ما كان ؟ , ابدا الوضع اتغير وشكل العالم اتغير والقوانين خلقت قيود جديدة واتجاهات مختلفه حولت الانتماء القارى الى انتماء لأوطان

بدل ما كنا بنقول شبه الجزيره العربيه وافريقيا واوروبا والصين , بقت كل حته من دول شويه دول

وعلى الوضع الحالى بتكلم عن الجنسيه , مش مسموح لى ادخل بلاد معينه بجنسيتى دى احد عيوبها المنيله اللى اكيد محدش ينكرها لكن كل العيوب اللى انا معترف بيها دى لا تعنى اطلاقا الرغبه الشديدة للتخلى عن الجنسية

الحكايه عامله زى ما يكون الواحد بيشيل اسم ابوه من اسمه لمجرد ان ابوه مش حنين زى ابو صاحبه , وراح كتب نفسه بأسم ابو صاحبه علشان بيتهم اهدى من بيته

طيب و المصريين اللي اتولدو برا مصر و عاشو اغلب حياتهم برا مصر ! حيضيع منهم ايه ؟؟ انا شخصيا حاله منهم !!

ضاع منك كتير , متعرفوش ومش هتحس بيه بس مقارنه مع حد اتربى فى مصر صدقنى هتعرف ان ضاع منك كتير , زى ما انت بالظبط عملت وجربت وشوفت حاجات انا معملتهاش وضاعت منى

انت حتتحاسب بأعمالك انت و اللي انت عملته ولا حتتحاسب علي اللي مدفونين جنبك عملوه !

انا مقولتش كدا ومش ده قصدى , بلاش نمسك على الكلمه يا جماعة لبعض

التعبير مجازى وانا مقولتش ندفن فى مصر علشان ندخل الجنه !!! , بتعيش فى مكان زى ما بتموت فيه ولا انت عايش علشان هتدخل الجنه من هنا اقرب ولا انت بتموت هنا علشان هنا مش هيتحاسب

انت بتعيش وتدفن مكان ما تحس انك من الارض دى , ايه عمرها ما حصلت ان حد سمع عن شخص بيطلب يتدفن جنب اهله او فى الحته الفلانيه , هو عارف ان مفيش استفادة بس هو اختار ده مسواه الاخير اعتزازا بيه

طيب ايه المشكله ! ورقه و اتغيرت ! انت شخصيا و عاداتك و تقاليدك و دينك ! ايه اللي اتغير معاه في الورقه دي ؟؟


Homesickness - Wikipedia, the free encyclopedia

لا مش ورقه ابدا , انت بتعيش بنظام المكان اللى انت فيه والا تبقى شاذ وخارج عن القاعده ونظره الناس ليك تختلف

انا اختى وعائلتها عايشين فى انجلترا واسلوب حياتك هناك كعربى مسلم غير مقبول من فئه كبيره من الناس مع انك مبتدخلش فى حياة حد وبتمارس حياتك عادى , محدش يحاول بس يقنع نفسه انه هيعيش حر طليق باللى جايبه معاه من بلده من طباع واسلوب حياه فى مكان يرفض كتير من المظاهر دى

بس هما يوافقو وانا اتنازل وارميها
دة لو طلبوا منى فلوس هدفع
ابدلها وادفع فرق
دة لو ابدلها بمروحة هتبقى افيد